Jon Arretxe bere sorterrira itzuliko da urtarrilaren 25ean, asteazkenez, eta ‘Sator lokatzak’ bere azken liburua aurkeztuko du Pozokoetxe Kultur Etxean 19:00etan.
Touréren bosgarrena
Idazle basauriarrak 25 urte bete ditu literatura munduan. Azken aldian publikatu dituen liburuetan Touré da protagonista nagusia. Guztira, bost liburu eskeini dizkio pertsonaje honi: ’19 kamera’ (Erein, 2012), ‘612 euro’ (Erein, 2013), ‘Hutsaren itzalak’ (Erein, 2014), ‘Estolda jolasak’ (Erein, 2015) eta ‘Sator lokatzak’ (Erein, 2016).
Hezkuntzara bideratutakoak
Arretxek idatzi dituen liburuen artean batzuk hezkuntza eskoletan landu dituzte. Besteak beste, ‘Hakuna Matata’ (Labayru, 1991; Elkar, 1995), ‘Harresi handirantz’ (Zubia-Alfaguara, 1997), ‘Ostegunak’, ‘Ostiralak’ eta ‘Larunbatak’ (Elkar, 1997, 1999, 2001), ‘Manila konexioa’ (Elkar, 2003) eta ‘Beti iparralderantz’ (Erein Auskalo, 2014).
