☉ Basauri
Naroa Intxausti eta Cecilia Solaguren basauriarrak Social Antzokian
Basauriko Social Antzokiak aurten 25 urte bete ditu eta azken lauhileko programazioa aurkeztu dute. Guztira 25 ikuskizun antolatu dituzte.
Basauriko Social Antzokiak aurten 25 urte bete ditu eta azken lauhileko programazioa aurkeztu dute. Guztira 25 ikuskizun antolatu dituzte irailetik abendura bitartean: antzerkia, dantza, musika, zirkoa eta umeei zuzendutako emanaldiak izango dira. Besteak beste, Aitana Sánchez Gijón, Bilboko Orkestra Sinfonikoa, Yllana antzerki taldea, Mushkum taldea, Andoni Egaña bertsolaria eta Ainhoa Garmendia sopranoa, Ander Lipus eta Patricia Urrutia, Kukai Dantza Taldea edota Korrontzi taldea igoko dira Social Antzokiko eszenatokira, baita Naroa Intxausti eta Cecilia Solaguren basauriarrak ere. SSocial Antzokiko bazkideek sarrerak eros ditzakete ekainaren 25etik uztailaren 6ra bitartean, eta bazkide ez direnek uztailaren 7tik aurrera erosi ahal izango dituzte sarrerak.
Eszenatokia berritzea
Gerardo Ayo Social Antzokiko kudeatzaileak jakinarazi duenez, eszenatokia berrituko dute udan. Hain zuzen ere, uztailaren 1etik 15era bitartean egingo dituzte eszenatokiko zorua aldatzeko obrak.
Social Antzokia 2018 Iraila-Abendua
Irailak 28, ostirala
20:30 Antzerkia-Musika: El funeral (Teatro Che y Moche, Aragoi). Gazteleraz, 12 euro. Social Antzokiko bazkideek %50eko deskontua
Irailak 29, larunbata
20:30 Dantza: La maldición de los hombres Marlboro (Excéntrica Producciones, Andaluzia). 15 euro. Social Antzokiko bazkideek %50eko deskontua
Urriak 11, osteguna
20:30 Antzerkia: Espacio disponible (Perigallo Teatro, Gaztela eta Leoi). Gazteleraz, 15 euro. Social Antzokiko bazkideek %50eko deskontua
Urriak 12, ostirala
20:30 Antzerkia: Lo mejor de Yllana. 25 urte (Yllana Teatro, Madril). Testurik gabe, 15 euro
Urriak 20, larunbata
20:30 Musika: Artxipielagoa (Andoni Egaña eta Ainhoa Garmendia). Euskaraz, 15 euro
Urriak 21, igandea
12:30 Umeentzako antzerkia: Linbo planeta (Dejabu Panpin Laborategia, Euskadi). Euskaraz, 5 euro
Urriak 24, asteazkena
20:30 Musika: Mushkum: “Nire totem animalia”. 5 euro, Social Antzokiko bazkideek sarrera doan
Urriak 26, ostirala
20:30 Antzerkia: Hozkailua (Huts Teatroa: Ander Lipus eta Patricia Urrutia). Euskaraz, 10 euro. Social Antzokiko bazkideek %50eko deskontua
Urriak 27, larunbata
20:30 Musika: BOS + Naroa Intxausti. 18-22 euro
Urriak 28, igandea
12:30 Umeentzako antzerkia: Drag’e uraren bila (Logela multimedia, Euskadi). Euskaraz, 5 euro
Azaroak 3, larunbata
20:30 Antzerkia: Orlando (Teatro Defondo, Madril). Gazteleraz, 15 euro
Azaroak 10, larunbata
20:30 Dantza: Erritu (Sharon Fridman eta Kukai Dantza, Madril-Euskadi). 15 euro
Azaroak 11, igandea
12:30 Umeentzako antzerkia: Kontukantari 2. Mendian ibiltari (La enana naranja, Euskadi). 5 euro
Azaroak 18, igandea
20:30 Musika: Korrontzi: “Galbahea” + Iruñeako Orkestra Sinfonikoa + Leinu Dantza Konpainia. 12 euro
Azaroak 24, larunbata
20:30 Antzerkia: Los años rápidos (Radio para teatro, Madril). Gazteleraz, 18 euro
Azaroak 25, igandea
12:30 Dantza (umeentzako): Xihiko (Elirale, Euskadi). 5 euro
Abenduak 1, larunbata
20:30 Dantza: Martin Zalakain (Artedrama&Argia, Euskadi). Euskaraz, 15 euro
Abenduak 2, igandea
12:30 Umeentzako antzerkia: Inondik inora (Benetan Be, Euskadi). 5 euro
Abenduak 14, ostirala
20:30 Antzerkia: Zazpi senideko (Axut! + Artedrama + Le petit théätre de Pain, Euskadi). Euskaraz, 10 euro. Social Antzokiko bazkideek %50eko deskontua
Abenduak 15, larunbata
20:30 Antzerkia: Casa de muñecas 2 (Trasgo Producciones. Aitana Sánchez Gijón eta beste batzuk). Gazteleraz, 14-18 euro
Abenduak 22, larunbata
21:00 Musika: Guateque. 8 euro
Abenduak 28, ostirala
18:00 Zirkua: inTarsi (Cico Eia, Katalunia). 12 euro
Abenduak 30, igandea
12:30+17:30 Umeentzako antzerkia: El flautista de Hamelin. El musical (Nacho Vilar Producciones, Murcia). 10 euro
Urtarrilak 19, larunbata
19:00 Dantza: Play (Aracaladanza, Madril). 15 euro. Social Antzokiko bazkideek eta 16 urtetik beherakoek %50eko deskontua
Urtarrilak 26, larunbata
20:30 Antzerkia: Espía a una mujer que se mata (Centro Dramático Nacional, Madril). Gazteleraz, 14-18 euro
Mikel Rodriguez Basauriko Selekzioko gizonezkoen futbol entrenatzaileak hautatu ditu dagoeneko aurtengo jokalariak. Guztira 22 jokalari hautatu ditu Rodriguezek.
Asier Iragorri alkateak eta Jon Zugazagoitia Kirol arloko zinegotziak etapa honetaz “ahalik eta gehien gozatzea eta Basauri harrotasunez ordezkatzea” animatu dituzte jokalariak.
Jokalari hauek osatzen dute 2026ko Basauriko Selekzioa: Alvaro Alonso, Markel Gomez, Jaider Felipe Cano, Mohamed Yaraahallah Salek, Eder Ribote, Enaitz Alejo, Ibai Cobelo, Alex Molina, Endika Charterina, Aratz Carromero, Markel Carazo, Asier De La Fuente, Markel Gomez, Kepa Perez, Erik Del Rio, Ander Azkueta, Mikel Llano, Julen Etxebarria, Julen Vargas, Iker Navaridas, Alex Moreno eta Oier Barrero.
☉ Basauri
Korrika jaia antolatu dute martxoaren 14an San Migelen, Basaurin
Pankarta pintaketa, San Migel Kantari, bazkaria, pilota partidak, Bertso Pilota eta gurdi-poteoa antolatu dituzte
Martxoaren 14an, larunbatez, Korrika jaia antolatuko dute San Migelen, Basaurin. Otsailean GEURIAn aurreratu bezala, Korrikaren aldeko bazkaria izango da Sofia Taramona ikastetxeko jolastokian, baina ez da ekitaldi bakarra izango.
Egunari hasiera emango diote 12:00etan umeen pankarta pintaketarekin eta korrikaldi txikiarekin. Ondoren, San Migel Kantari taldearekin tabernaz taberna kalejira antolatu dute.
Eguerdian, kuestazio mahaia jarriko dute eta herritarrek Korrika materiala erosteko aukera izango dute.
Bazkaria eta gero, umeen pilota partidak izango dira frontoian, eta horien ostean, Bertso Pilota izango da Lizaso, Erasun, Goñi eta Urruzola pilotariekin eta Arkaitz Estiballes eta Nerea Elustondo bertsolariekin.
Eta gauari hasiera emateko, gurdi-poteoa antolatu dute herriko kaleetatik.
Egitaraua | Korrika Kulturala San Migelen
Martxoak 14, larunbata
12:00 Umeen pakarta pintaketa eta korrikaldia Ixatxak parkean
12:30 San Migel Kantari Elexalde tabernan
13:30 Kuestazio mahaia eta Korrika materiala Laboral zaharrean
14:30 Korrika bazkaria Sofia Taramona ikastetxean
18:00 Umeen pilota partidak frontoian
18:30 Bertso Pilota: Lizaso-Erasun vs Goñi-Urruzola. Arkaitz Estiballes-Nerea Elustondo
20:00 Gurdi-poteoa Elexalde tabernatik
☉ Basauri
Basaurin eskola-sukaldea jartzeko kudeaketa “bizkortzea” eskatu die EH Bilduk Eusko Jaurlaritzari eta Udalari
Iazko ekainean Eusko Jaurlaritzako Hezkuntza Sailak iragarri zuen eskola-sukalde bat jarriko zuela martxan Basaurin 2025-2026 ikasturtean, inguruko bederatzi ikastetxe publikori zerbitzu emateko.
Basauriko ikastetxeetako Guraso Elkarteen urteetako aldarrikapena da, baina oraindik horren berririk ez dutela salatu dute. “Eta, gainera, azaroan eta abenduan zomorroak agertu ziren ikasleen plateretan”, salatu zuten Basauriko familiek martxoaren 4an Ibaigane Kultur Etxean egin zuten bileran.
Guraso Elkarteek eskatzen dute ikastetxe publiko bakoitzean bazkariak sukaldatzeko sukaldeak egokitzea, baina Eusko Jaurlaritzak zonaldekoaren alde egiten badu, kalitatea handitzea eskatzen dute: “Hala ere, susmoa daukagu zonaldeko sukaldea eraiki arren, bertan esleituko duten zerbitzua kateringa izango dela berriro”.
Marko horretan, Basauriko EH Bilduk eskola-sukalde zentralaren ezarpenaren atzerapena salatu du.
“EH Bilduren ustez bereziki larria da Guraso Elkarteek berriro ere gurasoekin bilerak planteatu behar izatea eta Hezkuntza Sailaren jardun faltaren aurrean kexa publikoak egitea; izan ere, iragarpenak egiten jarraitzen du baina ez du inolako zehaztasunik aurkezten”, diote talde subiranistatik.
Ildo horretan, EH Bilduk Eusko Jaurlaritzari eta Basauriko Udalari eskatu die beharrezko kudeaketak “bizkortzea”, “2026-2027 ikasturtearen hasieran sukaldea ikastetxeetan errealitate izan dadin”, diote.
Marina Landa buru duen Aria taldeak kontzertua emango du martxoaren 12an, ostegunez, 20:00etan Social Antzokian.
Taldearen azken diskoak aurrera begiratzeko beharra islatzen du.
Sarrerak salgai daude 6 euroan, eta Social Antzokiko bazkideek doan gozatu ahalko dute kontzertuaz.
☉ Basauri
Bideoa | Silvia Gomez, Ekain Perrinoren ama: “Epaiketan bizi izan duguna oso gogorra izan da”
2021eko eraso homofoboaren epaiketak lau saio izango ditu: gaur izan da lehena eta Ekain berak eta lekuko batzuek deklaratu dute epailearen aurrean
Bost urte eta gero, Basaurin gertatutako eraso homofoboaren epaiketa hasi da gaur. Eta, Ekain Perrinori eta bere familiari babesa adierazteko elkarretaratzea egin dute gaur arratsaldean Basauriko Bentako plazan [hemen argazkiak]
Elkarretaratzean izan dira Ekainen senideak, eta GEURIAn Silvia Gomez bere amarekin berba egiteko aukera izan dugu: “Epaiketan bizi izan duguna oso gogorra izan da”.
Ekain lehenengoa izan da epailearen aurrean deklaratzen eta ondoren erasoa ikusi zuten lekukoek eman dute euren testigantza. Erasoa egitea leporatuta 11 pertsonak deklaratuko dute martxoaren 11n.
Adiskide Pilota Elkarteak txapelketa berezia martxan jarriko du Galdakaon: 14 eta 99 urte bitarteko jokalariak gonbidatu ditu
Jokalari hauek dira 2026ko Basauriko Selekziorako hautatuak
Txulalai taldeak dantzan jarriko ditu gaur Usansoloko umeak eta familiak
Argazkiak | Emakume Ekoizleen Nekazaritza Azokak ehunka lagun elkartu ditu Ugaoko kaleetan
Argazkiak | Ekain Perrino herrikideari babesa adierazteko elkarretaratzea egin dute Basaurin
Argazkiak | Ugaotarrek “Egunak eta gauak gureak dira” oihukatuz hartu dituzte herriko kaleak, M8an
“Oso eskertuta gaude eskualde honetan Errigorak bere tokitxoa izatea GEURIAri esker”
Bideoa | Besopean Guraso Elkartea: «Herri kirolekin haurren arteko aurrez aurreko harremanak sustatzen ditugu»
