Sareak
[the_ad_group id="3890"]

☉ Arrigorriaga

Birziklatzeko ontziak jarri dituzte Arrigorriagako eskolan, “kontzientzia pizteko”

Iaztik 25.000 euro baino gehiago inbertitu ditu Arrigorriagako Udalak eskola hobetzeko lanetan. Azken pausoa izan da birziklatzeko ontziak jartzea.

|

arrigorriaga eskola 2017 birziklatze ontziak

Iaztik 25.000 euro baino gehiago inbertitu ditu Arrigorriagako Udalak eskola hobetzeko lanetan. Azken pausoa izan da birziklatzeko ontziak jartzea

Arrigorriagako eskola publikoa hobetzeko zenbait ekintza gauzatu ditu Udalak azken urtean, Eskola Kontseiluak berak hala eskatuta. Berriki, paperontzi berriak jarri dituzte, batik bat, birziklatzeko ontziak (papera eta kartoia, plastikoak eta hondakin organikoak). Guztira, 11.647,64 euroko inbertsioa egin du udal gobernu taldeak.

BESTELAKO BERRIKUNTZAK

Era berean, 2016az geroztik beste hobekuntza batzuk egin ditu Udalak eskolan, 25.000 euro inguruko inbertsioa suposatu dizkiona. Besteak beste, eskola osoa barrutik eta kanpoko beirazko estalkia garbitu dituzte, lorezaintza lanak, komunetako ateak eta sabaiak margotu dituzte, baita “Atezainzaren Etxea” delako eremua ere. Gainera, komunen ondoko garbiketa-gelaren atea konpondu dute, barruko jolastokira begira dauden fatxadako kableak tinkotu dituzte, goiko estalkiko erretena garbitu dute eta proiektore batzuetako bonbillak ordezkatu dituzte.

Halaber, futbol-zelaietako kanaleta perimetralak garbitu dituzte eta bertako urak bananondoen azpitik igarotzen den kanalerantz birbideratu dituzte. Hermenegildo Lekunberri eta Severo Ochoa kaleen izkinan lur-eremua egokitu dute eta bi bananondoetako txorkoak bete dituzte.

Txikienen eraikinean zurezko gainak jarri dituzte konketetan eta ikasgeletako altzarietan, eta hesietako sarrera-ateak margotu dituzte. Eskuko lehorgailuak kendu dituzte, baita paper-barra eta toalla-euskarrietako portzelanazko piezak ere. Bide batez, falta ziren lauzak jarri dituzte. Amaitzeko, kanpoko kantxetako sareta luzatu dute, “pilatu ohi zen putzu ezatsegina desagerrarazteko“.

☉ Arrigorriaga

Ixone Garmendia arrigorriagarrak Transilvanian bizikletan egindako bidaia hizpide izango du Mendi Jardunaldietan

Padura Mendigoizale Taldeak antolatutako jardunaldi hauetan Fernando Errekalde, Alex Txikon eta Amaia Segurola kirolariek hartuko dute parte ere azaroaren 11tik 26ra, Lonbo aretoan

|

Transilvaniako paisaiak // Cara Jr, Unsplash

Beste urte batez Mendi Jardunaldiak antolatu ditu Arrigorriagako Padura Mendigoizale elkarteak, Udalarekin elkarlanean, azaroan, Lonbo aretoan. Aurten gonbidatu bereziak izango ditu ere: Ixone Garmendia Garaizabal, Fernando Errekalde Bilbatua, Alex Txikon Narbaez eta Amaia Segurola Baranda.

Azaroaren 11n izango da lehen solasaldia: Ixone Garmendia mendizale eta eskalatzailea (Arrigorriaga, 1993) Transilvaniatik bizikletaz egindako bidaiaz mintzatuko da. Saio guztien artean hau izango da euskaraz eskainiko den bakarra. Ixone euskal eta ingles filologian graduatua da, irakaslea eta abenturazale amorratua. Bidaiatzea, jatea eta mendia bereziki maite du. Garmendiak joan den udan Transilvaniatik bizikletan egindako bidaiaren inguruko hitzaldia eskainiko du Arrigorriagan.

Hilaren 14an ‘Manaslu: Nire lehen zortzimilakoa’ izeneko hitzaldia eskainiko du Fernando Errekaldek; Azaroaren 15ean Annapurnaren inguruan arituko da Alex Txikon mendizalea; Azken saioa Amaia Segurolak eskainiko du hilaren 26an: ‘Bidea irekitzen: Groenlandia’. Hitzaldi guztiak Lonbo aretoan eskainiko dituzte 20:00etan.

Osorik irakurri

☉ Arrigorriaga

Bere zale baten kontrako erasoa gaitzetsi du Arrigorriagako Padura futbol taldeak

Erasoa partida bukaeran jazo zen, eta Arrigorriagako taldearen arabera “Deustuko hainbat zale ultrek” gauzatu zuten. Zauri eta kolpeen ondorioz zalea ospitalean artatu behar izan zuten

|

CD Paduraren futbol zelaia // Geuria

Modurik txarrenean bukatu zen 3RFEF mailako CD Paduraren eta SD Deustoren arteko norgehiagoka. Arrigorriagako taldeak partida bukatu bezain pronto jakitera eman zuen bere zaleetako bat erasotua izan zela, eta erasoa Deustuko taldearen hainbat “jarraitzaile ultren” eskutik heldu zela.

Hori gutxi ez, eta zera nabarmendu nahi izan zuten Arrigorriagako taldetik: “Zoritxarrez, gertakari horiek ez dira Deustoko zale ultrekin gertatzen diren lehen aldia, eta, Deustoko benetako zaleen arabera, “beti berdinak dira”.

Oharrean bertan jakitera emandakoaren arabera, jarraitzailea ospitalean artatu behar izan zuten, eta erasoa ez zen larriagoa izan bi taldeen jarraitzaile eta Ertzaintzaren esku hartzeari esker.

Bukatzeko, Arrigorriagako taldetik kiroltasunaren eta joko garbiaren aldeko mezua luzatu dute. Deustuarren kasuan, oraindik ez dute adierazpanik egin, bere zaleetako batzuk sare sozialen bidez adierazitakoa salbu.

Osorik irakurri

☉ Arrigorriaga

Argazkiak / Arima galduez bete zen Arrigorriaga urteko gaurik beltzenean

Haurrentzako esperimentazio tailerra prestatu zuen Arritxikerrak taldeak Gau Beltzean, eta bertan egon ginen, argazki beldurgarriak egiten

|

Haurrak esperimentazio tailerrean // Geuria

Arritxikerrak taldeak ‘Gau Beltza Esperimentazio Tailerra’  prestatu zuen udaletxe aurreko Argala enparantzan. Itzalitako kalabazak piztu, zentzumenak landu eta mozorroekin gozatzeko aukera izan zuten txiki eta ez hain txikiek. Bertan egon ginen, eta argazki beldurgarri hauek egin izan ahal genituen.

Osorik irakurri

☉ Arrigorriaga

Arritxikerrak dinamikak ‘Gau Beltza Esperimentazio Tailerra’ antolatu du Arrigorriagako Arimen gauan

‘Gau Beltza Esperimentazio Tailerra’ udaletxe aurreko plazan antolatu dute Arritxikerrak-ekoek gaur bertan, 18:00etan

|

Familiak, Arritxikerrak ekimenaren tailer batean // Geuria

Arrigorriagako haur askorentzat lehen Gau Beltza izango da gaurkoa eta Arritxikerra dinamikak esperientzia berri hau ‘Gau Beltza Esperimentazio Tailerra’ren bidez helarazi nahi die 0 eta 6 urte bitarteko txikiei.

Arrigorriagan mozorroek kaleak hartuko dituzte 16:00etatik aurrera eta herritar guztiak deituta daude armairura jo eta mozorro originalena janztera, herria animatzeko.

Izan ere, lehen hitzordua 16:30ean izango da eskolan: txiki eta nagusiak bertan mozorrotzera deitu dituzte. 17:00ak aldera ‘ziri edo zari’ (“truco o trato“, erdaraz) eske errondak egingo dituzte herriko kaleetan barrena kaleetan edo udal ordezkariek jardueraren inguruko karteletan erantsi dituzten QR kodeei jarraituz.

Esperimentazioa, udaletxe aurrean

Arritxikerrak-en ‘Gau Beltza Esperimentazio Tailerra’ 18:00etan prestatu dute udaletxe aurreko Argala enparantzan. “Itzalitako kalabazak pizztera goaz”, azaldu dute dinamika taldetik. “Gau Beltza iristear dago eta gure lehenengo ekintza prestatu dugu bertan”.

Jarduera honetan, haur bakoitza nagusi batekin lagunduta hurbildu beharko dira, tailerrean parte hartu nahi izanez gero. Arritxikerrak taldeak, Arrigorriagako Udalaren laguntza tarteko, aisialdian euskaraz aritzeko doako jarduerak antolatzen dizkie 0 eta 6 urte bitarteko haurrei eta beren gurasoei.

Euskararen arnasgune eta erreferente izan nahi du herrian. Horregatik, ekimenak aukera ematen die familia parte-hartzaileei aisialdiko hizkuntza-ohiturak aldatzeko. Ekimenaren inguruko informazio osoa GEURIAn argitaratu genuen duela hilabete batzuk hementxe.

Gau Beltzako programazioarekin jarraituz, udaletxeko plazan tailerrak, dantzak eta suzko zezena prestatu dituzte 17:30etik aurrera. 18:00etan izuaren pasabidean parte-hartzeko gonbidapena luzatu diete herritarrei Gaztegunean.

Egitaraua | Gau Beltza Arrigorriagan 2024

Urriak 31, osteguna
16:30 Nagusi zein txiki, mozorroak jantzi, eskola
17:00 Eske erronda, herrian zehar
17:30 Tailerrak: Gau Beltza Esperimentazio tailerra, Arritxikerrak taldearen eskutik + makillaje gorea + ile-apainketa zoroa, Argala plaza
18:00 Izuaren pasabidea, Gaztegunea
20:00 Dantzak, Aritz Berriren eskutik, Argala plaza
20:30 Suzko zezena, Argala plaza

Osorik irakurri

☉ Arrigorriaga

Gau Beltzak “ziri edo sariz” beteko ditu Arrigorriagako kaleak gaualdean

Mozorroek kaleak hartuko dituzte 16:00etatik aurrera Arrigorriagan eta ez hori bakarrik: tailerrak, beldurrezko pasabidea eta dantzaldia prestatu dituzte arrasti beldurgarri honetan

|

Mozorratutako ume bat // Euskaltzaleen Topagunea

Ordu batzuk baino ez dira falta Arimen Gaua edo Gau Beltza ospatzeko. Arrigorriagako Udaletik, eskualdeko beste udalerri batzuek lez, hainbat jarduera prestatu dituzte txiki, gazte eta helduentzat.

Arrigorriagan mozorroek kaleak hartuko dituzte 16:00etatik aurrera eta herritar guztiak deituta daude armairura jo eta mozorro originalena janztera, herria animatzeko.

Izan ere, lehen hitzordua 16:30ean izango da eskolan: txiki eta nagusiak bertan mozorrotzera deitu dituzte. 17:00ak aldera ‘ziri edo sari’ eske errondak egingo dituzte herriko kaleetan barrena kaleetan edo udal ordezkariek jardueraren inguruko karteletan erantsi dituzten QR kodeei jarraituz.

Bestalde, udaletxeko plazan tailerrak, dantzak eta suzko zezena prestatu dituzte 17:30etik aurrera. 18:00etan izuaren pasabidean parte-hartzeko gonbidapena luzatu diete herritarrei Gaztegunean.

Egitaraua | Gau Beltza Arrigorriagan 2024

Urriak 31, osteguna
16:30 Nagusi zein txiki, mozorroak jantzi, eskola
17:00 Eske erronda, herrian zehar
17:30 Tailerrak: Gau Beltza Esperimentazio tailerra, Arritxikerrak taldearen eskutik + makillaje gorea + ile-apainketa zoroa, Argala plaza
18:00 Izuaren pasabidea, Gaztegunea
20:00 Dantzak, Aritz Berriren eskutik, Argala plaza
20:30 Suzko zezena, Argala plaza

Osorik irakurri