Bosgarren aldia da Gurpil Lerroko Patinaje Artistikoko Munduko Txapelketa irabazten duela Ainhoa Galdeano basauriarrak
Ekainaren 28tik uztailaren 2ra bitartean ospatu da Dijonen (Frantzia) Gurpil Lerroko Patinaje Artistikoko Munduko Txapelketa. Bertan Ainhoa Galdeano basauriarrak parte hartu du Adults Silver Ladies kategorian eta garaipena lortu du. Modu horretan, Arrigorriagan bizi den patinatzailea munduko txapeldun da beste behin.
Garaipen honekin munduko txapeldun bezala koroatzen den bosgarren aldia da: 2012an Parisen, 2013an Errumanian, 2014an Panticosan, 2015ean Genevan eta 2017an Dijonen (2016an txapeldunorde izan zen Milanen).
