Sareak

☉ Arrigorriaga

[PROGRAMA] 85 ekintza antolatu dituzte Arrigorriagako Madalenak jaietan

Uztailaren 21etik 25era bitartean ospatuko dira Arrigorriagako jaiak. Kontzertuak, lehiaketak, bertso bazkaria eta kale antzerkia prestatu dituzte

|

arrigorriaga madalenak jaiak gastronomia lehiaketa 2015

Uztailaren 21etik 25era bitartean ospatuko dira Arrigorriagako jaiak. Musika kontzertuez gain, lehiaketa gastronomikoak, bertso bazkaria, kale antzerkia, Bizkaiko Foru Aldundiaren Bost eta Erdiko Txapelketa, herri kirolak eta umeentzako jarduerak prestatu dituzte. Guztira, 85 ekintza antolatu ditu Jai Batzordeak.

Madalenak 2016 – Programa

Uztailak 21, osteguna

19:30 Elkarretaratzea udaletxe plazan

20:00 Txupinazoa Madalen Emakume Taldearen eskutik (20. urteurrena)

20:00 LI Saskibaloi txapelketa triangularra udal kiroldegian

20:00 Mahai-futbol txapelketa Ibai tabernan

20:15 Buruhandiak

20:30 Txosnen irekiera

22:00 Akelarrea txosnetan

23:00 Erromeria udaletxeko plazan: Laiotz

01:00 Karaokea txosnetan

Uztailak 22, ostirala

10:00 Diana era kalejira Izalde trikitilariekin

10:00-12:00 Mistela eta madalena banaketa

11:00 Meza nagusia

12:00 III. Pizza jaurtiketa Odol emaileen plazan

12:30 Barakaldoko Udal Musika Bandaren kontzertua udaletxeko plazan

13:00 Kantatuaz taldea herrian zehar

13:30 Txakolina eta olibak udaletxe zaharreko arkupeetan

14:00 Oliba-hezur jaurtiketa

15:00 Bertso bazkaria Joan XXIII plazan: Maialen Lujanbio eta Andoni Egaña

18:00 Elektro-txaranga herrian zehar: Fritanga

18:00 Idi probak Urgoiti pasealekuan

18:00-19:30 Emakumeen Padel txapelketako finalak udal kiroldegian

19:00 Buruhandiak pergolan

19:00 Ku-klux fanfarrea herrian zehar

19:15 Kale antzerkia udaletxeko plazan: Santi Ugalde eta Maribel Salas

19:30-21:00 Gizonezkoen Padel txapelketako finalak udal kiroldegian

20:00 Bizkaiko Foru Aldundiaren Bost eta Erdiko txapelketa kiroldegiko frontoian: Agirre-Imaz vs Laso-Ladis Galarza // Elezkano II-Urrutikoetxea vs Berasaluze II-Untoria

20:00 Kalejira udal kiroldegitik: Aritz Berri Dantza Taldea

20:30 XXVIII. Folklore Jaialdia udal kiroldegiko kantxa urdinean: Irlanda, Brasil eta Galdakao

23:00 Kontzertuak txosnetan: Fetitxe + Eraso + Kobra

23:00 Dantzaldia udaletxeko plazan: Vulkano Show

Uztailak 23, larunbata

10:00 Diana eta kalejira

11:00-14:00 Xake partida azkarren taldekako txapelketa eta Haur xake txapelketa Joan XXIII plazan

11:30 Orientazio proba udaletxe zaharretik hasita

12:00-14:00 Herri kirolak udaletxeko plazan

13:00 Umeentzako bitsa festa Barua parkean

15:00 ‘Paella jana berdintasunean’ udal kiroldegiko kantxa urdinean

17:00-20:00 Umeentzako parkea Barua parkean

17:00-19:00 Slackline, serigrafia, aurpegiak margotzea eta tirolina txosna gunean

18:00-20:00 Umeentzako tailerrak Barua parkean

18:00 VIII. ‘Gildos’ futbol 7 txapelketako finalak udal kiroldegiko belar artifizialeko zelaian

19:00 Buruhandiak

19:00-22:00 Beti-jai fanfarrea herrian zehar

19:30 Taekwondo txapelketa Odol emaileen plazan

20:00 Izozki banaketa kultur etxeko sarreran

20:00-22:00 Brincadeira Perkusio taldea herrian zehar

20:30 Irristaketa artistikoko erakustaldia udal kiroldegiko kantxa urdinean

21:00 Dantza-plaza erromeria Joan XXIII plazan: Zango

23:00 Rock kontzertuak udaletxeko plazan: Perros con Asma + Hesian + Willis Drummond

23:00 Laser Combat Barua parkean

02:00 DJ Gorka eta DJ Ander txosnetan

Uztailak 24, igandea

10:00 Diana eta kalejira

11:00 IX. Irristaketa herri ibilbidea udaletxeko plazatik

11:00 Gazteen Esku Pilota jaialdia udal kiroldegian

12:00 Umeentzako dantzaldia Joan XXIII plazan: Pac-Man Dantz!!

12:00-14:00 Umeentzako puzgarriak Barua parkean

13:00 Panchos taldeari omenaldia udaletxeko plazan

14:00 Bazkari-omenaldia gure nagusiei udal kiroldegiko kantxa urdinean

16:30 Tute txapelketa jubilatuen etxean

17:00-20:00 Umeentzako puzgarriak Barua parkean

19:00-22:00 Sama Siku fanfarrea herrian zehar

19:00 Buruhandiak udaletxeko plazan

19:00 Dantza ibilbidea kalejiran Lonbo aretotik

19:00 Txistorra jana udaletxeko plazan

20:00 Euskal Dantzak udaletxeko plazan

21:00 Kale antzerkia udaletxeko plazan: ‘Skratx’

23:00 Dantzaldia udaletxeko plazan: Nuevo Talisman

23:00 Kontzertuak txosnetan: Eskoria + Itziarren Semeak + La Kontra

Uztailak 25, astelehena

10:00 Dian eta kalejira

10:00-14:00 XXXIII. Gastronomia lehiaketak: Bakailaoa, Marmitakoa, Paella eta Tortilla

11:00 Arrigorriagako kimuen Esku Pilota partidak udal kiroldegian

11:00-14:00 Umeentzako parkea Barua parkean

11:30 X. Txirrindulari Bira udaletxeko plazatik

12:00-15:00 Sama Siku fanfarrea

12:30 Bizikleta-, triziklo- eta monoziklo-erakusketaldia udaletxeko plazan

13:00 Buruhandiak pergolan

13:00 Isana eskolako ikasleen dantza erakusketaldua udaletxeko plazan

16:00 Mus txapelketa Aldapa tabernan

17:00 VII. Tiragoma txapelketa Ugertza parkean (Gaztegunearen ondoan)

17:00-20:00 Umeentzako parkea Barua parkean

19:30 VII. Play Back lehiaketa udaletxeko plazan

21:00 Kantatuaz herrian zehar

22:45 Jai amaiera: Deabru Beltzak eta Hotza

☉ Arrigorriaga

Bideoa / Leyre Rodriguez gogoratu dute Arrigorriagan, indarkeria matxistaren azken biktima herrian

|

A25. Emakumeenganako Indarkeriaren Aurkako Nazioarteko Eguna dela eta, Arrigorriagako Udalak eta eragile feministek hainbat ekimen antolatu dituzte hilabetean zehar, herritarrak indarkeria matxistaren inguruan sentsibilizatzeko.

Ekintza horien artean, berezi eta hunkigarrienetakoa Abusun egin da gaur bertan: indarkeria matxistaren biktimak diren emakume guztiei omenaldia egin diete, eta bereziki, Leyre Rodriguez Montero gogoratu dute, Arrigorriagako azken biktima (2015ean erail zuen bere bikotekide ohiak), bere omenez Ollarganeko parkean instalatu duten monolitoan.

Horrez gain, Ollarganeko eta Teodosia Ortega parkeak atondu dituzte, Estatuan hildako emakumeen izenak eta euritako moreak zuhaitzetan jarriz.

Egunarekin bukatzeko, Gazteguneak berdintasunaren aldeko diana antolatu du eta Anarik “Ezta bat gutxiago ere” kontzertua eskainiko du Lonbo Aretoan.

Osorik irakurri

☉ Arrigorriaga

110 neurri “egingarriz eta neurgarriz” osatutako plana aurkeztu du Arrigorriagako udal gobernuak

Orain dela lau urte egin bezala, Arrigorriagako udal gobernuak, -egun Eh Bildu, NOA eta Arrigorriaga Gararen esku-,  bere “iparrorratza” izango den bide orria gizarteratu zuen atzo arratsaldean, baina oraingoan ez dira 100 neurri izango, 110 baizik

|

Gobernu planaren aurkezpena // Geuria

“Ezberdinen arteko udal gobernua da gurea. Bakoitza bere programa propiarekin aurkeztu zen udal hauteskundeetara, eta gai batzuetan iritzi ezberdinak ditugu, baina hori arazo bat bezala ikusi beharrean akuilu izan da gobernu plana osatzerako orduan, eta esango nuke pluraltasun horrek asko aberastu duela prozesu guztia”. Maite Ibarra Arrigorriagako alkatearen hitzak dira, herritar, elkarte eta eragileen aurrean egindako aurkezpenaren sarreran.

Orain dela lau urte egin bezala, Arrigorriagako udal gobernuak, -egun Eh Bildu, NOA eta Arrigorriaga Gararen esku-,  bere “iparrorratza” izango den bide orria gizarteratu zuen atzo arratsaldean, baina oraingoan ez dira 100 neurri izango, 110 baizik.

Aurkezpenean azaldu zutenaren arabera “udal gobernuaren proposamenak, teknikariekin landutakoak eta herritar zein talde eta eragileen partetik jasotakoak” uztartu, sailkatu, antolatu eta batu dituzte, “koherentziaz eta anbizioz”. Irizpide tekniko eta ekonomikoez harago “oreka” hitza ere aipatu zuten, “oreka auzoen eta arloen artean, arnas luzeko ete epe laburrean egin beharreko asmoen artean, eta proiektu txiki eta handien artean”. Arlo ezberdinetako zinegotziek hitza hartu zuten, legealdi hasieran adostu zuten antolaketa berriarren arabera, eta “lurraldea, herritarrak eta antolaketa” izeneko multzoetan sailkatu zituzten proiektu eta egitekoak.

110 neurri egingarri eta neurgarri

Horien artean, adierazgarrienak nabarmentzen joan ziren, hala-nola; kiroldegi berriaren proiektua, doako aholkularitza zerbitzua indarkeria matxistaren biktimentzat eta gizarte-kalteberatasuneko egoeran dauden pertsonentzat, kultur programazioa garatzea udako hilabeteetan Mendikosolo parkean, merkataritza-negozioen erreleboa sustatzeko programa bat diseinatzea eta abian jartzea, tokiko Energia Komunitateen garapena bultzatzea, udalerrian hutsik dauden etxebizitzen diagnostikoa egitea udalak horiek kudeatu ditzan, edo Osasun Zentro berriaren proiektua bultzatzea, besteak beste.

Udal ordezkariek nabarmendu zuten plana ez dela “zerbait itxia”, eta malgutasunez jokatuko dutela, “egunerokotasunean sortuko diren edo herritarrengandik jasotzen ditugun beharrei erantzuteko”.

Bukatzeko, jakinarazi zuten hurrengo asteetan proposamen guztiak jasotzen dituen aldizkaria jasoko dutela herritarrek euren etxeetan.

 

 

Osorik irakurri

☉ Arrigorriaga

GEUna Zaintza Sarea ehundu dute Arrigorriagako eragile ezberdinek

Nahi ez den bakardade-egoerak eta udalerriko pertsona askok, batez ere adinekoek, duten sare sozial ezak eragindako kezka partekatuaren ondorioz sortutako proiektu komunitarioa da GEUna

|

GEUna Zaintza Sareko kideak // Arrigorriagako Udala

“Nahi ez den bakardade-egoerak eta udalerriko pertsona askok, batez ere adinekoek, duten sare sozial ezak eragindako kezka partekatuaren ondorioz sortutako proiektu komunitarioa da GEUna”, euren sortzaileen hitzetan. Hilabeteak eman dituzte ideia garatu eta hezurmamitzen, eta ibilbide honetan herriko hainbat eragile batzen dituen Osasun Foroa aritu da buru-belarri,  SSI Taldearen laguntza teknikoarekin eta BBKren finantzaketarekin.

Nabarmendu dutenez, “adinekoen ahalduntzetik abiatuta lan egitea” bilatzen dute, ahulezietan erreparatu eta kateatu beharrean “gizon eta emakumeen indarguneetatik” ekinez. Zentzu horretan, laguntza behar duen pertsona aldi berean beste batzuei laguntza emateko gai izatearen garrantzia nabarmendu dute. Elkatruke hori elikatuz  indartuko da sarea.

Ikuspegi integrala duen proiektua da GEUnarena, nahi ez den bakardade-egoerak antzemateaz eta horietan esku hartzeaz harago prebentzio ikuspegia ere baduelako, eta adinekoek modu aktiboan inplikatzen dituelako, egoera zaurgarrian egon edo ez.

Bidenabar, egitasmo honek arreta berezia jartzen du emakumeenagan. Osasun foroko kideen arabera,  “adinekoen kolektiboaren barruan, haiek dira bereziki nahi ez den bakardadea jasaten dutenak eta euren artean inpaktua handiagoa izan daiteke, mota horretako ekintzetan gehiago parte hartzen baitute”.

Proiektu pilotua, Kubon

Kubo auzoan hasiko dira sarea ehuntzen, lan metodologia zehatz batekin: lehenik eta behin, isolamenduaren aurkako agenteen sare bat sortuko da. Sarearen helburua “sentsibilizazioan, kontzientziazioan eta ezagutzaren eta parte-hartze sozialaren sustapena” izango da. Bestetik, auzoa bera eta bertan dauden eragile zein gizarte sareak subjetu aktibo eta topagune bilakatuko dira.  Denboraren poderioz, xedea eta helburua da beste auzo batuzetara zabaltzea, azkenik udalerri osora hedatuz.

Osorik irakurri

☉ Arrigorriaga

Kiroldegi eta Osasun Zentro berrirako proiektua aurkeztu du Arrigorriagako EAJ-k

Helburua kiroldegi eta Osasun zentro berria eraikitzeaz harago doa, eta etxebizitza publiko eta aparkaleku premiari erantzun nahi dio

|

Marisol Ibarrola, Ainara Saez, Nerea Polo, Alberto Ruiz de Azua eta Gotzon Ajuria zinegotziak

Proposamena “egingarria eta errealista” dela azpimarratu nahi izan du Alberto Ruiz de Azua EAJko bozeramaileak gaur goizean egindako agerraldian, “5 urteko epean garatzeko modukoa”, eta Arrigorriagak dituen beharrei erantzuten diela: “alde batetik Kiroldegi eta Osasun Zentro berri baterako proposamena delako, eta bestetik herrian dagoen etxebizitza publikoen falta eta aparkaleku premiari erantzuten diolako”. 

Hori da Ruiz de Azuak, bere zinegotzi taldearen laguntzaz,  aurkeztu duen proiektuaren ardatza: kiroldegi berriari soilik heldu beharrean, Lonbotik eta Herriko Taberna zaharreraino doan orubean proiektu integral bat garatzea, “ideien lehiaketa baten bidez”.

Gunea berrantolatu beharko litzatekeela aipatu du bozeramaile jeltzaleak, eta aurreikusten duen kiroldegiak zerbitzu guztiak “bateratu” beharko lituzkeela uste du. Hori horrela, onartzear dagoen HAPOan aldaketak eskatuko lituzke euren proposamenak, egungo araudiarekin ezin baita bertan etxebizitzarik eraiki. Modu berean, URA Ur Agentziaren iritziak berebiziko garrantzia izango duela gaineratu du.

Kiroldegia, baina, proiektuaren hanka bat bakarrik da. Beste biak  Osasun Zentro berria eta etxebizitzak dira, aparkaleku berriekin batera. Denak lotuta irudikatzen dituzte, eta Lonboko egungo parking-a leku aproposa dela azpimarratu dute jeltzaleek: ” osasun zentroa eta 40-50 etxebizitza uztartu daitezke eraikin berean, eta galtzen diren aparkalekuak lurpeko aparkaleku baten bitartez orekatu”.

Gotzon Ajuria zinegotziaren hitzetan “Arrigorriagan egun eraikitzea aurreikusten diren etxebizitza guztiak pribatuak dira, eta badakigu etxebizitzen prezioa altua dela. Gure kasuan, eraikiko genituzkeen etxebizitza publiko hauen bidez gazteei irtenbide eta aukera bat emango genieke”.

Finantzaketa modu ezberdinak

Finantzaketari dagokionez, etxebizitzen salmentatik eratorritako gainbalioa aipatu dute. Guztira 100 etxebizitza egitea aurreikusiko lukete, bai publikoak eta bai pribatuak, ” eta hortik, 7-8 milloi euroko irabazia izango genuke”. Ainara Saez zinegotziak gehitu duen lez “Europako finantzaketa ere bilatuko genuke”.

Laburbiltzearren, bozeramaile jeltzalearen arabera proiektu honen aurkezpena EAJren oposizio “eraikitzailearen” eredu da. ” Oposizioan egoteak ez du esan nahi lan egingo ez dugunik. Horrela, gaur goizean batzorde informatiboetan aurkeztu dugu proiektuaren bidez Arrigorriagak benetako itxaropenez begiratu ahal izango dio kiroldegi eta Osasun Zentro berriari” borobildu du Ruiz de Azuak.

Osorik irakurri

☉ Arrigorriaga

“Iparrorratza” izango den gobernu plana aurkeztuko du Arrigorriagako Udal gobernuak

Ehundik gora neurri jasoko dira, eta ostegunean bertan azalduko dituzten hainbat lehentasun finkatuko dira, hala-nola trantsizio ekologikoa, mugikortasun jasangarria edo tokiko merkataritza, besteak beste

|

2019ko gobernu planaren aurkezpena / Geuria

Arrigorriagako udal gobernuak udatik hona buru-belarri landu duen gobernu plana aurkeztuko du ostegun honetan, azaroak 23, Euskaldunberria aretoan (19:00). 

Udal ordezkariek adierazi duten lez, osatu duten desberdinen arteko gobernuak “eraginkortasuna eta herritarren bizi kalitatea hobetzea” du helburu, eta gizarteratuko duten plana euren jardunaren “iparrorratza” izango da.

Legealdi hasieran barne antolaketari zegozkion hainbat aldaketa egin zituzten, hiru atal ezberdinetan sailkatuz barne jarduna: herritarrak, lurraldea eta antolaketa. Gobernu planak irizpide horiek jarraituko dituen arren, “malgutasunez” jokatu dutela azpimarratu dute, alde batetik irizpide teknikoak kontutan hartuz, eta bestetik talde eta eragile ezberdinengandik jasotako ekarpenak txertatuz.

Ehundik gora neurri jasoko dira, eta ostegunean bertan azalduko dituzten hainbat lehentasun finkatuko dira, hala-nola trantsizio ekologikoa, mugikortasun jasangarria edo tokiko merkataritza, besteak beste.

Osorik irakurri