→Basauri

Argazkiak | Basauri Beak amaiera eman die 75. urteurreneko ospakizunei

Basauri Bea klubak 75. urteurrena ospatu zuen iaz eta ospakizunei amaiera emateko maiatzaren 19an, igandez, jardunaldi berezia antolatu zuten. Bi partidu izan ziren Soloarteko futbol zelaian: alde batetik 10:00etan Umore Ona B, Basauri Bea (gazteak) taldearen kontra, eta bestetik 12:00etan Basauri Bea Beteranoak, Basauri Bea erregionalaren aurka.

Era berean, bi partiduen artean, 11:45ean, omenaldia egin zieten bizirik dauden presidente ohiei: Jose Luis Iragorri Basora (Asier Iragorri bere ilobak hartu zuen oroigarria), Sabino Aranburu, Angel Garnika, Txomin Uribe eta Iñaki Gurtubai, baita Juan Carlos Ortego gaur egungo presidenteari ere. Halaber, Umore Ona, Basconia, Indartsu, Ariz, San Miguel, Basauriko Selekzioa, Basauritar eta Basauriko Kimuak taldeei ere plaka oroigarria eman zieten, baita Basauriko Udalari, Basauriko Kirolaren Udal Erakundeari (IMD/KUE), Bizkaiko Futbol Federazioari, San Jose Ikastetxeari, eta Miren Hernandez Basauritar klubeko presidenteari ere.

Gora

Geuria Laguntzaileak Geuria Laguntzaileak