☉ Galdakao
[Programa] 150 jarduera baino gehiago, Galdakaoko jaietako egitarauan
Irailaren 8tik 17ra bitartean ospatuko dira Galdakaoko jaiak. Kale animazioa, kirola, umeentzako parkeak, txapelketak eta bertso jaialdia, besteak beste, izango dira.
Irailaren 8tik 17ra bitartean ospatuko dira Galdakaoko jaiak. Jai Batzordeak 150 ekitaldi baino gehiago antolatu ditu. Besteak beste, kale animazioak, antzerkiak, kirola, umeentzako tailerrak eta parkea, gastronomia zein bestelako txapelketak eta bertso jaialdia. Aurtengo musika kontzertuei dagokienez, hauek izango dira: tributu bandak, En Tol Sarmiento, DJ Gaua (Las Tea Party, Berta Bittersweet, Aneguria, LaBasu eta Mad Muasel), Reggae Festa eta S.A., baita Galdakaoko bertako taldeak ere: Harro, Euskaliptus eta Oxabi erromeria.
Galdakaoko jaiak 2017 – Egitaraua
Irailak 8, ostirala
19:00 Jaietako desfilea Plazakoetxetik udaletxera
20:00 Pregoia eta txupinazoa
20:05 Kantuz Kantu Kurtzeko, Iturriondo eta Santi Brouard plazetan
20:05 Diskofesta: Oihan Vega
20:30 Santa Kurtzeko Esku Pilota Txapelketa, finalerdiak
21:00 Kale animazioa Santi Brouard plazatik: “Rock kalean” Zo Zongó
22:30 Tributu taldeen kontzertuak Ardanza parkean: Creedence Time (Creedence Clearwater Revival) + The Bond Scott Band (AC/CD)
24:00 Triziklo lasterketa Kurtzea forntoian
Irailak 9, larunbata
10:00-20:00 Tenis eta Padel lehiaketak Zugatzuko pistan
10:00 XIII. Paella txapelketa Plazakoetxeko parkean (euria bada, Zabaleako parkean)
10:30 XLI. Santa Kurtze Txirrindularitza saria Juan Bautista Uriarte kalean. Bizkaiko master mailako txapelketa
11:00 Jantzi birziklatuen txapelketa Santi Brouard plazan (euria bada, Gandasegin)
12:00 + 17:00 Ume eta gazteentzako parkea Urreta eskolan
12:00 Kalejira Adiskideak fanfarrearekin
12:30 Tor Magoa Kurtzeko plazan
13:00 Kalejira Galdakaoko txistu-bandarekin
17:00 Ohe lasterketa Juan Bautista Uriarte kalean
18:00 Kale antzerkia Santi Brouard plazan: “El soplido mágico” Bubble on circus (euria bada, Gandasegin)
18:00 Taekwondo tailerra Agirre Lehendakariaren plazan
18:00 XXXVIII. Santa Kurtze Halterofilia garaikurra Gandasegin
19:00 Kale antzerkia Berezikoetxeko plazan: “FreshCool” Tio Teronen Semeak (euria bada, Gandasegin)
19:00 XXIII. Pelota partiduak Galdakaoko Topaketak: Euskal Herriko lehen mailako pelotaro afizionatuak
20:00 Boxeo Gaua Urreta kiroldegian*
20:30 Kale animazioa Santi Brouard plazatik: Balkan Paradise Orchestra
22:30 Kontzertuak Ardanza parkean: Harro (Galdakao) + En Tol Sarmiento
23:00 Asier Bilbao Show-a Kurtzeko plazan
00:00-03:00 Alkoholaren gehiegizko kontsumoaren prebentziorako eta alkoholemia-tasa neurtzeko karpa Iturriondo plazan
Irailak 10, igandea
10:00-20:00 Tenis eta Padel lehiaketak Zugatzuko pistan
09:00 Ganguren mendira III. Igoera Santi Brouard plazatik
10:00 Marmitako txapelketa Iturriondo plazan
10:30 Santa Kurtzeko Esku Pilota Txapelketa, finalerdiak
11:00 Goxo frijituen txapelketa Santi Brouard plazan
12:00 + 17:00 Abentura parkea Urreta eskolan (+8 urte)
12:00 + 17:00 Puzgarriak Urreta parkean
12:00 Kalez Kalea Santi Brouard plazatik: Marmara Marching Band
12:30 Areto-dantza tailerra Kurtzeko plazan (+16 urte)
13:00 Kalez Kalea: Galdakaoko txistu-banda
16:00 Gazteen areto-futbol txapelketa hirutara Urreta kiroldegian: Otxartabe B – Santurtzi FS – Lagun Onak FS
16:30 Goitibehera lasterketa Elexalden. Euskal Herriko liga eta herri mailako kategoria
17:00 Haurrentzako tailerrak Urreta eskolan
17:30 Areto dantza lehiaketa Ardanza parkean
18:00 Gazte Gynkana Urreta eskolan (11-15 urte)
18:00 Kalez Kalea: Adiskide fanfarrea
18:00 Brotxe tailerra Ardanza parkean
18:00 Gizonezko seniorren areto-futbol txapelketa hirutara Urreta kiroldegian: Union Castreña – Zalditxo de Araia – Lagun Onak
19:00 Gaiteroekin kalejira
19:00 Bertso jaialdia Kurtzeko plazan: Maialen Lujanbio, Anjel Mari Peñagarikano, Igor Elortza, Miren Amuriza. Gai jartzailea: Arkaitz Estiballes
19:30 Eraso sexisten aurkako lerrokako dantza Ardanza parkean
20:00 Pencak Silat erakustaldia Kurtzea frontoian
Irailak 11, astelehena
17:00 Umeentzako parkea eta makilaje tailerra Santi Brouard plazan
17:30 Umeentzako ludoteka Berezikoetxeko plazan (1-7 urte)
18:00 Gaztechef txapelketa Plazakoetxeko parkean (11-16 urte). Euria bada, Gandasegin
18:30 Dantza modernoa, funky eta jazz ikasleen erakustaldia Kurtzeko plazan
19:00 XXIII. Pelota partiduak Galdakaoko Topaketak
19:00 Kalez Kalea: Galdakaoko txistu-banda
19:00 Igeriketa Urreta kiroldegian
19:00 Antzerkia Ardanza parkean: “Crusoe” Markeliñe
19:30 Buruhandiak Mugaburuko landan
20:30 Trikitilariekin kalejira
Irailak 12, asteartea
14:00 Adinekoen jaia, herri bazkaria eta dantzagarriak Kurtzeko plazan
16:00 Eskubaloi punteria txapelketa Urreta kiroldegian
17:00 Txikitenis partiduak Urreta eskolan
17:00 Umeentzako parkea eta makilaje tailerra Santi Brouard plazan
19:00 Kalez Kalea: Galdakaoko txistu-banda eta Maximo Moreno Musika Eskolako trikitilariak
19:00 XXIII. Pelota partiduak Galdakaoko Topaketak
19:00 Haur berbena Santi Brouard plazan: “Baso liluragarria” Panpotx
19:30 Buruhandiak Mugaburuko landan
20:00 Antzerkia Gandasegin: “I’m a real artist” Teatro A La Boina
Irailak 13, asteazkena
11:00 Betiko jokoen olinpiadak adinekoentzat Kurtzeko plazan
16:30 Mus txapelketa Iturriondo plazan
17:00 Tenis txapelketa Zugatzuko pistan (12 urtez azpikoak)
17:00 Rol, estrategia eta simulazio jokoak Gandasegin
18:00 Motor txikien lasterketa eta txokolatada Iturriondo plazan (1-4 urte). Euria bada, Gandasegi
18:00 Kale antzerkia: “Cirkusz Rupt” El Gran Dimitri
19:00 Kalez Kalea: Gaitariak, Maximo Moreno Musika Eskolako txistulariak eta trikitilariak eta Galdakaoko txistu-banda
19:00 Emakumezkoen Pelota partiduak Kurtzea frontoian
19:00 CD Galdakao senior taldearen aurkezpena eta futbol partidua Zugatzuko zelaian: CD Galdakao Ohorezko Maila – SD Amorebieta 2.B
20:00 Mendi hitzaldia Torrezabal Kultur Etxean: Alex Txikon
20:00 Berbalagun topaketa Santi Brouard plazan: euskararen mosaikoa
20:00 Boleroak Kurtzeko plazan: Son de Indianos
20:30 Trikitilariak
20:30 IX. Playback txapelketa Ardanza parkean
20:30 Gizonezkoen areto-futbol partidua Urreta kiroldegian: Kabiezeseko Goiztiri – Peña Kalimotxo
Irailak 14, osteguna
10:30 Galdakaoko musika-banda
11:30 Meza nagusia Santa Maria elizan
11:30 + 17:00 Piraten jaia Urreta eskolan
12:00 + 17:00 Umeentzako parkea Urretan
12:30 Bizkaiko Sokadantza Zabaleako plazan
13:00 Kontzertua Kurtzeko plazan: Da Capo musika-banda
16:30 Orienting Iturriondo plazan
17:00 Rol, estrategia eta simulazio jokoak Gandasegin
17:00 Tenis txapelketa Zugatzuko pistan
18:00 Kale animazioa: Zornotzako Triku Piu-Pand
18:00 Umeentzako berbena Santi Brouard plazan: “Reziklator” Zo Zongó (euria bada, Galdasegin)
18:30 Kalez Kalea Kurtzeko plazatik: The Mckensy’s Clan Band
19:00 XXIII. Pelota partiduak Galdakaoko Topaketak
19:00 Gaitariak eta Maximo Moreno musika eskolako txistu ikasleak
19:00 Zumba masterclass Ardanza parkean
20:00 Dantza alardea Kurtzeko plazan
20:30 Kale antzerkia Santi Brouard plazatik Iturriondora: “Su à Feu” Deabru Beltzak
Irailak 15, ostirala
17:00 Umeentzako ludoteka Urreta parkean (1-7 urte)
17:00 Tenis txapelketa Zugatzuko pistan
17:00 Tortila txapelketa Etxaburu kalean
18:00 Sukaldaritza tailerra umeentzat Gandasegin
18:00 Petanka txapelketa Hondartza bolei zelaian
18:30 Abesbatzen kontzertua Kurtzeko plazan: Danok Aurrera (Bengoetxe), Usansoloko Orfeoia eta Maximo Moreno Abesbatza
19:00 Gaitariak, Máximo Moreno musika eskolako trikitixa ikasleak eta Galdakao txistu-banda
19:00 Kale antzerkia Berezikoetxeko plazan: “Sefiní” Trapu Zaharra
19:00 Gangar proba Santi Brouard plazan
19:00-22:00 Mozorroak Iturriondo plazan
19:00 XXIII. Pelota partiduak Galdakaoko Topaketak
19:30 Buruhandiak
19:30 Sugarri Show Iturriondo plazatik
20:30 Zezensuzkoa Mugaburuko landan, Bizkaia kalean, Kurtzeko plazan eta Iturriondo plazan
21:00 Marmara fanfarrea Santi Brouard plazatik
22:30 XX. Kantzontzilo eta kulero lasterketa Peña Kalimotxoren lehenengo txosnatik
22:30 DJ Gaua Ardanza parkean: Las Tea Party, Berta Bittersweet, Aneguria, LaBasu eta Mad Muasel
23:30 Reggae Festa Kurtzeko plazan: Grupo Kontinente
24:00 Flan-jana txapelketa Kurtzea frontoian (+16 urte)
Irailak 16, larunbata
10:00-20:00 Tenis eta Padel lehiaketak Zugatzuko pistan
08:00 Putxera-txapelketa Urreta parkean
11:00 Ezetz txapari emon Kurtzea frontoian
11:00 Arku tiroa Kurtzea Kurtzea frontoian
11:00 Makilajea, txapal eta globoflexia Urreta parkean
11:30 + 17:00 Asmakizunen feria Berezikoetxeko parkean
11:30 Artzain txakurren lehiaketa Ardanza parkean
12:00 + 17:00 Puzgarriak
12:00 Galdakaoko txistulariak, trikitilariak, gaitariak eta albokariak
12:00 Adiskideak fanfarrea
13:30 Larrain dantza Iturriondo plazan
15:00 Herri bazkaria Kurtzeko plazan
17:00 Kukaina Elexaldeko igerilekuan
18:00 Piraguatik tira Elexaldeko igerilekuan
18:00 Kale antzerkia Santi Brouard plazan: “Mr Pichichi” Philo&Jole (euria bada, Gandasegin)
18:00 Esku Pilota partidu profesionalak: Urrutikoetxe-Larunbe vs Elezkano-Zabaleta
19:00 Gaitariak
19:00 Dantza alardea Torrezabal Kultur Etxean
19:00 Kale antzerkia Araba kalean: “Lapurminak” ATX Teatroa
20:00 Sakatu Elektrotxaranga
21:30 Areto-dantzen erakustaldia Urreta kiroldegian
22:30 Kontzertuak Ardanza parkean: Euskaliptus (Galdakao) + S.A. + Oxabi erromeria (Galdakao)
23:30 Remix orkestra Iturriondo plazan
00:00-03:00 Arriskuak gutxitzeko eta substantziak aztertzeko karpa Iturriondon
00:00-03:00 Alkoholaren gehiegizko kontsumoaren prebentziorako eta alkoholemia-tasa neurtzeko karpa Iturriondon
Irailak 17, igandea
10:00-14:00 Tenis eta Padel lehiaketako finalak Zugatzun. Sari banaketa 14:00etan
10:30 Santa Kurtzeko Esku Pilota txapelketako finalak Kurtzean
12:00 + 17:00 Umeentzako parkea Urreta eskolan
12:00 Herri Kiroletako tailerrak Urreta parkean
12:00 Erraldoi eta buruhandien desfilea Kurtzeko plazan
12:00 Adiskideak fanfarrea
13:00 Txistu alardea Kurtzeko plazan
18:00 Pailazoak Santi Brouard plazan: Antxo eta Pantxa (euria bada, Gandasegin)
18:00 Herri Kirolak Kurtzeko plazan
18:00 Txitxarrillo Ardanza parkean: Trio Nectar
18:00 Pala profesionala partiduak Kurtzea frontoian: Zubiri-Gordon vs Landeta-Ibai Perez
18:00 Gaitakariak, Maximo Moreno musika eskolako txistu ikasleak eta Triki Piu fanfarrea
19:30 Dantza bertikala Euskadi kalean (Torrezabal): La Glo Zirko Dantza
20:30 Jai amaiera Kurtzeko plazan
Irailak 23, larunbata
15:00 Kuadrilen bazkaria (Txosnen kolektiboa) Gipuzkoa kalean
Emakumeen kontrako indarkeriaren aurkako nazioarteko eguna da gaur, azaroak 25. Galdakaon elkarretaratzea deitu du Momoakek udaletxeko plazan. Dozenaka lagun batu dira kontzentraziora.
Perretxikoak oinarri dituen Pintxo Lanperna txapelketa izango da azaroaren 24tik 26ra bitartean. Guztira bederatzi tabernak hartuko dute parte: On Kafe, Sorgiñe, Aterpe, Goxoa Bakery, Ostatu, Atseden, Batzokia, Ganguren eta V-Bat.
Pintxo txapelketa honetan parte hartzen duen taberna bakoitzak perretxikoekin osatutako pintxo bat prestatuko du, eta pintxoa eta ardo ondua edota ur botilatxoa 3 euroan eskainiko du.
Honako ordutegi hauetan eskainiko dituzte lehiaketarako prestatutako pintxo berezi horiek: azaroaren 24an 19:00etatik 23:00etara, azaroaren 25ean 12:30etik 15:30era eta 19:00etatik 23:00etara, eta azaroaren 26an 12:30etik 15:30era.
Zozketak
Lehiaketako pintxoak herritarrek eta epaimahai profesional batek baloratuko dituzte. Herritarren sariaren irabazlea boto gehien biltzen dituen pintxoa izango da, eta saria herriko saltokietan gastatu ahal izateko 100 euroko opari-txartela izango da. Sari profesionalaren pintxo irabazlea epaimahai profesionalak aukeratuko du.
Pintxo irabazlea aukeratzen laguntzen dutenek eta kartoi meheak zigilurekin eta establezimenduaren izenarekin azaroaren 28eko 13:00ak baino lehen entregatzen dituztenek 50 euroko opari txartela baten zozketan parte hartuko dute. Zozketa azaroaren 28an egingo da 14:00etan, Dendari Elkarteko egoitzan.
Galdakaoko Udalak, Gu Dendari elkartearen eta Galdakaoko Ostalaritza Eskolaren laguntzarekin antolatzen dute Pintxo Lanperna txapelketa.
☉ Galdakao
Auzoetako beharrak identifikatu eta estretagia bat landuko du Galdakaoko Udalak datozen urteetan
Auzoen garapen integral eta orekatua bilatzeko azterketa parte hartzailea egingo du Udalak alde batetik Aperribai, Olabarrieta, Txistulanda eta Jugu auzoetan, eta bestetik Tximelarre Goikoa, Urtebieta, Zuatzaurre eta Urreta auzoetan
Auzoen garapen integral eta orekatua sustatzeko asmoz, Auzotik Galdakao dinamika jarriko du martxan Udalak datozen asteetan. Proiektuak bi helburu nagusi ditu: auzoen behar nagusiak identifikatzea eta datozen urteetan zehar horiei erantzungo dien estrategia bat lantzea.
Dinamikarekin hasteko, bi eremu aztertuko ditu Galdakaoko Udalak: alde batetik, Agirre, Aperribai, Azpuru, Olabarrieta, Txistulanda, Aperribai Zaharra eta Jugu, eta bestetilk, Tximelarre Goikoa, Urtebieta, Zuatzaurre eta Urreta. “Datozen asteetan bi eremu horien diagnosia egiteko lanarekin abiatuko dugu Auzotik Galdakao proiektua, gune horietatik bertatik”, diote udal ordezkariek.
Horretarako herritarren parte hartzea bilatuko du Udalak. Bi eremu horietan bizi diren auzokideei zein jarduera bertan egiten duten bizilagunei edo eragileei inkestak egingo dizkie Udalak: “Inkestatzaile taldea auzo bakoitzeko hainbat etxetara joango da galdera sorta txiki batekin, eta, nahi duenak, galdetegiari online erantzuteko aukera ere izango du. Ondoren, lanketa parte hartzailea egingo da interesa dutenekin”, diote udal arduradunek.
Lanketa parte hartzaileari dagokionez, zenbait hitzordu eta jarduera antolatu ditu Udalak urtarrilean: urtarrilaren 15ean, astelehena, 18:00etan Urreta 2 eskolan, auzoei buruzko hausnarketa, 2. eremuko herritar eta elkarteekin; urtarrilaren 16an, asteartea, 18:00etan Aperribai eskolan, auzoei buruzko hausnarketa, 1. eremuko herritar eta elkarteekin; urtarrilaren 21ean, igandea, 11:00tan, ibilbide gidatua 2. eremuko auzoetan zehar, azterketarako garrantzitsuak diren lekuak ikusteko; eta urtarrilaren 28an, igandea, 11:00etan, ibilbide gidatua 1. eremuko auzoetan zehar, azterketarako garrantzitsuak diren lekuak ikusteko.
Jarduera horietan parte hartzeko izena eman behar dute interesdunek erabaki.galdakao.eus parte hartze plataformaren bitartez edo 688 830 479 telefono zenbakira deituta zein telegram edo whatsapp bidez mezua bidalita.
“Herritarren beharrizanei ahalik eta ondoen erantzuteko ezinbestekoa da herriaren, bertako guneen eta auzoen egoerak aztertu, horien beharrizanak ezagutu, eta proposamen zehatzak lantzea. Jakina da lekuan lekukoak izaten duela bertoko egoeraren berririk zuzenena, eta, hori abiapuntu hartuta, parte hartzerako dinamika berri bat jarriko dugu: Auzotik Galdakao. Herria herritarrek eraiki behar dutelako, guneka, auzoka edo zonaldeka batu, eta guztien ekarpenak uztartuta. Galdakao hobea elkarlanean sortzeko proposamena da horregatik honakoa; nork bere auzo edo gunetik Galdakao osatzekoa”, diote udal ordezkariek.
☉ Galdakao
Transfusio zentroko langileei adostutako soldata igoera Osakidetzak ordaindu ez diela salatu du ELAk
Bi urte baino gehiagoko borrokaren ondoren, Usansoloko Transfusioen eta Giza Ehunen Euskal Zentroko (TGEEZ) langileek soldata parekatzeko akordioa lortu zuten Osakidetzarekin ekainean, eta hortaz, soldataren % 4ko osagarria jasoko zuten.
Hala ere, ELA sindikatuak salatu duenez, “Osakidetzak ez die ordaindu adostutako osagarria langileei”. Akordioan 2023ko ekaineko, uztaileko, abuztuko, iraileko eta urriko hilekoen ordainketa jasotzen zen, eta urriko nominan ordaindu behar zituen Osakidetzak.
“Osakidetzak ez du bete SATSEk, UGTk eta SMEk 31 eguneko greba ixteko gutxiengoan sinatutako akordioa, eta ez du % 4ko osagarria ordaindu. Akordioa ekainean sinatu zuten Osakidetzak eta SATSE, UGT eta SME sindikatuek. Hala ere, Osakidetzak ez du akordioa bete, eta ez ditu parekatu Transfusio eta Giza Ehunen Euskal Zentroko (TGEEZ) langileen eta Osakidetzako gainerako profesionalen soldatak”, salatu dute ELA sindikatuko ordezkariek. ELAk ez zuen akordioa sinatu, “beste kolektibo batzuk baztertzen zirelako, hala nola, EAGetako zeladoreak edo Lehen Arretako hainbat kategoria”.
Osakidetzako arduradunek zehaztu dutenez, ez dute % 4ko osagarria ordaindu, “akordioa ez duelako onartu Eusko Jaurlaritzaren Gobernu Kontseiluak”.
“Hori ez da berria: gauza bera gertatu zen LABek, CCOOk eta UGTk gutxiengoan adostu zutenean Osakidetzak 2013tik 2021era bitarteko Lanbide Garapenagatik langileei zor zizkien zenbatekoak kentzea. 2019tik bakarrik ordaindu zen, eta akordioa sinatu ondoren, beharrezkoa izan zen gehiengo sindikalak, besteak beste ELAk, grebak deitzea, azkenean Osakidetzak LABekin, CCOOrekin eta UGTrekin adostutakoa ordain zezan, urtebete baino gehiagoren ondoren”, diote ELAtik.
Abenduaren 19an sektore publikoko beste greba bat deitu dute, eta ELAk Transfusioen eta Giza Ehunen Euskal Zentroko langileek bat egin dezaten animatzen ditu.
☉ Galdakao
Galdakaoko Andra Mari ikastetxeko kotxe elektrikoa hirugarren sailkatu da Greenpower Bridgestone lasterketan
Galdakaoko erdigunea auto lasterketen zirkuitu bilakatu zen atzo, azaroak 19. Izan ere, Greenpower lasterketa antolatu zuen Bridgestonek, Galdakaoko Udalaren laguntzarekin, Zamakoa eta Ganekogorta kaleetan.
Besteak beste, Galdakaoko Andra Mari Lanbide Heziketako ikasleek sortutako auto elektrikoak lasterketan parte hartu zuen eta hirugarren sailkatu zen 16 eta 25 urte bitartekoen kategorian (Formula 24+ kategoria). Guztira, 23 itzuli egin zizkion zirkuituari Galdakaoko kotxeak.
Kategoria berean, Laredoko (Kantabria) Fuente Fresnedo Institutuak irabazi zuen lasterketa zirkuituari 35 itzuli emanez. Bigarren sailkatua Santurtziko San Jorge ikastetxea izan zen.
Bestetik, 11 eta 16 urte bitartekoen kategorian (Formula 24) Bilboko La Perrera zentroak irabazi zuen (46 itzuli) eta bigarren eta hirugarren sailkatuak izan ziren: Bilboko Madre de Dios ikastetxea (45 itzuli) eta Deustuko Ikastola (34 itzuli).
Greenpower-Bridgestone zirkuitua hezkuntza-programan parte-hartzaileek 9 eta 25 urte bitarteko haur eta gazteak dira. Eta helburua da auto elektrikoa diseinatzea eta sortzea, ondoren lasterketean parte hartzeko. Lehiaketetan, irabazlea bateria agortu gabe kilometro gehiago egitea lortzen duena da, hau da, ez du azkarrenak irabazten, modu eraginkor, energetiko eta jasangarrian gidatzen duenak baizik.
Etxebarria aita-seme trikitilariek ‘Familia gara’ disko berria aurkeztu dute Social Antzokian
Egunero Abenduaren 3an bizi nahi dutela aldarrikatuko dute Zaratamon
Euskal Baliabideen txokoa sortu dute Zaratamoko familientzat
Argazkiak / Hego Uribeko pentsionistek bat egin dute Gasteizen egin duten manifestazioarekin
Argazkiak / Esaera zaharrak, Irulegiko eskua eta bertsoak hizpide izan dituzte Galdakaoko Berbalagun jaian
Argazkiak / Berbalagun jaiak jolasean jarri ditu Basauriko euskara hiztunak
Etxebarria aita-seme trikitilariek ‘Familia gara’ disko berria aurkeztu dute Social Antzokian
Bideoa / Leyre Rodriguez gogoratu dute Arrigorriagan, indarkeria matxistaren azken biktima herrian
