☉ Basauri
Hitzarmena sinatu dute gaur SEPESek eta Basaurik, La Basconiako lursailetan 35 milioi euro inbertitzeko
La Basconia lantegia zenaren lursailetan 398 etxebizitza eta industria eraikitzeko pauso berria eman dute gaur Basauriko Udalak eta SEPESek (Espainiako Garraio, Mugikortasun eta Hiri Agendako ministerioari atxikitako Lurzoruaren Enpresa Erakunde Publikoa). Hain zuzen ere, hitzarmena sinatu dute Basauriko udaletxean esku-hartzea "ahalik eta arinen" gauzatzeko. "Hitzarmena jauzi kualitatibo bat da, bultzada emango diolako udalerriaren gizarte- eta ekonomia-hazkunderako horren estrategikoak diren lur horien garapenari", dio Asier Iragorri Basauriko alkateak.
SEPESek 35 milioi euro baino gehiago inbertituko ditu La Basconiako lursailetan, eta bi eremutan esku-hartuko du: Basconia ipar-mendebaldean eta Basconia ipar-ekialdian. Guztira, 137.300 metro kuadro. Basconia ipar-mendebaldea ibaiertzean dagoen lursaila da, Basconiako aparkalekutik gertuen dagoena, eta bertan hirugarren sektorea eta industria ezarriko dute (74.845 metro kuadro), eta Basconia ipar-ekialdea Sarratutik eta Etxebarrirako bidetik gertuen dagoen eremua da eta bertan 398 etxebizitza eraikiko dituzte (64.455 metro kuadro).
Etxebizitzak Espainiako Gobernuak sustatzen duen Etxebizitza Eskuragarrien Planari atxikita egongo dira, Garraio, Mugikortasun eta Hiri Agendaren bitartez. Isabel Pardo de Vera Garraio, Mugikortasun eta Hiri Agendako idazkari eta SEPESko presidenteak adierazi duenez, alokairuzko etxebizitzak dira La Basconiako lursailetan eraikiko dituztenak: "Alokairu Eskuragarrirako Etxebizitza Planaren helburua alokairuko etxebizitzen parkea handitzea da, arrazoizko prezioan edo prezio sozialean, diru-sarrera mugatuak dituzten pertsona edo bizikidetza-unitateentzat", dio Pardo de Verak.
Gaur sinatu dute hitzarmen berria Basauriko Udalak eta SEPESek // Geuria
Bestetik, industria erabilerari dagokionez, enplegua Basaurira ekartzea "lehentasunezkoa" dela adierazi du Iragorrik: "Ez da duela urteetako industria ezarriko La Basconiako lursailetan. Gaur egungo industria eraldatu da, eta teknologia, digitalizazioa eta I+D+i bezalako kontzeptuak dira egungo industria. Horrelakorik ekartzea onuragarria litzateteke Basaurirentzat eta herritarrentzat".
Epeak, airean
Oraindik epeez hitz egitea "garaiz" dela adierazi dute bi erakundeek: "Plan Berezia egin behar dugu, eta aurreikusten dugu 2023an zehar gauzatzea plan estretagiko hori. Lehendabizi eremua garbitu behar da, eta gero urbanizatu. Hori behin eginda, eraikuntza faseari ekingo genioke, baina oraindik data zehatzik gabe", dio Fidel Vazquez SEPESen zuzendari nagusiak.
"Epeak oraindik zehaztu barik dauden arren, urrats berri hau pozgarria da erabat. Ateak zabaltzen dizkio gure udalerriarentzat horren estrategikoa den eremu horretan etxebizitzak eraiki eta jarduera ekonomikoa sortzeko aukerari", dio Iragorrik: "Hitzarmen hau izenpetuta, baikor naiz Basauriko etorkizunari dagokionez, eta bi erakundeok martxan jarriko dugu indar betean gure makinaria administratibo guztia bultzada handi bat emateko enpresa proiektuak ezartzeari eta etxebizitza eremu berri bat sortzeari".
Parte-hartze prozesua
Hitzarmenak beste puntu bat jasotzen du: SEPESek Basauriko Udalari lagatzea La Basconia lantegiko industria-pabiloi bat, alegia. "Gure industria-iraganaren eta orainaren sinbolo den La Basconiako nabe bat lagako digu SEPESek. Asmoa da industria-pabiloia berreskuratzea eta birgaitzea", dio Iragorrik: "Lagapen hori eta hitzarmena, oro har, erakundeen arteko lankidetzak herritarren onerako dela erakusten duen beste adibide bat da, sigla desberdinak dituzten alderdiek elkar uler dezakegula adierazten duena".
La Basconiako lursailak // Basauriko Udala
Basauriko alkateak adierazi duenez, oraindik ez dute zehaztuta zein izango litzatekeen pabilioi horren erabilera, baina herritarrek parte-hartzeko prozesu bat zabalduko dutela aurreratu du Iragorrik: "Erabilera zehaztu beharko da, eta herritarrentzat irekia izatea nahi dugu. Ondoren, landu beharreko proiektu bat idatzi beharko da. Eta nabe horretan zer egingo dugun zehazteko, basauriarren iritzia izango dugu, partaidetza-prozesu baten bidez", dio.
Industria-pabilioi handiena da zutik mantenduko den La Basconiako lantegia zenaren eraikin bakarra. Ondasun historiko-kultural gisa babestuta dago, eta horregatik ez dute eraitsiko. Ordea, SEPESek pabilioi txikiago bat eraitsiko du. Aurtengo otsailean sutea piztu zen pabilioia da ustez eraitsiko dutena. "Eraisketa proiektua egin behar dugu, baina 2023ko udaberrian egitea aurreikusten dugu", dio Vazquezek.
Basauriko Udalak eta SEPESek 2009an sinatu zuten lehen hitzarmena, baina gaur sinatu dutena hura ordezkatuko du. Aurreko hitzarmenaren arabera, 1.300 etxebizitza eraiki behar zituen SEPESek La Basconiako lursailetan. "Testu berriak helburutzat du 2009ko terminoak egokitzea 2020an udalbatzak aho batez onartu zuen Basauriko Hiri Antolamenduko Plan Orokorrera (HAPO), La Basconiako proiektua Basauriko herritarrek eskatzen duten udalerri-eredura egokitze aldera", dio Iragorrik.
Urriaren 7tik 15era bitartean izango dira Basauriko jaiak. Herriko Taldeak-ek 200 jarduera baino gehiago antolatu ditu, adin eta publiko guztientzako jarduerak prestatu dituzte.
Basauriko jaiak 2023 | Egitaraua
Urriak 7, larunbata
18:00 Kuadrillen elkarretaratzea udaletxean
18:10 Alkate txikien eta kuadrillen harrera eta aurkezpena udaletxean
18:30 Sofia Otero pregoilariari omenaldia udaletxean
18:35 Eskarabilleraren aurkezpena
18:40 Alkate txikien agurra
18:45 Alkatearen agurra
18:50 Herriko Taldeaken agurra
18:55 Pregoia udaletxetik
19:00 Txupinazoa udaletxetik
19:00 Kuadrillen jaitsiera Eskarabilerarekin, hurrenkera honetan: Hauspoak, Ontzak, Urbiko Lagunak, Ogeta Bat, Zigorrak, Basajaunak, Edurre, Zoroak, Txanogorritxu ta otso maltzurra, Alaiak, Itsaslapurrak, Basatiak, Laguntasuna, Txikerrak, Mozkorrak eta Aldatxa
21:30 Jaitsieraren amaiera Solobarria plazan, eta jaitsierarik onenari saria
21:30 Kalejira Gazte-Leku fanfarrearekin oinezkoen kaleetatik
22:00 Disko Festa Sound Solobarria plazan
22:30 Kontzertua Arizgoiti plazan: Oxabi
00:30 Dantzaldia San Fausto plazan: Mandala Macroshow
Urriak 8, igandea
09:00 Txupina udaletxetik
09:00 Petanka txapelketa Artunduagako bolatokietan
09:30 Mahai-teniseko txapelketa herrikoia eta federatua Urbi kiroldegian
10:00 Bizkaiko Haizedoinu Gaiteroen diana
10:30 2023ko Bizkaiko Open Esku Pilota Txapelketaren finalaurrekoa Artunduagako frontoian
11:00 Banakako Hiru Tabloi Txapelketa herrikoia Artunduagako bolatokietan
11:00-14:00 + 16:00-18:00 Txikientzako Herri Kirolak Bizkotxalden
11:00-14:00 + 16:00-18:00 Trenen zirkuitu entretenigarria Bizkotxalde parkean
11:00-14:00 + 16:00-18:00 Tirolina eta zuhaitz eskalada Bizkotxalden
12:00 Bakailao dastaketa herrikoia San Isidro plazan. Pintxoa: 1 euro
12:00 Gimnasia erritmikoa Basauriko Club Punterasen eskutik Solobarrian
12:00 Ekialdeko Go jokoa ikasteko tailerra San Jose ikastetxean
12:00 Aldibereko xake-joko partidak 20 tabloietan San Jose ikastetxean
12:00 Eskualdeko dantza taldeen emanaldia Arizgoiti plazan
13:00 Basauriko Musika Eskolaren musika-tresna taldeen emanaldia San Fausto plazan
13:30 Kontzertua Galizia kalean: Soporte Vital Basico
17:00 Kuadrilla txikien arteko V. 3×3 Saskibaloi Txapelketa Bizkotxaldeko kantxetan
17:00 Motorren VI. Kontzentrazioa Bidebieta plazan
17:00 Bassfemband batukada Begiraleku eta oinezkoen kaleetatik
17:30 Kuadrillen arteko XVI. Abarka jaurtiketa txapelketa Bizkotxalden
18:00 Dantza tailerra Be Move Dance Studio Eskolaren eskutik Solobarrian
18:00 Kuadrillen arteko XIV. 3×3 Saskibaloi Txapelketa Bizkotxaldeko kantxetan
18:00 Boliviar dantza tradizionalak San Fausto plazan
18:30 Kalejira Sama Siku Fanfarrearekin Benta eta oinezkoen kaleetatik
18:30 Ontzak Prix Bizkotxaldeko kantxetan
19:00 Txitxarrilloa Mojaparte plazan: Maran
19:00 Euskal erromeria San Fausto plazan
19:30 Labeldun txahalaren dastatzea San Fausto plazan. Prezioa: 1,5 euro
19:30 Les Tambors de Feu kalejira piroteknikoa Begiralekuetatik Arizgoiti plazara
20:00 Dantza lehiaketa San Jose ikastetxean
20:15 Kontzertua Arizgoitiko plazan: Emme
21:00 Bingo Solidarioa Zigorraken lonjan, Thiago Iglesiasen alde
21:30 Kontzertua Arizgoitiko plazan: El vuelo del Pikaro
22:30 DJ Blessive Arizgoitiko plazan
Urriak 9, astelehena
09:00 Txupina udaletxetik
10:00 Dultzaineroen kalejira
10:00 Bolo txapelketa Artunduagako bolatokietan
12:00 Danbolin Txistulari Elkartearekin kalejira
12:30 Txanpi Solidarioa Solobarrian, Thiago Igleasiasen alde
14:00 Karparamartxoa Solobarrian
15:30 Buruhandien lehiaketa Solobarrian
16:30 Mami-jan txapelketa Solobarrian
17:00 Zurra-tripontzien txapelketa Solobarrian
17:30 VIII. Esku Pilota Txapelketa Arina Soloarteko frontoietan
18:00 Erromeria txikientzat San Isidro plazan: Porrusalda Erromeria
18:30 Etxebarria Aita-Seme trikitilarien kalejira
19:00 Zezen mekanikoaren txapelketa herrikoia eta kuadrillen artekoa Solobarrian
19:00 Kuadrillen arteko zurrakapote txapelketa Solobarrian
19:00 Txorizo-jan solidarioa Solobarrian, Thiago Igleasiasen alde
19:00 Pintxo solidarioa Mojaparten, Thiago Iglesiasen alde
19:00 Txitxarrilloa Mojaparten: Jamaika taldea
19:30 Kuadrillen arteko VII. Bizikleta Motelen lasterketa Mojaparten
19:30 Dantza agerketa Biarte Dantza Eskolaren eskutik Arizgoitiko plazan
20:00 Kuadrillen arteko Zaku lasterketa Mojaparten
22:00 Bakarrizketak Arizgoitiko plazan: JJ Vaquero eta Jesus 'El Negro', eta Etxebarria Aita-Seme trikitilarien parte-hartzearekin
Urriak 10, asteartea
09:00 Txupina udaletxetik
10:00 Dultzaineroen kalejira
10:30 Igel-toka txapelketa herrikoia San Fausto plazan
12:00 Danbolin Txistulari Elkartearekin kalejira
14:00 Aitite-amamen bazkaria jubilatuen egoitzetan eta Solobarrian
17:30 Txikien danborrada Ogeta Baten lonjatik
17:30 Txikientzako tailerrak Mojaparten: zumba eta 'Margotu zure mandala'
18:30 Txitxarrilloa San Fausto plazan: Pergola taldea
18:30 Tortilla lehiaketa Solobarrian, herrikoia eta kuadrillen artekoa
18:30 Kalejira Etxebarria Aita-Seme trikitilariekin
19:00 Zurrakapote dastatze herrikoia Solobarrian
19:00 Sardina-jan solidarioa Arizgoitiko plazan, Thiago Iglesiasen alde
19:00 Kuadrillen arteko Lokotxen lehiaketa Mojaparten
19:30 Odoloste-jan solidarioa San Pedro plazan, Thiago Iglesiasen alde
19:30 Euskal erromeria Mojaparten
19:45 Tortillak aurkeztea
20:00 Muskuilu-jan solidarioa Bidebieta plazan, Thiago Iglesiasen alde
20:15 Orkresta Elektrotxaranga Benta eta Solobarria artean
22:00 Kontzertua Arizgoitiko plazan: Helena Bianco y Los Mismos
22:00 IX. Zurra-pong lehiaketa Solobarrian
Urriak 11, asteazkena. Txikien Eguna
09:00 Txupina udaletxetik
09:30 Txikien Plenoa udaletxean
10:00 Bizkaiko Haizudoinu Gaiteroen diana
10:30 Erraldoi eta Buruhandien kalejira udaletxetik Soloartera, Alkate Txikiekin batera
11:00 Alkate Txikien hitzaldia eta txupinazoa Soloarte ikastetxean
11:00-14:00 + 16:00-18:00 Haurrentzako parkea eta puzgarriak Soloarte ikastetxean
11:15 Haurrentzako tailerrak eta marrazki lehiaketa Soloarte ikastetxean
12:00 Dultzaineroekin kalejira
13:00 Lore-eskaintza Eskarabilerari eta Manuela Egigureni
14:30 Emakumeen XIX. Bazkari herrikoia Solobarria
17:00-19:00 Bide-hezkuntza tailerra Arizgoitiko plazan
17:15 IV.Eskubaloia Kalean txapelketa Bizkotxaldeko kantxetan
18:30 Gazte-Leku Fanfarrea oinezkoen kaleetatik
18:30 Sagardo Fest solidarioa San Pedro plazan, Thiago Iglesiasen alde
18:30 Aulkien jokoa San Fausto plazan
18:30 Haurrentzako askaria Soloarte ikastetxean
18:30 Etxebarria Aita-Seme trikitilarien kalejira
18:45 Magia ikuskizuna Soloarten: Tor Magoa
19:00 Txitxarrilloa Mojaparten: Galea taldea
19:00-20:00 Porroi dekoratuen txapelketa Txanogorritxuren lonjan
19:00 Kuadrillen arteko IX. Futbolin txapeketa Nai Lua Teterian
19:00 Amncr Explorer Bizkotxalden
19:30 Zurraren IX. Gran Prixa
19:30 Gaueko Milia Begiralekuetan
20:00 Antzerkia Social Antzokian: Kopaz Kopa (Ados Teatroa)
21:15 Suzko zezena San Fausto plazan
21:30 IX. Sandwich-jan solidarioa Arizgoitiko plazan Thiago Iglesiasen alde
22:00 Banakako Mata-porroi txapelketa Basajaunaken lonjan
22:30 Kontzertua Arizgoitiko plazan: Los Zopilotes Txirriaos
23:59 Dantzaldia San Fausto plazan: La Resistencia
Urriak 12, osteguna
09:00 Txupina udaletxetik
10:00 Beteranoen VI. Futbol Eskarabilera Trofeoa Soloarteko zelaian: Athletic vs Eibar (emakumezkoak)
10:30 2023ko Bizkaiko Open Esku Pilota Txapelketaren finalaurrekoa Artunduagako frontoian
11:00-14:30 Elkartasun Azoka Solobarria plazaren aterpeetan, Gaizka Hernandez Yagüeren alde
11:00 Kuadrilla Txikien arteko VIII. Txapelketa Arizgoitiko plazan
11:00-14:00 + 16:00-18:00 Scalextric VII. San Fausto Rallya Arizgoitiko plazan
11:00-14:00 Basozelaiko Open Txiki Skate jardunaldia: Skate eskola
11:30 Erraldoi eta Buruhandien kalejira Arizgoititik
12:00 II. Kronoeskalada Landa Doktorren kalean
12:00 Herri Kirolak San Fausto plazan
12:00 Eskualde osoko txistularien kontzentrazio handia
12:00-15:00 + 17:00-22:00 GaragarDay garagordo artisauen azoka Mojaparten
13:30 Apar jaia San Pedro plazan
15:00 XXVIII. Indaba-jan herrikoia Solobarrian
16:00 Basozelaiko Open Txiki Skate jardunaldia: Open Txikia
16:30 Akrobazia tailerra Arizgoitiko plazan
17:30 XIV. Tiragoma lehiaketa San Fausto plazan
18:00 Kuadrillen arteko XI. Poker txapelketa Urbiko Lagunaken lonjan
18:00 Bilbotxeroren kalejira Benta eta Mojaparte artean
18:30 Kaljira Etxebarria Aita-Seme trikitilariekin
18:30 Pasabolo txapelketa Artunduagako bolatokietan
18:30 Spartan Basauri Bizkotxalden
19:00 Saltxitxa-jan solidarioa Mojaparten, Thiago Iglesiasen alde
19:00 Txitxarrilloa Solobarrian: Las Palmeras taldea
19:00 XV. Hirugihar-jan solidarioa Arizgoitiko plazan, Thiago Iglesiasen alde
19:00 Gynkana Zoroak kuadrillaren lonjatik
19:30 Euskal erromeria San Fausto plazan
20:00 Heavy Eguna Basatiaken lonjan
20:30 Zapitxoaren jokoa Begoñako Andra Mari kalean
22:00 Erromeria Arizgoitiko plazan: Zirkinik Bez
23:59 VIII. Markelinbo txapelketa Basatiaken lonjan
Urriak 13, ostirala
09:00 Txupina udaletxetik
10:00 Bizkaiko Haizedoinu Gaiteroen diana
11:00-14:00 + 16:30-19:00 Artisau gazteen erakusketa Begiratokietan
11:00-14:00 + 16:00-18:00 'Habia una vez… un circo' tailerra Pedro Lopez Cortazar plazan
11:30 Prozesioa eta Santuari lore-eskaintza San Fausto plazatik
12:00 Meza San Pedro elizan
12:00 Danbolin Txistulari Elkartearekin kalejira
12:45 Eguzkidantza Edurre Dantza Taldeko nesken eskutik San Fausto plazan
13:15 Santua San Fausto kalera itzultzea
14:00 Kuadrillen argazki ofizialak kuadrillen bazkariaren leku berean: Arizgoitin edo Bizkotxalden
15:00 Kuadrillen bazkaria Arizgoitin edo Bizkotxalden
16:00 Kuadrillen arteko IX. Irrintzi txapelketa bazkarien zehar
17:15 Kuadrillen arteko Sokatira txapelketa San Fausto plazan. Finalen aurretik Txapel jaurtiketa
19:00 Txokolate-jan solidarioa San Pedro elizan, Thiago Iglesiasen alde
19:00 Adiskideak Fanfarrearen kalejira
19:30 Dantza egiteko musika Solobarrian, Aiara Bandaren eskutik
20:30 Txorizo-tripontziak San Fausto plazan
21:00 Danborrada lonjarik lonja Arizgoiti plazatik
22:00 Su-artifizialen ikuskizuna Artundagatik: Pirotecnia Zaragozana
22:30 Mata-porroi txapelketa Basajaunaken lonjan
22:30 Kontzertua Arizgoitiko plazan: Dos pajaros y un trio
00:30 Dantzaldia San Fausto plazan: La Reina Show
Urriak 14, larunbata
09:00 Txupina udaletxetik
09:30 XXXIV. Baserriko produktuen azoka Uribarri kalean
10:00 Dultzaineroen kalejira
10:00 2023ko Banakako eta bikotekako Leongo boloen txapelketa Artunduagako bolatokietan
10:30 Tuta txapelketa Artunduagako bolatokietan
11:00-14:00 Zurezko ohiko jolasak eta puzgarriak San Fausto plazan
11:00 Umeentzako Goitibehera zirkuitua San Fausto plazaren zubian
11:30-13:30 XX. San Fausto herrikoi eta kuadrillen arteko Paella txapelketa Solobarrian
12:00 Danbolin Txistulari Elkartearekin kalejira
12:30-21:00 XI. Skate txapelketa Enbarkan
13:00 Gilda-jan herrikoia Uribarri kalean
16:30 Goitibehera lasterketa Altube kaletik Nafarroa kalera, herrikoia eta kuadrillen artekoa
16:30 XXIX. San Fausto Halterofilia txapelketa San Fausto plazan
17:00 Partxis azkarra Basatiaken lonjan
18:30 Kalejira Etxebarria Aita-Seme trikitilariekin
18:30 Txikientzako ikuskizuna San Isidro plazan: Katapuntxinpun Festa
19:00 Txitxarrilloa Mojaparten: Trio Serenade
19:30 Txistorra-jan solidarioa San Pedro plazan, Thiago Iglesiasen alde
20:00 Kantaldia Solobarrian
20:00 Umore antzerkia Social Antzokian: El Brujo
20:30 Monstruos Brass Band kalejira San Fausto plazatik
23:00 Kontzertua Arizgoitiko plazan: Zea Mays
00:30 Dantzaldia Sn Fausto plazan: Versvs
Urriak 15, igandea
09:00 Txupina udaletxetik
09:30 XLIII. Artisautza Azoka Uribarri kalean
10:00 Calva txapelketa Artunduagako bolatokietan
10:00 Bizkaiko Haizedoinu Gaiteroen diana
10:30 2023ko Bizkaiko Open Esku Pilota txapelketaren finalak Artunduagako pilotalekuan
11:00-14:00 + 16:00-18:00 Arkeologia-jokoak eta oreka tailerrak Bizkotxalden
11:30-14:00 + 16:00-18:00 Txu-txu Trena Begiratokietatik
11:30-13:30 VIII. Marmitako lehiaketa Solobarrian
12:00 Danbolin Txistulari Elkartearekin kalejira
17:00 Txitxarrilloa Mojaparten: Trio amigos del swing taldea
19:15 Jaien amaiera Arizgoitiko plazan
San Migeleko jaien lehen asteburuan emakume batek eraso matxista jasan zuela salatu du gaur goizean Basauriko Asanblada Feministak. Eta emakumeari babesa eta laguntza osoa emateko asmoz elkarretaratzea egin dute gaur arratsaldean Ixatxak parkean ehun bat lagunek.
"Beste behin ere emakumeon aurkako indarkeria kasu baten aurrean gaude. Emakume bati eraso egin diote, jai-giroan, gauez. Eta horren aurrean argi utzi nahi dugu jaiak eta kaleak libre izatea nahi dugula, gizon askorentzat askeak diren bezala", diote Basauriko Asanblada Feministako ordezkariek.
Emakumeon aurkako indarkeriak "ez duela etenik" salatu dute, eta "egiturazko arazo larria" dela adierazi dute: "Adierazteko forma eta esparru mota asko ditu, eta San Migeleko jaietako espazioa ez da libratu. Nazkatuta gaude, oso haserre, eta gure gaitzespen osoa eta salaketa irmoa adierazi nahi dugu, eta emakumeari gure babes eta laguntza osoa luzatu nahi diogu. Zurekin gaude!", diote.
"Indarkeria matxistaren aurrean Basauriko Asanblada feministak erantzun irmoa eman nahi du, emakumeok askatasunean bizitzeko dugun eskubidea behin eta berriz aldarrikatu eta indarkeriarik gabeko bizitza eta jai giroak bizitzeko eskubidea dugula aitortu", diote mugimendu feministatik, eta gaineratu dute: "Salatzeaz gain, erasoen aurrean feministok autodefentsa feministari ekingo diogu. Ez gaituzue isilduko ezta kikilduko ere".
Basauriko Udaleko udaltalde guztietako ordezkariek bat egin dute elkarretaratzearekin eta gaitzespen irmoa azaldu dute.
☉ Basauri
Itziar Ituño basauriarra Athleticeko urriko enbaxadore izendatu dute
Getafe taldearen aurka asteazkenean jokatu zuten partidan harrera egin zioten Ituñori Jon Uriartek eta Jose Angel Iribarrek
Athleticek 125 urte bete ditu aurten eta urteurreneko ekitaldien barruan, hilero enbaxadore bat izendatzen dute. Urrian Itziar Ituño aktore basauriarrari eman diote izendapen hori, eta irailaren 27an Getaferen aurka izan zen partiduan harrera egin zioten San Mamesen. Jon Uriarte Athleticeko presidentearen eta Jose Angel Iribarren eskutik intsigniak jaso zituen basauriarrak.
"Aitarekin autobusean joan nintzen, Bailen kaleraino iritsi ginen eta bertan jendetza ikusi genuen, benetan zirraragarria izan zen", gogoratu du Ituñok 1984ko Gabarra. Ildo horretan, Ituñoren aitak atezain zarauztar mitikoa ezagutzeko aukera izan zuen. Pozik eta hunkituta, basauriarrak zaletu zuri-gorrien berotasuna sentitu zuen.
"Hemendik kanpo, batzuetan, ez dakite Euskal Herria zer den edo non dagoen, baina nik Athletic ezagutzen ote duten galdetzen diet. Baiezkoa ematen didatenean, ni bertakoa naizela esaten diet", dio Ituñok.
Itziar Ituño Athletic Clubeko 125. urteurrenaren hamargarren enbaxadorea da, Jon Rahm, Jokin Altuna, Honey Tahljieh, Thomas Hitzlsperger, Marino Lejarreta eta Joane Somarriba -euskal txirrindularitzaren ordezkari gisa-, Maria Arthuer, Juan Villoro, Txus Vidorreta eta Julian Lopezekin batera.
San Migeleko jaietan eraso matxista bat gertatu dela salatu du Basauriko Asanblada Feministak. Gertaerak pasa den asteburuan izan ziren, jaien lehen asteburuan.
Basauriko Asanblada Feministak elkarretaratzea deitu du gaur, irailak 30, 18:00etan Ixatxak parkean. "Feministok antolatuta gaude eta erasoei autodefentsa feministaz erantzungo diegu", diote.
☉ Basauri
San Migeleko eta Kareagako pediatria zerbitzuen egoera salatzeko elkarretaratzea deitu dute gaur
Elkarretaratzea San Migeleko Taberna Nagusiaren aurrean egingo dute. Gaur osoko bilkura bertn ospatuko da 18:00etan
San Migeleko anbulatorioan lan egiten duen pediatrak erretiroa hartuko du datorren astelehenean, eta horrek pediatria zerbitzuan eragina izango duelakoan ezinegona sortu du bizilagunen artean. Ez bakarrik San Migelgo herritarren artean, Kareagan eta Basozelain ere. Horregatik gaur elkarretaratzea deitu dute zenbait herritarrek San Migeleko Taberna Nagusiaeren aurrean 18:00etan (ordu horretan da osoko bilkura Taberna Nagusian bertan).
Herritarrek GEURIAri adierazi diotenez, elkarretaratzea deitu dute: "Egoera honek gure seme-alaben arreta medikoan izango du eragina. Kareagako eta Basozelaiko auzo elkarteak, San Migel, Gaztelu-Basozelai eta Kareaga Goikoa ikastetxeetako guraso elkarteak eta herritarrak batuko gara gaurko elkarretaratzera. Indarrak batzen ari gara egoera ez dadin okerrera joan ez San Migelen ez Kareagan", diote.
Basauriko Udalak San Migeleko auzotarren kezkak entzun zituen Auzo Elkartearen eskutik eta uztailean Osakidetzari eskatu zioten astelenenetik ostiralera pediatria zerbitzua izan dezatela San Migelen, 11:00etatik 15:00etara bitartean.
Barrualde-Galdakao ESIko ordezkariek Basauriko Udalaren eskaera kontuan hartu zuten, eta udal ordezkariek argitu dutenez, "San Migeleko anbulatorioak pediatria zerbitzu iraunkorra izango du 11:00etatik 15:00etara, egun dagoen pediatra jubilatu eta gero".
Basauriko Udalak zehaztu duenez, pediatra bat izango da San Migeleko anbulatorioan lanaldiaren bi herenetan. Guztira 508 haur artatzen ditu San Migeleko pediatrak.
Kareagan bi pediatra
Bestetik, Basauriko Udalak ziurtatu du Kareagako osasun zentroak bi pediatra izaten jarraituko duela: "San Migeleko egungo pediatrak erretiroa hartzen duenean, Kareagako anbulatorioan bi pediatra egongo dira, bata lanaldi osoan, orain arte bezala, eta bestea 08:00etatik 10:30era", diote udal arduradunek.
Kareagako anbulatorioan 1.073 haur artatzen dituzte bi pediatrek: "Lanaldi osoan dagoenak 817 haur artatuko ditu eta lanaldiaren herena duen pediatrak 256 umeri emango dio zerbitzu", diote.
"Osakidetzak ezarritako pediatra bakoitzeko haurren ratioa 800 eta 1.000 artekoa da Euskal Autonomia Erkidegoan. Bai Kareagan bai San Migelen pediatra-haur ratioak Osakidetzako batez bestekoaren azpitik daude, eta horrela jarraituko dute", diote udal ordezkariek, eta gaineratu dute bi osasun-zentroetan etengabeko erizaintza-zerbitzua egongo dela.
"San Migeleko eta Kareagako haurren arreta pediatrikoa egunero izango da, astelehenetik ostiralera, eta kalitate parametro berberetan bermatuta jarraituko du, pediatra bakoitzak artatuko duen haur kopurua EAEko batez bestekoa baino txikiagoa izango baita", diote.
Jaiegunetan eta oporraldi garaietan San Migeleko haurren arreta Arizko anbulatorioan izango da. Orain arte Kareagako osasun zentrora jo behar zuten. Kareagako haurren kasuan, jaiegunetan eta oporraldietan euren osasun zentroan artatuko dituzte.
Zaratamoko Berdintasun Batzordeak urte amaierara arteko ekintzak iragarri ditu Arkotxa eta Elexalden
Programa | Basauriko jaiak 2023
"Familia gehiagoren parte-hartzea" nabarmendu dute Arrigorriagako Lamiaenaren lehen urteurrenean
Argazkiak | Barreak eta algarak, San Migeleko jaietako Playback lehiaketan
Argazkiak | Galdakaoko jaien osteko kuadrillen bazkariak 200 lagun bildu ditu
