→Basauri

Basauriko eta Galdakaoko Udalekuetan izena emateko epea apirilaren 27an zabalduko da

basauri bizi kirola euskaraz

Tailer tematikoak, aire librean egiteko jarduerak, igerilekua eta txangoak izango dira, besteak beste, ekintzarik nabarmenenak. Maiatzaren 8ra arte irekita izena emateko epea.

Udaberriarekin batera heldu da udalekuetan izena emateko aukera. Hain zuzen ere, apirilaren 27an ire­kiko da seme-alabak inskribatzeko aldia eta maiatzaren 8ra arte luzatu da. Hainbat ekintza erakargarriz go­zatzeko aukera izango dute etxeko txikiek. Hala nola, euskaraz jardun ahal izango dute tailer tematikoe­tan, aire zabalean, igerilekuetan eta txangoetan.

Basauriren kasuan, 2001. eta 2011. urteen artean jaiotako hau­rrek parte hartu ahal izango dute 2015eko udalekuetan. Aurreko hiru edizioetan bezala, ez da zoz­ketarik izango; beraz, inskribatu­tako guztiak onartuko dira. Izena emateko hiru aukera daude: uda­letxeko Herritarrei Informazioa eta Arreta emateko Bulegoan (HIAB) 08:30etik 19:30era edota San Mi­gelen, Pagasarri kalean, 08:30etik 14:00etara, baita basauri.net webgunearen bidez ere.

Bi txandatan banatuko dira (uz­tailaren 1etik 14ra eta uztailaren 15etik 28ra) eta egun osoko, egun erdiko edo kirol udalekuen artean aukeratu ahal izango dute intere­satuek. Adinaren arabera, ikastetxe publikoren batean zein Kultur Etxe­ren batean izango dira udalekuak.

Onartutakoen zerrenda udal webgunean eta Basauriko zein San Migelgo HIAB bulegoetan jarriko da 2015eko maiatzaren 21ean. Ze­rrenda hori behin-behinekoa izan­go da, izan ere, maiatzaren 28ra arte erreklamazioak aurkeztu ahal izango dira. Behin betiko zerrenda ekainaren 3an argitaratuko da. Or­daindu beharreko prezio publikoak eta epeak udal webgunean aurki daitezke.

470 PLAZA GALDAKAON

Galdakaori dagokionez, udalekuak ekainaren 29tik uztailaren 17ra bitartean izango dira, 10:00etatik 13:30era -irteera dagoen egune­tan ordutegia zabalagoa izango da- eta hurrengo lekuetan: Aperri­bai, Usansolo eta Urreta. Guztira, 470 plaza eskainiko dituzte 2004. eta 2012. urteen artean jaio diren haurrei zuzenduta. Eskaerak egite­ko hainbat leku prestatuko dituzte: Esan bulegoa (08:00-15:00), Torre­zabal Kultur Etxea (09:00-13:30), Usansoloko Ludoteka (19:00-20:00), Aperribai HI (09:00-13:30 eta 15:00-16:30) eta galda­kao.net webgunea.

Eskaerak plazak baino gehia­go balira, maiatzaren 20an zoz­keta egingo lukete Gandasegin, 17:30ean. Eta, maiatzaren 25ean onartuen zerrenda ipiniko dute ikusgai Torrezabalgo bigarren so­lairuan eta udal webgunean. Matri­kularen ordainketa ekainaren 1etik 10era bitartean egin ahal izango da.

Gora

Geuria Laguntzaileak Geuria Laguntzaileak