Sareak

☉ Basauri

Musika, herri bazkariak eta gastronomia txapelketak San Migelgo jaietan

|

basauri san migel jaiak jaitsiera 2014

Irailaren 25etik urriaren 4ra bitartean ospatuko dira San Migelgo jaiak. Beste urte batez, Mikelatsek jardueraz beteriko egitaraua prestatu du, gustu eta adin guztiei zuzenduta.

San Migel jaietan murgilduta egongo da irailaren 25etik urriaren 4ra bitartean. Iraileko azken ostiralean, azken urteetan Mikelats Kultur Elkarteak antolatu duen bezala, bertoko taldeek kontzertua eskainiko dute, baina jaien txupinazo ofiziala irailaren 26an izango da, larunbatez. Kuadrilen jaitsiera 18:00etan izango da Taberna Nagusitik abiatuta eta ondoren pregoiaren txanda helduko da Pinceles parkean.

Igone Beloki Basauriko Udaleko Jaietako zinegotziak eta Aintzane Rojo eta Irina García Mikelats Kultur Elkarteko kideek aurkeztu dute egitaraua gaur arratsaldean, Taberna Nagusian. Basauriko Udalak 104.276 euro bideratu ditu San Migeleko Jaietarako eta Mikelats elkarteak urtean zehar antolatutako beste jardueretarako: Ihauteriak, San Juanak, Gabonak, eta abar.

SAN MIGELGO JAIAK 2015 – EGITARAUA

Irailak 25, ostirala

22:30 Musika jaialdia herriko taldeekin. Ixatxak parkea

Irailak 26, larunbata

11:00 III. Martxa Zikloturista haur minbiziaren ikerketan laguntzeko Pequeropa Elkartearentzako. Gernika kalea

17:30 Koadrilen topaketa. Taberna Nagusia

18:00 Txupina eta koadrilen jaitsiera

19:00 Pregoia, txupinazoa eta jaitsieraren sari banaketa. Ixatxak parkea

22:00 Highlights + Los Secretos + DJ 80’s. Ixatxak parkea

Irailak 27, igandea

09:30 Indabada herrikoia egiteko sakramentuak, ogia, ardoa eta postrearen bilketa. Ixatxak parkea

10:00 X. Agroekologiko, tokiko artisautza eta gizarteratze azoka. Eleuterio Villaverde kalea

12:00 Buruhandiak eta txistua. Ixatxak parkea

12:00 Bertso-saioa: Oihana Bartra, Alaia Martin, Unai Iturriaga, Arkaitz Estiballes. Ixatxak parkea

13:00 Euskararen aldeko mosaikoa. Ixatxak parkea

14:30 Herri bazkaria: Indabada. Ixatxak parkea

17:00 Dardo txapelketa. Saibimendi jatetxea

17:30 Koadrilen arteko XI. Olinpiadak: Euskal Herriko jolas tradizionalak. Ixatxak parkea

19:30 Basajaun erromeria. Ixatxak parkea

Irailak 28, astelehena

11:00-14:00 / 16:00-20:00 Haur parkea (4-9 urte). Frontoia

11:00-14:00 / 16:00-20:00 Haur parkea (10-16 urte). Ixatxak parkea

18:00 Nazioarteko VIII. Partxis txapelketa. Taberna Nagusia

19:00 Txokolatada. Ixatxak parkea

20:00 VIII. Mus txapelketa. Alzaga eta Saibimendi tabernak

Irailak 29, asteartea

17:00-20:00 Haur parkea. Frontoia eta  Ixatxak parkea

18:00 Nazioarteko VIII. Partxis txapelketa. Taberna Nagusia

19:00 Santu patroiaren meza. Eliza

20:00 VIII. Mus txapelketa. Alzaga eta Saibimendi tabernak

Irailak 30, asteazkena

17:00-20:00 Haurrentzako tailerrak eta parkea. Frontoia / Ixatxak parkea / Hernan Cortes

18:00 Nazioarteko VIII. Partxis txapelketa. Taberna Nagusia

18:00 X. Igel txapelketa. Saibimendi jatetxea

20:00 VIII. Mus txapelketa. Alzaga eta Saibimendi tabernak

Urriak 1, osteguna

17:00-20:00 Haur jolasak. Hernan Cortes / Frontoia

18:00 Txikientzako askaria. Hernan Cortes

18:00 Nazioarteko VIII. Partxis txapelketa. Taberna Nagusia

19:00 Diskofesta. Ixatxak parkea

Urriak 2, ostirala

17:00-20:00 Jam Skate txapelketak eta kontzertua. Taberna Nagusia

19:00 Sardina-jana. Ixatxak Parkea

19:30 Aerobic eta Zumba erakusketa. Haur minbiziaren ikerketan lagunzteko. Sofia Taramona

20:00-23:00 Dantzaldia: Amigos del Swing. Hernan Cortes

22:00 XXIV. Futbolin txapelketa. Recreativos San Miguel

22:30 Trastorna2 + Gatillazo

Urriak 3, larunbata

11:30 Tiratxinak. Ixatxak parkea

12:00 Buruhandiak. Ixatxak parkea

14:00 V. Herri Paellada. Sofia Taramona

18:30 Play-back txapelketa. Sofia Taramona

22:00 ABBAri tributua + Biorritmos orkestra

Urriak 4, igandea

10:00 II. Benjamin futbol txapelketa: U.D. San Miguel + Athletic Club + Danok Bat + Ariz + Etorkizuna + Lanbide. Abaroa

10:00 IV. Marmitako lehiaketan eta XXXI. Tortila lehiaketan izena ematea. Ixatxak parkea

12:00 Euskal dantzak. Ixatxak parkea

14:00 Marmitako eta Tortila txapelketaren sari banaketa. Ixatxak parkea

14:30 Herri bazkaria. Ixatxak parkea

17:00 Umeentzako jolasak. Frontoia

19:30 Jai amaiera. Ixatxak parkea

 

TXIKIENTZAKO ETA GAZTEENTZAKO JARDUERAK

Txikientzako eskaintza zabala egongo da jaietako astean zehar, hala nola, tailerrak eta buruhandiak. Umeen eguna irailaren 28an izango da, astelehena. Orduan, San Migel haur-parke erraldoia bihurtuko da, eta zenbait adinetarako jarduerak egingo dira bertan: tirolina, arku-tiroa, twister, ohe elastikoak, puzgarriak eta aurpegi-margotzea, besteak beste.

Irailaren 30ean, asteazkenez, graffiti eta break tailerrak egongo dira gazteentzat, eta urriaren 2an (ostirala), skatea izango dute, Basauriko Skate Elkartearen eskutik.

 

JAIETAN ELKARTASUNA SUSTATUZ

Elkartasunerako tokia ere egongo da San Migelgo jaietan. Irailaren 26an bizikleta-martxa egongo da eta urriaren 2an 19:30ean Sofia Taramona ikastetxean Alesi Elkarteak, Laudioko Wellnass Gym-en laguntzarekin, aerobik eta zumba erakustaldia egingo du. Jarduera hauek haur minbizia ikertzearen alde eta Pequeropa Elkartearen alde egingo dira.

☉ Basauri

Arinette Ngole basauriarrak disko jaurtiketan Bizkaiko errekor absolutua hautsi du

Pasa den astean hautsi zuen Bizkaiko errekorra Espainiako 18 urtez azpiko txapelketan, zeinetan txapeldunorde izan zen

|

Arinette Ngole Artunduaga klubeko atleta Espainiako txapeldunorde da, 18 urtez azpiko kategorian // Artunduaga Atletismo Taldea

Arinette Ngole Artunduaga klubeko atleta Espainiako txapeldunorde da disko jaurtiketan, 18 urtetik azpiko kategorian. Txapelketa Malagan jokatu zen uztailaren 6an eta 7an.

Ngolek 43,50 metrora jaurti zuen diskoa, eta txapeldunak, Kantabriako Pielagos klubeko Andrea Njimi Tankeuk, 51,85 metrora.

Ngolek bere markarik onena (42,86) hobetu du. Gainera, Espainiako txapeldunorde izateaz gain, txapelketa berean Bizkaiko errekorra hautsi du Ngolek: aurreko errekorra 43,44 metroan zegoen. “Bizkaiko aurreko errekorra (43,44) 1998koa zen!”, adierazi diote GEURIAri Artunduaga klubetik.

Arinette Ngole, Juanjo De Campos bere entrenatzailearekin (Artunduaga Atletismo Klubeko presidentea ere bada) // Artunduaga AT

Europako txapelketarako sailkatzeko 44 metro egin behar zituen Ngolek, “baina gutxigatik ez du lortu”, diote Artunduaga klubetik.

Osorik irakurri

☉ Basauri

Arte Grafikoen sektorean hitzarmen duina “berriro exijitzeko” elkarretaratzea egin dute Basauriko Grafo aurrean

|

Sindikatuen ustetan, patronalaren azken proposamena "ez da nahikoa" // ELA Sindikatua

Arte Grafikoen sektorean hitzarmen duin bat “berriro exijitzeko” elkarretaratzea egin dute gaur goizean Basauriko Grafo enpresaren aurrean.

ELA, LAB, CCOO eta UGT sindikatuek deitu dute kontzentrazioa Basauriko enpresaren aurrean, “sektoreko hitzarmenaren negoziazioa blokeatzen duen enpresetako bat delako”.

Uztailaren 3an Negozioazio Mahaia batu zen, eta sindikatuen ustetan, “patronalaren azken proposamena ez da nahikoa eta urrun dago hitzarmen duin baterako balizko akordio baterako”, diote, eta gaineratu dute: “Izan ere, Cebeken planteamendua erosteko ahalmena bermatzetik oso urrun dago”.

“Sindikatuok eros ahalmena bermatu nahi dugu azken hitzarmenetik. Hau da, azken hitzarmena 2009-2011koa da, eta guk eskatzen duguna da KPI igoerak errekonozitzea 2012tik 2022ra. Gainera, hitzarmen berriak irauten duen urteetan (2023-2026) langileen soldatak KPIarekin parekatzea nahi dugu”, diote sindikatuetatik.

Halaber, lanaldi murrizketa gehiago eskatu dituzte sindikatuek, baita subrogazio eskubidea ere. “Aldi Baterako Laneko Enpresak limitatzea nahi dugu. Patronalak onartu lezake, baina baldintza batzuekin, adibidez, behin behineko kontratuen iraupena handituz”, diote.

“Uztailaren 19an, negoziazio mahaiaren hurrengo bileran, patronalak beste aukera bat du negoziazioa desblokeatzeko”, diote sindikatuetako ordezkariek. Bitartean, uztailean zehar gatazka ikusarazteko “beste ekintza batzuk” egingo dituztela adierazi dute.

Apirilean eta maiatzean, esaterako, greba egunak deitu zituzten Arte Grafikoen sektorean.

Osorik irakurri

☉ Basauri

Jon Arretxe basauriarrak Touréren hamargarrena aurkeztuko du Gijongo Aste Beltzean

|

Jon Arretxe, Touré detektibearen hamargarren liburuaren gaztelerazko bertsioarekin // Argazkia: Erein

Uztailaren 5etik 14ra bitartean XXXVII. Aste Beltza antolatuko dute Gijonen (Asturias), eta bertan izango da Jon Arretxe idazle basauriarra.

‘Mañas de lagarto’ (euskaraz ‘Musker amarruak’) liburua aurkeztuko du, Touré detektibearen hamargarren liburua.

Aurkezpena gaur, uztailak 8, izango da 20:30ean eta saioa Luis Artigue nobelistak gidatuko du.

Liburuetatik pantaila txikira

Otsailaren 1ean estreinatu zuten EITBren Primeran plataforman ‘Touré detektibea’ telesaila. Telesaila gazteleraz ekoitzia, euskaraz bikoiztuta publikatu dute estreinakoz.

Arretxe ez da proiektuan murgilduta dabilen basauriar bakarra; izan ere, Itziar Ituño aktore taldean dago, Malcom Treviño-Sitte (Touré), Itsaso Arana, Loreto Mauleon, Unax Ugalde, Urko Olazabal eta Ane Gabarainekin batera.

Laster jatorrizko bertsioan publikatuko du RTVEk.

Osorik irakurri

☉ Basauri

San Migelen hazitako Alvaro Djaló hasi da gaur Athleticekin entrenatzen

|

Alvaro Djaloren mezua Athleticen sareetan (ezkerrean) eta Aitor Paredes arrigorriagarra entrenamendu saioan (eskuma) // Athletic club

Aurtengo martxoan fitxatu zuen Athleticek Alvaro Djaló eta gaur izan du bere lehen entrenamendu saioa lehen taldearekin Lezaman.

Djalók 24 urte ditu eta hiru hilabete zituela iritsi zen Bizkaira, zehazki Basaurira. Besteak beste, UD San Miguel taldean trebatu zen futbolean.

Bilboko SD Begoñan ere jokatu ostean, 17 urterekin Portugalera joan zen. Azken urteak SC Bragan eman ditu jokalari, eta aurreko denboraldian hamalau gol sartu zituen, horietako bost Championsen eta bat Europa Leaguen.

Djalók aurrelari gisa edo erdilari aurreratu gisa joka dezake, baita bi hegaletan ere. Bere abiadura eta baloi jaurtiketagatik nabarmentzen da, bai eta geldikako jokaldietan duen abileziagatik.

Bost denboraldiko kontratua sinatu du Athleticekin, 2029ko ekainaren 30era arte, soldata-egitura finkoarekin eta helburuen araberako osagai aldakorrarekin.

Aitor Paredes arrigorriagarra ere gaur hasi da entrenatzen:

Aitor Paredes arrigorriagarra Ernesto Valverde entrenatzailearekin // Athletic Club

Osorik irakurri

☉ Basauri

Gizon bat atxilotu dute Basaurin, beste pertsona bat objektu zorrotz batekin zauritzeagatik

|

Basauriko Ertzain-etxea // Artxiboko irudia

Gizon bat atxilotu zuten atzo Basaurin, borroka batean beste gizon bat objektu zorrotz batekin zauritzeagatik.

Gertaerak uztailaren 7an 16:30ak aldera jazo ziren Balendin Berriotxoa kalean. El Correo egunkariak publikatu duenez, taberna baten barruan hasi zen liskarra eta kalean jarraitu zuen.

Tabernako zerbitzarietako bat zaurituari laguntzera joan zen. Kalean etzanda geratu zen eta odola zerion burutik.

Bi inplikatuek aurretik ere izan zituzten liskarrak, El Correok zabaldu duenez.

Ertzaintzak erasoaren egilea atxilotu du.

Osorik irakurri