☉ Basauri
Egitaraua / Olentzero eta Mari Domingiren etxea zabalik, hasi da Gabonetako programa Basaurin
Olentzero eta Mari Domingiren etxea zabalik da Basaurin (Antonio Fernandez, 17). Abenduaren 23ra bitartean, Olentzero eta Mari Domingi eurak, Napo astoa, Basajaun. lamiak, iratxoa eta ingumak egongo dira bertan gutunak jasotzen.
Bestetik, abenduaren 15etik urtarrilaren 6ra bitartean hamaika jarduera antolatu dituzte herrian, hala nola, Gabonetako Haur Parkea, tailerrak, txapelketak, Olentzero eta Mari Domingiren harrera, Errege Magoak, haurrentzako kanpaikadak, zinema eta kontzertuak.
Era berean, ludotekak eta egun erdiko euskarazko koloniak antolatu dituzte gazteentzat (izena emateko epea bukatu da).
Gabonak 2023 / Basauri
Abenduak 9-23
Olentzeroren eta Mari Domingiren Etxea (Antonio Fernandez, 17)
16:30-19:30 Lanegunetan
12:00-15:00 Larunbatetan eta igandetan
Abenduak 15, ostirala
Magia ikuskizuna: ‘Isiltasunaren magia’, Niala Magoa
18:00-19:00 Kareaga Gizarte Etxea
Abenduak 16, larunbata
Txikipark, Jonan Magic, kalejira, taloak eta gabon kantak Basozelain
11:00-21:00 Zortziko plaza
Abenduak 17, igandea
Olentzero eta Mari Domingi Basozelain. Txikipark, talo tailerrak, musika eta Jonan Magic
11:00-16:00 Zortziko plaza
Abenduak 17, igandea
Zirzira Ahots Taldea eta Biarte Dantza Eskola. Musikala
19:00 Social Antzokia (10 euro)
Abenduak 19, asteartea
Musika Eskolako ikasleen kontzertuak
17:30 Bizkotxaldeko Nagusien Egoitza
19:00 Musika Eskola
Abenduak 22-Urtarrilak 5
Gabonetako Haur Parkea
Solobarria plaza
Abenduak 22: 17:00-20:00
Abenduak 23: 11:00-14:00 + 17:00-20:00
Abenduak 24 eta 31: 11:00-14:00
Abenduak 25 eta urtarrilak 1: itxita
Abenduak 26-Urtarrilak 5: 11:00-14:00 + 17:00-20:00
Abenduak 20, asteazkena
Irristaketa: ate irekien jardunaldiak
17:30-19:00 Artunduaga kiroldegia
Abenduak 22, ostirala
Gimnastika erritmikoa
17:00-19:00 Urbi kiroldegia
Abenduak 22, ostirala
Eskalada: ate irekien jardunaldiak
17:30-18:45 Artunduaga kiroldegia
Abenduak 22, ostirala
Ciclopower: ate irekien jardunaldiak
18:00 Artunduaga kiroldegia
Abenduak 22, ostirala
Bingo Txouu
19:00 Ibaigane Kultur Etxea
Abenduak 23, larunbata
TRX: ate irekien jardunaldiak
10:30 Artunduaga kiroldegia
Abenduak 24, igandea
Olentzeroren eta Mari Domingiren harrera 2023an jaiotako haurrei
10:25-13:30 Social Antzokia
Abenduak 24, igandea
Olentzero eta Mari Domingi San Migelen
12:00 Hernán Cortés plaza
12:00-14:30 Txu-txu trena
17:00 Gabon kantak auzoan zehar
Abenduak 24, igandea
Olentzeroren eta Mari Domingiren kalejira
16:30-19:30 Kantabria parketik. Gelditzeko tokiak: Galizia-Doktor Fleming-Solobarria-Begoñako Andra Mari
Abenduak 26-27
Eskubaloia
09:00-14:00 Artunduaga kiroldegia
Abenduak 26-29
Gazte Tekno Campusa (12-16 urte)
10:00-13:00 Arizko dorretxea
Abenduak 26-30
Ipuin kontalariak Olentzeroren eta Mari Domingiren Etxean
17:30-18:15 Lehenengo emanaldia (3-5 urte)
18:30-19:30 Bigarren emanaldia (+ 6 urte)
Abenduak 26-29 + Urtarrilak 2-5
GabON! Campusa ingelesez (12-16 urte)
10:00-13:00 Basozelai Gizarte Etxea
Abenduak 27, asteazkena
Atletismoa
11:00-13:00 Artunduaga kiroldegia
Abenduak 27-Urtarrilak 6
Errege Magoen postontzia
Arizgoiti
Abenduak 28, osteguna
Goazen: aurrestreinaldia. Photocalla telesaileko protagonistekin
17:00 Social Antzokia
Abenduak 28-29
3×3 Saskibaloia
09:00-14:00 Urbi kiroldegia
Abenduak 29, ostirala
Power Tono: ate irekien jardunaldiak
18:00 Urbi kiroldegia
Abenduak 30, larunbata
Mahai-tenisa
10:00-12:30 Urbi kiroldegia
Abenduak 30, larunbata
Aerobox: ate irekien jardunaldiak
10:30 Artunduaga kiroldegia
Abenduak 30, larunbata
Gabonetako kontzertua: Giozargi Gospel Choir
20:00 Social Antzokia (15 euro)
Abenduak 31, igandea
Haurrentzako kanpaikadak
11:00-14:00 Arizgoitiko plaza
Urtarrilak 2-3
Esku pilota
09:00-14:00 Artunduaga kiroldegia
Urtarrilak 2-5
Negulekuak (12-16 urte): ginkana, eskulanak eta irteerak
10:00-13:00 Basozelai Gaztegunea
Urtarrilak 3, asteazkena
Puzgarriak eta txokolatada San Migelen
11:00-14:00 + 17:00-20:00 Puzgarriak. Frontoia
18:00 Txokolatada. Frontoia
Urtarrilak 3, asteazkena
Txiki Rock kontzertua: euskal rockari errepasoa
17:30 Social Antzokia (6 euro)
Urtarrilak 3, asteazkena
Erregeen postaria + txokolatada
18:30 Arizgoitiko plaza
Urtarrilak 5, ostirala
Errege Magoen ongi-etorria
11:00-13:30 Social Antzokia
Urtarrilak 5, ostirala
Errege Magoen kalejira
18:00 Social Antzokitik. Gelditzeko tokiak: Begoñako Andra Mari, Antonio Fernandez, Arizgoiti
☉ Basauri
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa izan da eta Etxegarai, Sofia Taramona, Basozelai-Gaztelu eta Soloarte ikastetxeetako LH5 eta LH6 mailetako ikasleek jokatu dute (Basauriko Lehen Hezkuntzako bederatzi ikastetxeak zeuden gonbidatuta parte hartzera). LH5 mailan nesketan Etxegarai eta mutiletan Sofia Taramona izan dira txapeldun eta LH6n Sofia Taramona (LH6n mistoa izan da txapelketa).
San Migeleko jaietan Playback lehiaketa antolatu dute eta txapeldun izan da Los Gambas kuadrilla. Jon Salguero eta Maialen Barredo Los Gambas kuadrillako kideekin berba egin dugu.
San Migeleko jaietan Playback lehiaketa antolatzen du Mikelatsek. Aurten lau kuadrillak hartu dute parte: Los Gambas (txapeldunak), Uholdeak, Los Tenderetes eta Las Maris (aurten La Mari).
☉ Basauri
Basauriko ikastetxeen arteko Esku Pilota txapelketa jokatuko da San Migeleko jaietan
Urriaren 6an, igandez, izango da txapelketa eta Basauriko Lehen Hezkuntzako bederatzi ikastetxeak gonbidatu ditu Bidebieta Pilota Taldeak
Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa da, eta urtero bezala, Basauriko Lehen Hezkuntzako bederatzi ikastetxeak gonbidatu dituzte: Etxegarai, Soloarte, Sofia Taramona, Basozelai-Gaztelu, Bizkotxalde, Arizko Ikastola, Kareaga Goikoa, San Jose eta Basauri Ikastetxea.
Lehen Hezkuntzako 5. eta 6. mailako ikasleei dago zuzenduta txapelketa: “Partida laburrak izango dira, sei edo zazpi puntura. Bikote bakoitzak bi partida jokatuko ditu, eta ligaxka formatuan kanporaketak egongo dira, 5. mailako eta 6. mailako txapeldunak izan arte”, azaldu dio GEURIAri Mikel Karrillo Bidebideta Pilota Klubeko ordezkariak.
Txapelketa 10:00etan hasiko da 5. mailakoekin, eta 12:00etan 6. mailakoekin. “Espero dugu ikastetxe guztiak animatzea. Umeek oso ondo pasatuko dute eta gainera esku pilota eta kirola sustatzeko aukera ezin hobea da”, dio Karrillok.
☉ Basauri
Etxe Maitiako azterketa “deialdi bakar gisa” tipifikatuta dagoela dio Basauriko Udalak
Azterketa beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezakeela argudiatu du Basauriko Udalak
Basauriko Etxe Maitia Udal Egoitzako Erizaintzako Laguntzaile lanposturako EPErako azterketa erditze egunean egitea beste aukerarik eman ez ziotela salatu du basauriar batek.
Basauriko Udalak adierazi duenez, prozesu horren azterketa “deialdi bakar gisa” tipifikatuta dago: “Hau da, hautagai guztiek egun berean egin behar dute proba bera. Pertsona batek beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezake, emakume erreklamatzailearentzat barne, izangai guztiak ez baitziren parametro berberekin baloratuko”, diote udal ordezkariek.
“Epaimahaiak, Osakidetzak aplikatzen duen protokolo bera jarraituz, azterketa ospitalean bertan egiteko aukera eskaini zion emakumeari, baina berak uko egin zion, eta sine die atzeratzeko eskatu zion, azterketa egiteko moduan egon arte”, diote.
“Ebazpen loteslea”
Enplegua egonkortzeko Etxe Maitiako epaimahaia organo “burujabea eta autonomoa” dela gogorarazi du Basauriko Udalak: “Eta mota horretako prozesuak arautzeko orduan dagoen ordenamendu juridikoan oinarritutako ebazpenak emateko balio du”, diote.
“Politikoen jarraibideen mende ez dauden profesional teknikoek osatutako organoa da. Enplegatu Publikoaren Oinarrizko Estatutuaren Legeak 2007an erabaki zuen ordezkari politiko edo sindikal bakar batek ere ezin zuela parte hartu horrelako epaimahai batean, prozesuaren objektibotasuna, inpartzialtasuna eta profesionaltasun teknikoa zaintzeko. Hori dela eta, gobernu-organoek ezin diete jarraibiderik eman hautaketa-epaimahaiei, ezta beren erabakietatik aldendu ere. Administrazio-errekurtsoren bat jarriz gero bakarrik berrikusi ahal izango dira, administrazio-prozedura erkidearen araudiaren bidez”, azaldu dute udal ordezkariek.
Ildo horretan, epaimahaiak ematen duen edozein ebazpen organo politikoentzat loteslea dela adierazi dute Basauriko udal arduradunek, eta gai horri buruzko informazio zehatza Etxe Maitia Egoitzaren hurrengo Kontseilu Errektorean emango duela adierazi dute.
Txakurkros hastapen Ikastaroak martxan jarriko ditu KorriCanek Arrigorriagan, gazteentzako
Undurraga eta Etxebarri arteko Errege Bide zatia konpontzen hasi da Zeberioko Udala
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Argazkiak / San Migeleko jaietako Playback lehiaketan ere txapeldun Los Gambas kuadrilla
