☉ Basauri
‘Feminizidioa Euskadin eta Nafarroan 2010-2015’ txostena aurkeztuko dute gaur Marienean
Hego Euskal Herrian sei urte hauetan izandako feminizidioen gertaerak, horien tratamendua prentsan eta epaien analisia biltzen ditu txostenak.
Mugarik Gabe Euskadiko Gobernuz Kanpoko Erakundeak ‘Feminizidioa Euskadin eta Nafarroan 2010-2015. Gertaerak, tratamendua prentsan eta epaien analisia‘ txostena argitaratu du, Feminicidio.net webguneko kideen laguntzarekin.
Martxoan zehar Euskal Herriko hainbat tokitan aurkeztuko dute eta horien artean Hego Uribe eskualdean hitzordu bat antolatu dute. Hain zuzen, Basauriko Marienea Emakumeen Etxean lehendabiziko aurkezpena egingo dute martxoaren 13an, astelehenez, 18:30etik aurrera.
FEMINIZIDIOA HIZPIDE
Feminicidio.net-eko kideek burutu duten ikerketa honek 3 eduki nagusi ditu:
☉ Basauri
BSK Basauriko neskek Estatuko Bigarren mailara igotzeko Final Fourra jokatuko dute asteburuan Urbin
Bigarren urtez jarraian, emakumezko seniorren Final Foura jokatuko da Urbiko kiroldegian maiatzaren 11n eta 12an
BSK Basauri emakumezkoen senior taldea momenturik onenean dago. Bigarren urtez jarraian jokatuko du Final Four bat mailaz igo ahal izateko. Oraingoan, Estatuko Bigarren mailara igotzeko lehiatuko dira BSKko emakumeak.
Mailaz igotzeko Final Fourra maiatzaren 11n eta 12an jokatuko da berriro Basaurin, Urbiko kiroldegian. Basauriko klubeko emakumeek txapelketa irabaziz gero, Euskadiko, Nafarroako eta Errioxako taldeen aurka jokatuko luke datorren denboraldian.
“Orain arte lurralde mailan jokatu izan dugu, eta Final Fourra irabaziz gero, salto handi bat emango genuke”, diote BSK Basauriko arduradunek.
Iaz Lehen Erregional Mailan fase erregularrean galdu gabe mantendu ziren basauriarrak 26 garaipenekin, eta kategoriako Final Fourrean parte hartu ahal izan zuten.
“Igo berriak izanik, denboraldi honetan lider izatea lortu dute 23 garaipenekin eta 3 porrotekin. Aurtengo Final Fourreko txapeldunak modu zuzenean lortuko du Emakumezkoen Bigarren Maila Nazionalean jokatzeko”, diote.
Azken bi urteetan “bloke indartsu eta bateratu bat” sendotu dutela diote klubeko ordezkariek, “bai kantxa barruan bai kantxatik kanpo ere”. “Horrela, jauzi kualitatibo eta kuantitatiboa lortu dugu”, diote.
Asteburu honetan Final Fourra etxean antolatzeaz gain, maiatzaren 25ean BSK klubak bere urteroko jaia ospatuko du Solobarriako karpan. “Bertan, saskibaloiarekin lotutako jarduerak egingo ditugu, hala nola, partidak, erakustaldiak eta tiro-lehiaketak, eta ondoren bazkaria egingo dugu klubeko denok”, diote.
Saskibaloia / Final Four 2024
Maiatzak 11-12 · Urbiko kiroldegia (Basauri)
Maiatzak 11, larunbata
16:00 Kibuc BSK Basauri vs Erandio Altzaga Montajes Meccano
18:15 Begoñazpi 86 vs Tabirako Baque
Maiatzak 12, igandea
12:15 Lehenengo finalaurrekoko irabazlea vs Bigarren finalaurrekoko irabazlea
☉ Basauri
Auto batek su hartu du San Migelen, zauriturik utzi gabe
Ezbeharrak ez du zauriturik utzi, bai ordea, kalte materialak. 14:15etarako sua itzali dute Basauriko suhiltzaileek
Furgoneta batek su hartu du San Migelen, Atxukarroko biribilgune parean. Autoko gidariak GEURIAri azaldu lez, ibilgailua martxan zegoen eta bat-batean gelditu egin da: “Momentu batean kea irteten hasi da eta kea su bihurtu da”, azaldu du autoaren jabeak, urduri.
Gidaria autotik irten eta ibilgailuak, kontrolik gabe maldan behera egin du errepide ertz baten aurka jo arte. Bertan, suzko bola bilakatu da eta barruan zeraman zama guztia (elikagaiak) segundu batzuetan kiskali da.
Basauriko udaltzainek azaldu dute litekeena autoak zirkuitulabur bat izan duela. Ezbeharrak ez du zauriturik utzi ezta bestelako kalte materialik sortu. Larrialdi zerbitzuek errepideko errei bat itxi behar izan dute eta ez du trafiko arazorik sortu.
Ezbeharra 14:00ak baino lehen gertatu da eta Basauriko suhiltzaileek arin itzali dute sua: 14:15etan ez zegoen suaren arrastorik errepidean.
☉ Basauri
Bigarren eskuko bizikleten azoka antolatu dute San Migelen eta Basaurin
Sagarrak talde ekologistak bigarren eskuko bizikleten azoka antolatu du asteburuan San Migelen eta Basaurin. Interesdunek erosi ahal izango dute edo saldu.
San Migelen maiatzaren 11n, larunbatez, egongo da azoka, Ixatxak parkean, 16:30etik 20:30era, eta Basaurin, maiatzaren 12an, igandez, 10:30etik 14:30era, Arizgoitiko plazan.
Bigarren eskuko bizikleten azokaz gain, bizikletaz trebatzeko jolasak antolatuko dituzte 6 eta 14 urte bitarteko gazteentzat. Gainera, bizikleta-tandemean paseoak ere izango da, baita bizikleten zozketak ere.
☉ Basauri
Laburbirako euskarazko film laburrak proiektatuko dituzte gaur Zutarrin, Basaurin
Euskarazko film laburren Laburbira zirkuituaren 21. edizioa Hego Uribe eskualdetik igaro da. Maiatzaren 2an Etxebarrin antolatu zuten emanaldi berezia Ane Cuesta ‘Zirrara’ film laburraren zuzendariarekin, eta gaur, maiatzak 8, auertengo Laburbirako zortzi film laburrak aurkeztuko dituzte Zutarri tabernan, Basaurin (20:00etan).
Hauek dira euskarazko zortzi film labur horiek: ‘Erro’ (Amaia Lejarreta), ‘Dena asmatuta dago’ (Jone Arriola), ‘Katalinaren zoria’ (Guillermo Ordás), ‘Babesa’ (Ander Iruretagoyena), ‘Mundu berri bat’ (Mikel Alvarez), ‘Zirrara’ (Ane Cuesta), ‘Talkak’ (Ilune Diaz eta Jordi Nuet), eta ‘Betizu buru’ (Kim Maiteny).
☉ Basauri
Jon Arretxe eta Touré, Mintzodromoa eta Bertso Topaketa, Basauriko Euskal Astean
Euskal Astea antolatu dute Basaurin maiatzaren 13tik 19ra bitartean. Besteak beste, musika, antzerkia, magia, literatura, bertsoak eta Mintzodromoa izango dira.
Aurten Jon Arretxe idazle basauriarra ere izango da Euskal Astean. Izan ere, Touré telesailaren lehen atala proiektuatuko dute Ibaigane Kultur Etxean eta ostean, solasaldia egongo da Arretxerekin berarekin.
Egitaraua / Basauriko Euskal Astea 2024
Maiatzak 13, astelehena
Ikuskizun interaktiboak Social Antzokian Lehen Hezkuntzako haurrei zuzenduta:
09:30 Euskal musikari bira (LH2)
11:30 Ze arraio (LH3)
Maiatzak 14, asteartea
Ikuskizun interaktiboak Social Antzokian Haur eta Lehen Hezkuntzako haurrei zuzenduta: Lo nengoela
09:30 + 11:30 Social Antzokia
Bisita gidatua: ‘Atzoko Basauritik gaurko Basaurira’
10:00-12:00 + 17:30-19:30 Arizko Dorretxetik
Maiatza 15, asteazkena
Ikastetxeen arteko Bertso Topaketa
10:00-12:00 Social Antzokia
Ipuin musikatua Xabier Lizasorekin: ‘Txuri-beltza da ta…!’
17:30-18:30 Taberna Nagusia
Touré telesailaren lehen atala eta Jon Arretxerekin solasaldia
18:30-20:30 Ibaigane Kultur Etxea
Maiatzak 16, osteguna
Mintzodromoa
10:30-12:00 + 18:30-20:00 Solobarria
Maiatzak 17, ostirala
Ipuin musikatua Xabier Lizasorekin: ‘Txuri-beltza da ta…!’
17:30-18:30 Kareaga Gizarte Etxea
Kontzertua: Eñaut Elorrieta
21:00 Social Antzokia
Maiatzak 18, larunbata
Magiapoteoa: Txoborro eta Tor magoak
12:30 Begoñako Andra Mari kalean hasita
Antzerkia: ‘Ametsen mundua’ (Patata Tropikala konpainia)
17:30 Solobarria
Euskal Talent Show
17:00 Basozelaiko eta San Migeleko Gazteguneak
Basauri Kantari
19:30 Solobarriatik
Maiatzak 19, igandea
Porrotx eta Marimotots pailazoak
16:00 + 18:30 Social Antzokia