☉ Basauri
Basauri Eskubaloi Taldea: “Jaiak topera biziko ditugu, pregoilari izateak dakarrenarekin”
Basauri Eskubaloi Taldeko emakume seniorrak dira Sanfaustoetako pregoilariak. Naia Baliñok eta Itxaso Eliceguik jokalariek irakurriko dute pregoia
Basauri Eskubaloi Taldeko emakume seniorrak dira Sanfaustoetako pregoilariak. Naia Baliñok eta Itxaso Eliceguik jokalariek irakurriko dute pregoia
Dena prest dago basauriarrek sanfaustoak besoak zabalik har ditzaten. Egitaraua, kuadrillak eta pregoia. Azken hau irakurtzeko Herriko Taldeakek Basauri Eskubaloi Taldeko emakumeak, senior kategoriakoak, hautatu ditu. Eta, pregoia bera irakurtzeko ardura izango dute Naia Baliño Zamalloak eta Itxaso Elicegui Fernandezek. Udaletxeko balkoian biak bakarrik egon arren, talde osoaren babesa izango dute. Baliño eta Eliceguiri sostengua emateko egongo dira: Janire Fernandez, Nerea Collado, Ana Isabel Alonso, Jone Ojembarrena, Dafne Serrano, Lorena Simon, Nekane Garcia, Oihane Mezo, Sthephany Regueiro, Ane Vales, Nerea Elicegui, Leire Ortega, Ariane Perez, Naroa Martinez, Maider Marcos, Ziortza Bengoetxea, Julia Rey, Ainhoa Garcia, Aintzane Zamalloa, Zulema Velerdas eta Jorge Camarero.
Sanfaustoetako pregoilariak zarete. Zelan hartu zenuten proposamena?
Ez genuen batere espero, sorpresa ikaragarria izan zen guretzat eta emozio handiarekin hartu genuen berria. Jaiak beste perspektiba batetik bizitzeko aukera bezala ikusten dugu.
Nortzuek irakurriko duzue pregoia?
Itxasok eta Naiak dute ohorea. Taldea osatzen dugun guztiok adostu genuen alde batetik, kapitainetako bat (Itxaso) eta bestetik, taldeko beteranoena (Naia) izatea pregoia irakurriko dutenak.
Zein mezu izango du zuen pregoiak?
Alde batetik eskerrak emango dizkiegu hau posible egin duten pertsona guztiei, klubetik hasita Herriko Taldeak arte, gure familiak ahaztu gabe. Pregoiaren bitartez eskubaloia ikusgai egitea nahi dugu, horrekin batera emakumearen parte hartzea kirolean indartuz. Azkenik, eta ez horregatik garrantzirik kendu gabe, jai ezin hobeak ospatu nahi ditugu inolako erasorik gabe.
Talde osoaren artean osatu duzue pregoia?
Bai, hasieratik argi genuen nahiz eta bik irakurri, denon artean osatu behar genuela, denona baita lorpena. Egun batzuetan bildu ginen guztion artean (kafetxoak entrenamendua baino lehen, partiduetako autobus bidaietan…) pregoia idazteko.
Txupinazoaren egunean udaletxeko balkoian gehiengoa emakumeak izango zarete: Herriko Taldeakeko presidentea, zuek…
Batez ere, emakumearen presentzia gero eta nabarmenagoa dela adierazten du horrek, eta indarra hartzen ari garela; gure kasuan, kirolaren munduan. Gainera, horrek eragin zuzena du txikiengan, ikur moduan ikusten baikaituzte. Egia da oraindik ere lan handia dagoela egiteke baina gu pozik gaude gure ekarpenarekin.
Zelan biziko dituzue jaiak?
Jaiak beste era batera bizitzeko aukera bikaina da. Hala ere, jaiak betiko lez biziko ditugu: topera, pregoilari izateak dakarrenarekin: besteak beste, zenbait ekitaldi berezitan parte hartuz.
Sanfaustoetako onena eta okerrena?
Onena, gure ustez, urteetan zehar aspaldiko ohiturak (zurrakapotea, jantziak) mantendu direla eta horrek jaiak berezi egiten dituela. Kuadrilletan egoteak jende berria ezagutzeko aukera ematen dizu eta horrek bizipen ugari bizitzeko aukera dakar. Gainera, txikientzako nahiz nagusientzako eta, nola ez, gazteentzako egitarau zabala eskaintzen dute jaiek. Okerrena, aldiz, zoritxarrez urtero ezbeharren bat gertatzen dela: erasoak, lapurretak edota borrokak.
Zuentzako zein da egunik onena Basauriko jaietan?
Sanfausto eguna, dudarik gabe. Egun berezia izaten da, kuadrilla guztiak elkartzen baitira bazkaltzera, eta kaleak jendez betetzen dira.
Zer esango zeniokete Basaurikoa ez den norbaiti Sanfaustoetara etor dadin?
Ekintza eta ekitaldi asko egoten dira egun osoan zehar eta adin guztietarako. Gainera kuadrilla bakoitzak bere lonja du non zurrakapotea dohainik eskaintzen duen borondatearen truke. Guk ere gure lonja dugu eskubaloikoa, bertan giro polita egoten da, beste klub desberdinetako neska-mutilak datozelako eta baita kuadrilla desberdinetako jendea ere. Orokorrean, kristoren giroa egoten da jaietan!
Basauri Bonua kanpaina berria abiaraziko du Udalak apirilaren 22tik maiatzaren 19ra bitartean. Guztira herriko 140 saltoki atxiki dira kanpainara, iaz baino zazpi gehiago.
Aurreko urteetan bezala, bi bonu mota igorriko dituzte: bata 4 eurokoa, bezeroek 6 euro gastatu ahal izateko; eta bestea 10 eurokoa, 15 euro gastatzeko.
Aurrekoetan bezala, bonuak ez dituzte formatu fisikoan aterako. Bonuak kanpainari atxikitako establezimenduetan eskuratu behar dira, eta gehienez ere 60 eurora arteko bonuak erosi ahal izango dira NAN/IFZ/AIZ bakoitzeko. Ezin izango dira diru-truke aldatu eta, erabiltzen ez badira, ez da dirua itzuliko.
Kanpainara atxiki diren establezimenduen zerrenda apirilaren 22an bertan publikatuko dute bono.basauri.eus webgunean. Hala ere, saltoki bakoitzak Basauri Bonua identifikazio-eranskailua izango du.
100.000 euro gehiago
Basauriko Udalak 300.000 euro bideratu ditu aurtengo kanpainara, iaz baino 100.000 euro gehiago.
“Guztira 300.000 euro bideratuko ditugu ekimen honetara, baina udalerrian izango duen inpaktu ekonomikoa askoz ere handiagoa izango da, bezero bakoitzak bonua eskuratzean eta erosketa egitean ordaintzen duen kopurua gehitu behar baitzaio kopuru horri”, diote udal ordezkariek.
Basauriko Meeting Probak maiatzaren 5ean, igandez, izango dira Artunduagako kiroldegian 09:00etatik aurrera. Aurten 26. edizioa da eta guztira 40 proba izango dira, tartean kategoria paralinpikokoak.
Izan ere, proba Nazioarteko Batzorde Paralinpikoaren Nazioarteko Atletismo Egutegian sartuta dago, eta, beraz, meetingaren emaitzek errekorretarako eta KPIren rankingerako balioko dute.
Basauriko Meeting Probetan parte hartzeko izena emateko epea zabalik dago apirilaren 21era arte. “Beharrezkoa da atletek, gidariek eta entrenatzaileek izena emateko inprimakia betetzea”, diote batzorde antolatzailetik.
Meetinga Basauriko Merkatari Elkarteak antolatzen du, Udalaren laguntzarekin.
Arazo teknikoak direla eta, Etxebarri eta Basauri geltokien artean zerbitzua eten egin du Metro Bilbaok. Gainera, Basauri geltokia itxita egongo dela adierazi dute, “beste abisurik eman arte”.
Suhiltzaileek jakinarazi dutenez, “sute txiki bat” piztu da metro trenaren gainean, eta adierazi dutenez Metroko langileek eurek amatatu dute.
Pequeño incendio @metrobilbaoeus #Basauri extinguido x operarios #Metro #Bomberos revisan y regresan
Basauri, metron izandako sute txikia metro langileek amatatu dure #Suhiltzaileek errebisatu eta bueltan https://t.co/vMvxPNmsL8 pic.twitter.com/O1naiK59l1— Bomberos y Bomberas Bizkaia (@BomberosBizkaia) April 18, 2024
Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.
Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.
Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.
Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.
Gauzak horrela, crowfunding kanpaina bat abiarazi dute Alexen lagunek eta senideek. Momentuz 91.371 euro bildu dituzte.
Defentsa Ministerioarekin harremana
Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.
Orain, Eitb-k jakinarazi duenez, Defentsa Ministerioak baieztatu du pankreatitisa duen gaztea Espainiaratzeko (Madrilera eramango lukete) hegazkin medikalizatua prestatzen hasi direla, baina oraingoz ez dutela datarik zehaztu.
Diru bilketa Basaurin
Estatuko zein Euskal Herriko hainbat herritarrek dohaintzak egin dituzte. Momentuz 91.371 euro bildu dituzte eta asmoa da 221.000 eurora iristea.
Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta datozen egunetan zehaztuko ditugu egingo ditugun ekitaldi solidarioak”, diote.
“Basozelaiko saltokietan itsaulapikoak jarriko ditugu Alexen familiari dohaintzak egiteko, eta diru-sarrerak egiteko kontu-zenbaki bat zehaztuko dugu”, adierazi dute.
Ikastetxeetako jolastokiak ikuspegi feministarekin eraldatzeko prozesua hasi dute Basaurin. Horretarako Udaleko Berdintasun Arloak jardunaldi bat antolatu du eskoletako jolastokiak ikuspegi feministarekin eraldatzearen garrantziari buruzko gogoeta bultzatzeko.
‘Patioetan hamaika aukera. Jolastokiak konpon eta berdintasuna lor’ lemapean, apirilaren 23an mahai-inguru ireki bat antolatu dute Basauriko Udalak eta Marieneak 1era2kain egitasmoaren barruan.
Jardunaldia Ibaigane Kultur Etxean izango da 17:30etik 20:00etara bitartean, eta Basauriko jolastokiak eraldatzeko prozesuan parte hartu duten Lehen Hezkuntzako ikastetxeen esperientziak aurkeztuko dituzte, “haien zailtasun, erronka eta aukerekin”.
Ildo horretan, etorkizuneko erronkak jasoko dituzte “eskola-ingurune inklusibo, genero-estereotiporik gabekoa eta ingurunearen eta pertsona guztien zaintzaz arduratutako baterantz urratsak egiten jarraitzeko”.
Jardunaldian parte hartu nahi duten herritarrek izena eman behar dute esteka honen bitartez edo 605 173 119 telefono zenbakira deituz apirilaren 22a baino lehen.
Autobus zerbitzu osagarria jarri du Metro Bilbaok Etxebarri eta Basauri artean
Basauri Bonua kanpaina berria martxan izango da apirilaren 22tik maiatzaren 19ra arte
Urreta kiroldegia handitzeko lanak udan hastea aurreikusi du Galdakaoko Udalak
Hego Uribeko dozenaka pentsiodun Gasteizen batu dira 1080 euroko gutxieneko pentsioa aldarrikatzeko
⚪️🔴 GABARRA | Argazkiak | Aupa Aitor Paredes! Talde zuri gorria Kopako txapelketa ospatzen!
