Sareak

☉ Arrigorriaga

Hego Uribe otsailaren 13tik aurrera mozorrotuko da

|

basauri karnabas 2014

Eskualdeko herriek 2015eko Inauteriak ospatuko dituzte, kaleak eta ikastetxeak alaituz. Basaurin 5.000 euro inguru banatuko dituzte saritan eta Galdakaon 800 euro. 

Otsaila heldu da eta harekin, mo­zorrotzeko ordua. Basaurin Inau­teriakKarnabas izenez ezaguna­goak-, hilaren 13tik 17ra bitartean ospatuko dituzte. Inautxo pertso­naiak irekiko du inauteri programa, aurreko urteetan egin duen bezala. Aurreko edizioetan antolatu duten moduan, aurten ere Basauriko den­dak eta ostalariak inauterien parte izango dira, apainketa eta mozo­rrorik onenak sarituko baitituzte.

Parte hartu nahi duten merka­tariek izena eman beharko dute otsailaren 9a baino lehen Bidear­te kaleko Kultua sailean edo kul­tura@basauri.net helbide elek­tronikora idatziz. Ez dira faltako, besteak beste, desfileak, jaiak, kalejirak eta tailerrak. Otsailaren 14an eta 17an antolatu diren mo­zorro lehiaketetan parte hartu nahi dutenek otsailaren 13ra arte dute izena emateko aukera Bidearte ka­leko Kultura sailean 08:00etatik 15:00ak arte.

Sariei dagokienez, otsailaren 14an 2.800 eta 500 euro banatuko dituzte talde familiarren eta talde seniorren artean, hurrenez hurrez. Otsailaren 17an umeen mozorro lehiaketa burutuko da eta bertan 1.050 euro banatuko dituzte bale trukakorretan, Basauriko dendetan gastatzeko. Merkatariek eta ostala­riek, berriz, 100 euro eta Bizkaiko irrati batean establezimenduaren publizitate spota irabaz ditzakete (300 eurotan baloratua).

Mozolloker izango da Galdakaoko 2015eko inauterien ikur nagusia otsailaren 13tik 17ra bitartean, nahiz eta inauterien azken ekintzak hilaren 21era arte luzatuko diren. Inauterietako desfilean parte hartu nahi duten taldeek otsailaren 12a arte dute izena emateko Torrezabal Kultur Etxean. Guztira, 800 euro banatuko ditu Mozollokerrek sarietan. Aurtengo egitarauan Usansoloko ekintzak edo 3 eta 15 urte arteko gazteentzako inauteri-festa goraipatu nahi izan dute Galdakaoko Udaletik. “Aurtengo inauterietako egitaraua edukiz eta ekintzez bete dugu, beti ere udalerriko elkarteen parte hartzearekin”, dio Aitor Torrecilla Kultura zinegotziak.

Arrigorriagan ere otsailaren 13an hasiko da inauteri programa. Lehendabizi eskolan ospatuko da 15:15etatik 19:00etara Udal Ki­roldegian. Abusuko Gaztetxokoan inauterietako jaia ospatuko da 17:00etatik 20:00etara. Otsaila­ren 14an Gazteguneak hartuko du inauteri jaia 18:00etatik aurrera. Astebete geroago, hilaren 21ean, Abusuko inauteriak izango dira.

Etxebarrin inauteriak otsaila­ren 14an ospatuko dira. Desfilea 18:00etan hasiko da eta Uriba­rribarri-Amezola bidegurutzetik frontoiko ateraino izango du ibil­bidea. Taldekako parte-hartzaileen hitzordua 17:30ean izango da eta bakarkakoena 17:45ean. Inauteri-jaia, euria egin edo ez, 18:15ean izango da udal-frontoian. Frontoi­ko ateak 17:30etik aurrera ireki­ko zaizkie ikusleei. Desfilea ikusi nahi dutenek otsailaren 10ean, 11n eta 12an sarrerak hartzeko aukera izango dute, CIMEko biga­rren solairuko arlo soziokultura­lean 10:00etatik 13:00ak arte eta Kultur Etxean 17:00etatik 19:00ak arte. Sarrerak doakoak dira baina edukiera mugatua dela adierazi dute antolatzaileek.

Ugaoko Udalak 2015ko Inauteriak ospatzeko egitaraua antolatu du, eskola publikoarekin eta El Jaro Udal Kiroldegiarekin batera. “Batez ere familiari begira egindako egitarau honek desfilea izango du hasteko eta, ostean etorriko dira eskolako umeen emanaldia, txokolate-jana, musika, jolasak eta, otsailaren 17an egitarauari amaiera emango dion kiskailu-ehorzketa“, diote antolatzaileek. Aurten, berrikuntza gisa, Kiroldegiko koreografia ikastaroko ikasleek erakustaldi bat egingo dute eta jarraian, herritar guztiei zabalik egongo den Zumba eta Zumbakids animazioa egongo da.

☉ Arrigorriaga

Arrigorriagako Gazte Egunak 300 lagun bildu ditu Gaztetxean, larunbatean

“Giro paregabea” izan zela aitortu dute Arrigorriagako Gaztetxetik, gaueko musika-eskaintza anitzarekin

|

Gazteak, bazkarian // Arrigorriagako Gaztetxea

Arrigorriagako Gazte Egunaren zortzigarren edizioa ospatu dute ekainaren 22an, Gaztetxean eta Argala plazan. Aurten, urteroko Hockey Txapelketa eta bertso bazkariaz gainera, Bafle poteoa antolatu dute herrian zehar.

Asteburuko eguraldi txarrak udaletxeko arkupeetara eraman du urteroko hockey txapelketa, iaz bezalaxe. Hala ere, Gazte Egunaren delaldiak “arrakasta handia” izan duela azaldu diote Gaztetxeko arduradunek GEURIAri: “140 lagun bildu ziren bertso bazkarian eta gerora 300 pertsona inguru izan ziren Gaztetxean”.

Izan ere bazkariko “giro paregabea” azpimarratu dute Gaztetxetik eta gaueko eskaintza musikala anitza izan zela azaldu dute: Rally48, Altxa Porru Erromeria eta Painapple taldeen kontzertuen lekuko izan ziren kontzertuetara gerturatu zirenak.

Osorik irakurri

☉ Arrigorriaga

Arrigorriagako san juan gaueko ekintzak kiroldegiko kantxa urdinean egingo dituzte

Arrigorriagako Udalak iragarri duenez, iratxoak eta sorginak 20:45etan antolatu dituzte

|

Haurrak, San Juan suan // Geuria

Hasiera batean Mendikoso eta Mintegi parkean antolatu zituzten san juan suen pizteak eta jarduerak lekualdatu ditizte asteburuko eguraldia dela eta. Arrigorriagako Udalak kiroldegiko kantxa urdinera lekualdatu ditu. Horiek horrela, 18:00etatik aurrerako ekintza guztiak bertan izango dira: iratxoak eta sorginak 20:45etan izango dira. Ondorioz, bertan ez dute surik piztuko.

21:35etan txokolate jana eta dantza egingo dute, 22:30ak arte.

Osorik irakurri

☉ Arrigorriaga

Arrigorriagako Harrotasun Asteak hitzaldiak, tailerrak eta Holi jaia ekarriko ditu herrira

Jarduera guztiak herrigunean antolatu dituzte, udaletxeko plazan eta baita Lamiaenan, ekainaren 24an, 28an eta 29an

|

Harrotasun Eguna, 2018an // Geuria

Ekainaren 24tik 29ra Harrotasunaren Astea antolatu dute Arrigorriagan eta hitzaldiak, tailerrak, bideo-proiekzioak eta Holi jaialdia antolatu du Arrigorriaga Harro taldeak Udalaren babesarekin.

Jarduera guztiak herrigunean antolatu dituzte, udaletxeko plazan eta baita Lamiaena emakumeen etxean ere

Egitaraua | Harrotasunaren astea 2024

Ekainak 24, astelehena
– 19:00 Dokumentala: Ekain Lersundi, Lamiaena

Ekainak 28, ostirala
– 17:00 eta 19:00 Escape Room LGTBIQ+, Lamiaena
– 19:00 Txapa tailerra, Lamiaena

Ekainak 29, larunbata
– 17:30 Arrigorriaga Harro taldearen bideoaren proiekzioa, Edurne Garitazelaiako Azokea aretoa
– 18:00 Umeentzako marrazketa tailerra, udaletxeko plaza
– 18:00 Arrigorriaga Harro hitzaldia + mokadutxoa, udaletxeko plaza
– 19:30 Holi jaia, udaletxeko plaza
– 20:00 Baflepoteo Transmaribibollo, herrian zehar

Osorik irakurri

☉ Arrigorriaga

Ume arrigorriagarrek puzgarriak, tailerrak eta ikuskizunak izango dituzte Madalenetan

Jai Batzordeak 17 jarduera baino gehiago prestatu ditu uztailaren 19tik 25era, egunez egun: antzerki saioak, tailerrak, buruhandiak, puzgarriak… herria umeentzako ekintzez beteko dute.

|

Haur bat, Arrigorriagako iazko txupinazoan // Geuria

Arrigorriagako Udala aurtengo jaietan izango diren jarduerak iragartzen ari da egun hauetan. Oraingo honetan umeentzat prestatutako ekintzen berri eman dute Udaletik.

Izan ere, Jai Batzordeak 17 jarduera baino gehiago prestatu ditu uztailaren 19tik 25era: antzerki saioak, tailerrak, buruhandiak, puzgarriak… herria umeentzako ekintzez beteko dute. Aurten ere Umeentzako parkea ipiniko dute Lehendakari parkean, hilaren 23an eta 24an, ordutegi ezberdinetan.

Egitaraua | Haurrentzako jarduerak 2024ko Madalenetan

Uztailak 19, ostirala
– 18:00 Jaioberriei aitortza-ekitaldia, Edurne garitazelaia kultur etxea
– 20:15 Buruhandiak, udaletxeko plaza

Uztailak 20, larunbata
– 12:00 Erraldoien kalejira, udaletxeko plazatik
– 19:30 Buruhandiak, Lehendakari Agirre parkea

Uztailak 21, igandea
– 11:00 Patinaje ibilbidea, herrian
– 11:00 Ekortzeko makina puzgarria, Joan XIII plaza
– 19:30 Buruhandiak, Lehendakari Agirre parkea

Uztailak 22, astelehena
– 19:00 Buruhandiak, Lehendakari Agirre parkea

Uztailak 23, asteartea
– 11:30 Umeentzako parkea, Lehendakari parkea (euria bada, eskolako patioa)
– 13:30 Buruhandiak, Lehendakari Agirre parkea
– 17:30 Umeentzako parkea, Lehendakari parkea (euria bada, eskolako patioa)
– 18:00 Izozki banaketa, Pergola

Uztailak 24, asteazkena
– 15:00 Umeentzako antzerkia: Izarren Hartza, Lehendakari Agirre parkea (euria bada, eskolako patioa)
– 18:30 Buruhandiak, Lehendakari Agirre parkea

Uztailak 25, osteguna
– 11:00 Entsalada tailerra, Ugertza parkea
– 17:45 XIII Tiragoma Txapelketa
– 18:30 Bitsa festa, Joan XIII plaza

Osorik irakurri

☉ Arrigorriaga

Arrigorriagako Arritxikerrakekoak ikasturteari euskaraz agur esateko elkartuko dira

17:30ean antolatutako Euskara Plazara izeneko gaurko jardueraren helburua familiak elkartu eta euskaraz berba egitea izango da

|

Familia bat, Arrigorriagako plazan // Geuria

Gaur bertan, ekainaren 20an, hitzordua ipini dute Arrigorriagako Arritxikerrak taldekoek ikasturteari agur esateko. 17:30ean antolatutako Euskara Plazara izeneko gaurko jardueraren helburua familiak elkartu eta euskaraz berba egitea izango da.

“Ez da jarduera gidaturik egongo; udaletxeko plaza euskararen arnasgune bihurtuko dugu”, azaldu dute Arritxikerraketik. Jarduera 0 eta 6 urte bitarteko haurrak dituzten familiei zuzenduta dago.

Osorik irakurri