Hamar koadrilek parte hartu dute Grand Prix Zurra deritzon gynkana berezian. Guztira bost proba dira eta horietan puntuaketa hoberena lortzen duena, irabazle. Zaku lasterketa, Hula Hoop ibiltaria, Moto Molto lasterketa, komuneko paperarena eta arroparekin soka luzea egitearena.
Proba guztiak, zein baino zein barregarriagoak. Seigarren urtea da Grand Prixa antolatzen hasi zela Zigorrak koadrila eta aurten txikientzat ere egin dute. Aipatzekoa parte hartzaile guztien gogoa eta asmo ona halako gynkana zoro batean.
