Apirilaren 19an Athletic Club Fundazioak eta Loraldia Festibalak euskaraz egindako bideoentzako Thinking Football Saria banatu zuten. Irabazleak Jabi Jubera eta Eñaut Barandiaran zaratamarra izan dira, “Jokoz kanpo” lanagatik, eta Jose Angel Iribarrek eman zien saria.
Epaimahai lanetan ibili dira Iratxe Fresneda kazetaria, Jon Maia bertsolaria, Itziar Ituño aktore basauriarra eta Ana Angulo. Bideoa hurrengo asteetan ikusi ahal izango da San Mameseko bideomarkagailuan partida egunetan.
