☉ Galdakao
[Argazkiak] Galdakaho azokak omenaldia egin dio Lola Casas idazleari
Abenduaren 16an Galdakaho azokaren inaugurazio ekitaldi ofiziala gauzatu zen. Abenduaren 21era arte egongo da zabalik Muguru kalean.
Abenduaren 16an 18:00etan Galdakaho ahoz ahoko azokaren inaugurazio ekitaldi ofiziala gauzatu zen. Arkaitz Estiballes bertsolariak, Asier Muniategi Euskadiko Liburu Azoken koordinatzaileak, Lola Casas idazle eta irakasle kataluniarrak eta Galdakaoko Udaleko ordezkariek hasiera eman zioten Galdakaho azokari.
Ekitaldian omenaldia egin zioten Casasi. Izan ere, Roald Dahl idazle galestarrarekin harreman oso estua izan zuen -Dahlen ondarea aurtengo erakusketan dago ikusgai-. Era berean, honakoak aurkeztu zituzten: Euskararen Egunean Bengoetxe, Elexalde eta Eguzkibegi eskolako ikasleek antzeztu zuten flashmoba, ‘Galdakaho, ahoz ahoko azoka’ abestia (Ane Legarreta, June Agirre), eta ‘Charlie eta txokolatezko lantegia’ abestia Maximo Moreno Musika Eskolako ikasleek kantatuta. Ekitaldia amaitzeko, Galdakaoko Ostalaritza Eskolak egindako gozoak banatu zituzten.
Duela 57 urte, 1967ko irailean, aitzindari izan ziren Galdakaoko zenbait emakume: herriko emakumeen lehen futbol taldea sortu zuten, Gorantza Futbol Taldea.
Gaur, ia sei hamarkada ostean, omenaldia egin diete Galdakaoko Udalak eta Galdakao Futbol Klubak Santa Barbara futbol zelaian.
Honakoak izango dira omenduak: Eguzkiñe Loroño, Pili Moreno, Blanqui Goiri, Emili Suarez, Amaia Garay, Eguzkiñe Garay, Rosario Etxabe, Maribel Saratxaga, Marieli Aurtenetxe, Maria Angeles Yarritu, Henar Yarritu, Maria Jesus Urgoiti, Belen Urgoiti, Virginia Gonzalez Ramos, Mari Carmen Alvarez eta Maria Pilar Torres jokalariak, Miguel Caballero entrenatzailea, eta Koldo Tutor eta Arturo Maza laguntzaileak.
Omenaldia eta gero, Galdakao Futbol Taldeko eta Athleticeko jokalari ohiek partida jokatu dute.
Petanka adinekoentzat soilik dela gezurtatu dute Galdakaoko jaietan. Atzo kuadrillen arteko Petanka Txapelketa antolatu zuten Zuhatzun eta 36 kuadrillak hartu zuten parte, gehienak gazteez osatutakoak. Santi Vincente Euskadiko Petanka Federazioko lehendakariordearekin eta atzoko irabazleekin berba egin genuen: Dekantzekoz kuadrillako Unairekin (txapeldunak) eta Antzeko kuadrillako Ainararekin eta Endikarekin (bigarrenak).
Petanka txapelketa izan da gaur Galdakaoko jaietan. Guztira 36 kuadrillak hartu dute parte eta aurten irabazle izan da Dekantzekoz, bigarren sailkatu da Antzeko eta hirugarren Mussularik Gabe.
☉ Galdakao
Argazkiak / Oheak ajea pasatzeko bakarrik ez, lasterketak egiteko ere erabiltzen dituzte Galdakaon!
Atzo hasi ziren aurtengo Santakurtzak, eta gogotsu ekion zioten jaiari galdakaoztarrek. Gaur, bigarren egun honetan, oheak kalera atera dituzte, errepidera, eta ohe lasterketak irudi dibertagarri bezain ikusgarriak utzi dizkigu.
Atzo hasi ziren Galdakaoko jaiak eta bertan izan ginen GEURIAko kazetariok. Kuadrillen desfilea bitartean inkesta egin genuen gazteekin: Zein kuadrillak irabaziko du aurtengo santakurtzetarako sortu berri duten Limoi Saria? Eta zeinek kenduko dio txapeldunaren lekua Patxikuri?
Argazkiak / Galdakaoko Gorantza Futbol Taldeko emakume aitzindariei omenaldia
Santa Isabel, Axarte eta Lepanto kaleak asfaltatzera 740.000 euro bideratuko ditu Arrigorriagak
Arrigorriagak herriko bidegorria hobetu eta birmoldatzeko lanak hasi ditu irailean
Argazkiak / Galdakaoko Gorantza Futbol Taldeko emakume aitzindariei omenaldia
Argazkiak / Dekantzekoz kuadrillak irabazi du Galdakaoko jaietako Petanka txapelketa
