☉ Basauri
30 proposamen artistiko jaso ditu aurten Kaleartean ekimenak
Ekainaren 2tik 4ra bitartean izango da Basaurin Kaleartean ekimenaren hirugarren edizioa. Epaimahaiak 10 esku-hartze hautatuko ditu aurkeztu diren 30etatik.
Ekainaren 2tik 4ra bitartean izango da Basaurin Kaleartean ekimenaren hirugarren edizioa. Helburua da erabilerarik gabeko 10 lokal hutsetan jarduera artistikoak egitea eta sortzaileen lana ezagutaraztea. Era berean, balizko erosle eta erabiltzaileentzat lokalok erakargarriago egiten lagundu nahi du Udalak.
Apirilaren 24ra arte zabalik egon da artistek izena emateko eta guztira 30 proposamen jaso ditu antolakuntzak. Orain, epaimahai batek erabakiko du zeintzuk izango diren proposamen hautatuak.
Aurtengo epaimahaia osatuko dute: Aristide Stornelli (artista, komisario independentea eta Kalearteaneko partaidea 2016an), Laura Fernandez (artista, “T-Festa” eta “Espacio Puerta” ekimenen sortzailekidea), Koldo Etxebarria (artista basauriarra eta ikus-entzunezkoen langilea ETBn), Leire Bereziartua (diseinatzailea, Deustuko Unibertsitateko Ingeniaritza Fakultateko irakaslea, eta teknikaria FabLaben), eta Irune Jimenez (Kaleartean ekimeneko antolatzaileetako bat. Jimenezek saioak dinamizatuko ditu, baina ez du botoa emateko eskubiderik izango).
6.000 EUROKO SARIAK
Aurrekoetan bezalaxe, aurtengoan ere 10 esku-hartze egingo dira Kaleartean programan. Horietako 2, ‘Egonaldia’ modalitatekoak izango dira, eta gainerako 8ak ‘Esku-hartze iragankorrak’ motakoak. Horren barruan, kategoria ezberdinak egongo dira: hasiberriak, seniorrak, bertakoak eta orokorra.
Guztira, 6.000 euroko sariak banatuko ditu antolakuntzak: ‘Egonaldia’ modalitatean 1.000 euro hautatutako proposamen bakoitzeko, ‘Esku-hartzeak’ modalitatean hasiberriak kategorian 400 euro hautatutako proposamen bakoitzeko eta ‘Esku-hartzeak’ modalitatean senior kategorian 600 euro hautatutako proposamen bakoitzeko.
☉ Basauri
Lau gizon atxilotu dituzte Basauriko metalurgia enpresa batean lapurreta egiteagatik
Lapurreta iazko abuztuan gertatu zen, eta Ertzaintzak adierazi duenez, “balio handiko” lehengai metalurgikoa lapurtu zuten
Ertzaintzak eta Espainiako Poliziak 25 eta 50 urte arteko lau gizon atxilotu dituzte Basauriko industria-pabiloi bateko metalurgia enpresa batean lapurreta egitea leporatuta.
Lapurreta iazko abuztuan gertatu zen eta Segurtasun Sailetik adierazi dutenez, “balio handiko” lehengai metalurgikoa lapurtu zuten.
Atxiloketak Gernikan, Sestaon eta Portugaleten egin dituzte.
Gainera, lau pertsona horiei joan den urtarrilaren 19an Miranda de Ebroko enpresa batean egindako lapurreta ere egotzi diete. Kasu hartan 6.000 kilogramo kobre lapurtu zuten, 51.000 euro inguruko balioa zuena.
Bi delituetan atxilotuek zulo bat egin zuten enpresetan sartu eta lapurreta egin ahal izateko.
Atxilotuei indarrez lapurreta egitea eta talde kriminaleko kide izatea leporatu diete.
☉ Basauri
Emakume bat atxilotu dute Basaurin espetxean droga sartzen saiatu denean
Emakumeak 67 urte ditu eta osasun publikoaren aurkako ustezko delitua egotzi diote. Era berean, berarekin zegoen 29 urteko beste emakume bat ere identifikatu du Ertzaintzak
Ertzaintzak 67 urteko emakume bat atxilotu zuen atzo Basaurin, espetxean haxixa sartzen saiatu zenean, preso bat bisitatzera joan zela aprobetxatuz.
Susmoak jarraituz, preso batentzako zen pakete bat ikuskatu zuten. Beroki bat aztertu eta miatu ondoren, forruaren barruan ezkutatuta 300 gramo haxix zituzten zazpi poltsatxo aurkitu zituzten.
Gauzak horrela, momentuan bertan atxilotu zuten emakumea. Osasun publikoaren aurkako ustezko delitua egotzi diote, eta polizia-eginbideak bete ostean, aske utzi zuten.
Era berean, akusatuarekin zegoen 29 urteko beste emakume bat ere identifikatu zuten agenteek. Bere aurka eginbideak ireki dituzte, ikertu gisa, delitu beragatik.
Inautxok gidatuta, euriak ez du mozorro lehiaketa geldiarazi Basaurin. Furbyak, Pinotxo eta Gepeto, haginlariak, Ratatouille, txorimaloak, euliak, estralurtarrak, oiloak eta lau urtaroak… ez da inor falta izan! Hona hemen mozorro lehiaketako laburpena!
Inauteriak dira eta Basauriko kaleak mozorroz bete dira otsailaren 14an, larunbatez. Euria egin arren, mozorro lehiaketa antolatu dute Solobarriako karpan [hemen argazkiak!]. Eta bertan topatu ditugu estralurrarrak, furbyak eta oiloak eta baserritarrak. Zenbat denbora eman dute mozorroak prestatzen?
☉ Basauri
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
Inauterien barruan mozorro lehiaketa antolatu dute gaur, otsailak 14, Basaurin. Desfilea bertan behera geratu da euriagatik, baina kuadrillek aukera izan dute euren mozorroak Solobarriako karpan erakusteko.
Bederatzi pertsona baino gutxiagoko kategorian, hirugarrenetik lehenengora hauek izan dira irabazleak: Furbiak (200 euro), Zeruko begiak (400 euro) eta Txorimaloak (550 euro).
Eta, bederatzi pertsona baino gehiagoko kategorian honakoak saritu dituzte: Parqueo sobre ruedas (250 euro), Globotxos (500 euro) eta Oilategi Deluxe (750 euro).
Gainera, Inautxo Saria ere banatu dute, eta kategoria honetan Lau urtaroak kuadrillak irabazi du saria (550 euro).
’80. Hamarkada’ izango da Abusuko inauterien gaia aurten
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Lau gizon atxilotu dituzte Basauriko metalurgia enpresa batean lapurreta egiteagatik
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
