Sareak

☉ Basauri

Gorka Ortiz: «Ikasle gisa heltzen gara hona, baina profesional eginda irteten gara»

Gorka Ortiz eta Aimar Sagastizabal basauriarrak EHUko Formula Student taldeko kideak dira. Horien xedea beste unibertsitateekin lehiatzeko gai izango den lasterketa auto bat eraikitzea da. Eurekin hitz egin dugu, autoen artean

|

Gorka Ortiz eta Aimar Sagastizabal Forumal Studenteko kideak// Geuria

Formula 1eko abiadura, Dakar batek duen zailtasuna basamortuak zeharkatzean edo Le Mans-en ordu amaigabeak. Horiek auto lasterketen mailarik gorena osatzen duten modalitateen adibide batzuk dira; baina, horien azpitik, bestelako txapelketak daude; eta batzuek motorraren munduan dagoen gazteen talentua erakusten dute. Horietako bat da Formula Student. Euskal Herriko Unibertsitateko ingeniaritza eskolak badu bere taldea txapelketan, eta bere lan talde handiaren baitan bi basauriar daude: Gorka Ortiz (2000) eta Aimar Sagastizabal (2001). Bigarren ikasturtea da hau haientzat taldean, eta arduradun rola dute jada.

Zer da Formula Student?
Gorka Ortiz: Ikasleek osatzen duten ingeniaritza proiektu bat da. Bertan, urtero hainbat lan egin behar ditugu lasterketa auto elektriko bat lortu ahal izateko. Gero, kotxe horrekin Silverstonera (Ingalaterra) eta Montmelora (Katalunia) joaten gara Formula Student osatzen duten beste unibertsitateekin lehiatzera.

Aimar Sagastizabal: Gainera, mundu osoko hamaika unibertsitatek parte hartzen dutenez, Euskal Herriko Unibertsitatearen izena atzerrian zabaltzeko balio du. Talde osoa oso harro sentitzen gara hori egiteko aukera dugulako.

Zein da zuen betebeharra taldean?
G.O.: Driverless taldeko arduraduna naiz ni. Talde horren helburua da gidaririk gabe dabilen autoa lortzea. Auto bat bakarrik ibili ahal izateko aldaketa asko egin behar ditugu kotxea osatzen duten sistema gehienetan. Ezin diogu autoari bolantea kendu eta motor bat jarri, esaterako; direkzio sistema osoa moldatu behar dugu bolantea bakarrik mugitzeko. Balaztetan, adibidez, sistema berezi bat ezarri behar dugu gidariak egingo lukeen lana kotxeak bakarrik egin dezan. Hasieran ezarritako xedeak bete daitezen lana kudeatzea da nire egitekoa taldean arduradun bezala. Lan karga banatzen dut eta zalantzarik egonez gero niregana datoz.

A.S.: Nire lana Gorkarenaren berdina da, baita arduraduna naizelako ere, baina dynamics taldean. Guk kotxerako hainbat pieza egiten ditugu. Bereziki, balaztatze sisteman, esekiduran eta direkzio sisteman egiten dugu lan. Kotxearen dinamikaren atal askoz arduratzen gara. Baina, bion kasuan, lana antolatzeaz gain, beste kide bat izango bagina bezala egin behar dugu lan. Hala ere, egia da saiatzen garela lan karga handia ez jartzen gure gain, bestelako eginkizunak ditugulako.

G.O.: Ikasleek egiten duten proiektua izanik, ia urtero daude aldaketak lan taldean, hortaz, oso garrantzitsua da beste kideekin kotxearen inguruan dakizkizunak partekatzea. Proiektuaren helburuetako bat ezagutza beti taldean mantentzea da. Hori ere gure betebeharretako bat da.

Zergatik erabaki zenuten parte hartzea?
A.S.: Alde batetik, nire kotxeekiko ezagutza handitu eta garatu nahi nuelako. Bestetik, ingeniari bezala, klasean ikasten dituzun gauzak praktikan ikustea eta gustuko duzun sektore batera egokitzea oso erakargarri iruditzen zitzaidan. Unibertsitateak honen antzekoak diren beste proiektu batzuk ditu: motorrak edo suziriak eraikitzea, esaterako. Gustuko dituzun gauzetan praktikak egiteko aukera eskaintzen dizute.

G.O.: Nire ustez, orokorrean ikasle guztiok dugu nahi berdina: klasean ikasitakoa gelatik ateratzea. Mundura ateratzen zarenean konturatzen zara unibertsitatean ematen dizuten formakuntza oso eskasa dela; hortaz, horrelako proiektuei esker zure ikasketak osa ditzakezu beste ezagutza batzuk zureganatuz. Nik beti izan ditut gustuko kotxeak, eta Formula Student bikaina da kotxeen mundua, eta motorrarena orokorrean, gustuko baduzu.

Nork hartu dezake parte taldean?
G.O.: Ingeniaritza ikasten duen edonork hartu dezake parte proiektuan. Hori bai, momentuz behintzat, ez dago inor lehenengo mailan egonda taldean parte hartzen duenik, denok gara bigarren mailatik gorako ikasleak. Proiektuaren parte izateko aukeraketa prozesu bat igaro behar da, noski. Edonork aurkeztu dezake bere burua partaide izateko, baina ez da aurkezten den oro hartzen. Zenbait gauza baloratzen dira taldean sartu ahal izateko.

Momentu bakoitzean taldeak bilatzen dituen ezaugarrien araberakoa da. Nire kasuan, esaterako, driverless taldean nago. Bertan, softwarea ondo maneiatzen dakien norbait edota algoritmo jakin bat erabiltzen dakien norbait bilatzen da, esaterako. Hortaz, aukeraketa prozesu bat egiten da soslai hori bilatu ahal izateko.

Nolakoa da aukeraketa prozesua?
A.S.: Hasteko, hainbat gradutako ikasleek izena ematen dute. Horietatik, aurretiko aukeraketa bat egiten da soslai egokienekin. Gero, elkarrizketa bat egiten da taldeko koordinatzaile eta ikaslearen artean, dituen jakintzak eta motibazioak ezagutzeko. Hortaz, ez dira kontuan hartzen soilik dakizkizun gauzak, baita ingeniaritzan gustuko dituzunak ere.

G.O.: Izan ere, ez dauka zentzurik pertsona batek elektrizitateari buruz asko jakin arren horren inguruko lanetan jartzeak, ez badu horrekin zerikusia duten gaietan lan egin nahi. Gainera, ingeles maila altua izatea hartzen da kontuan. Txapelketa nazioarte mailan izanda, dena ingelesez egin behar da; hortaz, gure lanaren atal handi bat ingelesez egin behar dugu.

Nolakoak dira Formula Studenteko txapelketak?
A.S.: Autoa ikusterakoan ohikoa da pentsatzea Formula 1eko lasterketa baten moduko txapelketa izango dela hau ere. Baina ez. Ingeniaritza munduko lehiaketa bat da Formula Student, hortaz, baloratzen dena proiektuak aurrera eramatea eta ikastea da, ez soilik zer autok duen abiadurarik handiena. Bi motatako frogak daude: dinamikoak eta estatikoak. Froga estatikoak hiru dira: negozioa, diseinua eta kostua. Aurrenekoari dagokionez, negozio adibide bat aurkeztu beharra dago kotxeari lotua. Kostuetan, kotxea eraiki ahal izateko erabilitako diruaren zenbatekoa justifikatu beharra dago. Eta azkenik, diseinua justifikatu beharra dago.

G.O.: Froga dinamikoei dagokienez, hainbat froga pasa behar ditu kotxeak. Baina, horietan kotxeak ez dira bata bestearen aurka lehiatzen, baizik eta erlojupekoan. Frogen artean daude, besteak beste, azelerazioa, balaztatzea eta zortziak egitea. Hori, kotxe elektrikoari dagokionez; gaur egun EHUk duena. Baina driverless taldearen proiektua aurrera ateraz gero, beste lehiaketa batean parte hartuko genuke: gidaririk gabeko kotxeenean. Helburua da urte batzuk barru bi lehiaketetan egotea.

Nola izan zenuten proiektuaren berri?
G.O.: Unibertsitatean proiektuari erreferentzia egiten dioten hainbat gauza daude. Sarreran dagoen kotxea da nabariena. Gainera, hortik eta hemendik entzuten duzu jendea Formula Studenten inguruan hizketan edo bertako arroparekin. Gainera, klaseetara joaten dira informazioa ematera. Nire kasuan ez zen hori gertatu, baina proiektua jadanik ezagutzen nuenez, pasa den ikasturtean izena eman nuen eta talderako hartu ninduten.

A.S.: Nire kasuan, selektibitatea egin nuenean EHUk antolatzen duen zientzia astera joan nintzen. Bertan, Formula Studenten inguruko informazioa jaso nuen, eta txundituta gelditu nintzen. Izan ere, txikitatik gustuko izan ditut kotxeak. Hori izan zen, besteak beste, ingeniaritza ikasteko motibazioetako bat.

Zein da Formula Student Bizkaiako egunean eguneko lana?
A.S.: Unibertsitatean gure klaseak eta laborategi praktikak egin ostean, gure aisialdi denbora izango litzatekeen horretan tailerrera gatoz. Proiektu honi denbora asko eskaini behar diozu, baina, niretzat gutxienez, merezi du. Antolakuntzari dagokionez, piramide bat izango balitz bezala irudikatu daiteke. Goian talde burua dugu, gero irakasleak etorriko lirateke, eta horien atzean teknikoak. Gero talde ezberdinetako arduradunak datoz, Gorka eta biok, esaterako. Eta gero, bestelako kideak. Gainera, gure unibertsitatearen kasuan gidaria ere ikasle bat da. Beste unibertsitate batzuek kanpoko norbait ekartzen dute.

G.O.: Proiektua enpresako praktikak izango balira bezala uler daiteke, eta horrela jarduten dugu bertan. Gure taldea, driverless, pasaden ikasturtean sortu zenez, besteen atzetik gabiltza. Proiektuak duen lan karga eta eskaini behar zaizkion ordu kopurua direla eta, ikasgai batzuk baliozkotu ditzakegu. Nire kasuan, esaterako, 24 kreditu baliozkotu ditzaket gehienez jota praktika horiek egiten. Hortaz, proiektuan ditugun erantzukizunen arabera hainbat kreditu kendu ditzakegu.

Zer ekarpen egin dizkizue proiektuak?
G.O.: Maila akademikoan, egundoko esperientzia ematen dizu. Benetako proiektu bat izango balitz bezala jorratzen dugunez, unibertsitatetik ateratakoan ez genuke gure lehenengo lana bilatuko. Jada ohituta gaude lana presiopean eta entrega data batzuekin egitera. Horrek profesionaltasun maila ematen die zure ikasketei. Hortaz, nahiz eta ikaslez osatutako proiektu bat izan, nik uste dut hemen ikasleak sartzen direla, baina profesionalak izaten ateratzen direla. Maila pertsonalari dagokionez, denak lagun bihurtu gara hemen. Ez da enpresa munduan askotan gertatzen dena, zure lankide asko batzuetan ez baitituzu ezagutu ere egiten. Hemen gure arteko harremanak asko estutu dira.

A.S.: Ikasitakoa praktikan jartzen dakizula erakusteko balio du proiektuak. Horrek zuregan konfiantza handia eragiten du, erakusten diozulako zure buruari ikasi duzun hori benetan egiten dakizula, eta ez soilik paper baten gainean. Gainera, zu ezagutzeko baliagarria da oso, lan munduko estresaren aurrean nola erantzuten duzun ezagutzeko, baina unibertsitatearekin batera lanean egotearen segurtasunarekin.

☉ Basauri

Basauriko Bidebietak antolatutako XXI. Gazte Txapelketak Bizkaiko 129 pilotari neurtuko ditu

Txapelketari hasiera eman diote apirilean eta ekainera arte luzatuko da. Guztira 109 partida jokatuko dira

|

Txapelketarei hasiera eman diote apirilean eta ekainera arte luzatuko da // Arxtiboko irudia, Geuria

Bidebieta Esku Pilota Klubak hasiera eman dio XXI. Gazte Txapelketari. Apirilaren 14an hasi zuten txapelketa eta guztira 129 pilotari neurtuko dira.

Bidebieta, Arguia, Adiskide, Iluntxo, Itsasalde, Mandoia, Izarra, Danok Lagunak, Balmaseda, Danak Bat, Usansolo, Upo Mendi, Lagun Artea, Lagun Onak, Getxo, Joko Alai, Lemoa, Durango, Olaburu, Olgetan, Kurene, Zaldua, Markina, Akarregi, Lezama, Arkupe, Lea Ibarra, Txumuluxueta, Gure Kirola, Gallarta eta Orma Bi klubetako pilotariek hartuko dute parte.

Txapelketa San Migeleko frontoian jokatuko da eta ekainera arte luzatuko da. Guztira 109 partida jokatuko dira: lagunartekoak, umetxoak, goxua, umeak, gaztetxoak, neskak, kadeteak, gazteak eta nagusiak kategorietan.

Egutegia/ Bidebieta XXI. Gazte Txapelketa

Apirilak 14, igandea
16:00 – San Migeleko frontoia
– Umetxoak A taldea: Ekain Artabe-Liher Garcia (Bidebieta-Arguia) vs Kerman Uribesalgo-Harri Artola (Adiskide-Iluntxo)
– Goxua B taldea: Hegoi Yanguas-Saioa Gonzalez (Bidebieta-Lemoa) vs Egoitz de Miguel-Izaro Sistiaga (Izarra-Lemoa)
– Umeak B taldea: Izan Fontalba (Danok Lagunak) vs Inar Etxaburu (Bidebieta)
– Umeak D taldea: Aritz Rodriguez (Bidebieta) vs Iñigo Artolatxipi (Balmaseda)
– Umeak E taldea: Eloi Elortza (Balmaseda) vs Aratz Mendieta (Arguia)
– Gaztetxoak E taldea: Luken Argueta-Danel Trias (Upo Mendi-Lemoa) vs Luken Uriarte-Jon Aperribai (Adiskide-Bidebieta)
– Kadetetak A taldea: Markel Sololuze-Khadim Lo (Markina-Akarregi) vs Sendoa Calvo-Enaitz Uribe (Bidebieta)
– Gazteak A taldea: Izei Saratxu-Xabier Atxutegi (Lezama-Bidebieta) vs Alex Andrinua-Etxahun Olazabalaga (Lea Ibarra, Txumuluxueta)
– Gazteak B taldea: Iñigo Bergantiños-Jaime Andrinua (Lagun Artea-Lea Ibarra) vs Ibai Ormaetxea-Haritz Solaguren (Arkupe-Olaburu)

Apirilak 21, igandea
10:30 – San Migeleko frontoia
– Goxua A taldea: Endika Fuente-Arhane Mendibil (Bidebieta-Mandoia) vs Endika Alvaro-Malen Gonzalez (Bidebieta-Lemoa)
– Gaztetxoak D taldea: Jon Urrutikoetxea-Aran Goti (Upo Mendi-Mandoia) vs Ekaitz Ortega-Oier Gil (Bidebieta-Olgetan)
– Neskak A taldea: Laia Aparizio-Irene Azkona (Bidebieta-Usansolo) vs Jaiona Elortza-Olatz Bernal (Lagun Artea-Bidebieta)
– Neskak B taldea: Maialen Gaston-June Agirrebeitia (Lemoa-Zaldua) vs June Urrutikoetxea-Malen Mena (Durango-Lemoa)
– Kadeteak B taldea: Izei Urkidi-Jon Fraile (Akarregi-Lagun Onak) vs Maren Aparizio-Jon Bengoetxea (Bidebieta-Joko Alai)

Apirilak 21, igandea
16:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo vs Egoi Muñoz (Bidebieta)
– Lagunartekoak: Danel Zugazaga vs Julen Ventura (Bidebieta)
– Lagunartekoak: Dario Del Hoyo vs Endika Bilbao vs June Bilbao (Bidebieta)
– Umetxoak B taldea: Unai Villapun-Ibai Liaño (Bidebieta) vs Markel Uriarte-Eki Barahona (Adiskide-Mandoia)
– Umetxoak E taldea: Unax Garcia-Ninbe Mendieta (Bidebieta-Arguia) vs Aritz Leivas-Iraia Martelo (Bidebieta-Iluntxo)
– Umeak A taldea: Enetz Lopategi (Danak Bat) vs Julen Serrano (Bidebieta)
– Gaztetxoak A taldea: Urko Gil-Ametz Bernaola (Bidebieta-Olaburu) vs Alain Martinez-Gilen Gomez (Bidebieta)
– Gaztetxoak B taldea: Aitzol Gomez-Liher Juez (Bidebieta-Lagun Onak) vs Jokin Arrieta-Adei Gorospe (Danak Bat-Olaburu)

Apirilak 28, igandea
12:00 – San Migeleko frontoia
– Lagunartekoak: Gorka Gonzalez vs Manez Izagirre (Bidebieta)
– Lagunartekoak: Oihan Sanchez vs Irati Liaño vs Julene Ugarte (Bidebieta)
– Umetxoak A taldea: Liher Garcia-Harri Artola (Arguia-Iluntxo) vs Kerman Uribesalgo-Ekain Artabe (Adiskide-Bidebieta)
– Umetxoak B taldea: Ibai Liaño-Eki Barahona (Bidebieta-Mandoia) vs Markel Uriarte-Unai Villapun (Adiskide-Bidebieta)
– Gaztetxoak E taldea: Ekiotz Angulo-Hodei Saenz de la Cuesta (Bidebieta-Durango) vs Luken Argueta-Danel Trias (Upo Mendi-Lemoa)

Apirilak 28, igandea
16:30 – San Migeleko frontoia
– Umeak E taldea: Ugaitz Bikarregi (Usansolo) vs Eloi Elortza (Balmaseda)
– Gazteak B taldea: Liher Ortiz de Zarate-Unai Gil (Olaburu-Bidebieta) vs Iñigo Bergantiños-Jaime Andrinua (Lagun Artea-Lea Ibarra)
– Nagusiak, final laurdenak: Arkaitz Egillor-Eneko Bercedo (Gure Kirola-Bidebieta) vs Julen Zenigaonaindia-Aitor Verde (Adiskide-Gallarta)

Maiatzak 5, igandea
11:30 – San Migeleko frontoia
– Goxua B taldea: Egoitz De Miguel-Izaro Sistiaga (Izarra-Lemoa) vs Aimar Caballero-Urtzi Heredia (Bidebieta-Izarra)
– Umeak E taldea: Aratz Mendieta (Arguia) vs Ugaitz Bikarregi (Usansolo)
– Gaztetxoak A taldea: Aimar Yanguas-Euri Muruzabal (Bidebieta-Mandoia) vs Urko Gil-Ametz Bernaola (Bidebieta-Olaburu)
– Gaztetxoak B taldea: Danel Guerrero-Ibai Santamaria (Bidebieta) vs Aitzol Gomez-Liher Juez (Bidebieta-Lagun Onak)
– Gaztetxoak D taldea: Ekaitz Ortega-Oier Gil (Bidebieta-Olgetan) vs Unax Alcalde-Markel Unda (Bidebieta)

Maiatzak 5, igandea
16:30 – San Migeleko frontoia
– Umetxoak E taldea: Ninbe Mendieta-Iraia Martelo (Arguia-Iluntxo) vs Aritz Leivas-Unax Garcia (Bidebieta)
– Goxua A taldea: Endika Alvaro-Malen Gonzalez (Bidebieta-Lemoa) vs Beñat Urrutikoetxea-Amaiur Beroiz (Bidebieta-Lemoa)
– Umeak D taldea: Iñigo Artolatxipi (Balmaseda) vs Guren Ruiz (Danok Lagunak)
– Gazteak A taldea: Aimar Gomez-Aitor Zuazo (Bidebieta-Getxo) vs Izei Saratxu-Xabier Atxutegi (Lezama-Bidebieta)
– Nagusiak, final laurdenak: Beñat Rementeria-Gorka Sobron (Olaburu-Bidebieta) vs Alen Garcia-Erdain Ibarrondo (Gallarta-Bidebieta)

Maiatzak 12, igandea
11:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo-Julen Ventura vs Egoi Muñoz-Danel Zugazaga (Bidebieta)
– Umetxoak A taldea: Liher Garcia-Kerman Uribesalgo (Arguia-Adiskide) vs Harri Artola-Ekain Artabe (Iluntxo-Bidebieta)
– Umetxoak B taldea: Ibai Liaño-Markel Uriarte (Bidebieta-Adiskide) vs Eki Barahona-Unai Villapun (Mandoia-Bidebieta)
– Umetxoak D taldea: Jon Marina-Oier Recio (Bidebieta) vs Peio Gallastegi-Enaitz Fernandez (Adiskide-Itsasalde)
– Kadeteak A taldea: Sendoa Calvo-Enaitz Uribe (Bidebieta-Durnago) vs Haitz Ortiz de Zarate-Unax Agirrebengoa (Olaburu-Bidebieta)
– Kadeteak B taldea: Maren Aparizio-Jon Bengoetxea (Bidebieta-Joko Alai) vs Julen Carrasco-Aiur Goikoetxea (Bidebieta-Arkupe)

Maiatzak 12, igandea
16:30 – San Migeleko frontoia
– Umeak A taldea: Markel Fernandez de Pinedo (Itsasalde) vs Enetz Lopategi (Danak Bat)
– Umeak B taldea: Ekain Fernandez de Pinedo (Itsasalde) vs Izan Fontalba (Danok Lagunak)
– Gaztetxoak A taldea: Alain Martinez-Gilen Gomez (Bidebieta) vs Aimar Yanguas-Euri Muruzabal (Bidebieta-Mandoia)
– Gazteak B taldea: Ibai Ormaetxea-Haritz Solaguren (Arkupe-Olaburu) vs Liher Ortiz de Zarate-Unai Gil (Olaburu-Bidebieta)
– Nagusiak, final laurdenak: Aitor Briongos-Iskander Egillor (Orma Bi-Gure Kirola) vs Ruben Azkona-Beñat Garcia (Usansolo-Upo Mendi)

Maiatzak 19, igandea
11:00 – San Migeleko frontoia
– Umeak D taldea: Guren Ruiz (Danok Lagunak) vs Aritz Rodriguez (Bidebieta)
– Gaztetxoak E taldea: Luken Uriarte-Jon Aperribai (Adiskide-Bidebieta) vs Ekiotz Angulo-Hodei Saenz de la Cuesta (Bidebieta-Durango)
– Neskak A taldea: Jaione Elortza-Olatz Bernal (Lagun Artea-Bidebieta) vs Maialen Bedia-Ainhize Etxebarria (Lagun Artea-Txumuluxueta)
– Neskak B taldea: June Urrutikoetxea-Malen Mena (Durango-Lemoa) vs Eva Martinez-Zoihartze Basauri (Bidebieta-Lagun Artea)
– Nagusiak, final laurdenak: Mikel Karrillo-Xabier Aristondo (Bidebieta-Kurene) vs Iñaki Peña-Aimar Iturbe (Bidebieta-Zaldua)

Maiatza 19, igandea
16:30 – San Migeleko frontoia
– Umetxoak D taldea: Oier Recio-Enaitz Fernandez (Bidebieta-Itsaslde) vs Peio Gallastegi-Jon Marina (Adiskide-Bidebieta)
– Umetxoak E taldea: Ninbe Mendieta-Aritz Leivas (Arguia-Bidebieta) vs Iraia Martelo-Unax Garcia (Iluntxo-Bidebieta)
– Goxua A taldea: Beñat Urrutikoetxea-Amaiur Beroiz (Bidebieta-Lemoa) vs Endika Fuente-Arhane Mendibil (Bidebieta-Mandoia)
– Umeak A taldea: Julen Serrano (Bidebieta) vs Markel Fernandez de Pinedo (Itsasalde)
– Umeak B taldea: Inar Etxaburu (Bidebieta) vs Ekain Fernandez de Pinedo (Itsaslde)
– Gaztetxoak B taldea: Jokin Arrieta-Adei Gorospe (Danak Bat-Olaburu) vs Danel Guerrero-Ibai Santamaria (Bidebieta)
– Gaztetxoak D taldea: Unax Alcalde-Markel Unda (Bidebieta) vs Jon Urrutikoetxea-Aran Goti (Upo Mendi-Mandoia)

Maiatzak 26, igandea
10:30 – San Migeleko frontoia
– Lagunartekoak: Dario Del Hoyo-Julene Ugarte (Bidebieta) vs Endika Bilbao-Irati Liaño (Bidebieta) vs June Bilbao-Oihan Sanchez (Bidebieta)
– Lagunartekoak: Manex Agirre vs Gorka Gonzalez (Bidebieta)
– Umetxoak D taldea: Oier Recio-Peio Gallastegi (Bidebieta-Adiskide) vs Enaitz Fernandez-Jon Marina (Itsasalde-Bidebieta)
– Umetxoak finalerdia: A taldeko bikotea vs B taldeko bikotea
– Gaztetxoak final laurdenak: 1A vs 2B
– Gaztetxoak final laurdenak: 1B vs 2D
– Gaztetxoak final laurdenak: 1D vs 2E
– Gaztetxoak final laurdenak: 1E vs 2A
– Gazteak A taldea: Alex Andrinua-Etxahun Olazabalaga (Lea Ibarra-Txumuluxueta) vs Aimar Gomez-Aitor Zuazo (Bidebieta-Getxo)

Maiatzak 26, igandea
16:30 – San Migeleko frontoia
– Goxua B taldea: Aimar Caballero-Urtzi Heredia (Bidebieta-Izarra) vs Hegoi Yanguas-Saioa Gonzalez (Bidebieta-Lemoa)
– Umeak final laurdenak: 1A vs 2B
– Umeak final laurdenak: 1B vs 2D
– Umeak final laurdenak: 1D vs 2E
– Umeak final laurdenak: 1E vs 2A
– Kadeteak A taldea: Haitz Ortiz de Zarate-Unax Agirrebengoa (Olaburu-Bidebieta) vs Markel Sololuze-Khadim Lo (Markina-Akarregi)
– Kadeteak B taldea: Julen Carrasco-Aiur Goikoetxea (Bidebieta-Arkupe) vs Izei Urkidi-Jon Fraile (Akarregi-Lagun Onak)

Ekainak 2, igandea
11:30 – San Migeleko frontoia
– Umetxoak finalerdia: D taldeko bikotea vs E taldeko bikotea
– Gaztetxoak finalerdia: 1A-2B vs 1D-2E
– Gaztetxoak finalerdia: 1B-2D vs 1E-2A
– Neskak A taldea: Maialen Bedia-Ainhize Etxebarria (Lagun Artea-Txumuluxueta) vs Laia Aparizio-Irene Azkona (Bidebieta-Usansolo)
– Neskak B taldea: Eva Martinez-Zoihartze Basauri vs Maialen Gaston-June Agirrebeitia (Bidebieta-Lagun Artea)

Ekainak 2, igandea
17:00 – San Migeleko frontoia
– Umeak finalerdia: 1A-2B vs 1D-2E
– Umeak finalerdia: 1B-2D vs 1E-2A
– Nagusiak finalerdia: Briongos-Egillor I (Orma Bi-Gure Kirola) edo Azkona-Garcia (Usansolo-Upo Mendi) vs Rementeria-Sobron (Olaburu-Bidebieta) edo Garcia-Ibarrondo (Gallarta-Bidebieta)
– Nagusiak finalerdia: Egillor II-Bercedo (Gure Kirola-Bidebieta) edo Zenigaonaindia-Verde (Adiskide-Gallarta) vs Karrillo-Aristondo (Bidebieta-Kurene) edo Peña-Iturbe (Bidebieta-Zaldua)

Ekainak 9, igandea
11:00 – San Migeleko frontoia
– Neskak finalerdia: 1A vs 2B
– Neskak finalerdia: 1B vs 2A
– Kadeteak finalerdia: 1A vs 2B
– Kadeteak finalerdia: 1B vs 2A

Ekainak 9, igandea
16:30 – San Migeleko frontoia
– Lagunartekoak: Aiuri Setien vs Ane Ureña (Bidebieta)
– Lagunartekoak: Mateo Del Hoyo-Danel Zugazaga vs Egoi Muñoz-Julen Ventura (Bidebieta)
– Lagunartekoak: Dario Del Hoyo-Irati Liaño vs Endika Bilbao-June Bilbao vs Julene Ugarte-Oihan Sanchez (Bidebieta)
– Goxua finalerdia: 1A vs 2B
– Goxua finalerdia: 1B vs 2A
– Gazteak finalerdia: 1A vs 2B
– Gazteak finalerdia: 1B vs 2A

Ekainak 16, igandea
10:00 – San Migeleko frontoia
– Umetxoak finala
– Goxua finala
– Umeak finala
– Gaztetxoak finala
– Neskak finala
– Kadeteak finala
– Gazteak finala
– Nagusiak finala

Osorik irakurri

☉ Basauri

Asteburu solidarioa antolatuko dute Basaurin, Alex Garcia Galas herrikidearen alde

Apirilaren 27an eta 28an antolatu du asteburu solidarioa Basozelaiko El Maño Auzo Elkarteak. Besteak beste, haurrentzako parkea, paella solidarioa, bingo solidarioa eta zozketak antolatu dituzte

|

Basozelaiko El Maño Auzo Elkarteak jarri ditu martxan ekimen solidarioak Basauriko Udalaren laguntzarekin // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Aurreikuspenen arabera asteburu honetan aberriratuko du Defentsa Ministerioak hegazkin medikalizatu batean.

Aberriratzea emango den arren, ekimen solidarioek ez dute etenik. Basaurin, esaterako, El Maño Basozelaiko Auzo Elkarteak kanpaina bat jarri du martxan dirua biltzeko.

Alde batetik, itsulapikoak jarri ditu herriko saltoki eta tabernetan: “Momentuz 84 itsulapiko jarri ditugu herriko saltoki eta tabernatan, baina eskari gehiago jaso ditugu eta beste itsulapiko sorta bat jasotzeko zain gaude”, dio Gorka Del Rio Basozelaiko Auzo Elkarteko kideak.

Eta, beste alde batetik, apirilaren 27an eta 28an asteburu solidarioa antolatu dute Basaurin. Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

“Ekimen solidario hauetatik bilduko dugun dirua Alexen familiari emango diogu. Familiak egin behar izan dituen —eta gaur egun egin behar dituen— gastuak ordaintzeko izango da”, dio Gorkak. Datuak datu, egunero Thailandian 3.000 eta 4.000 euro artean gastatzen ditu Alexen familiak, mediku probak egin ahal izateko.

Egitaraua / Asteburu solidarioa Alexen alde

Apirilak 27, larunbata
Haur Parkea: zezen mekanikoa, puzgarriak, goma elastikoa, jostailuak…
16:00-19:00 Solobarriako karpa

Apirilak 28, igandea
Barra solidarioa, musika eta zozketak (herriko saltokiek dohaintzan emandako produktuak) egunean zehar
12:00-19:00 San Jose Ikastetxeko jolastokia

Urdaiazpiko moztailea
12:00 San Jose Ikastetxeko jolastokia

Paella solidarioa
14:30 San Jose Ikastetxeko jolastokia

Bingo solidarioa: Iker Muniain Athelticeko jokalariak dohaintzan emandako Kopako finaleko kamiseta bat
18:00 San Jose Ikastetxeko jolastokia

Osorik irakurri

☉ Basauri

Basaurik itsulapikoak jarri ditu Thailandian gaixo dagoen herrikidearen senideak laguntzeko

El Maño Basozelaiko Auzo Elkarteak kanpaina bat jarri du martxan dirua biltzeko. Herrian zehar momentuz 84 itsulapiko jartzeaz gain, apirilaren 27an eta 28an ekitaldi solidarioak antolatuko dituzte

|

Basauritik zehar 84 itsulapiko jarri ditu Basozelaiko Auzo Elkarteak, Alexen familiak Thailandian egindako gastuak ordaintzeko // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.

Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.

Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.

Gauzak horrela, crowfunding kanpaina bat abiarazi dute Alexen lagunek eta senideek. Momentuz 114.445 euro bildu dituzte.

Diru bilketa Basaurin

Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta apirilean zehar ekitaldi solidarioak antolatuko ditugu”, diote.

“Basozelaiko saltokietan itsaulapikoak jartzen hasi ginen, baina sare sozialen bitartez ekimenak izan duen oihartzuna ikusita, Basauri osora hedatu dira itsulapikoak”, dio Gorka Del Rio Basozelaiko Auzo Elkarteko kideak.

Guztira, 84 itsulapiko daude herriko saltokietan zehar. “Gainera, beste itsulapiko asko ere jarri ditugu Basauritik kanpo, adibidez, Eibartik idatzi ziguten bertan ere itsulapikoak jartzeko”, dio.

Bilduko duten dirua Alexen familiari emango dio Basozelaiko Auzo Elkarteak: “Bildutako dirua familiak egin behar izan dituen —eta gaur egun egin behar dituen— gastuak ordaintzeko izango da”.

“Egunero Thailandian 3.000 eta 4.000 euro artean gastatzen ari da familia, Alexi probak egin ahal izateko”, zehaztu dute El Maño Auzo Elkartetik.

Asteburu solidarioa

Beste alde batetik, itsulapikoez gain, El maño Basozelaiko Auzo Elkarteak asteburu solidarioa antolatu du apirilaren 27an eta 28an Basaurin.

Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

Aberriratzea, asteburuan

Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.

Eitb-k jakinarazi duenez, asteburu honetan egingo dute basauriarraren aberriratzea. Marisol Garmendia Espainiako Gobernuak Euskadin duen ordezkariak baieztatu duenez, hegazkina asteburu honetan abiatuko da eta gaur arratsaldean jakinaraziko dituzte Alexen premiazko aberriratze dispositiboari buruzko xehetasunak.

Osorik irakurri

☉ Basauri

Maialen Ibarra sanmigeldarrak abesti berria eskaini dio Patxi bere aititeri

|

Bideoklipa Social Antzokian grabatu du Maialean Ibarrak // Maialen Ibarra

Maialen Ibarra sanmigeldarrak ‘Aititeri’ abestiaren bideoklipa kaleratu du gaur. Abestia Patxi Ibarra bere aititeren omenez egindakoa da.

‘Sano abesten jarraituko dugu, nonbait gurekin abesten duzulakoan. Lasai asko utzi gaituzu. Zelako zortea zurekin izan dugun’, errepika du abestiak.

Joseba Ibarra Maialenen osabak eta Patxiren semeak txistuarekin laguntzen du abestian. Gainera, bideokliparen amaieran keinu berezia egin dio Maialenek bere aititeri: Patxiren ahotsarekin Erramun Martikorenaren ‘Xorieri mintzo zen’ abestia entzuten da.

Bideoklipa osorik dago grabatuta Basauriko Social Antzokian.

Patxik utzitako arrastoa

Patxi Ibarra Indartsu Clubeko sortzaile eta presidente izan zen, ez soilik futbol taldearena, baizik eta Indartsuk kulturan izan dituen adar ezberdinen sortzaile.

Txistu-irakasle izan zen, Danbolin Txistulari Elkartea 1985ean sortu aurretik, eta behin sortuta, taldearen bultzatzaile izan zen.

Basauri Koral Elkartean ere parte hartu zuen. Tenorea zen Ibarra, Aldana zenaren laguntzaile. 25 urtetik gora eman zituen Basauri Koral Elkartean.

Euskal kulturarekin konpromiso handia erakutsi zuen Patxi Ibarrak. Frankismo garaian, euskara klaseak eman zituen San Migeleko parrokian. Zuztarretatik Ahora, San Migel Kantari eta Basaurin Be Bagara ekimenetan ere parte hartu zuen Ibarrak.

2021eko uztailaren 2an zendu zen Patxi Ibarra.

Osorik irakurri

☉ Basauri

Leherketa bat gertatu da gaur goizean Basauriko Sidenor enpresan

|

Gaur goizean Basaurtitik ikusi den kea // Geuria

Leherketa gertatu da gaur goizean Basauriko Sidenor enpresan. LAB sindikatutik adierazi dutenez, leherketa labean izan da, baina ez du zauriturik eragin.

Suhiltzaileak bertaratu dira eta enpresa bera ari da egoera kudeatzen.

Osorik irakurri