☉ Basauri
Basauri eraberritzeari buruzko kontsulta egitea baimendu du Espainiak
San Fausto, Bidebieta eta Pozokoetxe plan estrategikoari buruzko herri-kontsulta egiteko baimena eman du Espainiako Ministroen Kontseiluak. Abenduan izango litzateke galdeketa.
San Fausto, Bidebieta eta Pozokoetxe plan estrategikoari buruzko herri-kontsulta egiteko baimena eman du Espainiako Ministroen Kontseiluak. Abenduan izango litzateke galdeketa
Basauriko San Fausto, Bidebieta eta Pozokoetxe inguruko eremua eraberritu ahal izateko herri galdeketa iazko irailean geldiarazi ondoren, Espainiako Ministro Kontseiluak oraingoan baimena eman dio Basauriko Udalari herri kontsulta egiteko. Aurreikuspenen arabera, abenduan burutuko litzateke galdeketa, baina baliteke berau hilabete aurreratzea, azaroan. “Ados zaude San Fausto, Bidebieta eta Pozokoetxe berroneratzeko proiektu hau aurrera eramatearekin?” izango da galdera.
Espainiako Ministro Kontseiluak publiko egin duen oharraren arabera, Konstituzioaren 149.1.32. artikuluak dio Estatuak eskumen esklusiboa duela herri kontsultak baimentzeko, erreferendum bidez. Era berean, Basauriko Udalak planteatzen duen kontsultak baldintza araueraileak betetzen dituela onartzen du. Izan ere, Erregimen Lokalaren Oinarrietako Lege Erregulatzaileak udalerriei aintzat hartzen die, besteak beste, hirigintzari buruzko galdeketak egin ditzaten: planteamendua, kudeaketa, lanak burutzea eta diziplina urbanistikoa.
Basauriko Udalak herri kontsulta egin ahal izateko eskaera bidali zion ekainean Ministro Kontseiluari. Honek epea zuen abuztuaren 3a baino lehen erantzuna emateko, eta aurretik eman duenez, baliteke azaroan burutzea galdeketa.
2016ko irailaren 25ean –Euskadiko hauteskundeekin batera– ospatzekoa zen herri kontsulta, baina Espainiar Estatuko Abokatutzak kautelazko etendura eskatu zuen hilaren 15ean. Ondoren, Bilboko Auzitegiak behin betiko geldiarazi zuen galdeketa irailaren 21ean. 2017 urte amaieran, baina, lehendabiziko herri kontsulta ospatuko da Basaurin, hirigintzari dagokiona.
☉ Basauri
Lau gizon atxilotu dituzte Basauriko metalurgia enpresa batean lapurreta egiteagatik
Lapurreta iazko abuztuan gertatu zen, eta Ertzaintzak adierazi duenez, “balio handiko” lehengai metalurgikoa lapurtu zuten
Ertzaintzak eta Espainiako Poliziak 25 eta 50 urte arteko lau gizon atxilotu dituzte Basauriko industria-pabiloi bateko metalurgia enpresa batean lapurreta egitea leporatuta.
Lapurreta iazko abuztuan gertatu zen eta Segurtasun Sailetik adierazi dutenez, “balio handiko” lehengai metalurgikoa lapurtu zuten.
Atxiloketak Gernikan, Sestaon eta Portugaleten egin dituzte.
Gainera, lau pertsona horiei joan den urtarrilaren 19an Miranda de Ebroko enpresa batean egindako lapurreta ere egotzi diete. Kasu hartan 6.000 kilogramo kobre lapurtu zuten, 51.000 euro inguruko balioa zuena.
Bi delituetan atxilotuek zulo bat egin zuten enpresetan sartu eta lapurreta egin ahal izateko.
Atxilotuei indarrez lapurreta egitea eta talde kriminaleko kide izatea leporatu diete.
☉ Basauri
Emakume bat atxilotu dute Basaurin espetxean droga sartzen saiatu denean
Emakumeak 67 urte ditu eta osasun publikoaren aurkako ustezko delitua egotzi diote. Era berean, berarekin zegoen 29 urteko beste emakume bat ere identifikatu du Ertzaintzak
Ertzaintzak 67 urteko emakume bat atxilotu zuen atzo Basaurin, espetxean haxixa sartzen saiatu zenean, preso bat bisitatzera joan zela aprobetxatuz.
Susmoak jarraituz, preso batentzako zen pakete bat ikuskatu zuten. Beroki bat aztertu eta miatu ondoren, forruaren barruan ezkutatuta 300 gramo haxix zituzten zazpi poltsatxo aurkitu zituzten.
Gauzak horrela, momentuan bertan atxilotu zuten emakumea. Osasun publikoaren aurkako ustezko delitua egotzi diote, eta polizia-eginbideak bete ostean, aske utzi zuten.
Era berean, akusatuarekin zegoen 29 urteko beste emakume bat ere identifikatu zuten agenteek. Bere aurka eginbideak ireki dituzte, ikertu gisa, delitu beragatik.
Inautxok gidatuta, euriak ez du mozorro lehiaketa geldiarazi Basaurin. Furbyak, Pinotxo eta Gepeto, haginlariak, Ratatouille, txorimaloak, euliak, estralurtarrak, oiloak eta lau urtaroak… ez da inor falta izan! Hona hemen mozorro lehiaketako laburpena!
Inauteriak dira eta Basauriko kaleak mozorroz bete dira otsailaren 14an, larunbatez. Euria egin arren, mozorro lehiaketa antolatu dute Solobarriako karpan [hemen argazkiak!]. Eta bertan topatu ditugu estralurrarrak, furbyak eta oiloak eta baserritarrak. Zenbat denbora eman dute mozorroak prestatzen?
☉ Basauri
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
Inauterien barruan mozorro lehiaketa antolatu dute gaur, otsailak 14, Basaurin. Desfilea bertan behera geratu da euriagatik, baina kuadrillek aukera izan dute euren mozorroak Solobarriako karpan erakusteko.
Bederatzi pertsona baino gutxiagoko kategorian, hirugarrenetik lehenengora hauek izan dira irabazleak: Furbiak (200 euro), Zeruko begiak (400 euro) eta Txorimaloak (550 euro).
Eta, bederatzi pertsona baino gehiagoko kategorian honakoak saritu dituzte: Parqueo sobre ruedas (250 euro), Globotxos (500 euro) eta Oilategi Deluxe (750 euro).
Gainera, Inautxo Saria ere banatu dute, eta kategoria honetan Lau urtaroak kuadrillak irabazi du saria (550 euro).
’80. Hamarkada’ izango da Abusuko inauterien gaia aurten
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Lau gizon atxilotu dituzte Basauriko metalurgia enpresa batean lapurreta egiteagatik
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
