Vostokerantz elkarteak deituta, Donbasseko haurrei laguntzeko bazkari solidarioa egingo dute hilaren 4an (larunbata), Basaurin. Otordua 14:00tan hasiko da, herriko Ezker Kultur Gunean (Nafarroa kalea, 14), eta, arratsaldean, gerra guneko umeen istorioa hobeto ezagutzeko, ikus-entzunezko lanen erakusketa egingo dute.
Batetik, Donetsk-en dagoen 28 zenbakidun umezurztegiko neska-mutilek egindako marrazkiak jarriko dituzte ikusgai. Bestetik, RT (Russia Today) komunikabidearen Niños de Donbass dokumentala proiektatuko dute.
Inskripzioak
Joan nahi dutenek, vostokerantz@gmail.com helbidera idatzi beharko dute aldez aurretik. Izen-ematea 15 eurokoa da, eta hortik lortutako funtsak Caravana Antifascista-ren Deti Donbassa proiektura bideratuko dute antolatzaileek.
