Datorren urteko Feroz sarietara proposatu dute Itziar Ituño basauriarra telesail bateko aktorea protagonista onenaren atalean. Bere nominazioa ‘Intimidad’ telesailagatik izan da eta atal berean Nerea Barros (La novia gitana), Mónica López (‘Rapa’), Nathalie Poza (‘La unidad’) eta Claudia Salas daude (‘La ruta’).
Feroz Sariak urtarrilaren 28an banatuko dituzte, Zaragozan.
Intimidad, gertutik
Malen Zubiri etorkizun oparoko politikaria da. Bilboko alkategaia da, eta badirudi dena primeran doala senarrarekin eta alabarekin. Baina beste gizon batekin sexu-harremanak izaten ikusten den bideo baten agerpenak eszenaren erdigunean jarriko du Malen, voyeurismoa iritsi arte.
Indarkeria matxista, intimitatearekiko errespetua eta sexu-bideoak bidaltzeko mugak izan ziren kritikarik onenak jasotako telesail honen ardatz nagusiak.
