Basauriko Ahots-musika Topaketak (BAT) bere 43. edizioa ospatuko du aurten, irailaren 30etik azaroaren 12ra bitartean. Basauri Koral Elkarteak antolatzen du urtero jaialdia: “BAT-arekin dugun hitzorduari leialak gara eta aurtengoa oso berezia izango da“, dio Gorane Intxaurraga Koral Elkarteko presidenteak. Izan ere, 70. urteurrena ospatzen ari dira aurten elkarte moduan.
Era berean, “itzelezko” edizioa prestatu dute: “Hasierako Musika Topaketaren esentzia berriro itzuliko da Basaurira. Hain zuzen ere, Euskal Herriko abesbatzek osatuko dute aurtengo programa“, dio Intxaurragak. Artziniegako Bleibet taldea (Araba), Azkoitiako Iraurgi Abesbatza (Gipuzkoa), Aiegiko Camino de Santiago korala (Nafarroa), Bilboko Aho Batez Abesbatza (Bizkaia) eta Basauriko Soinu Bidea (Bizkaia) izango dira gonbidatuak, baita Basauri Koral Elkartea bera ere (nagusiak, gazteak eta txikiak).
BAT 2016 – Egitaraua
Irailak 30, ostirala
20:30 Kalejira Soloarte auzotik, Basauri Koral Elkartearen eta Etxebarria Aita-Semeak trikitilari eta pandero-joleen eskutik
Urriak 1, larunbata
20:30 Bleibet Koral Taldea (Artziniega, Araba) San Pedro elizan
Urriak 22, larunbata
20:30 Iraurgi Abesbatza (Azkoitia, Gipuzkoa) San Pedro elizan
Urriak 29, larunbata
20:30 Camino de Santiago Korala (Aiegi, Nafarroa) San Pedro elizan
Azaroak 5, larunbata
20:30 Soinu Bidea (Basauri, Bizkaia) San Pedro Elizan
Azaroak 12, larunbata
20:30 Basauri Koral Elkartea + Basauri Koral Txiki + Basauri Koral Gazte + Aho Batez Abesbatza (Bilbo, Bizkaia) + Biarte Dantza Eskola Social Antzokian. Sarrerak: 5 euro
