Martxoak 8 dituen honetan, Emakumeen Nazioarteko Egunean, Romualda Zuloaga Artetxe panderojolea omendu dute Galdakaon, bere herrian. Hain zuzen, Urreta auzoko plazari bere izena jarri diote eta gaur bertan inauguratu dute.
Zuloaga euskal folklorearen figura garrantzitsua izan zen: euskaraz abesten zuen eta Mariano Barrenechea albokariarekin batera, ezagutzen den albokako lehenengo diskoa grabatu zuen 1967an. Era berean, nazioarteko lehiaketa askotan parte hartu zuen. Andra Mari Dantza Taldearen hasierako partaidea eta kide garrantzistua ere izan zen Zuloaga.
