Sareak

☉ Basauri

Dozenaka babes mezu jaso ditu Itziar Ituño aktoreak jasandako boikotaren ostean

Euskal presoen dispertsioaren kontra agertzeagatik hamaika irain jaso ditu basauriarrak sare sozialetan, La casa de papel telesailaren kontrako boikotean.

|

basauri itziar ituno 2017 la casa de papel

Euskal presoen dispertsioaren kontra agertzeagatik hamaika irain jaso ditu Itziar Ituño basauriarrak sare sozialetan, La casa de papel telesailaren kontrako boikotean

Hiru aipatzearren, Gotzon Sanchez, Miren Gaztañaga eta orain Itziar Ituño. Azken urteetan, euren ideia politikoak modu librean adierazteagatik hamaika irain jasan behar izan dituzten aktoreak dira. Zerrendan azkena, basauriarra. La casa de papel telesaila telebistan estreinatu baino egun bat lehenago hasi zen #BoicotLaCasaDePapel hastaga sare sozialetan zabaltzen. Arrazoia, euskal presoen dispertsioaren kontrako jarrera erakutsi duela serieko aktore batek, Ituñok, alegia.

Sare sozialetan profilik ez duen arren, Itziar Ituñoren kontrako sorgin ehiza berehalakoa izan zen Twitterren, trending topic bihurtu arte. Lehen unean, boikotera deitu dute sare sozialean erabiltzaile askok, eta denbora aurrera joan ahala, irainak etengabeak izan dira bai aktorearen kontra, bai euskal presoen aurka.

Horiek horrela, boikotak buelta izan zuen eta ordu gutxira ehunka eta ehunka babes mezu agertu ziren sare sozialetan basauriarraren lana goraipatuz eta ideologia askatasuna defendatuz. Atzo, maiatzak 2, estreinatu zen La casa de papel seriea Antena 3 katean, eta audientzia datu oso onak izan ditu: 4.090.000 ikusle (%25,1eko share-a). Urteko telesailik ikusiena bilakatu zen bere estreinaldian.

Esan gabe doa Itziar Ituñoren ibilbide profesionala handitzen ari dela azken urteotan: Goya sarietako bi kategoriatan hautagai izan da Loreak eta Lasa eta Zabala l- mekin. Telebistan, Goenkalez gain, Cuéntame telesailean ere agertu zen, eta antzerkian Koadernoa zuri an- tzezlanarekin ari da. Joan den hilean, Lantegi Batuak ekimenarekin batera, Ixatxak saria jaso zuen Basaurin San Jose ikastetxeko ikasle ohien esku- tik.

☉ Basauri

Bideoa / San Juan gaua San Migelen, Basaurin

|

San Juan bezperan sua piztu dute San Migelen, Basaurin. Mikelats Kultur Elkarteak irudiak bidali dizkigu.

Osorik irakurri

☉ Basauri

Argazkiak / San Juan bezperako sua piztu dute Basauriko Pozokoetxen, euripean izan bada ere

|

Ekainak 23 ditu gaur, San Juan bezpera. Ohiturak jarraituta, sua piztu dute Basauriko hainbat tokitan, Pozokoetxen esaterako. Euritakoen azpian ikusi dute auzotarrek Basauritar Dantza Taldearen emanaldia eta San Juan bezperako sua.

Osorik irakurri

☉ Basauri

Espetxeratu dute droga-trafikoa leporatuta Basaurin atxilotu zuten ertzaina

Basaurin atxilotutako ertzainaz gain, beste bederatzi pertsona espetxeratu dituzte. Droga-trafikoa eta erakunde kriminaleko kide izatea egotzi diete

|

Behin-behineko espetxealdia ezarri diete hamar atxilotuei // Irekia

Guardia Zibilak eta Ertzaintzak hamar pertsona atxilotu zituzten duela hiru egun Bizkaian eta Kantabrian, droga-trafikoaren aurkako ‘Tahocei-Lizar’ operazioaren barruan.

Atxilotutakoen artean Basaurin atxilotu zuten 31 urteko ertzain bat. Polizia-eginbideak amaitu ondoren, atzo, larunbata, atxilotuak epailearen esku utzi zituzten, eta guztiak espetxeratzeko agindua eman zuen.

Droga-trafikoa, sare elektrikoan iruzurra egitea, sekretuak ezagutaraztea eta erakunde kriminal bateko parte parte izatea egotzi dizkiete.

Behin-behineko espetxealdia ezarri diete, epaiketa egin bitartean. Zigor-zuzenbidean, orohar, errugabetasun-presuntzioa nagusitzen da beti epaiketa egin bitartean, eta epaileak salbuespenezko neurri moduan soilik agintzen du behin-behineko espetxealdia; ihes egiteko arriskua dagoenean, edo frogak suntsitu daitezkeenean.

Operatiboan parte hartu zuten agenteek 78.840 euro konfiskatu zituzten eskudirutan. Substantzia estupefazienteei dagokienez, 19.592 gramo haxix, 22.973 gramo marihuana-kukulu, 10 kilogramo marihuana-ziztada, 1.300 gramo kokaina, 40 gramo MDMA eta 900 gramo ebaketa-substantzia atzeman zituzten.

Era berean, lau marihuana indoor landaketa desegin zituzten, hazkuntza fase desberdinetan zeuden 5.273 landarerekin. Landare horiek sareari legez kanpo lotutako elektrizitatea erabiltzen zuten. Gainera, atxilotuek erabilitako 14 telefono mugikor eta 6 ibilgailu okupatu zituzten.

Ikerketa Sestaoko ertzain-etxeko agenteek hasi zuten, zenbait pertsona beren mugapeko zenbait tokitan marihuana lantzen eta trafikatzen ari zirela ikusi zutenean.

Terrorismoaren eta Krimen Antolatuaren aurkako Inteligentzia Zentroaren (CITCO) bidez ezarritako koordinazio-esparruaren barruan, egiaztatu zen Guardia Zibilak susmagarrietako bati buruzko ikerketa bat irekita zuela, eta erabaki zuten elkarrekin operazio bat martxan jartzea.

Bi polizia-kidegoek droga-trafikoan aritzen zen erakunde kriminala zegoela egiaztatu ondoren, joan den ostegunean, ekainak 20, operatiboaren ustiapen-fasea garatu zuten.

Miaketak Basaurin, Abanto-Zierbenan, Alonsotegin, Barakaldon, Bilbon, Erandion, Leioan, Portugaleten, Sestaon eta Castro Urdialesen egin zituzten.

Osorik irakurri

☉ Basauri

Denac industrialdea hobetzeko hitzarmena sinatu dute Basauriko Udalak eta Aldundiak

|

Hitzarmenak enplegua sortzen eta mantentzen lagunduko du // Google

Cervantes etorbidean dagoen Denac industrialgunea hobetu eta enpresen lehiakortasuna handituko dute. Horretarako hitzarmena sinatu dute enpresa zentroak eta Basauriko Udalak, eta akordioari esker, Bizkaiko Foru Aldundiak hobekuntza-prozesua finantzatuko du. Hitzarmenak enplegua sortzen eta mantentzen lagunduko du.

Alde batetik, Basauriko Udalak beharrezkoak diren izapideak erraztu eta arinduko ditu eta Denacekin lankidetzan arituko da udal eskumenei eragiten dieten jarduerak diseinatzen, hala nola, urbanizazioa, estolderia edota argiteria publikoa.

Bestetik, Denac enpresa zentroak bi plan idatziko ditu: bata kudeaketakoa eta bestea jardutekoa. Gainera, bi planetan jasotzen diren jarduketak kontratatu eta finantzatu egingo ditu, Aldundiaren diru-laguntzarekin.

Osorik irakurri

☉ Basauri

Basaurin ertzain bat atxilotu dute droga trafikoa leporatuta

|

Ertzaintzak eta Guardia Zibilak droga-trafikoaren aurkako polizia-operazioa martxan jarri dute gaur Bizkaian eta Kantabrian, eta hainbat atxiloketa eta miaketa egin dituzte.

Besteak beste, Basaurin pertsona bat atxilotu dute. Zenbait komunikabidek publikatu dutenez ertzain bat da Basaurin atxilotutakoa, 24. promoziokoa, eta substantzia estupefazienteen banaketan parte hartzea egotzi diote.

Miaketak, Basaurin, Bilbon, Barakaldon, Leioan eta Kantabriako herri batean egiten ari dira.

Osorik irakurri