Sareak

☉ Basauri

Koldo Etxebarria: “Gizakiaren eguneroko hausnarketak biltzen ditut nire lanetan”

|

basauri koldo etxebarria pintorea elkarrizketa 2015

Edertasuna da Koldo Etxebarria pintoreak erabiltzen duen kontzeptua bere margolanak egiteko. Ez da pintore arrunta, 3D teknologia erabiltzen du bere lanak egiteko.

Basaurin bizi den pintore ezagu­na da Koldo Etxebarria (Lemoa, 1960). Aitzindaria da mundu osoan bere obretan 3D teknologia erabiltzen duelako. Horren harira, 2014an pintura munduko bi sari jaso ditu Belleza más allá de las formas lanari esker: Focus Aben­goa saria eta Arte Digital saria. Biak nazioarte mailako garaiku­rrak dira: bata Sevillan jasoa, bes­tea Kanadan.

Garrantzia handiko sariak omen dira 2014an eman dizkizutenak.

Hala da. Arte Digital saria Kana­dako Artisten Federazioak anto­latzen du. Maila altuko elkartea da, eta estatuko garrantzitsuena. Sevillako Focus Abengoa saria, bestalde, ospe handikoa da Espai­nian, arte garaikideari dagokionez.

Zergatik uste duzu saritu dutela Belleza más allá de las formas?

Alde batetik prozedura piktori­koa egiteko teknologia berria -eta kasu honetan, 3D teknologia- era­biltzen dudalako, eta bestetik ar­tearekiko dudan ikuspegiagatik; gizakiaren planteamendu meta­fisikoagatik, alegia. XX. mendetik datorren planteamendua da -adi­bidez, Italian Chirico eta Morandi-eta nik bide hori jarraitu nahi dut, barrualde holandarrarekin batuta hizkuntza piktoriko gisa -Holan­dan Hooch eta Vermeer-. Horrega­tik, tradizioa ere saritu dutela uste dut.

Azaldu zehazki zer den obra ho­netan islatu nahi izan duzuna.

Ez obra honetan bakarrik, gainon­tzekoetan ere antzekoa bilatzen dut. Planteamendu piktorikoaren arabera, leihoetatik sartzen den argia interesatzen zait, baita ba­rrualdeko espazioa eta pertso­naren sakontasuna ere. Hau da, gizakiak bere egunerokotasunean egiten duen hausnarketa guztia biltzen dut nire lanetan.

basauri koldo etxebarria pintorea focus abengoa 2015

Koldo Etxebarria Focus Abengoa saria jasotzen :: Focus Abengoa

Eta, zein da arte-kritikarien hausnarketa zure lanarekiko?

Adibidez, Xabier Saenz de Gorbeak -maiatzaren 30ean zendua- maiz esaten zidan erabateko koheren­tzia dudala planteamendu piktori­koan. Nire artearen kontzeptua ez da objektuen edertasuna sortzea, baizik eta buruan daukadan ideia adieraztea. Urte dezente daramat kontzeptu hau garatzen eta argi daukat niretzat interesekoa izaten jarraituko duela. Garrantzia handi­ko planteamendua iruditzen zait.

Nire artearen kontzeptua ez da objektuen edertasuna sortzea, baizik eta buruan daukadan ideia adieraztea

Hitz egidazu orain Edertasunari buruz.

Ikerkuntza eta hausnarketa lan handia izan du Edertasuna kon­tzeptuak eta gauza batez ohartu naiz: edertasuna ez dagoela ob­jektuetan, ezta artelan batean edo kanpoko bistaratzean ere; Ederta­suna gugan dago. Egia esan, artea­ren balioak piztu egiten du gure liraintasuna. Edertasuna ez da ukigarria, kontzientzia egoera da, emozioa.

Pintura zuretzat bokazioa izan al da txikitatik?

Bai. Txikitatik pinturarekiko zaleta­sun handia izan dut. Asko intere­satzen zitzaidan eta 7 urte nitue­la, pintatzen eta marrazten hasi nintzen. Egun osoa ematen nuen “obra” txikiak egiten.

Horregatik, Arte Ederrak ikaske­tak egitea erabaki zenuen.

Arte Ederretan sartu aurretik, 13 edo 14 urte nituela, Bizkaiko Elkar­te Artistikora joaten hasi nintzen. Bilboko Alde Zaharrean ikastegia zegoen eta bertan nagusientzako eskolak ematen zituzten. Ni gaz­teena nintzen. Ondoren, institutu garaian -Iurretan-, Leioan zegoen zentro batera joaten nintzen as­tebururo; bertan, pintura tailerrak antolatzen zituzten, Unibertsi­tatearen jarduera paralelo gisa. Gero, Arte Ederrak ikasi nituen Leioako Campusean (EHU). Gure promozioa lizentziatu zen aurre­nekoa izan zen, lehen Goi Mailako Eskola zelako.

Edertasuna ez dago objektuetan, ezta artelan batean edo kanpoko bistaratzean ere; Edertasuna gugan dago

Zerk bereizten zaitu gainontzeko pintoreengandik?

Beste pintoreek ez dute nik be­zain argi kontzeptuaren defini­zioa. Hau da, pintore gehienek kontzeptu batean jartzen dute arreta, gero guztiz aldatzen dute eta beste kontzeptu batera egiten dute salto. Zentzu horretan, nik ja­rraikortasuna ematen diot gizakia­ren planteamendu metafisikoari. Gainera, berrikuntza moduan 3D teknologia erabiltzen dut. Irudi berria da, garaikidea eta aldi be­rean, pintura munduan manten­tzen da.

3D teknologiaren harira, azaldu nola lan egiten duzun.

Zinean eta telebistan asko era­biltzen duten programa erabil­tzen dut: Autodesk Maya. Buruan ditudan ideiak eta zirriborroak koaderno batean islatzen ditut. Hausnartu egiten dut eta ondo­ren, ordenagailua erabiltzen dut koadro bat balitz bezala. Pintore baten planteamendu bera egiten dut, baina ehun batean pintatu beharrean, ordenagailuan egiten dut.

Buruan ditudan ideiak koaderno batean islatu, hausnartu eta ondoren ordenagailuan marrazten ditut koadroak

Zenbat aldatu da pinturaren mundua?

Asko. Lehen ez zegoen pintorerik apenas. Ni Arratia eskualdekoa naiz eta bertan ez zegoen artista­rik. Basauriko garai ezberdinetan ezagunak dira Pinceles (1926- 1993), Ibarrola (1930) eta Lizaso (1961), besteak beste, bai pintu­ran bai eskulturan. Nire iritziz, gi­zartearen bilakaera dela eta, gau­zak aldatuz doaz. Adibidez, XVII. mendean artea kontsumitzen zu­ten bakarrak aberatsak ziren: eliza eta estatua. Gaur egun, zorionez, hori ez da horrela eta artea esku­ragarri dago edonorentzat.

☉ Basauri

Basauriko Bidebietak antolatutako XXI. Gazte Txapelketak Bizkaiko 129 pilotari neurtuko ditu

Txapelketari hasiera eman diote apirilean eta ekainera arte luzatuko da. Guztira 109 partida jokatuko dira

|

Txapelketarei hasiera eman diote apirilean eta ekainera arte luzatuko da // Arxtiboko irudia, Geuria

Bidebieta Esku Pilota Klubak hasiera eman dio XXI. Gazte Txapelketari. Apirilaren 14an hasi zuten txapelketa eta guztira 129 pilotari neurtuko dira.

Bidebieta, Arguia, Adiskide, Iluntxo, Itsasalde, Mandoia, Izarra, Danok Lagunak, Balmaseda, Danak Bat, Usansolo, Upo Mendi, Lagun Artea, Lagun Onak, Getxo, Joko Alai, Lemoa, Durango, Olaburu, Olgetan, Kurene, Zaldua, Markina, Akarregi, Lezama, Arkupe, Lea Ibarra, Txumuluxueta, Gure Kirola, Gallarta eta Orma Bi klubetako pilotariek hartuko dute parte.

Txapelketa San Migeleko frontoian jokatuko da eta ekainera arte luzatuko da. Guztira 109 partida jokatuko dira: lagunartekoak, umetxoak, goxua, umeak, gaztetxoak, neskak, kadeteak, gazteak eta nagusiak kategorietan.

Egutegia/ Bidebieta XXI. Gazte Txapelketa

Apirilak 14, igandea
16:00 – San Migeleko frontoia
– Umetxoak A taldea: Ekain Artabe-Liher Garcia (Bidebieta-Arguia) vs Kerman Uribesalgo-Harri Artola (Adiskide-Iluntxo)
– Goxua B taldea: Hegoi Yanguas-Saioa Gonzalez (Bidebieta-Lemoa) vs Egoitz de Miguel-Izaro Sistiaga (Izarra-Lemoa)
– Umeak B taldea: Izan Fontalba (Danok Lagunak) vs Inar Etxaburu (Bidebieta)
– Umeak D taldea: Aritz Rodriguez (Bidebieta) vs Iñigo Artolatxipi (Balmaseda)
– Umeak E taldea: Eloi Elortza (Balmaseda) vs Aratz Mendieta (Arguia)
– Gaztetxoak E taldea: Luken Argueta-Danel Trias (Upo Mendi-Lemoa) vs Luken Uriarte-Jon Aperribai (Adiskide-Bidebieta)
– Kadetetak A taldea: Markel Sololuze-Khadim Lo (Markina-Akarregi) vs Sendoa Calvo-Enaitz Uribe (Bidebieta)
– Gazteak A taldea: Izei Saratxu-Xabier Atxutegi (Lezama-Bidebieta) vs Alex Andrinua-Etxahun Olazabalaga (Lea Ibarra, Txumuluxueta)
– Gazteak B taldea: Iñigo Bergantiños-Jaime Andrinua (Lagun Artea-Lea Ibarra) vs Ibai Ormaetxea-Haritz Solaguren (Arkupe-Olaburu)

Apirilak 21, igandea
10:30 – San Migeleko frontoia
– Goxua A taldea: Endika Fuente-Arhane Mendibil (Bidebieta-Mandoia) vs Endika Alvaro-Malen Gonzalez (Bidebieta-Lemoa)
– Gaztetxoak D taldea: Jon Urrutikoetxea-Aran Goti (Upo Mendi-Mandoia) vs Ekaitz Ortega-Oier Gil (Bidebieta-Olgetan)
– Neskak A taldea: Laia Aparizio-Irene Azkona (Bidebieta-Usansolo) vs Jaiona Elortza-Olatz Bernal (Lagun Artea-Bidebieta)
– Neskak B taldea: Maialen Gaston-June Agirrebeitia (Lemoa-Zaldua) vs June Urrutikoetxea-Malen Mena (Durango-Lemoa)
– Kadeteak B taldea: Izei Urkidi-Jon Fraile (Akarregi-Lagun Onak) vs Maren Aparizio-Jon Bengoetxea (Bidebieta-Joko Alai)

Apirilak 21, igandea
16:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo vs Egoi Muñoz (Bidebieta)
– Lagunartekoak: Danel Zugazaga vs Julen Ventura (Bidebieta)
– Lagunartekoak: Dario Del Hoyo vs Endika Bilbao vs June Bilbao (Bidebieta)
– Umetxoak B taldea: Unai Villapun-Ibai Liaño (Bidebieta) vs Markel Uriarte-Eki Barahona (Adiskide-Mandoia)
– Umetxoak E taldea: Unax Garcia-Ninbe Mendieta (Bidebieta-Arguia) vs Aritz Leivas-Iraia Martelo (Bidebieta-Iluntxo)
– Umeak A taldea: Enetz Lopategi (Danak Bat) vs Julen Serrano (Bidebieta)
– Gaztetxoak A taldea: Urko Gil-Ametz Bernaola (Bidebieta-Olaburu) vs Alain Martinez-Gilen Gomez (Bidebieta)
– Gaztetxoak B taldea: Aitzol Gomez-Liher Juez (Bidebieta-Lagun Onak) vs Jokin Arrieta-Adei Gorospe (Danak Bat-Olaburu)

Apirilak 28, igandea
12:00 – San Migeleko frontoia
– Lagunartekoak: Gorka Gonzalez vs Manez Izagirre (Bidebieta)
– Lagunartekoak: Oihan Sanchez vs Irati Liaño vs Julene Ugarte (Bidebieta)
– Umetxoak A taldea: Liher Garcia-Harri Artola (Arguia-Iluntxo) vs Kerman Uribesalgo-Ekain Artabe (Adiskide-Bidebieta)
– Umetxoak B taldea: Ibai Liaño-Eki Barahona (Bidebieta-Mandoia) vs Markel Uriarte-Unai Villapun (Adiskide-Bidebieta)
– Gaztetxoak E taldea: Ekiotz Angulo-Hodei Saenz de la Cuesta (Bidebieta-Durango) vs Luken Argueta-Danel Trias (Upo Mendi-Lemoa)

Apirilak 28, igandea
16:30 – San Migeleko frontoia
– Umeak E taldea: Ugaitz Bikarregi (Usansolo) vs Eloi Elortza (Balmaseda)
– Gazteak B taldea: Liher Ortiz de Zarate-Unai Gil (Olaburu-Bidebieta) vs Iñigo Bergantiños-Jaime Andrinua (Lagun Artea-Lea Ibarra)
– Nagusiak, final laurdenak: Arkaitz Egillor-Eneko Bercedo (Gure Kirola-Bidebieta) vs Julen Zenigaonaindia-Aitor Verde (Adiskide-Gallarta)

Maiatzak 5, igandea
11:30 – San Migeleko frontoia
– Goxua B taldea: Egoitz De Miguel-Izaro Sistiaga (Izarra-Lemoa) vs Aimar Caballero-Urtzi Heredia (Bidebieta-Izarra)
– Umeak E taldea: Aratz Mendieta (Arguia) vs Ugaitz Bikarregi (Usansolo)
– Gaztetxoak A taldea: Aimar Yanguas-Euri Muruzabal (Bidebieta-Mandoia) vs Urko Gil-Ametz Bernaola (Bidebieta-Olaburu)
– Gaztetxoak B taldea: Danel Guerrero-Ibai Santamaria (Bidebieta) vs Aitzol Gomez-Liher Juez (Bidebieta-Lagun Onak)
– Gaztetxoak D taldea: Ekaitz Ortega-Oier Gil (Bidebieta-Olgetan) vs Unax Alcalde-Markel Unda (Bidebieta)

Maiatzak 5, igandea
16:30 – San Migeleko frontoia
– Umetxoak E taldea: Ninbe Mendieta-Iraia Martelo (Arguia-Iluntxo) vs Aritz Leivas-Unax Garcia (Bidebieta)
– Goxua A taldea: Endika Alvaro-Malen Gonzalez (Bidebieta-Lemoa) vs Beñat Urrutikoetxea-Amaiur Beroiz (Bidebieta-Lemoa)
– Umeak D taldea: Iñigo Artolatxipi (Balmaseda) vs Guren Ruiz (Danok Lagunak)
– Gazteak A taldea: Aimar Gomez-Aitor Zuazo (Bidebieta-Getxo) vs Izei Saratxu-Xabier Atxutegi (Lezama-Bidebieta)
– Nagusiak, final laurdenak: Beñat Rementeria-Gorka Sobron (Olaburu-Bidebieta) vs Alen Garcia-Erdain Ibarrondo (Gallarta-Bidebieta)

Maiatzak 12, igandea
11:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo-Julen Ventura vs Egoi Muñoz-Danel Zugazaga (Bidebieta)
– Umetxoak A taldea: Liher Garcia-Kerman Uribesalgo (Arguia-Adiskide) vs Harri Artola-Ekain Artabe (Iluntxo-Bidebieta)
– Umetxoak B taldea: Ibai Liaño-Markel Uriarte (Bidebieta-Adiskide) vs Eki Barahona-Unai Villapun (Mandoia-Bidebieta)
– Umetxoak D taldea: Jon Marina-Oier Recio (Bidebieta) vs Peio Gallastegi-Enaitz Fernandez (Adiskide-Itsasalde)
– Kadeteak A taldea: Sendoa Calvo-Enaitz Uribe (Bidebieta-Durnago) vs Haitz Ortiz de Zarate-Unax Agirrebengoa (Olaburu-Bidebieta)
– Kadeteak B taldea: Maren Aparizio-Jon Bengoetxea (Bidebieta-Joko Alai) vs Julen Carrasco-Aiur Goikoetxea (Bidebieta-Arkupe)

Maiatzak 12, igandea
16:30 – San Migeleko frontoia
– Umeak A taldea: Markel Fernandez de Pinedo (Itsasalde) vs Enetz Lopategi (Danak Bat)
– Umeak B taldea: Ekain Fernandez de Pinedo (Itsasalde) vs Izan Fontalba (Danok Lagunak)
– Gaztetxoak A taldea: Alain Martinez-Gilen Gomez (Bidebieta) vs Aimar Yanguas-Euri Muruzabal (Bidebieta-Mandoia)
– Gazteak B taldea: Ibai Ormaetxea-Haritz Solaguren (Arkupe-Olaburu) vs Liher Ortiz de Zarate-Unai Gil (Olaburu-Bidebieta)
– Nagusiak, final laurdenak: Aitor Briongos-Iskander Egillor (Orma Bi-Gure Kirola) vs Ruben Azkona-Beñat Garcia (Usansolo-Upo Mendi)

Maiatzak 19, igandea
11:00 – San Migeleko frontoia
– Umeak D taldea: Guren Ruiz (Danok Lagunak) vs Aritz Rodriguez (Bidebieta)
– Gaztetxoak E taldea: Luken Uriarte-Jon Aperribai (Adiskide-Bidebieta) vs Ekiotz Angulo-Hodei Saenz de la Cuesta (Bidebieta-Durango)
– Neskak A taldea: Jaione Elortza-Olatz Bernal (Lagun Artea-Bidebieta) vs Maialen Bedia-Ainhize Etxebarria (Lagun Artea-Txumuluxueta)
– Neskak B taldea: June Urrutikoetxea-Malen Mena (Durango-Lemoa) vs Eva Martinez-Zoihartze Basauri (Bidebieta-Lagun Artea)
– Nagusiak, final laurdenak: Mikel Karrillo-Xabier Aristondo (Bidebieta-Kurene) vs Iñaki Peña-Aimar Iturbe (Bidebieta-Zaldua)

Maiatza 19, igandea
16:30 – San Migeleko frontoia
– Umetxoak D taldea: Oier Recio-Enaitz Fernandez (Bidebieta-Itsaslde) vs Peio Gallastegi-Jon Marina (Adiskide-Bidebieta)
– Umetxoak E taldea: Ninbe Mendieta-Aritz Leivas (Arguia-Bidebieta) vs Iraia Martelo-Unax Garcia (Iluntxo-Bidebieta)
– Goxua A taldea: Beñat Urrutikoetxea-Amaiur Beroiz (Bidebieta-Lemoa) vs Endika Fuente-Arhane Mendibil (Bidebieta-Mandoia)
– Umeak A taldea: Julen Serrano (Bidebieta) vs Markel Fernandez de Pinedo (Itsasalde)
– Umeak B taldea: Inar Etxaburu (Bidebieta) vs Ekain Fernandez de Pinedo (Itsaslde)
– Gaztetxoak B taldea: Jokin Arrieta-Adei Gorospe (Danak Bat-Olaburu) vs Danel Guerrero-Ibai Santamaria (Bidebieta)
– Gaztetxoak D taldea: Unax Alcalde-Markel Unda (Bidebieta) vs Jon Urrutikoetxea-Aran Goti (Upo Mendi-Mandoia)

Maiatzak 26, igandea
10:30 – San Migeleko frontoia
– Lagunartekoak: Dario Del Hoyo-Julene Ugarte (Bidebieta) vs Endika Bilbao-Irati Liaño (Bidebieta) vs June Bilbao-Oihan Sanchez (Bidebieta)
– Lagunartekoak: Manex Agirre vs Gorka Gonzalez (Bidebieta)
– Umetxoak D taldea: Oier Recio-Peio Gallastegi (Bidebieta-Adiskide) vs Enaitz Fernandez-Jon Marina (Itsasalde-Bidebieta)
– Umetxoak finalerdia: A taldeko bikotea vs B taldeko bikotea
– Gaztetxoak final laurdenak: 1A vs 2B
– Gaztetxoak final laurdenak: 1B vs 2D
– Gaztetxoak final laurdenak: 1D vs 2E
– Gaztetxoak final laurdenak: 1E vs 2A
– Gazteak A taldea: Alex Andrinua-Etxahun Olazabalaga (Lea Ibarra-Txumuluxueta) vs Aimar Gomez-Aitor Zuazo (Bidebieta-Getxo)

Maiatzak 26, igandea
16:30 – San Migeleko frontoia
– Goxua B taldea: Aimar Caballero-Urtzi Heredia (Bidebieta-Izarra) vs Hegoi Yanguas-Saioa Gonzalez (Bidebieta-Lemoa)
– Umeak final laurdenak: 1A vs 2B
– Umeak final laurdenak: 1B vs 2D
– Umeak final laurdenak: 1D vs 2E
– Umeak final laurdenak: 1E vs 2A
– Kadeteak A taldea: Haitz Ortiz de Zarate-Unax Agirrebengoa (Olaburu-Bidebieta) vs Markel Sololuze-Khadim Lo (Markina-Akarregi)
– Kadeteak B taldea: Julen Carrasco-Aiur Goikoetxea (Bidebieta-Arkupe) vs Izei Urkidi-Jon Fraile (Akarregi-Lagun Onak)

Ekainak 2, igandea
11:30 – San Migeleko frontoia
– Umetxoak finalerdia: D taldeko bikotea vs E taldeko bikotea
– Gaztetxoak finalerdia: 1A-2B vs 1D-2E
– Gaztetxoak finalerdia: 1B-2D vs 1E-2A
– Neskak A taldea: Maialen Bedia-Ainhize Etxebarria (Lagun Artea-Txumuluxueta) vs Laia Aparizio-Irene Azkona (Bidebieta-Usansolo)
– Neskak B taldea: Eva Martinez-Zoihartze Basauri vs Maialen Gaston-June Agirrebeitia (Bidebieta-Lagun Artea)

Ekainak 2, igandea
17:00 – San Migeleko frontoia
– Umeak finalerdia: 1A-2B vs 1D-2E
– Umeak finalerdia: 1B-2D vs 1E-2A
– Nagusiak finalerdia: Briongos-Egillor I (Orma Bi-Gure Kirola) edo Azkona-Garcia (Usansolo-Upo Mendi) vs Rementeria-Sobron (Olaburu-Bidebieta) edo Garcia-Ibarrondo (Gallarta-Bidebieta)
– Nagusiak finalerdia: Egillor II-Bercedo (Gure Kirola-Bidebieta) edo Zenigaonaindia-Verde (Adiskide-Gallarta) vs Karrillo-Aristondo (Bidebieta-Kurene) edo Peña-Iturbe (Bidebieta-Zaldua)

Ekainak 9, igandea
11:00 – San Migeleko frontoia
– Neskak finalerdia: 1A vs 2B
– Neskak finalerdia: 1B vs 2A
– Kadeteak finalerdia: 1A vs 2B
– Kadeteak finalerdia: 1B vs 2A

Ekainak 9, igandea
16:30 – San Migeleko frontoia
– Lagunartekoak: Aiuri Setien vs Ane Ureña (Bidebieta)
– Lagunartekoak: Mateo Del Hoyo-Danel Zugazaga vs Egoi Muñoz-Julen Ventura (Bidebieta)
– Lagunartekoak: Dario Del Hoyo-Irati Liaño vs Endika Bilbao-June Bilbao vs Julene Ugarte-Oihan Sanchez (Bidebieta)
– Goxua finalerdia: 1A vs 2B
– Goxua finalerdia: 1B vs 2A
– Gazteak finalerdia: 1A vs 2B
– Gazteak finalerdia: 1B vs 2A

Ekainak 16, igandea
10:00 – San Migeleko frontoia
– Umetxoak finala
– Goxua finala
– Umeak finala
– Gaztetxoak finala
– Neskak finala
– Kadeteak finala
– Gazteak finala
– Nagusiak finala

Osorik irakurri

☉ Basauri

Asteburu solidarioa antolatuko dute Basaurin, Alex Garcia Galas herrikidearen alde

Apirilaren 27an eta 28an antolatu du asteburu solidarioa Basozelaiko El Maño Auzo Elkarteak. Besteak beste, haurrentzako parkea, paella solidarioa, bingo solidarioa eta zozketak antolatu dituzte

|

Basozelaiko El Maño Auzo Elkarteak jarri ditu martxan ekimen solidarioak Basauriko Udalaren laguntzarekin // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Aurreikuspenen arabera asteburu honetan aberriratuko du Defentsa Ministerioak hegazkin medikalizatu batean.

Aberriratzea emango den arren, ekimen solidarioek ez dute etenik. Basaurin, esaterako, El Maño Basozelaiko Auzo Elkarteak kanpaina bat jarri du martxan dirua biltzeko.

Alde batetik, itsulapikoak jarri ditu herriko saltoki eta tabernetan: “Momentuz 84 itsulapiko jarri ditugu herriko saltoki eta tabernatan, baina eskari gehiago jaso ditugu eta beste itsulapiko sorta bat jasotzeko zain gaude”, dio Gorka Del Rio Basozelaiko Auzo Elkarteko kideak.

Eta, beste alde batetik, apirilaren 27an eta 28an asteburu solidarioa antolatu dute Basaurin. Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

“Ekimen solidario hauetatik bilduko dugun dirua Alexen familiari emango diogu. Familiak egin behar izan dituen —eta gaur egun egin behar dituen— gastuak ordaintzeko izango da”, dio Gorkak. Datuak datu, egunero Thailandian 3.000 eta 4.000 euro artean gastatzen ditu Alexen familiak, mediku probak egin ahal izateko.

Egitaraua / Asteburu solidarioa Alexen alde

Apirilak 27, larunbata
Haur Parkea: zezen mekanikoa, puzgarriak, goma elastikoa, jostailuak…
16:00-19:00 Solobarriako karpa

Apirilak 28, igandea
Barra solidarioa, musika eta zozketak (herriko saltokiek dohaintzan emandako produktuak) egunean zehar
12:00-19:00 San Jose Ikastetxeko jolastokia

Urdaiazpiko moztailea
12:00 San Jose Ikastetxeko jolastokia

Paella solidarioa
14:30 San Jose Ikastetxeko jolastokia

Bingo solidarioa: Iker Muniain Athelticeko jokalariak dohaintzan emandako Kopako finaleko kamiseta bat
18:00 San Jose Ikastetxeko jolastokia

Osorik irakurri

☉ Basauri

Basaurik itsulapikoak jarri ditu Thailandian gaixo dagoen herrikidearen senideak laguntzeko

El Maño Basozelaiko Auzo Elkarteak kanpaina bat jarri du martxan dirua biltzeko. Herrian zehar momentuz 84 itsulapiko jartzeaz gain, apirilaren 27an eta 28an ekitaldi solidarioak antolatuko dituzte

|

Basauritik zehar 84 itsulapiko jarri ditu Basozelaiko Auzo Elkarteak, Alexen familiak Thailandian egindako gastuak ordaintzeko // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.

Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.

Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.

Gauzak horrela, crowfunding kanpaina bat abiarazi dute Alexen lagunek eta senideek. Momentuz 114.445 euro bildu dituzte.

Diru bilketa Basaurin

Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta apirilean zehar ekitaldi solidarioak antolatuko ditugu”, diote.

“Basozelaiko saltokietan itsaulapikoak jartzen hasi ginen, baina sare sozialen bitartez ekimenak izan duen oihartzuna ikusita, Basauri osora hedatu dira itsulapikoak”, dio Gorka Del Rio Basozelaiko Auzo Elkarteko kideak.

Guztira, 84 itsulapiko daude herriko saltokietan zehar. “Gainera, beste itsulapiko asko ere jarri ditugu Basauritik kanpo, adibidez, Eibartik idatzi ziguten bertan ere itsulapikoak jartzeko”, dio.

Bilduko duten dirua Alexen familiari emango dio Basozelaiko Auzo Elkarteak: “Bildutako dirua familiak egin behar izan dituen —eta gaur egun egin behar dituen— gastuak ordaintzeko izango da”.

“Egunero Thailandian 3.000 eta 4.000 euro artean gastatzen ari da familia, Alexi probak egin ahal izateko”, zehaztu dute El Maño Auzo Elkartetik.

Asteburu solidarioa

Beste alde batetik, itsulapikoez gain, El maño Basozelaiko Auzo Elkarteak asteburu solidarioa antolatu du apirilaren 27an eta 28an Basaurin.

Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

Aberriratzea, asteburuan

Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.

Eitb-k jakinarazi duenez, asteburu honetan egingo dute basauriarraren aberriratzea. Marisol Garmendia Espainiako Gobernuak Euskadin duen ordezkariak baieztatu duenez, hegazkina asteburu honetan abiatuko da eta gaur arratsaldean jakinaraziko dituzte Alexen premiazko aberriratze dispositiboari buruzko xehetasunak.

Osorik irakurri

☉ Basauri

Maialen Ibarra sanmigeldarrak abesti berria eskaini dio Patxi bere aititeri

|

Bideoklipa Social Antzokian grabatu du Maialean Ibarrak // Maialen Ibarra

Maialen Ibarra sanmigeldarrak ‘Aititeri’ abestiaren bideoklipa kaleratu du gaur. Abestia Patxi Ibarra bere aititeren omenez egindakoa da.

‘Sano abesten jarraituko dugu, nonbait gurekin abesten duzulakoan. Lasai asko utzi gaituzu. Zelako zortea zurekin izan dugun’, errepika du abestiak.

Joseba Ibarra Maialenen osabak eta Patxiren semeak txistuarekin laguntzen du abestian. Gainera, bideokliparen amaieran keinu berezia egin dio Maialenek bere aititeri: Patxiren ahotsarekin Erramun Martikorenaren ‘Xorieri mintzo zen’ abestia entzuten da.

Bideoklipa osorik dago grabatuta Basauriko Social Antzokian.

Patxik utzitako arrastoa

Patxi Ibarra Indartsu Clubeko sortzaile eta presidente izan zen, ez soilik futbol taldearena, baizik eta Indartsuk kulturan izan dituen adar ezberdinen sortzaile.

Txistu-irakasle izan zen, Danbolin Txistulari Elkartea 1985ean sortu aurretik, eta behin sortuta, taldearen bultzatzaile izan zen.

Basauri Koral Elkartean ere parte hartu zuen. Tenorea zen Ibarra, Aldana zenaren laguntzaile. 25 urtetik gora eman zituen Basauri Koral Elkartean.

Euskal kulturarekin konpromiso handia erakutsi zuen Patxi Ibarrak. Frankismo garaian, euskara klaseak eman zituen San Migeleko parrokian. Zuztarretatik Ahora, San Migel Kantari eta Basaurin Be Bagara ekimenetan ere parte hartu zuen Ibarrak.

2021eko uztailaren 2an zendu zen Patxi Ibarra.

Osorik irakurri

☉ Basauri

Leherketa bat gertatu da gaur goizean Basauriko Sidenor enpresan

|

Gaur goizean Basaurtitik ikusi den kea // Geuria

Leherketa gertatu da gaur goizean Basauriko Sidenor enpresan. LAB sindikatutik adierazi dutenez, leherketa labean izan da, baina ez du zauriturik eragin.

Suhiltzaileak bertaratu dira eta enpresa bera ari da egoera kudeatzen.

Osorik irakurri