☉ Basauri
Itziar Ituño, Kepa Junkera eta Korrontzi, besteak beste, Social Antzokian urria eta abendua artean
Urria eta abendua artean helduentzako zein umeentzako 22 ikuskizun antolatu ditu Social Antzokiak. Euskarazko programazioak leku garrantzitsua izango du.
Urria eta abendua arteko Social Antzokiko programazioa aurkeztu dute gaur Basaurin. Umorea, antzerkia, musika eta dantza dira nabarmenduko diren ekitaldiak, baita umeentzako ikuskizunak ere.
Urriko lehen ekitaldia San Fausto jaietan izango da: Hilaren 11n eta 12an “Faemino y Cansado” bikoteak bere umorezko ikuskizuna eskainiko du. Era berean, Tattaka taldeak “Kreditoa” antzezlana ekarriko du urriaren 23an, Joseba Apaolaza eta Zuhaitz Gurrutxaga antzezle direlarik. Maria Adanez aktore madrildarra urriaren 24an izango da Social Antzokian “Insolación” antzezlanarekin. Hilabetea bukatzeko, urriaren 31n Kepa Junkera arituko da Basaurin Organik Dantza taldearekin batera “Txapeldun” aurkezten.
Azaroan opera eta antzerkia nabarmenduko dira. Hilaren 7an “Madame Butterfly” antzeztuko du Opera 2001 taldeak. Antzerkiari dagokionez, estatu mailako aktoreek parte hartuko dute Social Antzokiko programazioan: Jose Luis Gil eta Ana Ruiz, besteak beste. Azaroaren 28an Korrontziren txanda helduko da eta Bilboko Orkestra Sinfonikoarekin (B.O.S.) batera “Symphonic Bilbon” aurkeztuko dute.
Abenduaren 5ean “Euskal Koreografo Gazteen Erakusketa” izango da eta hilaren 11n denboraldiko antzezlan garrantzitsuenetariko bat etorriko da gurera: “Barealdi Magikoa” (Tanttaka taldea). Bertan, Itziar Ituño aktore basauriarra ariuko da, Mireia Gabilondo, Aitziber Garmendia, Jose Kruz Gurrutxaga eta Martxelo Rubio antzezleekin batera. Lolita Flores abeslari eta aktore madrildarrak bisita egingo du abenduaren 12an Social Antzokian “La plaza del diamante” obrarekin.
Social Antzokiko bazkideek sarrerak eskuratzeko aukera izango dute ekainaren 20tik 28ra bitartean antzokiko leihatilean 11:00etatik 14:00etara eta 18:00tik 21:00etara. Publiko orokorrak ekainaren 29tik aurrera eskuratu ditzake leihatilean arratsaldeko ordutegian, Social Antzokiko webgunean edota BBK kutxazainetan edo webgunean.
ANTZERKIA, IKUSKIZUN MUSIKALA ETA PAILAZOAK UMEENTZAKO PROGRAMAZIOAN
Glu Glu Produkzioak, Dejabu Panpin Laborategia, Gorakada Teatroa eta Txirri, Mirri eta Txiribiton bezalako konpainiek Social Antzokiko eszenatokia bisitatuko dute urria eta abendua artean. Euskaraz izango dira ekitaldi gehienak: “Txanogorritxo” (Glu Glu Produkzioak) azaroaren 1ean, “Azken Portua” (Dejabu Panpin Laborategia) azaroaren 8an, “Kontukontari” (La Enana Naranja) azaroaren 15ean, “Moby Dick” (Gorakada Teatroa) azaroaren 29an, “Wangari. Zuhaitz neska” (Karlik Danza Teatro) abenduaren 13an, “Erromirria” (Txirri, Mirri eta Txiribiton) abenduaren 20an eta “Txipli Txapla” (Tomaxen Abenturak – pailazoak) urtarrilaren 3an.
Programazio arduradunek adierazi duten bezala, hiru ekitaldi nabarmentzen dira: “Tripula”, globo aerostatiko baten barruan egingo den antzezlana (Katalunia) urriaren 4an; “Nest”, 6 hilabetetik aurrerako haurrentzako musika ikuskizuna (Belgika) azaroaren 22an; eta “El libro de la selva. El musical” abenduaren 27an.
☉ Basauri
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa izan da eta Etxegarai, Sofia Taramona, Basozelai-Gaztelu eta Soloarte ikastetxeetako LH5 eta LH6 mailetako ikasleek jokatu dute (Basauriko Lehen Hezkuntzako bederatzi ikastetxeak zeuden gonbidatuta parte hartzera). LH5 mailan nesketan Etxegarai eta mutiletan Sofia Taramona izan dira txapeldun eta LH6n Sofia Taramona (LH6n mistoa izan da txapelketa).
San Migeleko jaietan Playback lehiaketa antolatu dute eta txapeldun izan da Los Gambas kuadrilla. Jon Salguero eta Maialen Barredo Los Gambas kuadrillako kideekin berba egin dugu.
San Migeleko jaietan Playback lehiaketa antolatzen du Mikelatsek. Aurten lau kuadrillak hartu dute parte: Los Gambas (txapeldunak), Uholdeak, Los Tenderetes eta Las Maris (aurten La Mari).
☉ Basauri
Basauriko ikastetxeen arteko Esku Pilota txapelketa jokatuko da San Migeleko jaietan
Urriaren 6an, igandez, izango da txapelketa eta Basauriko Lehen Hezkuntzako bederatzi ikastetxeak gonbidatu ditu Bidebieta Pilota Taldeak
Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa da, eta urtero bezala, Basauriko Lehen Hezkuntzako bederatzi ikastetxeak gonbidatu dituzte: Etxegarai, Soloarte, Sofia Taramona, Basozelai-Gaztelu, Bizkotxalde, Arizko Ikastola, Kareaga Goikoa, San Jose eta Basauri Ikastetxea.
Lehen Hezkuntzako 5. eta 6. mailako ikasleei dago zuzenduta txapelketa: “Partida laburrak izango dira, sei edo zazpi puntura. Bikote bakoitzak bi partida jokatuko ditu, eta ligaxka formatuan kanporaketak egongo dira, 5. mailako eta 6. mailako txapeldunak izan arte”, azaldu dio GEURIAri Mikel Karrillo Bidebideta Pilota Klubeko ordezkariak.
Txapelketa 10:00etan hasiko da 5. mailakoekin, eta 12:00etan 6. mailakoekin. “Espero dugu ikastetxe guztiak animatzea. Umeek oso ondo pasatuko dute eta gainera esku pilota eta kirola sustatzeko aukera ezin hobea da”, dio Karrillok.
☉ Basauri
Etxe Maitiako azterketa “deialdi bakar gisa” tipifikatuta dagoela dio Basauriko Udalak
Azterketa beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezakeela argudiatu du Basauriko Udalak
Basauriko Etxe Maitia Udal Egoitzako Erizaintzako Laguntzaile lanposturako EPErako azterketa erditze egunean egitea beste aukerarik eman ez ziotela salatu du basauriar batek.
Basauriko Udalak adierazi duenez, prozesu horren azterketa “deialdi bakar gisa” tipifikatuta dago: “Hau da, hautagai guztiek egun berean egin behar dute proba bera. Pertsona batek beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezake, emakume erreklamatzailearentzat barne, izangai guztiak ez baitziren parametro berberekin baloratuko”, diote udal ordezkariek.
“Epaimahaiak, Osakidetzak aplikatzen duen protokolo bera jarraituz, azterketa ospitalean bertan egiteko aukera eskaini zion emakumeari, baina berak uko egin zion, eta sine die atzeratzeko eskatu zion, azterketa egiteko moduan egon arte”, diote.
“Ebazpen loteslea”
Enplegua egonkortzeko Etxe Maitiako epaimahaia organo “burujabea eta autonomoa” dela gogorarazi du Basauriko Udalak: “Eta mota horretako prozesuak arautzeko orduan dagoen ordenamendu juridikoan oinarritutako ebazpenak emateko balio du”, diote.
“Politikoen jarraibideen mende ez dauden profesional teknikoek osatutako organoa da. Enplegatu Publikoaren Oinarrizko Estatutuaren Legeak 2007an erabaki zuen ordezkari politiko edo sindikal bakar batek ere ezin zuela parte hartu horrelako epaimahai batean, prozesuaren objektibotasuna, inpartzialtasuna eta profesionaltasun teknikoa zaintzeko. Hori dela eta, gobernu-organoek ezin diete jarraibiderik eman hautaketa-epaimahaiei, ezta beren erabakietatik aldendu ere. Administrazio-errekurtsoren bat jarriz gero bakarrik berrikusi ahal izango dira, administrazio-prozedura erkidearen araudiaren bidez”, azaldu dute udal ordezkariek.
Ildo horretan, epaimahaiak ematen duen edozein ebazpen organo politikoentzat loteslea dela adierazi dute Basauriko udal arduradunek, eta gai horri buruzko informazio zehatza Etxe Maitia Egoitzaren hurrengo Kontseilu Errektorean emango duela adierazi dute.
Txakurkros hastapen Ikastaroak martxan jarriko ditu KorriCanek Arrigorriagan, gazteentzako
Undurraga eta Etxebarri arteko Errege Bide zatia konpontzen hasi da Zeberioko Udala
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan
Argazkiak / San Migeleko jaietako Playback lehiaketan ere txapeldun Los Gambas kuadrilla
