☉ Basauri
2022ko aurrekontu parte-hartzaileetan basauriarrek ekarpenak egin eta bozkatuko dute
Basauriarrek 400.000 euro zertara bideratu erabakiko dute. Ekainaren 14tik 30era bitartean proposamenak aurkeztuko epea zabalik dago.
2022ko aurrekontu parte-hartzaileen prozesua martxan jarri du Basauriko Udalak, eta herritarrek 400.000 euro zertara bideratu erabakiko dute. Aurrekoetan bezala herritarrek ekarpenak egin ditzakete, baina, aurten nobedadea da bozketa egongo dela. Prozesu parte hartzaileak lau fase izango ditu, eta lehenengoan, ekainaren 14tik 30era bitartean, herritarrek euren proposamenak aurkeztuko dituzte: “Proposamenak zehatzak izan behar dira eta modu argian planteatu behar dira”, dio Asier Iragorri Basauriko alkateak.
Herritarren ekarpenak onartuak izan daitezen baldintza hauek bete beharko dituzte, besteak beste: sei jarduera-eremu hauekin lotuta egotea: soziala, gazteak, adinekoak, kultura-hezitzailea, mobilizazioa-irisgarritasuna, aktibazio ekonomikoa; 40.000 euro baino gutxiagokoak izatea; teknikoki, juridikoki eta ekonomikoki bideragarriak eta jasangarriak izatea; diru-sarrera publikoei ez eragitea eta erakunde publiko edo pribatuei diru-laguntzak edo laguntza ekonomikoak ez ematea; interes orokorra interes partikularren gainetik jartzea; udalerriko auzoen arteko oreka bermatzea; jabetza pribatuko espazioei ez eragitea; eta gaur egun planifikatuta edo gauzatze-fasean ez egotea.
Proposamenak egiteko inprimakia etxez etxe banatuko du Udalak eta, era berean, eskuragarri egongo dira herriko gune publikoetan. Inprimakiak udal ordezkariei helarazteko bi aukera daude: alde batetik, udaletxeko eta San Migeleko HAZetan, Kultur Etxeetan, Artunduagako kiroldegian, Udal Euskaltegian eta Marienean jarritako postontzietan utziz; eda bestetik, udaletxeko, Bidasoako, Solobarriako eta Valentziako metro-ahoetan, eta San Migeleko Hernan Cortes plazan dauden postontzietan utziz. Halaber, ados.basauri.eus webgunearen bitartez ere bidali daitezke proposamenak. Ekainaren 30a izango da proposamenak eta ekarpenak bidaltzeko azken eguna.
“Herritarren proposamen guztiak jaso ondoren, Udaleko arloek proposamenen bideragarritasuna aztertuko dute, eta lehentasuna emango diete ezarritako baldintzak gehien betetzeagatik bozka daitezkeenei. Ondoren, herritarrek 2022ko ekitaldiko aurrekontuan sartuko diren proposamenak hautatzeko botoa emango dute”, dio Iragorrik. Basauriko Udalak prozesuaren emaitza argitaratuko du, baita “aldian-aldian, proiektuak gauzatzean izandako aurrerapen-egoera ere”.
Atzo eman zioten hasiera ‘El Conquistador’ saioaren 21. edizioari ETB2n. Aurten 37 lehiakidek hartuko dute parte, tartean, Maider Marcos bilbotarrak.
Basauri Eskubaloi Taldeko jokalaria da Maider: Zilarrezko Ohorezko Mailako talde seniorrean dabil.
Maiderrek 22 urte ditu eta eskubaloian jokatzeaz gain, gimnasta ere bada.
‘El Conquistador’ astelehenero emango dute ETB2n, 22:30ean.
Hego Uribeko zenbait herritarrek hartu dute parte ‘El Conquistador’ saioetan. Galdakaoko Mertxe Cornago (2007), Egoitz eta Ekaitz Rios (2010 – Egoitz irabazle), Nekane Arroyo (2012 eta 2020), Mari Carmen Alvarez (2013) eta Aritz Irusta (2023); Zaratamoko Riki Rekalde (2016); Ugaoko Aiskander Jauregi (2017, – bigarren sailkatua); eta Basauriko Alazne Gomez eta Alvaro Jimenez (2023).
Kapitain bezala ere izan zen Patri Espinar usansolotarra (2019ko eta 2020ko edizioetan).
☉ Basauri
Hitz-erdiko Kontaketak lehiaketak euskarazko ipuin laburrak jasoko ditu martxoa bitartean
Lehiaketaren zortzigarren edizioan parte hartzeko lanak urtarrilaren 15etik martxoaren 15era bitartean jasoko dituzte. Saritan 750 euroko bonuak banatuko dituzte
Hitz-erdiko Kontaketak lehiaketaren zortzigarren edizioa abiatuko du Zirt Zart Basaurik. Urtarrilaren 15etik martxoaren 15era bitartean jasoko dituzte euskarazko ipuin laburrak, gehienez 100 hitzekoak, zirtzart.basauri.eus webgunearen bitartez.
Aurten “Erabaki zuzena hartu ote nuen?” izango da ipuinek izan behar duten hasiera, antolatzaileek hala erabakita, eta esaldi horretatik abiatu beharko dituzte lanak.
Lehiaketa 12 eta 35 urte bitarteko gazteei dago zuzenduta eta asmoa da idazmenean interesa dutenen talentua aurkitzea.
Guztira bost sari banatuko dituzte: lehen sailkatuak 200 euroko bonua jasoko du, biharrenak 150 euroko bonua, hirugarrenak 100 euroko bonua, eta Elkar sariaren zein Basauri sariaren irabazleek bakoitzak 150 euroko bonuak jasoko dute.
Elkar sarian 12-17 urte bitartekoen proposamenak baino ez dituzte aintzat hartuko eta Basauri sarian herrian erroldatua egon beharko da parte hartzailea. Ipuin sarituak GEURIAn argitaratuko ditugu, bai paperezko alean zein webgunean.
Basauriko Udalaren Gazteria arloak antolatzen du lehiaketa eta Elkarren eta GEURIAren laguntza du. 2018an jarri zuten martxan lehiaketa eta urtetik urtera hazi egin da, ez bakarrik Basaurin, baizik eta Euskal Herri mailan ere.
Datuak datu, eta lehiaketak izan dituen formatu desberdinak tarteko, lehenengo edizioan 89 kontakizun jaso zituzten, bigarrenean 83, hirugarrenean 54, laugarrenean 204, bosgarrenean 288, seigarrenean 149 eta zazpigarrenean 155.
Iaz honako hauek izan ziren sarituak: Rebeca Fernandez Rueda (Barakaldo), Irene Izaguirre Chaparro (Villabona), Olatz Noberan Gartzia (Ondarroa), Andere Ramirez Garcia (Laudio) eta Izaskun Herce Quintana (Basauri).
Europara begira jarraitzen du Basauriko Urbi Institutuak. Ikasturte honetan arteari buruzko eTwinning proiektua ari dira gauzatzen: ArThenea proiektua, alegia.
Europako sei ikastetxetako ikasleak ari dira proiektuan parte hartzen: Kretako Chania hiriko Geniko Lykeio Akrotiriou (Grezia), Alsaziako Mulhouse Lavoisier (Frantzia), Asturiasko Mieresko Sanchez Lastra (Espainia), Pilseneko Gymnázium Lud´ka Pika (Txekiar Errepublika), La Reunion uharteko Lycée Jean Hinglo (Frantzia) eta Basauriko Urbi Institutua.
Proiektuaren barruan, abenduaren 2tik 8ra bitartean Basauriko ikasleak eta irakasleak Alsaziara joan ziren, eta abenduaren 10etik 15era Greziakoak Basaurira etorri ziren bisitan. “Esperientzia zoragarria, ikasleentzat ahaztezina”, adirazi dute Urbiko ordezkariek.
“Urbiko ikasleek, proiektua komunean lan egiteaz gain, euskal ohiturak, geografia, kultura, hizkuntza, monumentu enblematikoak eta altxorrak ezagutzera eman diete kanpotarrei. Bestalde Mulhouserako bisitan basauritarrak Europar Parlamentua bisitatatzez gain, Alsatziako Gabonetako merkatuak, ohiturak eta kultura ezagutzeko aukera izan zuten”, diote.
☉ Basauri
Artunduaga kiroldegiko aparkalekua berriro asfaltatzeko 123.000 euro bideratuko ditu Basauriko Udalak
Basauriko Udalak 527.000 euro bideratuko ditu herriko hainbat gune berriro asfaltatzeko: Soloarte kaleko aparkalekua eta Fleming Doktorea eta Menendez y Pelaio kaleak (97.000 euro); Artunduaga kiroldegiko aparkalekua (123.000 euro); eta Artunduaga kaleko errepidea Bilbondorantz (307.000 euro).
Gainera, Gabonak baino lehen errepide hauetako zuloak konpondu zituen Udalak: Basauritik San Migeleraino errepidearen zorua, Garbiguneko errepidea eta Urbi eta Gudarien kaleetakoa. Lan horietan inbertsioa 89.000 eurokoa izan da.
☉ Basauri
Basauriko Gomazko Paleta Txapelketak 27 bikote neurtuko ditu urtarriletik martxora bitartean
Basauriko Gomazko Paleta Txapelketari ekingo diote urtarrilean 27 bikotek. Bidebieta Pilota Taldeak antolatuta, aurtengoa 36. edizioa da.
Lehen eta bigarren mailako pilotariak neurtuko dira bikoteka txapelketan. Hori Hori (Elorrio), Artepe (gatika), Getxo, Amurrio, Alaitasuna (Bakio), Arteaga (gautegiz-Arteaga), Erdu Pilotan (Zornotza), Pagazpe (Usurbil), Galipa (Zierbena), Olarreta (Larrabetzu), Danak Bat (Mungia) eta Lea Ibarra (Munitibar) klubetakoak dira jokalariak.
Bigarren mailako kategorian 15 bikote lehiatuko dira, eta lehenengo mailan 12 bikote.
Txapelketa urtarrilaren 12an hasiko da martxoaren 30ean izango dira finalak. Partida guztiak igande guztietan jokatuko dira, arratsaldetan, Artunduagako frontoian.
Txapelketa osoko partidu bakoitzean pilotaririk onenaren saria banatuko du Bidebieta Pilota Taldeak.
Maialen Sanchez arrigorriagarrak urrezko domina eskuratu du Taekwondoko Bizkaia kopan
Etxebarriko kiroldegiko tarifak urtean 4 eta 11 euro artean igo dituzte
San Antonio eguna ospatuko dute Zeberioko Barañao auzoan
Argazkiak / Errege Magoen magiak etxeko txikienen ilusioa piztu du beste urte batez
Argazkiak / Jende andanak harrera egin die Errege Magoei Basaurin
Argazkiak / Euriak ez du Arrigorriagako txikienen ilusioa zapuztu Olentzero eta Mari Domingiren etorreran
Gorka Perez: «Mendiko artzaintza galtzen ari da eta han behar dira, hain zuzen ere, txakurrak»
Aztarnak Muralismo: «Denborak, esperientziak eta zailtasunek muralismoaren sormen-artean zaildu gaituzte»
