☉ Basauri
Basauriko terraza finkoak, zenbat buru hainbat aburu
Uda hasieratik hona, Balendin Berriotxoa kaleko lau tabernek terraza finkoak jarri dituzte, eta baliteke datozen hilabeteetan gehiago izatea. 2010. urtean piztu zen auzi honen inguruko eztabaida. Garai hartan, sozialistak eta popularrak zeuden udal gobernuan, baina hilabete batzuren bueltan, alderdi jeltzaleak hauteskundeak irabazi eta terraza finkoen auzia bi urtez alde batera utzi zuen. Izan ere, 2013ko ekainean onartu zuen Basauriko Udaleko Osoko Bilkurak 'Ostalaritzako Terrazak Jartzea Arautzen Duen Udal Ordenantza'.
Terraza finkoen prozesuak luze jo duen arren, herritarren epaia goiz heldu da. Basauriko Erdigunea-Nagusia Auzo Elkarteko kideek adierazi dutenez, "zoru publikoa jarduera pribatu baterako erabiltzeko baimena eman du Udalak". Auzotar bezala zoru publikoa "lapurtu" dietela uste dute. Era berean, Balendin Berriotxoa kaleko merkatari batzuek ere salatu dute "larunbatero kalea gainezka" dagoela. "Terrazekin eta biltzen den jende andanarekin ozta-ozta ibil gaitezke kalean", dio Ariane dendako langileak.
TABERNEN TERRAZAK METRO BAT LABURTZEA LITZATEKE EGOKIENA
Iratxo taberna
Balendin Berriotxoa kalean bizi den auzokide batek adierazi duenez, "horren espazio handia okupatzearen kontra nago, oinezkoentzako bide bakarrenetarikoa baita, gainera". Alabaina, terrazen aldeko iritzia ere badauka: "terrazak bai, baina kontrol eta orden batekin, espaloiak edo bideak okupa ez daitezen".
Ordenantza egiterakoan terrazen luzera eta kokapena izan dira buruhausteetako bat. Taberna berri batek ostalaritza lizentzia izateko baimena eskatu du orain dela hilabete batzuk, "horregatik terraza guztiak desplazatu behar izan ditugu", azaldu du Irrintzi tabernako jabeak.
BETI EZ DA POSIBLE NORBERAK NAHI DUENA EGITEA
Apolo XII taberna
Ildo berean aditzera eman duenez, "jendeak uste du, Arume, Apolo eta Irrintzi tabernetakook terrazak nahi izan ditugun lekuan jarri ditugula, baina hori ez da egia: Udalak markatu digu zein lekutan ipini terraza bakoitza". Halaber, Apolo eta Ibaibide tabernetako jabeek labur azaldu dute euren egoera. Apolokoak esan duenez, "batzuetan ezin duzu nahi duzuna egin, markatzen dizutena da egin behar duzuna". Bestetik, Ibaibide tabernako jabeak gaineratu du "terraza finkoa jartzea" pentsatzen ari dela baina "gastua handia" dela. Bi tabernetako jabeek bat egin dute desplazamenduaren arazoan: "eragozpen bakarra terraza tabernaren aurrean ez egotea da, baina konformatzea besterik ez dugu".
Udalak dioenez, "tabernari guztiek ordenantza bete dezaten aldizkako berrikusketak egiten ditugu". Nerea Renteriaren, Lurralde-Politika eta Kontratazioko ordezkariaren arabera, "orain dela gutxi onartu den ordenantza da eta edozein instituziotako arauditan bezala, bere eraginkortasunaren arabera aldaketak egon daitezke".
ZENBAIT PROPOSAMEN
Behin ordenantza indarrean sartuta, Balendin Berriotxoa kaleko ostalariek eta Auzo Elkarteak hainbat proposamen luzatu zizkioten Udalari. Iratxo tabernako jabeak, esaterako, terrazek zortzi metro luze izan beharrean zazpi izatea planteatu zuen, "kalean beherago kokatzea edo terrazak binakako multzoetan batzea", euren terraza tabernaren parean egon dadin. Jabearen ustetan, "tabernen terrazak metro bat laburtzea litzateke egokiena".
Auzo Elkarteak "hasieratik, terrazak finkatzeko lur azalera mugatzea" proposatu zuen. Izan ere, taberna bakoitzaren terraza "luzeegia" dela uste dute: "Terraza bakoitza tabernaren metro karratuen araberakoa izatea proposatu genuen, antolakuntza zuzen bat eramanez".
OSTALARITZAKO TERRAZAK JARTZEA ARAUTZEN DUEN ORDENANTZA
II. Titulua.- Baldintza Orokorrak
6. artikulua.- Terrazak jartzeko baldintza orokorra
6.4.- […] establezimenduaren barrualdetik ez bada terraza guztia ikusten, jardueraren titularrak terrazari arreta emateko zerbitzua eskaini beharko du, eta zerbitzu hori ematen duten langileek bezeroentzat ikusgai egon beharko dute une oro.
7. artikulua.- Terrazen kokapena
7.4.- Terrazak, posible balitz, establezimendua dagoen fatxadaren aurrean jarriko dira. Hala eta guztiz ere, Udal Zerbitzu Teknikoek zehaztuko dute planoan terrazaren kokapen efektiboa, gune bakoitzean dauden ostalaritza-establezimenduen kopurua eta horien kokapena aintzat hartuta (establezimendu horiek terraza jartzeko baimena eskatu duten ala ez alde batera utzita).
IV. Titulua.- Terraza finkoak jartzeko baldintzak
10. artikulua.- Terrazen ezaugarriak
[…] Oro har, oinezkoen guneetan jarritako terraza finkoek 5,00 metroko gutxieneko zabalera librea eta 4,50 metroko altuera (galiboa) bermatu beharko dute, larrialdi bati erantzuteko bertaratutako suhiltzaileen ibilgailu batek maniobra egiteko aukera izan dezan. […] Haize-babesle horiek 1,50 metroko altuera izango dute gehienez ere. […] Estaltzeko aukeratutako sistema eta haren tonua edozein dela ere, gune bakoitzean berdina izan beharko da: ez da onartuko sistema edo tonu ezberdinak egotea terraza finkoen gune batean. Olanaren hegala, gutxienez, 2,20 metro eta gehienez, 3,50 metro altu izango da.
Ordenantza osorik irakurgai: basauri.net
☉ Basauri
San Migeleko eta Kareagako pediatria zerbitzuen egoera salatzeko elkarretaratzea deitu dute gaur
Elkarretaratzea San Migeleko Taberna Nagusiaren aurrean egingo dute. Gaur osoko bilkura bertn ospatuko da 18:00etan
San Migeleko anbulatorioan lan egiten duen pediatrak erretiroa hartuko du datorren astelehenean, eta horrek pediatria zerbitzuan eragina izango duelakoan ezinegona sortu du bizilagunen artean. Ez bakarrik San Migelgo herritarren artean, Kareagan eta Basozelain ere. Horregatik gaur elkarretaratzea deitu dute zenbait herritarrek San Migeleko Taberna Nagusiaeren aurrean 18:00etan (ordu horretan da osoko bilkura Taberna Nagusian bertan).
Herritarrek GEURIAri adierazi diotenez, elkarretaratzea deitu dute: "Egoera honek gure seme-alaben arreta medikoan izango du eragina. Kareagako eta Basozelaiko auzo elkarteak, San Migel, Gaztelu-Basozelai eta Kareaga Goikoa ikastetxeetako guraso elkarteak eta herritarrak batuko gara gaurko elkarretaratzera. Indarrak batzen ari gara egoera ez dadin okerrera joan ez San Migelen ez Kareagan", diote.
Basauriko Udalak San Migeleko auzotarren kezkak entzun zituen Auzo Elkartearen eskutik eta uztailean Osakidetzari eskatu zioten astelenenetik ostiralera pediatria zerbitzua izan dezatela San Migelen, 11:00etatik 15:00etara bitartean.
Barrualde-Galdakao ESIko ordezkariek Basauriko Udalaren eskaera kontuan hartu zuten, eta udal ordezkariek argitu dutenez, "San Migeleko anbulatorioak pediatria zerbitzu iraunkorra izango du 11:00etatik 15:00etara, egun dagoen pediatra jubilatu eta gero".
Basauriko Udalak zehaztu duenez, pediatra bat izango da San Migeleko anbulatorioan lanaldiaren bi herenetan. Guztira 508 haur artatzen ditu San Migeleko pediatrak.
Kareagan bi pediatra
Bestetik, Basauriko Udalak ziurtatu du Kareagako osasun zentroak bi pediatra izaten jarraituko duela: "San Migeleko egungo pediatrak erretiroa hartzen duenean, Kareagako anbulatorioan bi pediatra egongo dira, bata lanaldi osoan, orain arte bezala, eta bestea 08:00etatik 10:30era", diote udal arduradunek.
Kareagako anbulatorioan 1.073 haur artatzen dituzte bi pediatrek: "Lanaldi osoan dagoenak 817 haur artatuko ditu eta lanaldiaren herena duen pediatrak 256 umeri emango dio zerbitzu", diote.
"Osakidetzak ezarritako pediatra bakoitzeko haurren ratioa 800 eta 1.000 artekoa da Euskal Autonomia Erkidegoan. Bai Kareagan bai San Migelen pediatra-haur ratioak Osakidetzako batez bestekoaren azpitik daude, eta horrela jarraituko dute", diote udal ordezkariek, eta gaineratu dute bi osasun-zentroetan etengabeko erizaintza-zerbitzua egongo dela.
"San Migeleko eta Kareagako haurren arreta pediatrikoa egunero izango da, astelehenetik ostiralera, eta kalitate parametro berberetan bermatuta jarraituko du, pediatra bakoitzak artatuko duen haur kopurua EAEko batez bestekoa baino txikiagoa izango baita", diote.
Jaiegunetan eta oporraldi garaietan San Migeleko haurren arreta Arizko anbulatorioan izango da. Orain arte Kareagako osasun zentrora jo behar zuten. Kareagako haurren kasuan, jaiegunetan eta oporraldietan euren osasun zentroan artatuko dituzte.
☉ Basauri
San Migeleko eta Kareagako pediatriak "kalitate parametro berberetan bermatuta jarraituko" dutela dio Basauriko Udalak
San Migeleko pediatrak astelehenetik ostiralera lan egingo du, 11:00etatik 15:00etara. Kareagan bi pediatra egongo dira: bat lanaldi osoan eta beste 08:00etatik 10:30era
San Migeleko anbulatorioan lan egiten duen pediatrak erretiroa hartuko du datorren astelehenean, eta horrek ezinegona sortu du bizilagunen artean jasoko duten zerbitzua dela eta. Basauriko Udalak San Migeleko auzotarren kezkak entzun zituen Auzo Elkartearen eskutik eta uztailean Osakidetzari eskatu zioten astelenenetik ostiralera pediatria zerbitzua izan dezatela San Migelen, 11:00etatik 15:00etara bitartean.
Barrualde-Galdakao ESIko ordezkariek Basauriko Udalaren eskaera kontuan hartu zuten, eta udal ordezkariek argitu dutenez, "San Migeleko anbulatorioak pediatria zerbitzu iraunkorra izango du 11:00etatik 15:00etara, egun dagoen pediatra jubilatu eta gero".
Basauriko Udalak zehaztu duenez, pediatra bat izango da San Migeleko anbulatorioan lanaldiaren bi herenetan. Guztira 508 haur artatzen ditu San Migeleko pediatrak.
Kareagan bi pediatra
Bestetik, Basauriko Udalak ziurtatu du Kareagako osasun zentroak bi pediatra izaten jarraituko duela: "San Migeleko egungo pediatrak erretiroa hartzen duenean, Kareagako anbulatorioan bi pediatra egongo dira, bata lanaldi osoan, orain arte bezala, eta bestea 08:00etatik 10:30era", diote udal arduradunek.
Kareagako anbulatorioan 1.073 haur artatzen dituzte bi pediatrek: "Lanaldi osoan dagoenak 817 haur artatuko ditu eta lanaldiaren herena duen pediatrak 256 umeri emango dio zerbitzu", diote.
"Osakidetzak ezarritako pediatra bakoitzeko haurren ratioa 800 eta 1.000 artekoa da Euskal Autonomia Erkidegoan. Bai Kareagan bai San Migelen pediatra-haur ratioak Osakidetzako batez bestekoaren azpitik daude, eta horrela jarraituko dute", diote udal ordezkariek, eta gaineratu dute bi osasun-zentroetan etengabeko erizaintza-zerbitzua egongo dela.
"San Migeleko eta Kareagako haurren arreta pediatrikoa egunero izango da, astelehenetik ostiralera, eta kalitate parametro berberetan bermatuta jarraituko du, pediatra bakoitzak artatuko duen haur kopurua EAEko batez bestekoa baino txikiagoa izango baita", diote.
Jaiegunetan eta oporraldi garaietan San Migeleko haurren arreta Arizko anbulatorioan izango da. Orain arte Kareagako osasun zentrora jo behar zuten. Kareagako haurren kasuan, jaiegunetan eta oporraldietan euren osasun zentroan artatuko dituzte.
Herritarren protesta
Gaur osoko bilkura egingo du Basauriko udalbatzak San Migeleko Taberna Nagusian (18:00). Herritarrek GEURIAri adierazi diotenez, elkarretaratzea deitu dute ordu berean, leku berean.
"Egoera honek gure seme-alaben arreta medikoan izango du eragina. Kareagako eta Basozelaiko auzo elkarteak, San Migel, Gaztelu-Basozelai eta Kareaga Goikoa ikastetxeetako guraso elkarteak eta herritarrak batuko gara gaurko elkarretaratzera. Indarrak batzen ari gara egoera ez dadin okerrera joan ez San Migelen ez Kareagan", diote.
☉ Basauri
'2024 Kirolaren Europako Hiria' hautagaitza aurkeztu du Basaurik ACES Europe erakundearen epaimahaiaren aurrean
"Basauriren hautagaitzak positiboki harritu gaitu. Kirola gizartea eraldatzeko tresna dela ikusi dugu", adierazi du Hugo Alonso ACES Europe erakundearen epaimahaikideak
Basauri '2024ko Kirolaren Europako Hiria' izateko hautagaia dela adierazi zuen pasa den astean Basauriko Udalak. Bada, atzo, irailak 27, hautagaitza bera aurkeztu zion Udalak ACES Europe erakundearen epaimahaiari. Asier Iragorri alkateak eta Jon Zugazagoitia Kirol arloko zinegotziak Basauri '2024ko Kirolaren Europako Hiria' izendatzeko arrazoiak azaltzeko dosierra eman zieten.
"Basaurin 48 kirol klub ditugu, guztiak gizartean oso errotuta daudenak. Harro gaude gure kirol asoziazionismoaz. Basaurik oso lotura estua du kirolarekin eta argi ikusten da herritar askoren gizarte-bizitzaren parte dela", adierazi zuen atzo aurkezpenean Asier Iragorri alkateak, eta gaineratu du Udaletik kirola sustatu egiten dutela, "eta are gehiago euskal kirola; gure kulturaren parte dena". "Haztegi ezin hobea sortu dute kirol klubek -batzuk 100 urtetik gorakoak-, basauriarrek kirola egin dezaten eta helburu handienetaraino aurrera egin dezaten", adierazi du Iragorrik.
Epaimahaiko ordezkariak Basaurin daude eta gertutik ezagutuko dituzte herriko kirol mugimendua eta instalazioak. Besteak beste, Artunduagako kiroldegia, Soloarteko eta San Migeleko futbol zelaiak, Lapatzako atletismo zirkuitua eta San Migeleko frontoia ezagutu zituzten irailaren 27ko bisitan, eta taekwondo erakustaldia, zesta-punta erakustaldiak ikusteko aukera izan dute epaimahaikideek.
Hautagaitzaren aurkezpena San Migeleko Taberna Nagusian egin zuten atzo, eta bertan izan ziren ACES Europe erakundearen epaimahaikide hauek: Antonio Garde, Hugo Alonso, Maria Luisa Garcia eta Gabriel Perez. "Basaurik jarduera fisikoaren alde egiten duen apustua ikusi ahal izan dugu. Kirolaren sustapena liluragarria da Basaurin. Gainera, kirol inklusiboaren aldeko apustua gustatu zaigu, gizarteratzeko tresna gisa", dio Hugo Alonso ACES Europe erakundearen epaimahaikideak.
"Eskola-kirolean eta jarduera fisikoaren bidez ematen diren balioek ere liluratu egin gaituzte. Basauriren hautagaitzak positiboki harritu gaitu. Kirola gizartea eraldatzeko tresna dela ikusi dugu", dio Alonsok.
Klub bat, 800 biztanleko
Maria Luisa Garcia ACES Europe erakundearen epaimahaikideak ere hitza hartu zuen Taberna Nagusiko agerraldian: "Basauriko elkarte-sareak atentzioa eman digu. Kirolari dagokionez, 800 biztanleko klub bat dago, eta hori oso garrantzitsua iruditu zaigu. Gainera, Basauriko genero-arrakala Espainiako batez bestekoa baino txikiagoa da, eta hori ere oso positibo hartu dugu", dio Garciak.
"Hiri-mugikortasunaren alde Udalak egiten duen sustapena ere eskertzekoa da. Hala nola, bidegorriak, Metrominutu ekimena, hiri-zirkuituak… sekulakoak iruditu zaizkigu", gaineratu du Garciak.
Asier Iragorri alkateak azaldu du Basaurik presentzia nabarmena duela kirol-federatuan eta lehen mailako lehiaketetan zenbait diziplinatan: "Basauri herri bizia da, eta oso zabala da kirol-ekitaldien egutegia, maila guztietako ekitaldiak antolatzen baitira, eta parte hartze sozial handia izaten baita haien antolaketan. Aipatzekoa da Basauri Meeting Paralinpikoa, duen maila handiagatik eta hedabideetan oihartzun handia izateagatik, ezaugarri horiek dituen Estatuko proba zaharrena baita eta kirol maila handienekoa", dio alkateak.
15.800 kirol-lizentzia
Basaurik Kirolaren Udal Institutu bat du, Udalaren mendeko administrazio erakunde autonomoa. 1988. urteaz geroztik herrian kirol-arloko politika publikoak garatzen ditu. Gaur egun 10.000 herritar daude abonatuta Basauri Kirolakera, udal ordezkarien arabera.
Bestetik, 15.800 kirol-lizentzia ditu, 1.250 haur daude izena emanda eskola-kirolean, 2 kiroldegi, 35 kirol-instalazio, 11 kirolgune aire zabalean, 7 parke bioosasungarri eta lau bidegorri ditu Basaurik.
"Udalerrian urtean batez beste 6 milioi euro inbertitzen dira kirolean", azpimarratu du Asier Iragorrik. "Arrazoi asko daude gure udalerria '2024ko Kirolaren Europako Hiria' izendatzeko. Eta ondo merezitako errekonozimendua izango litzateke klubentzat, Basauriko oinarrizko kirolarentzat eta Basauri Kirolakeko instalazioak erabiltzen eta bizirik mantentzen dituzten kirolari eta erabiltzaile guztientzat", dio Jon Zugazagoitia Kirol arloko zinegotziak.
'2024ko Kirolaren Europako Hiria' izendapena ACES Europek ematen du, Bruselan egoitza duen irabazi-asmorik gabeko elkarteak, Europako Batzordeak aitortua.
☉ Basauri
San Migeleko eta Basauriko jaietako barraketan ez da musikarik egongo egun eta ordu mugatuetan
Irailaren 29an San Migelen eta urriaren 11n eta 16an Basaurin, bakarrak "musikarik eta bestelako soinu zaratatsurik gabe" funtzionatuko dute, hiru orduz
San Migeleko jaiak ekuatorera heldu dira, eta datorren astean hasiko dira Basauriko jaiak. Egun horietan ohikoa da zarata, batez ere barraketan. Bada, Udalak jakinarazi du zenbait egunetan eta hiru orduz barrakak "musikarik eta bestelako soinu zaratatsurik gabe" funtzionatuko dutela, "autistek horietaz gozatzeko aukera izan dezaten".
Hain zuzen ere, irailaren 29an, San Migel egunean, eta urriaren 11n eta 16an, Basauriko jaietan, ez da musikarik eta zaratarik egongo barraketan, 17:00etatik 20:00etara.
"Pixkanaka, jai inklusiboagoak egiten ari gara, pertsona guztiek, eta bereziki txikienek, ondo pasatzeko aukera izan dezaten, kasu honetan barraketaz", dio Berta Montes Udaleko Jaietako zinegotziak.
Vost Euskadi Larrialdietako Boluntario Digitalen Elkarteak adierazi duenez, atzotik Basaurin desagertuta zegoen 78 urteko emakumea agertu da.
Sareetan zabaldutako argazkiak ezabatzea eskatu dute Larrialdi zerbitzukoek.
San Migeleko eta Kareagako pediatria zerbitzuen egoera salatzeko elkarretaratzea deitu dute gaur
San Migeleko eta Kareagako pediatriak "kalitate parametro berberetan bermatuta jarraituko" dutela dio Basauriko Udalak
Musikak Ugaoko kaleak hartuko ditu 'Sareak 20 urte' astean, urrian
Argazkiak | Barreak eta algarak, San Migeleko jaietako Playback lehiaketan
Argazkiak | Galdakaoko jaien osteko kuadrillen bazkariak 200 lagun bildu ditu
