→Arrigorriaga

Maria Delgado Gil arrigorriagarrak XXI Herri Krosa irabazi du

Arrigorriagako Maria Delgado Gil korrikalariak (Arrigorriaga, 1982) aurtengo Herri Krosa irabazik du 39,11″ko markagaz: “Oso pozik nago. Astero egiten dudan ibilbidea da harrobietakoa eta gustura ibili nintzen korrika Osasunalde taldeagaz”, adierazi dio herriko txapeldunak GEURIA komunikabideari

Maria Delgado Gil // Utzitakoa

Arrigorriagako Maria Delgado Gil korrikalariak (Arrigorriaga, 1982) aurtengo Arrigorriagako XXI. Herri Krosa irabazi du 39 minutu eta 11 segunduko markagaz: “Oso pozik nago. Astero egiten dudan ibilbidea da harrobietakoa eta gustura ibili nintzen korrika Osasunalde taldeagaz otsailaren 27an”, adierazi dio herriko txapeldunak GEURIA komunikabideari. Bigarren aldia da arigorriagarrak lasterketa honetan parte hartzen duela eta 2020an pandemian murgildu baino lehen parte hartu zuenekoarekin aldea dagoela azaldu digu: “Pena da aurtengoa pandemia aurretik egiten ziren lasterketen formatua ez izatea: aurreko urteetan animazio gehiago zegoen eta lasterkari guztiak aldi berean irteten ziren korrikan, eta parte-hartzaile gehienak mozorratuta zihoazen. Baina hau da bizi behar dugun egoera gaur egun, tamalez”. 36 emakumek parte hartu zuten guztira joan den domekako lasterketan.

Arrigorriagako Udal kiroldegiko neskekin korrika egiten duen kirolaria duela hiru urte hasi zen hankei eragiten osasun arazoak ekiditeko lagun batek hala gomendatu ziolako. Harrezgeroztik korrika egiteari gogoz heldu dio Delgadok. Dagoeneko, aurtengo egutegian hitzordu garrantzitsuak ditu arrigorriagarrak: “Datorren astean Donostiako Lilaton lasterketan korrika egingo dut, eta hurrengoak trail modalitatekoak dira: martxoaren 12an Mungia Lau Haizeta Trailean izango naiz eta aurrerago Nafarroan prestatuko duten Euskal Herriko Mendi Erronkan izango naiz”.

Maria Delgado Gil, Herri Krosean // Utzitakoa

Gora

Geuria Laguntzaileak Geuria Laguntzaileak