Sareak

☉ Basauri

«‘Down Paris 2024’ ekimena jaio da Mikelek ez duelako ulertzen zergatik ezin duen Jokoetan parte hartu»

Joko Paralinpikoetan parte hartzea da Mikel Garcia Agirrezabalen ametsa. Eta ametsa da oraindik ez dagoelako Down sindromea duten pertsonentzako kategoriarik.

|

Elvira Agirrezabal, Mikel Garcia eta Gotzon Garcia // Geuria

Joko Paralinpikoetan Down sindromedunentzako kategoria sortzeko borrokan ari dira Basauritik. Mikel Garcia Agirrezabal (Bilbo, 1996) Bertako-Javi Conde Atletismo Egokitua Klubeko atleta da eta bere ametsa 2024ko Pariseko Joko Paralinpikoetan parte hartzea da. Baina horretarako Nazioarteko Batzorde Paralinpikoak Jokoetan Mikel bezalako kirolarientzako berariazko kategoria bat sartzea eskatzen ari dira hainbat herritar eta erakunde. Elvira Agirrezabal eta Gotzon Garcia Mikelen gurasoek ‘Down Paris 2024’ kanpaina sortu dute eta horren inguruan hitz egin dugu eurekin eta Mikelekin.

Down Paris 2024. Nola eta zergatik sortu zen proiektu hau?
Gotzon Garcia: 2019ko urrian, Mikelek Brisbanen (Australia) parte hartu zuen Global Games jardunaldietan (adimen urritasuna duten kirolarientzako Munduko Txapelketa). Urrezko hiru domina irabazi zituen, eta Bilbora itzultzean, familiak, lagunek, prentsak galdetzen zioten ea 2020ko Tokioko Jokoetara joateko prestatzen ari zen. Mikelek beti gauza bera erantzuten zuen, “nire kategorian ez dago parte-hartzerik”.

Baztertze horren atzean zeuden arrazoiak begiratzen hasi, eta ikusi genuen, besteak beste, adimen urritasuna duten pertsonen kolektiboa zigortzen dutela Espainiako ordezkaritzak eta Errusiakoak Sydneyko 2000ko Jokoetan egindako tranpengatik. Minusbaliotasun ziurtagiriak faltsifikatzen zituzten taldeak aurkeztu zituzten urrea lortzeko. Hori ‘Campeones’ filmak jasotzen du. Horregatik, Elvirak eta biok pentsatu genuen zerbait egin behar genuela hau aldatzen saiatzeko.

Mikel Garcia eta bere taldekideak aurtengo Basauriko Meeetingean // Geuria

Zuek hasi zineten ekimenarekin ala bazegoen zerbait aurretik?
Elvira Agirrezabal: Ez zegoen ezer. Landu gabeko gaia zen, eta ez dakigu oso ondo zergatik. Demagun jende askok pentsatzen duela horrelako abentura batean murgiltzea erokeria dela, baina pauso bat aurrera ematea erabaki dugu.

Esan daiteke Down Paris 2024 proiektua Basaurin jaio dela?
G.G.: Bai eta ez. Mikelek Bertako–Javi Conde Atletismo Egokituaren Klubean kirolarekiko interesa garatzeko gune bat aurkitu duelako jaio zen proiektu hau. Egun batean, Javi Condek amets egiten du Mikelek munduko txapelketara joateko gutxieneko markak lortzen dituela, eta ez du ulertzen Mikelek zergatik ezin duen Jokoetan parte hartu, ezta guk ere. Hortik dator guztia.

Javi Conde Atletismo Egokituaren Klubaren babesa duzue.
E.A.: Klubak hasiera-hasieratik lagundu digu. Erronka hori bere egin dute, ideiak eman dituzte, zarata handia egin dute eta ez gaituzte bakarrik utzi. Eta orain klubeko denek jarraitzen dute ekimenarekin, teknikariek, atletek eta familiek.

Azaldu nolakoa izan den proiektuaren prozesua hasi zinetenetik orain arte.
G.G.: Atzera begiratuz gero, prozesu laburra da, baina ez gara momentu batean ere gelditu. Batzuetan nekatuta gaude, baina bidezkotzat jotzen dugun honekin guztiz konprometituta gaude. Sinadurak biltzen hasi ginen change.org plataformaren bidez.

Zein erantzun izan du change.org-ko kanpainak?
G.G.: Egia esan, change.org-k erraztasunak baino ez dizkigu eman. Kanpaina bere jarraibideen arabera hastea oso erraza izan zen. Egun batzuk igaro ondoren, sinadura-bilketa nola hedatzen zen ikusita eta gai interesgarria zela kontuan hartuta, plataformako kideak gurekin harremanetan jarri ziren, hobetzeko argibideak eman zizkiguten eta plataforma gisa konpromisoa hartu zuten gure eskaerarekin. Iazko udan, 70.000 sinadura baino gehiago genituela ikusita, eta gure klubaren ingurutik ekimen ugari egiten ari ginenez, komunikabideetan oihartzuna izaten hasi ziren. Abuztua eromena izan zen, egun berean telebistan eta irratian zuzeneko hiru elkarrizketa egin baikenituen. Horrela iritsi ginen 103.000 sinaduretara.

Almudena Otaola senataria Basauriko Meetingean izan da aurten, Down Paris 2024 ekimena babestuz // Geuria

Senatura ere iritsi da aldarrikapena.
G.G.: Kasualitatez, Nerea Ahedo eta Almudena Otaola senatariengana iritsi zen change.org-ko kanpaina, eta horren alde egitea merezi zuela pentsatu zuten. Hortik aurrera, historia hazi egin zen, eta iritsi nahi ez genuen leku askotara iritsi gara.

E.A.: Senatuaren ebazpena heldu zen gero, baita Espainiako Batzorde Paralinpikoak gure eskaeraren norabidean lan egiteko konpromisoa ere. Prozesu honetan batzuetan traba bihurtu gara zenbait erakunderentzat, baina gaur egun askoz hurbilago eta bidean gaude.

Eta pixkanaka babes gehiago lortu dituzue, baita nazioartetik ere!
E.A.: Pixkanaka estatuko jendea hurbildu zen proiektura, batez ere Down sindromea duten kirolarien familiak, eta ondoren, klub gehiago eta federazioren bat edo beste ere bai. Ez gaude formalki eratuta, baina esan dezakegu #DownParis2024 traolaren inguruan nazioarteko sare bat sortu dela. Frantziako, Italiako, Txileko, Mexikoko, Argentinako eta Britainia Handiko atletek, klubek eta familiek bat egin dute.

Kontziente zarete zer garrantzi duen zuek lor dezakezuenak?
G.G.: Hasieratik argi izan genuen Mikel zela honen guztiaren motorra. Baina ez bakarrik beragatik, Down sindromea duten pertsona guztiengatik baizik. Lortu nahi duguna lortzen badugu, oso handia izango da, gutxienez guretzat eta Down sindromea duten ia 10 milioi pertsonentzat. Lortzen ez badugu, gutxienez saiatu gara, eta desgaitasuna duten pertsonek eta haien ingurukoek jasan behar duten bidegabekeria bat gehiago azaleratu izango dugu.

Babestuta sentitu zarete ala uste duzue laguntza gehiago falta dela?
G.G.: Hasieratik oso babestuta sentitu gara Javi Conde, Sergio López eta gure klubeko gainerako teknikarien, atleten eta familien aldetik. Normalean pentsatzen dugunaren kontra, politikarien babesa ere aurkitu dugu hitz onetatik harago. Bereziki esanguratsua da Senatuko Euskal Taldearena, Almudena Otaola buru dela, eta Ernest Urtasun Europako Parlamentuko Berdeen taldearena.

Askoz gehiago kostatu zaigu Kirol Kontseilu Gorenaren eta Espainiako Batzorde Paralinpikoaren babesa lortzea. Zorionez, edo beharbada behin eta berriz errepikatzeagatik, gaur egun esan dezakegu estatuan denok gaudela lerrokatuta Jokoetan Down sindromea duten kirolarien kategoria lortzeko bidean. Orain erronka da batzorde paralinpiko gehiagotara iristea, Nazioarteko Batzorde Paralinpikoa konbentzitu eta mugitzera bultzatu arte.

Parisko Jokoetan edo 2028ko Los Angeleseko Jokoetan Down sindromea duten pertsonentzako kategoria bat egongo dela uste duzue ala utopia izango da?
E.A.: Lortu egingo dugula pentsatu nahiko genuke, baina oso zaila da. Batzordea Paralinpikoaren erritmoa oso motela da eta Parisko Jokoen programa itxita dutela diote. Alamena ematen jarraituko dugu, nola ez. Ez da utopia edo anekdota hutsean geratuko, asko baikara horrelakorik gertatzen utziko ez dugunak.

Mikel, eta zuk zure burua ikusten duzu Joko Paralinpikoetan?
Asko gustatuko litzaidake, batez ere Parisko Jokoetara joatea. Nire ametsa da.

Nola daramazu zure familiarekin batera Down Paris 2024 proiektu honen bultzatzaile izatea?
Pozik nago Jokoetara joan nahi dudalako eta gurasoak ez ezik, pertsona asko laguntzen ari direlako. Oraindik ez dut ulertzen zergatik ezin naizen joan Jokoetara pistan irabazten badut.

Mikel Garcia, bigarrena argazkian, aurtengo Meeting Paralinpikoan // Geuria

Noiz hasi zinen atletismoan?
Betidanik gustatu izan zait kirola egitea, baina lehiatu egin nahi nuen. Egun batean atletismoa probatu nuen eta taldekideengatik, entrenatzaileengatik eta klubarengatik gustatu egin zitzaidan, baita, noski, lehiatzeko aukera ematen zidalako ere. Duela 7 urte hasi nintzen eta oso pozik nago.

Zer ematen dizu atletismoak pertsona eta kirolari gisa?
Nire bizitza da, ondo sentitzen naiz, nahiz eta askotan nekatuta egon eta denak min eman. Lagunak ditut klubean, lehiaketetan eta selekzioan, eta asko gustatzen zait lehiatzera bidaiatzea.

Munduko txapelduna zaitugu hainbat probetan eta errekorren bat edo beste ere baduzu. Zelako marka!
Urrea irabazi dut 400, 800 eta 1500 probetan munduko bi txapelketetan eta zilarra pisu jaurtiketan. Pista estalian ere irabazi dut, baina nahiago dut aire zabaleko pista. Krosa ere korritzen dut, baina gutxiago gustatzen zait, ez dudalako ondo ikusten. Europako errekorrak dauzkat 800 eta 1500ean eta egunen batean munduko errekorra izatea gustatuko litzaidake. Beti fidatzen naiz Sergiok eta Javik eskatzen didatenaz, haiek badakitelako zer egin dezakedan Javik eta Sergiok entrenatzen naute eta oso zorrotzak dira, baina beti animatzen naute. Eskatzen didatenaz fidatzen naiz eta egiten dut.

Zer lorpenekin geratzen zara?
Brisbanen lortu nituen dominekin. Lehen aldia zen, eta asko gustatu zitzaidan, batez ere selekzioarekin hainbeste egun egotea.

Nola ikusten duzu zeure burua kirolari gisa etorkizunean?
Entrenatzen eta lehiatzen jarraituko dut nekatu arte edo gehiago ezin dudan arte.

Argazkiak | Meeting Probak ehunka atleta batu ditu Artunduagako pistan, Basaurin

☉ Basauri

Ruben Galas, Alex Garciaren lehengusua: “Oso pozik gaude Alex azkenean itzuliko delako”

“Bihotzez asko eskertzen diogu Basauri herriari, bereziki Basozelaiko Auzo Elkarteari martxan jarri duen kanpainagatik”, dio Rubenek.

|

Alex Garcia Galas igandean eramango dute Gurutzetako Ospitalera // @DjGalas

Alex Garcia Galas basauriarra Thailandiatik Euskalherriratuko du Defentsa Ministerioak. Ostiral arratsaldean, 17:00etan, medikalizatutako hegazkin bat Bangkokera bidean irten zen, eta Alexen senideek ostiralean bertan GEURIAri adierazi ziotenez, gaur, igandea, helduko da Gurutzetako Ospitalera.

“Zulo beltz baten barruan airea sartzea bezalakoa da. Gertu izango dugu, baina aldi berean Alexek duen larritasuna ez da aldentzen. Hala ere, gutxienez, etxean izango dugu”, dio Ruben Galas basauriarrak, Alexen lehengusuak.

Ruben eta bere senideak “oso pozik” daude Alex eurengandik gertu izango delako: “Familian pozez gainezka gaude, hainbat arrazoiengatik: alde batetik, jendea gurekin nola iraultzen ari den ikusteagatik, eta bestetik, nire lehengusua azkenean itzul daitekeelako”.

“Eskerrik asko bihotzez, Basauri!”

Basozelaiko El Maño Auzo Elkarteak kanpaina solidarioa jarri du martxan Alexen eta bere familiaren alde dirua biltzeko. Alde batetik, itsulapikoak jarri ditu herriko saltoki eta tabernetan, eta beste alde batetik, apirilaren 27an eta 28an asteburu solidarioa antolatu dute.

“Bihotzez asko eskertzen diogu Basauri herriari, bereziki Basozelaiko Auzo Elkarteari martxan jarri duen kanpainagatik”, dio Rubenek.

“Basauri beti izan da herri solidarioa. Herriko Taldeen barruan eta Alaiak taldearen barruan egiaztatu dut urte askoan, eta orain niri zuzenean eragiten didan honekin frogatu dut. Ez nuen uste inoiz hurbiletik joko ninduenik, baina zoritxarrez tokatu zait. Hala eta guztiz ere, ikusten ari gara beste behin ere Basauri solidarioa dela bertako herritar guztiekin. Asko eskertzen da, bihotzez”, dio.

Bilduko duten dirua Alexen familiari emango dio Basozelaiko Auzo Elkarteak, Thailandian egindako gastuak ordaintzeko. “Thailandiako gutxieneko fakturazioa egunean 2.500 eurokoa izan da, eta mediku proben arabera, kopuru horretatik gora gastatu dugu”, dio Rubenek.

Era berean, Alexen familiak hegazkin medikalizatu bat kontratatu zuen 221.000 euroan modu pertsonalean aberriratzeko asmoarekin, baina bidaia ezin izan zutenez egin, “barne-odoljario larria izateko arriskua” zegoelako, diru hori galdu zuen familiak. Alexen lagunek crowfunding kanpaina ere abiarazi zuten, eta kanpaina itxita, 114.445 euro bildu dituzte.

“Hasieran inork ez zigun jaramonik egiten, etsita geuden, baina orain mundu guztia gu laguntzeko prest dago. Ikaragarria da. Liluratuta gaude”, dio Rubenek.

Osorik irakurri

☉ Basauri

Basauriko Bidebietak antolatutako XXI. Gazte Txapelketak Bizkaiko 129 pilotari neurtuko ditu

Txapelketari hasiera eman diote apirilean eta ekainera arte luzatuko da. Guztira 109 partida jokatuko dira

|

Txapelketarei hasiera eman diote apirilean eta ekainera arte luzatuko da // Arxtiboko irudia, Geuria

Bidebieta Esku Pilota Klubak hasiera eman dio XXI. Gazte Txapelketari. Apirilaren 14an hasi zuten txapelketa eta guztira 129 pilotari neurtuko dira.

Bidebieta, Arguia, Adiskide, Iluntxo, Itsasalde, Mandoia, Izarra, Danok Lagunak, Balmaseda, Danak Bat, Usansolo, Upo Mendi, Lagun Artea, Lagun Onak, Getxo, Joko Alai, Lemoa, Durango, Olaburu, Olgetan, Kurene, Zaldua, Markina, Akarregi, Lezama, Arkupe, Lea Ibarra, Txumuluxueta, Gure Kirola, Gallarta eta Orma Bi klubetako pilotariek hartuko dute parte.

Txapelketa San Migeleko frontoian jokatuko da eta ekainera arte luzatuko da. Guztira 109 partida jokatuko dira: lagunartekoak, umetxoak, goxua, umeak, gaztetxoak, neskak, kadeteak, gazteak eta nagusiak kategorietan.

Egutegia/ Bidebieta XXI. Gazte Txapelketa

Apirilak 14, igandea
16:00 – San Migeleko frontoia
– Umetxoak A taldea: Ekain Artabe-Liher Garcia (Bidebieta-Arguia) vs Kerman Uribesalgo-Harri Artola (Adiskide-Iluntxo)
– Goxua B taldea: Hegoi Yanguas-Saioa Gonzalez (Bidebieta-Lemoa) vs Egoitz de Miguel-Izaro Sistiaga (Izarra-Lemoa)
– Umeak B taldea: Izan Fontalba (Danok Lagunak) vs Inar Etxaburu (Bidebieta)
– Umeak D taldea: Aritz Rodriguez (Bidebieta) vs Iñigo Artolatxipi (Balmaseda)
– Umeak E taldea: Eloi Elortza (Balmaseda) vs Aratz Mendieta (Arguia)
– Gaztetxoak E taldea: Luken Argueta-Danel Trias (Upo Mendi-Lemoa) vs Luken Uriarte-Jon Aperribai (Adiskide-Bidebieta)
– Kadetetak A taldea: Markel Sololuze-Khadim Lo (Markina-Akarregi) vs Sendoa Calvo-Enaitz Uribe (Bidebieta)
– Gazteak A taldea: Izei Saratxu-Xabier Atxutegi (Lezama-Bidebieta) vs Alex Andrinua-Etxahun Olazabalaga (Lea Ibarra, Txumuluxueta)
– Gazteak B taldea: Iñigo Bergantiños-Jaime Andrinua (Lagun Artea-Lea Ibarra) vs Ibai Ormaetxea-Haritz Solaguren (Arkupe-Olaburu)

Apirilak 21, igandea
10:30 – San Migeleko frontoia
– Goxua A taldea: Endika Fuente-Arhane Mendibil (Bidebieta-Mandoia) vs Endika Alvaro-Malen Gonzalez (Bidebieta-Lemoa)
– Gaztetxoak D taldea: Jon Urrutikoetxea-Aran Goti (Upo Mendi-Mandoia) vs Ekaitz Ortega-Oier Gil (Bidebieta-Olgetan)
– Neskak A taldea: Laia Aparizio-Irene Azkona (Bidebieta-Usansolo) vs Jaiona Elortza-Olatz Bernal (Lagun Artea-Bidebieta)
– Neskak B taldea: Maialen Gaston-June Agirrebeitia (Lemoa-Zaldua) vs June Urrutikoetxea-Malen Mena (Durango-Lemoa)
– Kadeteak B taldea: Izei Urkidi-Jon Fraile (Akarregi-Lagun Onak) vs Maren Aparizio-Jon Bengoetxea (Bidebieta-Joko Alai)

Apirilak 21, igandea
16:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo vs Egoi Muñoz (Bidebieta)
– Lagunartekoak: Danel Zugazaga vs Julen Ventura (Bidebieta)
– Lagunartekoak: Dario Del Hoyo vs Endika Bilbao vs June Bilbao (Bidebieta)
– Umetxoak B taldea: Unai Villapun-Ibai Liaño (Bidebieta) vs Markel Uriarte-Eki Barahona (Adiskide-Mandoia)
– Umetxoak E taldea: Unax Garcia-Ninbe Mendieta (Bidebieta-Arguia) vs Aritz Leivas-Iraia Martelo (Bidebieta-Iluntxo)
– Umeak A taldea: Enetz Lopategi (Danak Bat) vs Julen Serrano (Bidebieta)
– Gaztetxoak A taldea: Urko Gil-Ametz Bernaola (Bidebieta-Olaburu) vs Alain Martinez-Gilen Gomez (Bidebieta)
– Gaztetxoak B taldea: Aitzol Gomez-Liher Juez (Bidebieta-Lagun Onak) vs Jokin Arrieta-Adei Gorospe (Danak Bat-Olaburu)

Apirilak 28, igandea
12:00 – San Migeleko frontoia
– Lagunartekoak: Gorka Gonzalez vs Manez Izagirre (Bidebieta)
– Lagunartekoak: Oihan Sanchez vs Irati Liaño vs Julene Ugarte (Bidebieta)
– Umetxoak A taldea: Liher Garcia-Harri Artola (Arguia-Iluntxo) vs Kerman Uribesalgo-Ekain Artabe (Adiskide-Bidebieta)
– Umetxoak B taldea: Ibai Liaño-Eki Barahona (Bidebieta-Mandoia) vs Markel Uriarte-Unai Villapun (Adiskide-Bidebieta)
– Gaztetxoak E taldea: Ekiotz Angulo-Hodei Saenz de la Cuesta (Bidebieta-Durango) vs Luken Argueta-Danel Trias (Upo Mendi-Lemoa)

Apirilak 28, igandea
16:30 – San Migeleko frontoia
– Umeak E taldea: Ugaitz Bikarregi (Usansolo) vs Eloi Elortza (Balmaseda)
– Gazteak B taldea: Liher Ortiz de Zarate-Unai Gil (Olaburu-Bidebieta) vs Iñigo Bergantiños-Jaime Andrinua (Lagun Artea-Lea Ibarra)
– Nagusiak, final laurdenak: Arkaitz Egillor-Eneko Bercedo (Gure Kirola-Bidebieta) vs Julen Zenigaonaindia-Aitor Verde (Adiskide-Gallarta)

Maiatzak 5, igandea
11:30 – San Migeleko frontoia
– Goxua B taldea: Egoitz De Miguel-Izaro Sistiaga (Izarra-Lemoa) vs Aimar Caballero-Urtzi Heredia (Bidebieta-Izarra)
– Umeak E taldea: Aratz Mendieta (Arguia) vs Ugaitz Bikarregi (Usansolo)
– Gaztetxoak A taldea: Aimar Yanguas-Euri Muruzabal (Bidebieta-Mandoia) vs Urko Gil-Ametz Bernaola (Bidebieta-Olaburu)
– Gaztetxoak B taldea: Danel Guerrero-Ibai Santamaria (Bidebieta) vs Aitzol Gomez-Liher Juez (Bidebieta-Lagun Onak)
– Gaztetxoak D taldea: Ekaitz Ortega-Oier Gil (Bidebieta-Olgetan) vs Unax Alcalde-Markel Unda (Bidebieta)

Maiatzak 5, igandea
16:30 – San Migeleko frontoia
– Umetxoak E taldea: Ninbe Mendieta-Iraia Martelo (Arguia-Iluntxo) vs Aritz Leivas-Unax Garcia (Bidebieta)
– Goxua A taldea: Endika Alvaro-Malen Gonzalez (Bidebieta-Lemoa) vs Beñat Urrutikoetxea-Amaiur Beroiz (Bidebieta-Lemoa)
– Umeak D taldea: Iñigo Artolatxipi (Balmaseda) vs Guren Ruiz (Danok Lagunak)
– Gazteak A taldea: Aimar Gomez-Aitor Zuazo (Bidebieta-Getxo) vs Izei Saratxu-Xabier Atxutegi (Lezama-Bidebieta)
– Nagusiak, final laurdenak: Beñat Rementeria-Gorka Sobron (Olaburu-Bidebieta) vs Alen Garcia-Erdain Ibarrondo (Gallarta-Bidebieta)

Maiatzak 12, igandea
11:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo-Julen Ventura vs Egoi Muñoz-Danel Zugazaga (Bidebieta)
– Umetxoak A taldea: Liher Garcia-Kerman Uribesalgo (Arguia-Adiskide) vs Harri Artola-Ekain Artabe (Iluntxo-Bidebieta)
– Umetxoak B taldea: Ibai Liaño-Markel Uriarte (Bidebieta-Adiskide) vs Eki Barahona-Unai Villapun (Mandoia-Bidebieta)
– Umetxoak D taldea: Jon Marina-Oier Recio (Bidebieta) vs Peio Gallastegi-Enaitz Fernandez (Adiskide-Itsasalde)
– Kadeteak A taldea: Sendoa Calvo-Enaitz Uribe (Bidebieta-Durnago) vs Haitz Ortiz de Zarate-Unax Agirrebengoa (Olaburu-Bidebieta)
– Kadeteak B taldea: Maren Aparizio-Jon Bengoetxea (Bidebieta-Joko Alai) vs Julen Carrasco-Aiur Goikoetxea (Bidebieta-Arkupe)

Maiatzak 12, igandea
16:30 – San Migeleko frontoia
– Umeak A taldea: Markel Fernandez de Pinedo (Itsasalde) vs Enetz Lopategi (Danak Bat)
– Umeak B taldea: Ekain Fernandez de Pinedo (Itsasalde) vs Izan Fontalba (Danok Lagunak)
– Gaztetxoak A taldea: Alain Martinez-Gilen Gomez (Bidebieta) vs Aimar Yanguas-Euri Muruzabal (Bidebieta-Mandoia)
– Gazteak B taldea: Ibai Ormaetxea-Haritz Solaguren (Arkupe-Olaburu) vs Liher Ortiz de Zarate-Unai Gil (Olaburu-Bidebieta)
– Nagusiak, final laurdenak: Aitor Briongos-Iskander Egillor (Orma Bi-Gure Kirola) vs Ruben Azkona-Beñat Garcia (Usansolo-Upo Mendi)

Maiatzak 19, igandea
11:00 – San Migeleko frontoia
– Umeak D taldea: Guren Ruiz (Danok Lagunak) vs Aritz Rodriguez (Bidebieta)
– Gaztetxoak E taldea: Luken Uriarte-Jon Aperribai (Adiskide-Bidebieta) vs Ekiotz Angulo-Hodei Saenz de la Cuesta (Bidebieta-Durango)
– Neskak A taldea: Jaione Elortza-Olatz Bernal (Lagun Artea-Bidebieta) vs Maialen Bedia-Ainhize Etxebarria (Lagun Artea-Txumuluxueta)
– Neskak B taldea: June Urrutikoetxea-Malen Mena (Durango-Lemoa) vs Eva Martinez-Zoihartze Basauri (Bidebieta-Lagun Artea)
– Nagusiak, final laurdenak: Mikel Karrillo-Xabier Aristondo (Bidebieta-Kurene) vs Iñaki Peña-Aimar Iturbe (Bidebieta-Zaldua)

Maiatza 19, igandea
16:30 – San Migeleko frontoia
– Umetxoak D taldea: Oier Recio-Enaitz Fernandez (Bidebieta-Itsaslde) vs Peio Gallastegi-Jon Marina (Adiskide-Bidebieta)
– Umetxoak E taldea: Ninbe Mendieta-Aritz Leivas (Arguia-Bidebieta) vs Iraia Martelo-Unax Garcia (Iluntxo-Bidebieta)
– Goxua A taldea: Beñat Urrutikoetxea-Amaiur Beroiz (Bidebieta-Lemoa) vs Endika Fuente-Arhane Mendibil (Bidebieta-Mandoia)
– Umeak A taldea: Julen Serrano (Bidebieta) vs Markel Fernandez de Pinedo (Itsasalde)
– Umeak B taldea: Inar Etxaburu (Bidebieta) vs Ekain Fernandez de Pinedo (Itsaslde)
– Gaztetxoak B taldea: Jokin Arrieta-Adei Gorospe (Danak Bat-Olaburu) vs Danel Guerrero-Ibai Santamaria (Bidebieta)
– Gaztetxoak D taldea: Unax Alcalde-Markel Unda (Bidebieta) vs Jon Urrutikoetxea-Aran Goti (Upo Mendi-Mandoia)

Maiatzak 26, igandea
10:30 – San Migeleko frontoia
– Lagunartekoak: Dario Del Hoyo-Julene Ugarte (Bidebieta) vs Endika Bilbao-Irati Liaño (Bidebieta) vs June Bilbao-Oihan Sanchez (Bidebieta)
– Lagunartekoak: Manex Agirre vs Gorka Gonzalez (Bidebieta)
– Umetxoak D taldea: Oier Recio-Peio Gallastegi (Bidebieta-Adiskide) vs Enaitz Fernandez-Jon Marina (Itsasalde-Bidebieta)
– Umetxoak finalerdia: A taldeko bikotea vs B taldeko bikotea
– Gaztetxoak final laurdenak: 1A vs 2B
– Gaztetxoak final laurdenak: 1B vs 2D
– Gaztetxoak final laurdenak: 1D vs 2E
– Gaztetxoak final laurdenak: 1E vs 2A
– Gazteak A taldea: Alex Andrinua-Etxahun Olazabalaga (Lea Ibarra-Txumuluxueta) vs Aimar Gomez-Aitor Zuazo (Bidebieta-Getxo)

Maiatzak 26, igandea
16:30 – San Migeleko frontoia
– Goxua B taldea: Aimar Caballero-Urtzi Heredia (Bidebieta-Izarra) vs Hegoi Yanguas-Saioa Gonzalez (Bidebieta-Lemoa)
– Umeak final laurdenak: 1A vs 2B
– Umeak final laurdenak: 1B vs 2D
– Umeak final laurdenak: 1D vs 2E
– Umeak final laurdenak: 1E vs 2A
– Kadeteak A taldea: Haitz Ortiz de Zarate-Unax Agirrebengoa (Olaburu-Bidebieta) vs Markel Sololuze-Khadim Lo (Markina-Akarregi)
– Kadeteak B taldea: Julen Carrasco-Aiur Goikoetxea (Bidebieta-Arkupe) vs Izei Urkidi-Jon Fraile (Akarregi-Lagun Onak)

Ekainak 2, igandea
11:30 – San Migeleko frontoia
– Umetxoak finalerdia: D taldeko bikotea vs E taldeko bikotea
– Gaztetxoak finalerdia: 1A-2B vs 1D-2E
– Gaztetxoak finalerdia: 1B-2D vs 1E-2A
– Neskak A taldea: Maialen Bedia-Ainhize Etxebarria (Lagun Artea-Txumuluxueta) vs Laia Aparizio-Irene Azkona (Bidebieta-Usansolo)
– Neskak B taldea: Eva Martinez-Zoihartze Basauri vs Maialen Gaston-June Agirrebeitia (Bidebieta-Lagun Artea)

Ekainak 2, igandea
17:00 – San Migeleko frontoia
– Umeak finalerdia: 1A-2B vs 1D-2E
– Umeak finalerdia: 1B-2D vs 1E-2A
– Nagusiak finalerdia: Briongos-Egillor I (Orma Bi-Gure Kirola) edo Azkona-Garcia (Usansolo-Upo Mendi) vs Rementeria-Sobron (Olaburu-Bidebieta) edo Garcia-Ibarrondo (Gallarta-Bidebieta)
– Nagusiak finalerdia: Egillor II-Bercedo (Gure Kirola-Bidebieta) edo Zenigaonaindia-Verde (Adiskide-Gallarta) vs Karrillo-Aristondo (Bidebieta-Kurene) edo Peña-Iturbe (Bidebieta-Zaldua)

Ekainak 9, igandea
11:00 – San Migeleko frontoia
– Neskak finalerdia: 1A vs 2B
– Neskak finalerdia: 1B vs 2A
– Kadeteak finalerdia: 1A vs 2B
– Kadeteak finalerdia: 1B vs 2A

Ekainak 9, igandea
16:30 – San Migeleko frontoia
– Lagunartekoak: Aiuri Setien vs Ane Ureña (Bidebieta)
– Lagunartekoak: Mateo Del Hoyo-Danel Zugazaga vs Egoi Muñoz-Julen Ventura (Bidebieta)
– Lagunartekoak: Dario Del Hoyo-Irati Liaño vs Endika Bilbao-June Bilbao vs Julene Ugarte-Oihan Sanchez (Bidebieta)
– Goxua finalerdia: 1A vs 2B
– Goxua finalerdia: 1B vs 2A
– Gazteak finalerdia: 1A vs 2B
– Gazteak finalerdia: 1B vs 2A

Ekainak 16, igandea
10:00 – San Migeleko frontoia
– Umetxoak finala
– Goxua finala
– Umeak finala
– Gaztetxoak finala
– Neskak finala
– Kadeteak finala
– Gazteak finala
– Nagusiak finala

Osorik irakurri

☉ Basauri

Asteburu solidarioa antolatuko dute Basaurin, Alex Garcia Galas herrikidearen alde

Apirilaren 27an eta 28an antolatu du asteburu solidarioa Basozelaiko El Maño Auzo Elkarteak. Besteak beste, haurrentzako parkea, paella solidarioa, bingo solidarioa eta zozketak antolatu dituzte

|

Basozelaiko El Maño Auzo Elkarteak jarri ditu martxan ekimen solidarioak Basauriko Udalaren laguntzarekin // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Aurreikuspenen arabera asteburu honetan aberriratuko du Defentsa Ministerioak hegazkin medikalizatu batean.

Aberriratzea emango den arren, ekimen solidarioek ez dute etenik. Basaurin, esaterako, El Maño Basozelaiko Auzo Elkarteak kanpaina bat jarri du martxan dirua biltzeko.

Alde batetik, itsulapikoak jarri ditu herriko saltoki eta tabernetan: “Momentuz 84 itsulapiko jarri ditugu herriko saltoki eta tabernatan, baina eskari gehiago jaso ditugu eta beste itsulapiko sorta bat jasotzeko zain gaude”, dio Gorka Del Rio Basozelaiko Auzo Elkarteko kideak.

Eta, beste alde batetik, apirilaren 27an eta 28an asteburu solidarioa antolatu dute Basaurin. Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

“Ekimen solidario hauetatik bilduko dugun dirua Alexen familiari emango diogu. Familiak egin behar izan dituen —eta gaur egun egin behar dituen— gastuak ordaintzeko izango da”, dio Gorkak. Datuak datu, egunero Thailandian 3.000 eta 4.000 euro artean gastatzen ditu Alexen familiak, mediku probak egin ahal izateko.

Egitaraua / Asteburu solidarioa Alexen alde

Apirilak 27, larunbata
Haur Parkea: zezen mekanikoa, puzgarriak, goma elastikoa, jostailuak…
16:00-19:00 Solobarriako karpa

Apirilak 28, igandea
Barra solidarioa, musika eta zozketak (herriko saltokiek dohaintzan emandako produktuak) egunean zehar
12:00-19:00 San Jose Ikastetxeko jolastokia

Urdaiazpiko moztailea
12:00 San Jose Ikastetxeko jolastokia

Paella solidarioa
14:30 San Jose Ikastetxeko jolastokia

Bingo solidarioa: Iker Muniain Athelticeko jokalariak dohaintzan emandako Kopako finaleko kamiseta bat
18:00 San Jose Ikastetxeko jolastokia

Osorik irakurri

☉ Basauri

Basaurik itsulapikoak jarri ditu Thailandian gaixo dagoen herrikidearen senideak laguntzeko

El Maño Basozelaiko Auzo Elkarteak kanpaina bat jarri du martxan dirua biltzeko. Herrian zehar momentuz 84 itsulapiko jartzeaz gain, apirilaren 27an eta 28an ekitaldi solidarioak antolatuko dituzte

|

Basauritik zehar 84 itsulapiko jarri ditu Basozelaiko Auzo Elkarteak, Alexen familiak Thailandian egindako gastuak ordaintzeko // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.

Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.

Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.

Gauzak horrela, crowfunding kanpaina bat abiarazi dute Alexen lagunek eta senideek. Momentuz 114.445 euro bildu dituzte.

Diru bilketa Basaurin

Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta apirilean zehar ekitaldi solidarioak antolatuko ditugu”, diote.

“Basozelaiko saltokietan itsaulapikoak jartzen hasi ginen, baina sare sozialen bitartez ekimenak izan duen oihartzuna ikusita, Basauri osora hedatu dira itsulapikoak”, dio Gorka Del Rio Basozelaiko Auzo Elkarteko kideak.

Guztira, 84 itsulapiko daude herriko saltokietan zehar. “Gainera, beste itsulapiko asko ere jarri ditugu Basauritik kanpo, adibidez, Eibartik idatzi ziguten bertan ere itsulapikoak jartzeko”, dio.

Bilduko duten dirua Alexen familiari emango dio Basozelaiko Auzo Elkarteak: “Bildutako dirua familiak egin behar izan dituen —eta gaur egun egin behar dituen— gastuak ordaintzeko izango da”.

“Egunero Thailandian 3.000 eta 4.000 euro artean gastatzen ari da familia, Alexi probak egin ahal izateko”, zehaztu dute El Maño Auzo Elkartetik.

Asteburu solidarioa

Beste alde batetik, itsulapikoez gain, El maño Basozelaiko Auzo Elkarteak asteburu solidarioa antolatu du apirilaren 27an eta 28an Basaurin.

Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

Aberriratzea, asteburuan

Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.

Eitb-k jakinarazi duenez, asteburu honetan egingo dute basauriarraren aberriratzea. Marisol Garmendia Espainiako Gobernuak Euskadin duen ordezkariak baieztatu duenez, hegazkina asteburu honetan abiatuko da eta gaur arratsaldean jakinaraziko dituzte Alexen premiazko aberriratze dispositiboari buruzko xehetasunak.

Osorik irakurri

☉ Basauri

Maialen Ibarra sanmigeldarrak abesti berria eskaini dio Patxi bere aititeri

|

Bideoklipa Social Antzokian grabatu du Maialean Ibarrak // Maialen Ibarra

Maialen Ibarra sanmigeldarrak ‘Aititeri’ abestiaren bideoklipa kaleratu du gaur. Abestia Patxi Ibarra bere aititeren omenez egindakoa da.

‘Sano abesten jarraituko dugu, nonbait gurekin abesten duzulakoan. Lasai asko utzi gaituzu. Zelako zortea zurekin izan dugun’, errepika du abestiak.

Joseba Ibarra Maialenen osabak eta Patxiren semeak txistuarekin laguntzen du abestian. Gainera, bideokliparen amaieran keinu berezia egin dio Maialenek bere aititeri: Patxiren ahotsarekin Erramun Martikorenaren ‘Xorieri mintzo zen’ abestia entzuten da.

Bideoklipa osorik dago grabatuta Basauriko Social Antzokian.

Patxik utzitako arrastoa

Patxi Ibarra Indartsu Clubeko sortzaile eta presidente izan zen, ez soilik futbol taldearena, baizik eta Indartsuk kulturan izan dituen adar ezberdinen sortzaile.

Txistu-irakasle izan zen, Danbolin Txistulari Elkartea 1985ean sortu aurretik, eta behin sortuta, taldearen bultzatzaile izan zen.

Basauri Koral Elkartean ere parte hartu zuen. Tenorea zen Ibarra, Aldana zenaren laguntzaile. 25 urtetik gora eman zituen Basauri Koral Elkartean.

Euskal kulturarekin konpromiso handia erakutsi zuen Patxi Ibarrak. Frankismo garaian, euskara klaseak eman zituen San Migeleko parrokian. Zuztarretatik Ahora, San Migel Kantari eta Basaurin Be Bagara ekimenetan ere parte hartu zuen Ibarrak.

2021eko uztailaren 2an zendu zen Patxi Ibarra.

Osorik irakurri