☉ Basauri
Arartekoak Kareagako sutearen ondorioz sortu den larrialdi egoeraren aurrean “erantzun sendoagoa” ematea eskatu dio Basauriko Udalari
Basauriko Udalaren jardun azkarra “oso postiboa” izan zela adierazi dute, baina kaltearen garrantzia dela eta, “erantzun sendoagoa” eskatu dio Arartekoak Udalari
Ia urtebete joan da Kareaga Goikoa kaleko 5. zenbakian sute larria gertatu zenetik. Pertsona bat hil zen eta 22 familia euren etxeetatik atera behar izan zituzten, eta egun ezin izan dira bueltatu.
Basauriko Udalak “berehala” erantzun zuela esan du Arartekoak, kaltetutako familiak Euskadiko Herriaren Defendatzailearenera jo ostean, eskeinitako laguntza nahikoa ez zelakoan.
“Premiazko ostatua hotelean, laguntza ekonomikoak eman eta gizarte laguntzetako zerbitzu bat kontratatu zuen Basauriko Udalak”, esan du Arartekoak.
Udalaren jardun azkarra “oso postiboa” izan zela adierazi dute, baina kaltearen garrantzia dela eta, “erantzun sendoagoa” eskatu dio Arartekoak Udalari.
“Arartekoak Basauriko Udalari gomendatzen dio, Etxebizitzako Sistema Publikoarekin koordinatuz, sutearen ondorioz sortu den larrialdiko egoerari erantzun sendoagoa eman diezaion. Helburua da balizko bideak arakatzea bizitegi-bazterketa eta pobreziaren belaunaldien arteko transferentzia prebenitzeko, bai eta gizarte-bazterketa ez kronifikatzea ere”, ebatzi du Herriaren Defendatzaileak.
Zentzu horretan, esku-hartze publiko “irmoagoa” eta etxebizitzako sistema publikoarekin koordinazioa bermatu behar direla adierazi dute.
“Gainera, planteatzen dugu Gizarte Zerbitzuen Euskal Sistemari dagokion arau-esparrua ikuskatu behar dela gizarte-larrialdiak eta -premia daudenean behar bezalako erantzuna ziurtatzeko”, ebatzi dute.
“Erantzun azkarra eta eraginkorra”
Arartekoaren ebazpenaren berri izan orduko, Basauriko Udaleko ordezkariekin harremanetan jarri da GEURIA.
“Basauriko Udalak erantzun azkarra, eraginkorra eta egoeraren tamainarekin guztiz bat datorrena eskaini du, eta zerbitzu espezializatu bat jarri du familien eskura, haiei arreta emateko eta kudeaketa dokumentaletan eta administrazio-izapideetan laguntzeko, aldi baterako ostatua, elikadura, jantziak eta oinarrizko premiei arreta emanez, familien errekuperazio-prozesua babesteko aparteko laguntza ekonomikoak presaz gaituz eta eskura zitzaketen sistemaren baliabide eta prestazioei buruzko orientabide eta aholkularitza argi eta pertsonalizatua emanez”, esan dute udal arduradunek.
Azken batean, Udalak “erantzukizunez” eta “gizarte-sentsibilitatez” jokatu zuela diote, “bere eskumenen arabera jardunez, eta haratago ere joanez, eragindako familien babesa eta ongizatea bermatzeko”, diote.
☉ Basauri
Lau gizon atxilotu dituzte Basauriko metalurgia enpresa batean lapurreta egiteagatik
Lapurreta iazko abuztuan gertatu zen, eta Ertzaintzak adierazi duenez, “balio handiko” lehengai metalurgikoa lapurtu zuten
Ertzaintzak eta Espainiako Poliziak 25 eta 50 urte arteko lau gizon atxilotu dituzte Basauriko industria-pabiloi bateko metalurgia enpresa batean lapurreta egitea leporatuta.
Lapurreta iazko abuztuan gertatu zen eta Segurtasun Sailetik adierazi dutenez, “balio handiko” lehengai metalurgikoa lapurtu zuten.
Atxiloketak Gernikan, Sestaon eta Portugaleten egin dituzte.
Gainera, lau pertsona horiei joan den urtarrilaren 19an Miranda de Ebroko enpresa batean egindako lapurreta ere egotzi diete. Kasu hartan 6.000 kilogramo kobre lapurtu zuten, 51.000 euro inguruko balioa zuena.
Bi delituetan atxilotuek zulo bat egin zuten enpresetan sartu eta lapurreta egin ahal izateko.
Atxilotuei indarrez lapurreta egitea eta talde kriminaleko kide izatea leporatu diete.
☉ Basauri
Emakume bat atxilotu dute Basaurin espetxean droga sartzen saiatu denean
Emakumeak 67 urte ditu eta osasun publikoaren aurkako ustezko delitua egotzi diote. Era berean, berarekin zegoen 29 urteko beste emakume bat ere identifikatu du Ertzaintzak
Ertzaintzak 67 urteko emakume bat atxilotu zuen atzo Basaurin, espetxean haxixa sartzen saiatu zenean, preso bat bisitatzera joan zela aprobetxatuz.
Susmoak jarraituz, preso batentzako zen pakete bat ikuskatu zuten. Beroki bat aztertu eta miatu ondoren, forruaren barruan ezkutatuta 300 gramo haxix zituzten zazpi poltsatxo aurkitu zituzten.
Gauzak horrela, momentuan bertan atxilotu zuten emakumea. Osasun publikoaren aurkako ustezko delitua egotzi diote, eta polizia-eginbideak bete ostean, aske utzi zuten.
Era berean, akusatuarekin zegoen 29 urteko beste emakume bat ere identifikatu zuten agenteek. Bere aurka eginbideak ireki dituzte, ikertu gisa, delitu beragatik.
Inautxok gidatuta, euriak ez du mozorro lehiaketa geldiarazi Basaurin. Furbyak, Pinotxo eta Gepeto, haginlariak, Ratatouille, txorimaloak, euliak, estralurtarrak, oiloak eta lau urtaroak… ez da inor falta izan! Hona hemen mozorro lehiaketako laburpena!
Inauteriak dira eta Basauriko kaleak mozorroz bete dira otsailaren 14an, larunbatez. Euria egin arren, mozorro lehiaketa antolatu dute Solobarriako karpan [hemen argazkiak!]. Eta bertan topatu ditugu estralurrarrak, furbyak eta oiloak eta baserritarrak. Zenbat denbora eman dute mozorroak prestatzen?
☉ Basauri
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
Inauterien barruan mozorro lehiaketa antolatu dute gaur, otsailak 14, Basaurin. Desfilea bertan behera geratu da euriagatik, baina kuadrillek aukera izan dute euren mozorroak Solobarriako karpan erakusteko.
Bederatzi pertsona baino gutxiagoko kategorian, hirugarrenetik lehenengora hauek izan dira irabazleak: Furbiak (200 euro), Zeruko begiak (400 euro) eta Txorimaloak (550 euro).
Eta, bederatzi pertsona baino gehiagoko kategorian honakoak saritu dituzte: Parqueo sobre ruedas (250 euro), Globotxos (500 euro) eta Oilategi Deluxe (750 euro).
Gainera, Inautxo Saria ere banatu dute, eta kategoria honetan Lau urtaroak kuadrillak irabazi du saria (550 euro).
’80. Hamarkada’ izango da Abusuko inauterien gaia aurten
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Lau gizon atxilotu dituzte Basauriko metalurgia enpresa batean lapurreta egiteagatik
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
