Sareak

☉ Galdakao

Gastronomia txapelketak, pintxo dastaketa eta musika Urretako San Juan jaietan

Era berean, Rally poteoa, sanjuanetako gymkana, artisau produktuen azoka eta gaueko kaltzontzilo eta kulero lasterketa nabarmentzen dira egitarauan

|

galdakao urreta jaiak san juan

Ekainaren 23tik 27ra bitartean Galdakaoko Urreta auzoak San Juan jaiak ospatuko ditu egitarau zabal batekin. Gastronomia lehiaketak, Rally poteoa, sanjuanetako gymkana, artisau produktuen azoka eta gaueko kaltzontzilo eta kulero lasterketa nabarmentzen dira.

Urretako jaiak 2016 – Egitaraua

Ekainak 23, osteguna

19.00 Jaien hasiera eta pregoia

19:00 Buruhandiak eta batukada

19:00 Txosna zabalduko da eta Rally Poteoko txartelak banatuko dira

19:15 “ZUMBA” saio berezia, CURVES gimnasioaren kargu

20:00 TxikiDYA osasun txapelketa Urreta Parkean

22:00 SUA izetuko da, konjuroa eta txistorrada

Ekainak 24, ostirala

16:00 GAZTE CHEF txapelketa, Galdakaoko Topaguneen kargu

16:00 Txosna zabaldu

17:00 5 Estrellas Ziba txapelketa Urreta Parkean

17:30 Txokolatada bizkotxoakaz, SUMA Supermerkatuaren laguntzaz

18:00 Haur antzerkia ingelesez Cowboys and Indians by Kids&Us Galdakao

19:00 Taekwondo erakustaldia Urreta Parkean

21:00 Karibeko dantza erakustaldia eta animazioa dantzakaz GALDANCEren eskutik

23:00 Kontzertua, NORTE FLAMENCO

01:30 Musika animazioa BILBO DJren eskutik 04:00 Txosna itxi

Ekainak 25, larunbata

11:00 Txosna zabaldu

11:00 Gastronomia txapelketa, PATATA TORTILA

11:00 Super Haurren Egunaren hasiera, Urreta Parkean

12:00 Haur parkea, TIROA TXIMINOARI, UZTAI JAURTIKETA, ARRANTZA, DIANAK ETA IGELAK, UR TXIRRISTA IRRISTAGAILUAGAZ ETA LUDOTEKA TXIKITXOENTZAT

12:30 Tortilen aurkezpena, balorazioa eta sari-banaketa

13:00 Rally Poteoa, pintxoen dastaketa DOAN taberna laguntzaileakaz

13.00 MAXIMO MORENO Musika Eskolako udal musika banda

13:00 Aikidō-ren erakustaldia, Urreta Parkean

16:00 Bitsaren jaia, HAURREN DISKO ANIMAZIOAGAZ, Bizkai Parkean

17:00 Ur txirrista, lutodeka, oztopo anitzeko gazteluak eta hipodromo erraldoia, Urreta Parkean

17:00 Xaboi-burbuilen tailerra, Urreta Parkean

18:00 TXOKOLATEZKO PIRULETEN tailerra, Urreta Parkean

19:00 HAUR PERTSONAI baten bisita

23:00 Musika animazioa, BILBO DJren eskutik

01:00 IV. Kantzontzilo eta Kulero lasterketa San Juan 2016

Ekainak 26, igandea

11:00 ARTISAU PRODUKTUEN AZOKA

11:00 Txakur erakustaldia, DISC DOG CLUB BILBAO, Urreta Parkean (Tailerra barne – Inskripzioa txosnan)

11:30 PAELLA txapelketarako inskrizpzioa

12:30 Kalejira eta animazioa taberna laguntzaileetatik, SAN JUAN BIZIRIK DIRAU!

13:00 Rally Poteo, taberna laguntzaileetan

13:00 MEZA, San Juanen omenez

13:30 Sevillanen Erakustaldia

14:30 PAELLEN aurkezpena, balorazioa eta sari-banaketa

15:00 HERRI BAZKARIA (Barbakoak, paellak edo gura dozuna). Lekua, mahaiak eta aulkiak gure kontu.

17:00 ARTISAU PRODUKTUEN AZOKA

17:00 Sanjuanetako GINKANA de San Juan, ARGIZAI Eskaut Taldearen eskutik

18:00 Herri Kirolak eta Iparraldeko jokoak, Txinga-eroateko munduko txapelduna be egongo da

20:00 Erromeria guztientzat, Urreta Parkean

21:00 Rally Poteoko sariaren ZOZKETA (taberna laguntzaileak)

22:00 ZOZKETA, URRETA SAREAN #BIZIRIKDIRAU Txapelketaren sare sozialetako argazki onenari

22:30 Jaien amaiera sorpresa eta guzti

Ekainak 27, astelehena

Haurren eguna. Prezio herrikoiak barraketan

☉ Galdakao

Urreta kiroldegia handitzeko lanak udan hastea aurreikusi du Galdakaoko Udalak

|

Urreta kiroldegiak izango dituen zenbait espazio berri // Galdakaoko Udala

Urretako kiroldegiaren barnealdea eraberritzeko eta handitzeko obrak egingo ditu Galdakaoko Udalak. Aurreikuspenaren arabera lanak “uda ingururako” hasi nahi ditu Udalak.

Besteak beste, ariketa kardiobaskularrak, indar ariketak edota yoga egiteko erabilera anitzeko aretoak sortuko dituzte eta horretarako eraikin berri bat eraikiko dute kiroldegiaren sarreraren eta igerilekuaren arteko gune hutsean, solariuma deitzen dioten gunean, alegia.

Era berean, solarium horren azpian dagoen sotoa ere egokituko dute, 500 metro karratu ingurukoa.

Guztira, 1.000 metro karratu berri gehiago izango ditu kiroldegiak, eta aireztapen naturala ezarriko dute. Inbertsioa 3 milioi eurokoa izango da.

Hiru fase

Obrak hiru fasetan burutuko dituzte, “erabiltzaileei ahalik eta kaltre txikiena eragiteko”, diote udal ordezkariek.

Hasteko, beheko solairuaren barrualdea konpontzeko eta hobetzeko lanak egingo dituzte: “Igerilekuetarako irisgarritasuna hobetuko da arrapala bitartez, egungo aldagelak berrituko dira eta bina aldagela eta komun egokitu gehituko dira”, diote udal arduradunek. Lehen fase honetako lanak egiteko lau hilabete erabiliko dituzte, gehienez.

Bigarren fasea kiroldegia handitzekoa izango da. “Solarium gisa ezagutzen den gunean bi solairu eraikiko dira, eta horretarako, lur azpian dagoen sotoa egokituko da aurrena. Fitness eta kardio ariketetarako eremu berriak jarriko dira bertan, eta aldagela berriak. Larrialdietarako irteera berri bat ere gehituko da, besteak beste”, diote. Bigarren faseko iraupena, gehienez, zozrtzi hilabetekoa izango da.

Lan horiek amaitu ondoren ekingo diote solarium guneari teilatua jarri eta bi solairu eraikitzeari. “Beheko eta lehenengo solairuetan bi gune diafano egongo dira, besteak beste, askotariko ekintzetara egokitzeko”, diote. Enpresa esleipendunak 14 hilabete erabili ahalko ditu, gehienez, lan hauetarako. Guztira, 26 hilabete.

Azterketa fasean

Urretako kiroldegiaren barnealdea eraberritzeko eta handitzeko lizitazio prozesua azken txanpan da. Apirilaren 17an, asteazkenez, epea bukatu zen enpresek euren eskaintzak egiteko epea.

Orain prozesua azterketa fasean dago, udal teknikarien esku. Apirilaren 24an eta 30ean bilduko da kontratazio mahaia eta bertan erabakiko dute zein enpresak gauzatuko dituen obrak.

Osorik irakurri

☉ Galdakao

Herritarren parte hartzerako lehen ordenantza onartu du Galdakaoko Udalak

|

Herritarrak Udalak sustatutako parte-hartze prozesu batean lanean // Galdakaoko Udala

Herritarrek Galdakaoko udalgintzan parte hartzeko bideak eta moduak batzen dituen arautegia onartu du lehen aldiz Galdakaoko udalbatzak gobernu taldearen aldeko botoekin eta EAJren eta PSEren abstentzioarekin.

Parte-hartze ordenantzaren bitartez erabakiak hartzeko prozesuetan eta udal intereseko gaien kudeaketan herritarren parte hartzea erraztu eta bultzatuko du Udalak. Besteak beste, Udalaren aurrean herritarrek parte hartzeko dituzten eskubideak jaso dituzte arautegian, baita galdakoztarrek parte hartze prozesuak, kontsultak edo osoko bilkurako gai zerrendan gai bat sartzeko aukera ere.

“Eskaera hauek, eta egin daitezkeen beste batzuk ere, sinadura bilketaren bidez babestu behar dira. Sustatu nahi den ekintza motarako beharrezkoa den sinadura kopurua ere jasotzen du ordenantzak, esaterako”, diote udal ordezkariek. Ordenantzak guztira 170 artikulu ditu, bederatzi titulutan eta 28 kapitulutan banatuta.

2022tik lanean

Ordenantza honen edukia lantzeko, hainbat ekintza bildu dituen partaidetza prozesu publiko bat abiatu zuen Udalak 2022an herritarren, elkarteen, kolektiboen, udal teknikarien eta Udalean ordezkaritza duten alderdi politikoen ekarpenak eta ideiak jasotzeko.

Jasotako proposamenekin eta Donostia, Gasteiz, Oñati, Tolosa, Bartzelona eta beste udal batzuetako araudien azterketa egin ondoren, ordenantzaren lehen zirriborro bat idatzi zuten.

Iazko abenduaren 21eko osoko bilkurak dokumentuaren behin behineko onespena egin ostean, martxoko osoko bilkuran behin betiko onartuko du udalbatzak.

Osorik irakurri

☉ Galdakao

Sakeleko telefonoa erabiltzeko doako tailerra antolatu dute Galdakaon jubilatuei zuzenduta

|

Galdakaoko Udaleko Gizarte Ekintzako Adinekoen Dinamizazio Zerbitzuak telefono mugikorra erabiltzeko tailerra antolatu du apirilaren 22an eta 24an.

Tailerra doakoa da eta Iberluzeko Etxea Anaitasuna Adinekoen Zentroan egingo da 16:30etik 18:30era bitartean.

“Bi saioko tailer horretan telefono mugikorrari etekin handiagoa ateratzeko ikasiko dute parte hartzaileek”, diote udal ordezkariek.

Tailerrean izena emateko epea zabaldik egongo da apirilaren 8tik aurrera. Interesdunak Adinekoak Dinamizatzeko Zerbitzuaren bulegora bertaratu daitezke astelehenetik ostiralera 10:00etatik 13:30era, eta ostegunetan 16:00etatik 18:00etara.

Irteera Gernikara

Sakeleko telefonoa erabiltzeko tailerraz gain, jarduera gehiago antolatu ditu apirilean Gizarte Ekintzako Adinekoen Dinamizazio Zerbitzuak: bisita kulturala Gernikako Euskal Herria Museora eta Gernika-Forua-Axpe ibilaldia.

Bisita kulturala apirilaren 18an izango da eta ‘Markos Gimenoren karteletrak’ erakusketa ikusi ahal izango dute herritarrek: 11:00etan euskarazko taldea antolatu dute eta 12:00etan gaztelerazkoa.

“Erakusketa honetan, Markos Gimenok egindako hainbat palindromo aurkituko dira, baina baita Euskal Herriko hainbat artista, lagun eta diseinatzailek, esaldi horientzako, sortu dituzten obrak ere. Guzti hau antolatzen Joseba Sarrionandia eta Esteban Montorio izan dira”, diote udal arduradunek.

Bisita gidaturako izena emateko epea apirilaren 8an ere zabalduko du Udalak (doan), eta gehienez 15 lagun joan ahalko dira talde bakoitzeko.

Gernika-Forua-Axpe ibilaldia

Bestetik, Gernika-Forua-Axpe ibilaldia apirilaren 25ean antolatu dute. “12 kilometroko ibilbide lineal ederraz disfrutatu ahal izango dute herritarrek”, diote Udaletik.

Honako gune hauetatik igarotzen da ibilbidea: Gernika, Urbieta, Oka Ibaia, Forua, Gordiz, Zarragagoikoa, Foruko Bidea, Lakaena, Maitea Baserri, Axbiribil (Atxondo), Karabizurrieta, Goikogana, Irestagorri, Artolena, Birjinarestigoikoa, Altamira, San Bartolome, eta Axpe Ermita (Busturia).

Txangoan izena emateko epea apirilaren 12an zabalduko du Udalak (doan) eta gehienez 30 lagun joan ahalko dira.

Osorik irakurri

☉ Galdakao

Galdakaoko Jai Batzordeak logoa izango du eta hori aukeratzeko lehiaketa zabaldu dute

|

Galdakaoko jaien hasiera iaz // Geuria

Galdakaoko Jai Batzordeak logo propioa izango du. Hala erabaki dute Jai Batzordeko kideek, eta logoa zehazteko lehiaketa zabaldu dute.

Lehiaketan 16 urtetik gorako lagunek parte hartu ahal izango dute. Diseinuak bidaltzeko epea zabalik dago ekainaren 1era arte.

Parte hartzaileek galdakaokojaibatzordea2020@gmail.com helbidera elektrikora bidali behar dituzte euren diseinuak, Logo gakoa idatzita. Pertsona bakoitzak logo bat baino gehiago bidali ahal izango ditu.

Jai Batzordeko kideek zehaztu dutenez, logoa “kolore bakar batekoa” izango da eta bi modutan aurketu behar da: batean ‘Galdakaoko Jai Batzordea’ argi ikusi beharko da, eta bestean, irudia baino ez da agertuko, testurik gabe.

“Tipografia ere librea da”, diote, eta gaineratu dute debekatuta dagoela Inteligentzia Artifizialaren bitartez logoa egitea.

Ekainaren 15ean egingo dute publiko logo irabazlea eta egilearen izena. Epaimahaia Jai Batzordearen lantalde batek osatuko du, “eta komenigarriak izan daitezkeen egokitzapenak eskatu ahal izango dizkio diseinu irabazlearen egileari, halaxe baloratzen baldin badu”, diote.

Irabazleak bi pertsonentzako bi afari irabaziko ditu Galdakaoko bi jatetxetan, “2024an zehar disfrutatzeko”, diote. Gainera, “plaka oroigarri bat ere” jasoko du irabazleak.

Irabazlerik egon ezean, lehiaketa datorren urtean errepikatuko dutela adierazi dute Galdakaoko Jai Batzordetik.

Osorik irakurri

☉ Galdakao

Bertan behera Galdakaoko kale garbiketan astelehenetik aurrera aurreikusita zegoen greba

Bi urteko akordioa sinatu dute sindikatuak eta enpresak, eta Galdakaoko Udala bitartekari lanetan aritu da

|

Galdakaoko kale garbikuntzan bi asteko greba deitua zuen ELA sindikatuak datorren astelehenetik aurrera. Sindikatuko ordezkariek adierazi zutenaren arabera, urtebete baino gehiago zeramaten Andra Mari aldi baterako enpresa-elkartearekin (Enviser eta Serkom enpresek osatua) hitzarmena negoziatzen, emaitzik gabe.

Gauzak horrela, eta enpresak KPIa baino soldata eguneratze askoz txikiagoak eskaintzen zituela ikusita, datorren apirilaren 15ean hasi behar zuten greba enpresako 33 langileek.

Gaurkoan, baina, eta Udalak jakitera eman duen lez, bi urterako akordioa erdietsi dute enpresak eta sindikatuak, “udalaren bitartekaritza lanarekin”.

Osorik irakurri