Sareak

☉ Basauri

Azbarrenen 358 etxebizitza eraikitzeko elkarlanean dira Udala eta Jaurlaritza

|

basauri sarratu etxeak obrak 2014

Sarratu auzoko lehenengo fasean 150 etxebizitza eraikitzen ari dira eta San Migelen, 75. Azbarren auzoan Babes Ofizialeko beste 358 etxebizitza egitea aurreikusten du Udalak.

Aspaldi dabil Basauri Udal Hiri Antolakuntza Plan Orokorra (HAPO) berrikusteko asmoz, gaur egungo errealitatera egokitzeko. HAPOren azken eguneraketa 2006. urteko ekainean egin zen. Bertan, Sarratu auzoaren berregituraketa adostu zuten eta, zortzi urte geroago, 2014ko udan errealitate bihurtu da: Eusko Jaurlaritzaren baitan dagoen Visesa sustapen publikorako sozietatea babes ofizialeko 60 etxebizitza eta 90 etxebizitza sozial eraikitzen ari da lehenengo fase honetan. Aurrenekoen esleipena 2012ko uztailean burutu zen; etxebizitza sozialen zozketa, ostera, oraindik egiteke dago. Hala eta guztiz ere, aurreikuspenen arabera, 2016ko lehenengo hiruhilabetean emango zaizkie etxebizitzak esleipendunei. Bigarren faseari begira, babes ofizialeko beste 130 etxebizitza eraikiko direla espero da; 2016an bertan hasiko dira obra horiek.

Sarratuko eraikin berriek bost solairu izango dituzte, eta beheak lokal komertzialak jartzeko erabiliko dira. Eraikin bakoitzaren azpian, berriz, hiru soto-solairu eraikiko dira: aurrenekoa trasteleku eta hornikuntzentzat eta beste biak, garajeentzat.

99 BOE SAN MIGELEN

Erebegik babes ofizialeko 75 etxebizitza eta 24 tasatu eraikiko ditu Basauriko San Migelen, bi eraikin osatuz. Lehenengoen egiturak forma hartzen ari dira dagoeneko; etxebizitza tasatuen obrak, ostera, 2015ean hasiko dira. “Hiru logeletako etxebizitzak dira, argitsuak eta distribuzio zabalekoak. Terraza handiak ere  izango dituzte. Etxebizitza hauek eraginkortasun energetikoa lortzeko diseinatuak eta bideratuak daude, etorkizuneko kontsumoaren aurrezpenera iristeko”, diote Gesarqus etxebizitza-sustatzailetik.

Prezioari dagokionez, lehenengo faseko etxebizitzek bi salneurri dituzte: 168.278,39 eurotik hasita, garaje eta trasteleku banarekin, eta 185.653,36 eurotik aurrera, bi garaje partzela eta trasteleku batekin. San Migelgo bigarren faseko etxebizitzentzako, ostera, ez du eroslerik aurkitu Gesarqusek eta litekeena da etxebizitza horien proiektua bertan behera geratzea.

ORAINGOZ, SAN MIGELGO BIGARREN FASEA STAND-BY-EN DAGO

ETXEAK EROSI, ERAITSI ETA BERRIAK ERAIKI

Hori da gaur egun Azbarren auzoan gertatzen ari dena. Basauriko Udalak dagoeneko hainbat higiezin erosi eta eraitsi ditu Bidebi Sozietate Publikoaren bitartez, baina oraindik gutxi batzuk erosteke daude. Udalaren aurreikuspena Azbarren auzoan babes ofizialeko 358 etxebizitza eraikitzea da, nahiz eta oraindik ez dagoen data finkorik.

Ekarpen horrekin urrats bat emango dugu Basauri modernizatzeko eta eraldatzeko. Degradatuta dagoen Azbarrengo gune hori birsortu egin behar dugu”, dio Andoni Busquet Basauriko alkateak: “Krisi ekonomiko batean murgilduta gauden arren, Eusko Jaurlaritzak eta Basauriko Udalak elkarlanean dihardugu erabakitzeke dauden promozioak aurrera eramateko helburuarekin”.

 

________________________________________

LA BASCONIAKO LURRETAN ZER EGIN PENTSATUZ

HAPO “gaur egungo errealitatera” moldatzeko berrikusketa egiten ari da Basauriko Udala. Industria guneak ibai ertzetara eramatean eta bizitokiak hirigunera hurbiltzean datza proposamena. Laminados Velascoren eta La Basconia zenaren lurzoruak -azken hauen jabe Espainiako Hirigintza Ministerioaren menpeko SEPES den arren- industrial izatetik erabilera mistokoak izatera aldatzea proposatu du. Alabaina, horrek ez du esan nahi Laminados Velasco lekuz aldatu behar denik: “Industria jarduera bertan manten liteke. Gure proposamena da oraingo etxebizitzetatik gertu dagoen industria sektorea bizileku bihurtzea eta gainontzekoak jarduera ekonomiko izaten jarraitzea”, dio Udalak.

Bestetik, La Basconia zenaren lurzoruari dagokionez, hirigunetik hurbilen dauden guneetan etxebizitzak eraikitzea eta ibai ertzetan jarduera ekonomikoak sortzea du xede Udalak.

LA BASCONIAN ETXEBIZITZAK ETA INDUSTRIAK ERAIKIKO LITUZKE UDALAK

☉ Basauri

Basauriko Mecanizados Inde enpresako bost langileak kaleratu nahi dituztela salatu du ELAk

|

Mecanizados Inde enpresako bost langileak kaleratu nahi dituztela salatu du ELA sindikatuak // ELA sindikatua

Basauriko Mecanizados Inde enpresako langileek greba hasi dute, enpresak martxan jarri duen lan-erregulazio espedientearen kontra. ELA sindikatuak salatu duenez, enpresak bost langile ditu eta guztiak kaleratu nahi ditu zuzendaritzak.

Lan-baldintzak hobetuko dituen hitzarmen propioa negoziatzeko eskaera egin zioten langileek zuzendaritzari, eta ostean jaso dute enplegu erregulazioko espedientea. “Errepresalia argia eta askatasun sindikalaren aurkako erasoa da”, salatu dute ELAtik. Uztailean zehar protesta gehiago egingo dituzte.

Mecanizados Inde Basauriko metalurgia enpresa bat da, Cervantes hiribidean kokatuta, eta Lantegi Batuakentzat lan esklusiboak egiten ditu.

Osorik irakurri

☉ Basauri

Gozategi, Kaotiko eta La Regadera dira Basauriko Jaietako kontzertuak 2024an

|

Gozategi, Kaotiko, La Regadera eta Cherry and The Ladies taldeez gain, Mi Gran Noche eta Urrats Erromeria izango dira Basauriko sanfaustoetan // Geuria

Azken urteotan ohitura bihurtu da uztailean Basauriko sanfaustoen kontzertuen zerrenda osoa herritarrei jakinaraztea. Hala egiten du Herriko Taldeakek.

Jakina da Herriko Taldeak osatzen duten hamasei kuadrillek musika taldeekin osatutako pack ezberdinen artean erabaki behar dutela eta hala egin dute. Honakoak dira aurtengo sanfaustoen kontzertu nagusiak:

 

Sanfaustoak 2024. Kontzertuak

  • Urriak 11, ostirala: La Regadera
  • Urriak 12, larunbata: Gozategi
  • Urriak 15, asteartea: Mi Gran Noche
  • Urriak 16, asteazkena: Urrats Erromeria
  • Urriak 17, osteguna: Cherry & The Ladies
  • Urriak 19, larunbata: Kaotiko
Osorik irakurri

☉ Basauri

Igor Oca basauriarrak ez du Ekuadorko Deportivo Cuencan entrenatzaile moduan jarraituko

Ekuadorko lehen mailan ari zen lanean Igor Oca. Ligaren lehen itzulian taldea jaitsiera postuetan hartu zuten, eta hamargarren utzi du

|

Igor Oca Deportivo Cuenca taldearen entrenamendu batean // Utzitakoa

Igor Oca futbol entrenatzaile basauriarraren Ekuadorko hirugarren esperientzia uste eta nahi baino lehenago bukatu da. Liga Proko (bertako lehen maila) Deportivo Cuenca taldean zebilen Oca, eta atzo klubak berak jakinarazi zuen ez zuela taldean jarraituko.

Ekuadorko futbol txapelketa bi txanpa ezberdinetan banatzen da, eta 43 urteko basauriarra apirilaren 22an heldu zen Deportivo Cuenca taldera, herrialde bereko Unibertsitate Katolikotik irten ostean. LigaPro mailan sei partida gidatu ditu, hiru garaipen, bi berdinketa eta porrot bat pilatuz.

Taldearen egoera nabarmen hobetu da Oca heldu zenetik, jaitsiera postuetan hartu eta 10.postuan utzi baitu. Egun txapelketako bigarren fasea prestatzen ari ziren, baina jabetza eta klubeko arduradunen arteko arazoek ez dute etenik izan.

Bere erabakia azaltzeko prentsaurrekoan aho bizarrik gabe aritu da Oca: “Argi eta argi identifikatu dugu ezin genuela baldintza hauetan jarraitu”. Ideia horretan sakonduz azaldu du “entrenamenduan eta lehiaketan eragina duten hainbat kontu gure kontroletik at zeuden, hala nola jokalarien fitxaketa edo irteerak, edo eguneroko beste hainbat kontu”

Osorik irakurri

☉ Basauri

Basaurin 32 urteko gizon bat atxilotu dute, hautsitako botila batekin beste pertsona bat erasotzeagatik

|

Basauriko Udaltzaingoaren autoa // @BasauriPolizia

Basauriko Udaltzaingoak 32 urteko gizon bat atxilotu du, hautsitako botila batekin beste gizon bat erasotzea leporatuta, “eta hainbat mailatako lesioak egitea” egotzita.

Atxilotutako gizona epailearen esku dago.

Osorik irakurri

☉ Basauri

Arinette Ngole basauriarrak disko jaurtiketan Bizkaiko errekor absolutua hautsi du

Pasa den astean hautsi zuen Bizkaiko errekorra Espainiako 18 urtez azpiko txapelketan, zeinetan txapeldunorde izan zen

|

Arinette Ngole Artunduaga klubeko atleta Espainiako txapeldunorde da, 18 urtez azpiko kategorian // Artunduaga Atletismo Taldea

Arinette Ngole Artunduaga klubeko atleta Espainiako txapeldunorde da disko jaurtiketan, 18 urtetik azpiko kategorian. Txapelketa Malagan jokatu zen uztailaren 6an eta 7an.

Ngolek 43,50 metrora jaurti zuen diskoa, eta txapeldunak, Kantabriako Pielagos klubeko Andrea Njimi Tankeuk, 51,85 metrora.

Ngolek bere markarik onena (42,86) hobetu du. Gainera, Espainiako txapeldunorde izateaz gain, txapelketa berean Bizkaiko errekorra hautsi du Ngolek: aurreko errekorra 43,44 metroan zegoen. “Bizkaiko aurreko errekorra (43,44) 1998koa zen!”, adierazi diote GEURIAri Artunduaga klubetik.

Arinette Ngole, Juanjo De Campos bere entrenatzailearekin (Artunduaga Atletismo Klubeko presidentea ere bada) // Artunduaga AT

Europako txapelketarako sailkatzeko 44 metro egin behar zituen Ngolek, “baina gutxigatik ez du lortu”, diote Artunduaga klubetik.

Osorik irakurri