→Basauri

Egitaraua | Basauriko Rockein finaleko ordutegiak kaleratu dituzte

Heldu da eguna. Gaur Rockein banden arteko txapelketako 10. edizioko finala izango da Basauriko Social Antzokian

Full Cab, 2021eko irabazleak Rockeinen // Rockein

Heldu da eguna. Gaur, azaroak 19, Rockein banden arteko txapelketako 10. edizioko finala izango da Basauriko Social Antzokian. Tokiko artistarik onenaren artean lehiatu beharko dira Basauri-Etxebarriko Pelícanos, Basauri-Arrigorriagako Erein eta Galdakao-Arrigorriagako Kaserna taldeak. Sari Nagusia atalean Ginger, Arde Marte eta Silitia taldeak aritulko dira borrokan.

Finalerako sarrerak doakoak izango dira baina gonbidapena eskuratu beharko dute interesdunek Social Antzokiko txarteldegian bertan. Euskal Autonomia Erkidegoko eta Nafarroako bakarlari eta taldeei zuzenduta dago lehiaketa: aurtengo edizioan 188 artistak eman dute izena, zazpigarren urtez jarraian parte hartze marka gaindituz.

Ordutegiak | Rockein Finala 2022

Azaroak 19, larunbata

21.00 Ateen irekiera

Tokiko artistarik onena

21:30 Pelicanos

22:00 Erein

22:30 Kaserna

Sari Nagusia

23:00 Ginger

23:30 Arde Marte

00:00 Silitia

00:30 Irabazleak jakinarazi

00:40 Amaiera

Aurten epaimahaia osatu dute: Arantzazu Pinto ‘Nara’ (artisten kontratazioan lan egiten du), Álvaro Fierro (musika kritikaria, musika dokumentalen zuzendaria eta Kultumetriako arduraduna), Amets Rodríguez (kultur sustatzailea eta antolatzailea Emankor Sarean -Mundaka Festival, Bay Of Biscay, Ezca Fest), Jon Agirrezabalaga (soinu-ekoizle eta -ingeniaria El Tigre Estudiosen, musikaria eta konpositorea WAS eta Zabalan), Sara Zozaya (artista eta lehen emakume bakarlaria 2019ko Rockeinen sari nagusia irabazten), Iker Bárbara (MondoSonoro aldizkariaren Euskal Herriko eta Errioxako edizioaren koordinatzailea, kultur sustatzailea eta DJa), Joseba Vegas (kazetari musikala, BI FM eta Alma Botxerako zuzendaria, eta DJa), Jon Hervás (kultur sustatzailea eta eragilea), eta Jon Zugazagoitia (Basauriko Udaleko Gazteria, Kirol eta Informatika zinegotzia).

 

Gora

Geuria Laguntzaileak Geuria Laguntzaileak