Koadrila guztiek hartu dute parte Basauriko jaietan ospatzen den tripontzien txapelketan. Sokatiraren ondoren, Arizgoiti plazako arkupeak bete egiten dira hiru minutu eskas irauten dituen lehiaketa ikusteko.
Koadrila bakoitzeko lau lagunek zortzi txorizo, ogi bat eta ardo botila bat irentsi behar dituzte. Den-dena arinen bukatzen duena, garaile. Aurten Laguntasuna izan da irabazlea.
