Sareak

☉ Arrigorriaga

Programa / Arrigorriagako Madalenak izango dira uztailaren 19etik 23ra

Gastronomia lehiaketak, bertsolariak, euskal dantzak, kirol txapelketak eta musika eskaintza zabala egongo da uztailaren 23ra arte.

|

arrigorriaga jaiak 2017 txupina 10

Ostegunean, uztailaren 19an, hasiko dira Arrigorriagako jaiak. Aritz Berri Dantza Taldeak emango die hasiera aurtengo Madalenei. Gastronomia lehiaketak, bertsolariak, euskal dantzak, kirol txapelketak eta musika eskaintza zabala egongo da uztailaren 23ra arte.

ARRIGORRIAGAKO JAIAK 2018-EGITARAUA
Uztailak 19, osteguna
19:30 Denok plazara
20:00 Txupinazoa Aritz Berri Dantza Taldearen eskutik
20:15 Buruhandiak
20:30 Harrera udaletxean herriko talde eta kuadrillen ordezkariei
20:30 Txosnen irekiera
21:00 Kantatuaz Arrigorriagako taldea herrian zehar
22:00-00:30 Eraso Sexisten aurkako tailer ibiltaria
22:30 DJ Gomi eta DJ Markelin udaletxeko plazan
23:00 Kontzertuak: Mockers + Tooth + La Txirla, txosnagunean

Uztailak 20, ostirala
10:00 Diana eta Kalejira
12:00-14:00 Ginakna Jeunesse (Frantziako eta Arrigorriagako nerabeen artekoa) Joan XXIII plazan
14:00 Nagusien bazkaria kiroldegian
15:00 Bertso bazkaria Joan XXIII plazan (Jone Uria eta Agin Laburu)
17:00 Futbol 7ko finalak eta sari banaketa
18:00-19:00 Emakumeen padel txapelketaren finala
19:00 Sama Siku Fanfarrea
19:00 Buruhandiak
19:00 Euskaraldiari buruzko Informazio Mahaia udaletxeko plazan
19:00 Kale Antzerkia Tornado Konpainiarekin, udaletxe zaharreko arkupetan
19:30-21:00 Gizonezkoen padel txapelketako finala
19:30 Txistorra jana udaletxeko plazan
20:00 Saskibaloi txapelketa, triangularra
20:15 Euskal Dantzak udaletxe plazan, Aritz Berri Dantza Taldea
20:30 Txikifesta show Barua parkean
21:30 Kontzertuak: Disaster Now + Kaotiko + ETS (Udaletxe plazan)
22:00 Bizkaia pilota txapelketa: Arteaga II vs Laso // Olaizola II-Aretxabaleta vs Bengoetxea VI-Larunbe // Bakaikoa-Urretabizkaia II
23:30-02:30 Helduentzako DJ festa Barua parkean
02:30 Erromeria: Trikizio (Udaletxe plazan)

Uztailak 21, larunbata
10:00 Diana eta kalejira
10:00 Bakilaoa, marmitkoa, paella eta tortilla txapelketak
11:00 Urpekaritza bataila, igerilekuko kanpoaldean
11:00 Eskalada, kiroldegian
11:00 Hasiberrien eta umetxoen esku pilota partidak
11:00 Taekwondo jardunaldi irekiak
11:00-14:00 Xake partida azkarrak, udaletxeko arkupetan
12:00 Sama Siku fanfarrea
12:00 Apar festa Agirre Lehendakaria parkean
13:00 Buruhandiak
17:00 Futbol 7ko finalak eta sari banaketak
17:30-20:30 Umeentzako parkea (Barua parkean)
18:00-20:00 Umeentzako tailerrak Barua parkean
19:30 Kalejira, Aritz Berri Dantza Taldearen eskutik
20:00 Folklore jaialdia: Ipar Osetiako GOREST taldea, Rwandako Inyamibwa eta Galdakaoko Andra Mari Eusko Dantzari Taldea
20:30 Izozki banaketa Kultur Etxean
21:00 Lokomotores elektrotxaranga
23:00 Dantzaldia udaletxean: Montecristo
23:00 Kontzertuak: Siroka+Rat-zinger+Beranduegi (txosnagunean)

Uztailak 22, igandea
10:00 Diana eta kalejira
10:00 Mistela eta madalena banaketa
11:00 XIX. Txirrindulari-bira
11:00 Hasiberrien eta umetxoen esku pilota partidak
11:00 Meza nagusia eta Eki Eder Abesbatza
12:00-14:00 Umeentzako eta familientzako jolasak kiroldegian
12:30 Barakaldakoko Udal Musika Banda udaletxeko arkupetan
13:30 Txakolin eta Oliben dastakera, udaletxeko arkupetan
14:00 Oliba-hezur jaurtiketa udaletxeko plazan
16:00 Tute txapelketa jubilatuen etxean
17:30-20:30 Umeentzako eta familientzako jolasak kiroldegian
18:30 Bizkaiko herri kirol liga: Ondarroako Herri Kirol Taldea, Agirre Lehendakaria parkean
19:00 Buruhandiak
19:30 IX. Play Back lehiaketa udaletxe plazan
20:00 Fritanga Elektrotxaranga
22:30 Kontzertu mexikarra udaletxe plazan: Puro Relajo
00:00 DJ Felsgold txosnagunean

Uztailak 23, astelehena
10:00 Diana eta Kalejira
11:00-13:00 Burbuilen festa Agirre Lehendakaria Parkean
11:30-12:30 Pizza Jaurtiketa Odol Emaileen plazan
13:00 Txapela Buruan eta Ibili Munduan umeentzako ikuskizuna udaletxe plazan
15:00 Paella jana udaletxeko arkupetan
16:00 Mus txapelketa Aldapa tabernan
19:00 Xori-Gizonaren Elezaharra dantza ikuskizuna Barua parkean
19:00 Buruhandiak
19:00 Ku-klux fanfarrea
20:00 Dantza eta plaza erromeria, Patxi eta konpainia taldearekin, udaletxe plazan
20:00 Tolin abeslariaren emanaldia, Barua parkean
22:00 Jai amaiera: Meridian Rock Band eta Play The Game (Queen-en bertsioak)

☉ Arrigorriaga

#A21 / Emaitzak / Arrigorriaga / EAJk sendo eutsi dio EH Bilduren igoerari

#A21 / Arrigorriaga / Eusko Legebiltzarrerako hauteskundeak 2024 / Emaitzak

|

Osorik irakurri

☉ Arrigorriaga

“Gure Zirkua” Hego Uribera etorriko da lehen aldiz, Arrigorriagan zortzi saio eskainiz

Euskal Herriko lehen zirku ibiltaria Hego Uribera helduko da lehen aldiz, Arrigorriagan zortzi saio eskainiz

|

2017an sortu zuen Iker Galarza aktoreak Gure Zirkua / Gure zirkua

“Nortasun berezi, xelebre eta irribarretsua duten artistez osatutako konpainiak ezinezkoarekin jolas egin asmo du, eta beren ametsetako ikuskizuna eskaini. Beren arte eskuzabal eta herrikoia erakutsi nahi digute. Beren lanbidea, edertasuna eta ausardia elkarbanatu nahi dute herri osoarekin, adin eta maila guztietako herritarrekin”.

Hori da Iker Galarzak sortu duen Gure Zirkuaren definizioa eta helburua. Apustu arrakastatsua izan da Euskal Herriko lehen zirku ibiltariarena, eta udaberriarekin batera euren zazpigarren birari ekin diote. Urte hasieran “Gure zirkua heldu da” dokumentala estreinatu zuten Eitb-ren Nahieran plataforman.

Lehen aldiz euren karpa Hego Uriben altxatuko dute, Arrigorriagan. Maiatzaren azken egunean helduko dira kiroldegiko PP2ra, eta honako hauek dira guztira egingo dituzten 8 saioen egunak eta ordutegiak:

Maiatzak 31 19:00

Ekainak  1 16:30 eta 19:00

Ekainak 2 12:00 eta 17:00

Ekainak  7 19:00

Ekainak 8 16:30 eta 19:00

Osorik irakurri

☉ Arrigorriaga

Osasun eta Higiene auzoaren berrurbanizazioari ekiteko aurrerapausoa eman dute Arrigorriagan

Aste honetan egin duten bileran proiektua garatu ahal izateko txostena aurkeztu die Udalak auzotarrei, aztertu dezaten

|

Saneamenduarekin eta hornidura sarearekin lotutako hainbat behar pilatu ditu urteetan zehar auzoak / Geuria

Arrigorriagako Osasun eta Higiene auzoa herriko txikienetakoa da, eta dituen berezitasunengatik saneamenduarekin eta hornidura sarearekin lotutako hainbat behar pilatu ditu urteetan zehar. Gauzak horrela, udal gobernua lanean hasi zen 2019an auzotarrekin batera.

Ordutik hona, hainbat pauso eman dituzte: alde batetik, Ur Partzuergoarekin lotutakoak, saneamendua eta hornidura dela eta. Bestetik, obra zibila aurrera eramateko konpromisoa hartu zuen Arrigorriagako Udalak. Horretarako, beharrezkoa zen  auzotarrak komunitate gisa eratzea, bidean agertu eta agertuko diren hainbat oztopori aurre egiteko.

Aste honetan egin duten bileran proiektua garatu ahal izateko txostena aurkeztu die udalak auzotarrei, aztertu dezaten. Behin hori zehaztuta, eta udaleko arduradunek azaldu dutenaren arabera “bi aldeen adostasunarekin, udalak beharrezko mekanismoak jarriko lituzke martxan Osasun eta Higiene auzoaren berrurbanizazioari ekiteko”.

Maite Ibarra alkateak, bere aldetik, proiektuaren garrantzia nabarmendu nahi izan du: Osasun eta Higiene ardura eta heldutasun politikoaren eredu izaten ari da. Gobernutik merezi duen inbertsioa egingo dugu
auzo honetan, eta auzokideek jarrera aktiboa eta kolaboratiboa erakutsi dute, eta hori eskertzekoa da”.

Osorik irakurri

☉ Arrigorriaga

Sagarrak ekologista taldeak Arrigorriagako Mendikosolo eta Abrisketako Done Peri bisitatuko ditu

Doako bisita apirilaren 28an antolatu dute Basaurikoek Ekologistak Martxanekin elkarlanean eta izena emateko azken eguna hilaren 25a izango da

|

Urko Ibañez basozaina, Mendikosolo parkeko presan // Geuria

Basauriko Sagarrak Ekologista Taldeak Arrigorriagako balio natural eta historiko handiko ingurune txikiak bisitatuko ditu datorren apirilaren 28an. Zehazki Arrigorriagako erdigunea, Mendikosolo parkea eta Abrisketako Done Peri baseliza bisitatuko dituzte parte-hartzaileek Ekologistak Martxaneko Eduardo Renovales kidearen eskutik.

Txangoa egun erdikoa izango da, 09:00etatik 14:00ak arte, gutxi gorabehera. Hitzordua apirilaren 28a izango da eta geralekua Basauriko Bidebieta geltokia izango da, 09:00etan. Espero dute 09:30ean Arrigorriagara heltzera.

“Bisita Arrigorriagako tren geltokian hasiko dugu eta lehenengo geldialdia ondoko Teodosia Ortega parkean egingo dugu”, azaldu dute elkartetik. “Aurkezpenaren eta agurraren ondoren, gauden lekuaz, zuhaitz esanguratsuenez eta hiri-inguruneetako parkeen balioaz egingo dugu berba”.

Antzara bat, Mendikosolon // Geuria

Arrigorriagako herrigunetik Mendikosolora abiatuko dira eta bidean inguru urbanizatuko harizti batean geldialdia egingo dute eta hortik zuzenean Mendikosolo parkeko sarrerara joango dira. Sarreran bertan parkeko iraganaz eta bertako balio naturalez berba egin ostean, presako aldamenetik doan bideari ekingo diote eta Mendikosolo atzean utziz mendian gora abiatuko dira.

Igoeraren amaieran Abrisketako Done Peri baselizara helduko dira ibiltariak eta tenpluaren historiaz eta inguru txiki honetan egindako azken ikerketen inguruan hitz egiteko aukera izango dute.

Teresa Campos, Abrisketako Done Peri baselizako ikerketetan // Geuria

Kontuan hartzekoak

Lehenik eta behin, ibilaldia herritar guztiei zabalik dago eta bertan hartzeko izena ematea beharrezkoa dela iragarri dute Sagarraketik. Izen emateak webgune honen bidez egin daitezke eta izena emateko azken eguna apirilaren 25a izango da.

Bestalde, ibilbidea modu egokian egiteko zapata erosoak eta makila eramatea gomendagarria dela azpimarratu dute elkarteko kideek eta Mendikosolotik Abrisketako San Pedrora doan igoera “zailtasun ertainekoa” bezala definitu dute.

Osorik irakurri

☉ Arrigorriaga

Arritxikerrak proiektuak sukaldaritza tailerra prestatu die Arrigorriagako txikiei

Familiak euskaraz aritzeko jarduera Arrigorriagako Edurne Garitazelaia kultur etxeko Azokea aretoan antolatu dute apirilaren 18an

|

Haurrak, Arritxikerrakek joan den M8an antolatutako mozorro tailerrean // Geuria

​​​Datorren apirilaren 18an Sukaldaritza tailerra prestatu dute Arritxikerrakekoek bi eta sei urte bitarteko txikientzat, Arrigorriagako Edurne Garitazelaia kultur etxeko Azokea aretoan.

Familiak euskaraz aritzeko jarduera honek txanda bi izango ditu: lehena bi eta lau urteko haurrei zuzenduta dago eta 17:00etatik 17:40etara izango da. Bigarren saioa 17:45etik 18:30ra izango da, lau eta sei urtebitartekoentzat.

Edukiera mugatuko ekintza izango da eta Arritxikerraketik azaldu dute izena emateko arritxikerrak@gmail.com​ idatzi behar dutela intersdunek. Bertan, ume kopurua eta horien adina zehaztu beharko da.

Osorik irakurri