☉ Basauri
Musika jaialdiak, kale-girotzeak eta Euskal Astearen hasiera Bentako San Isidro jaietan
Basauriko San Isidro jaiak maiatzaren 9tik 17ra bitartean ospatuko dira. Adin guztietako ekintzak antolatu ditu Txantxangorri Auzo Elkarteak Basauriko Udalarekin elkarlanean. Hala nola, Abarka eguna, Gurutze Gorriaren jardunaldiak, haurrentzako jarduerak, kontzertuak, ibilgailu klasikoen erakusketa eta kale-girotzeak, besteak beste. Euskal Astea maiatzaren 12an hasiko da eta hilaren 22ra arte luzatuko da.
BENTAKO JAIAK 2015 – EGITARAUA
Maiatzak 9, larunbata – ABARKA EGUNA
12:00-14:30 GURUTZE GORRIAren XII. Ate irekien eguna
12:00 Kale-girotzea DANBOLIN TXISTU ESKOLAREKIN eta TRIKITIXA BIDEBIETArekin
12:30 KUADRILLAK San Isidro plazan bilduko dira + POTEOA
14:00 GURUTZE GORRIAk balizko larrialdi baten simulazioa egingo du
15:00 Kuadrillen BAZKARIA, San José Ikastetxean
18:00-20:00 HAURRENTZAKO JARDUERAK, Kalika Tetroren eskutik: pailazoak, globoflexia…
18:00-20:00 AURPEGI-MARGOTZEA, San Isidro plazan
23:00 ROCK KONTZERTUAK: RADIO AKTIVA, NIKETZ, SAKATU
Maiatzak 10, igandea
10:00 IBILGAILU KLASIKOEN ERAKUSKETA, Solobarria plazan
11:45-13:00 Ibilgailu klasikoen IBILALDIA
12:00 Kale-girotzea, TRIKITIXA BIDEBIETAren eta DANBOLIN TXISTU ESKOLAren eskutik
12:00-14:00 AURPEGI-MARGOTZEA, San Isidro plazan
Maiatzak 15, ostirala – SAN ISIDRO EGUNA
13:00 Auzoko hildakoen omenezko MEZA, San José Ikastetxean
13:30 LUNTXA, TRIKITIXA BIDEBIETAk girotuta
17:30-19:30 HAURRENTZAKO EUSKAL JAIA: tailerrak, puzgarriak, musika eta denbora-pasak Solobarria plazan
17:30-19:30 BIDEZKO MERKATARITZAKO PRODUKTUEN SALMENTA Solobarria plazan EMAKUMEAK ANIZTASUNEAN elkartearen eskutik
19:00 TRIKITIXA BIDEBIETA
20:00 MAGIA kalean: TAYLOR, PEPE CABALLO eta BALBINO
23:00 Dantzaldi-jaialdia San Isidro plazan ARIZGOITIrekin
Maiatzak 16, larunbata
12:00 DANBOLIN TXISTU ESKOLA eta BASAURIKO HAIZEDOINU
12:00 ENTREDÓS ABESBATZAren kontzertua San Isidro plazan
18:00-20:00 HAURRENTZAKO JARDUERAK, Kalika Teatroren eskutik
19:00 MAZ BASAURI kaleko kontzertuak: LOS BRAZOS + HIGHLIGHTS
22:30 FESTIBAS Basauriko taldeen jaialdia: ERO + KURIXE + ATZEKABE + SEMEJANTES + TRASTORNADOS + MAIDER LEGARRETA
Maiatzak 17, igandea
10:30-13:30 BIZI KIROLA EUSKARAZ Bizkotxalde parkean: Kirol-proben zirkuitua euskaraz (Euria bada, Artunduagan izango da)
12:00 Kale-girotzea: DANBOLIN TXISTU ESKOLA, TRIKITIXA BIDEBIETA eta BASAURIKO HAIZEDOINU
12:00-14:00 AURPEGI-MARGOTZEA San Isidro plazan
16:30 eta 18:30 PIRRITX ETA PORROTX Social Antzokian
21:00 JAIEN AMAIERA
☉ Basauri
Udal webgune berria estreinatu du Basaurik, “errazagoa eta intuitiboagoa”
Basauriko Udalak 99.900 euro inbertitu ditu udal webgunea berritzeko. Diseinuaz gain, egitura eta edukia aldatu dituztela adierazi dute udal ordezkariek

Webgune berria martxan jarri du Basauriko Udalak, “eskuragarriagoa, errazagoa eta intuitiboagoa”. Diseinuaz gain, egitura eta edukia aldatu dituzte.
“Barne-arloetan oinarritutako egitura batetik, informazioa antolatzeko beste era batera igaro gara. Helburua da herritarrek errazago eta modu intuitiboago batean sartzea Udalak eskaintzen dituen zerbitzu, baliabide, tramite, azpiegitura eta abarretara”, dio Asier Iragorri alkateak.
Orain arteko udal webgunea “duela 14 urte” jarri zen martxan, eta gobernu taldeak “beharrezkotzat” jo du berritzea: “Lehengo plataformak ez zituen jasotzen gaur egun ezinbestekoak diren funtzionalitate batzuk, hala nola, bilaketak”, dio Iragorrik: “Web berriak duen beste abantailetako bat da bere bilatzaile indartsua, modu nabarmenean sinplifikatzen duena edozein informazio aurkitzeko modua”.
“Diseinuaren ikuspegitik kendu egin dira gehiegizkoak ziren informazio eta bannerrak, saturazio bisuala saihesteko, eta apustu egin da edukiak zehatz eta argi antolatzearen alde. Gainera, erraz irakurtzeko moduko letra-mota aukeratu da”, dio Iragorrik.
Bost atal
Basauriko Udaleko webgune berriaren nabigazio-menuak bost atal ditu: Basauri, Udala, Herritarrak, Gardentasuna eta Egoitza Elektronikoa.
Era berean, Berriak, Gaiak, Oharrak eta Agenda atalak gehitu ditu Udalak homean: “Oraintxe bertan, Gaiak atalean zergei, ordainketei, enpleguari eta etxebizitzari buruzko informazioa dago, baina aldian behin aztertuko dugu zein den herritarrek gehien bilatzen duten informazioa, webaren orrialde nagusira eramateko”, adierazi du Jon Zugazagoitia Teknologia Berrien arloko zinegotziak.
Herritarren argazkiak
Webgune berriak argazki nagusi bat du hasieran. “Baina ez da estatikoa izango”, zehaztu du Zugazagoitiak: “Izan ere, herritarrek Basaurin ateratako argazkiak bidali ahal izango dituzte, hala nola, herriaren panoramika bat, txokorik gustukoena, koloretan, zuri-beltzean…”.
Argazkiak onartuak izateko, ez dute pertsona identifikagirririk izan behar, eta gutxi gorabehera 2400 x 600 pixelekoa izan behar da, gutxienez 96 ppp-ko bereizmenean. Interesdunek webgune berriaren bitartez bidali ahal izango dituzte euren argazkiak.
“Hilean behin Social Antzokirako bi sarrera zozketatuko ditugu argitaratuak izateko onartu diren argazki guztien artean”, dio Zugazagoitiak.
Basauriko Udalak 99.900 euro inbertitu ditu udal webgunea berritzeko.
☉ Basauri
Argazkiak / A30 grebako manifestazioa euripean egin dute ehunka herritarrek Basaurin

Azaroak 30. Greba feminista orokor eguna da. Basaurin goizean goiz piketeak eta kotxe karabana egin dute, eta eguerdian zaintza eskubide kolektiboaren alde manifestazioa egin dute ehunka lagunek. Euripean izan bada ere, aterki uholdea izan da Basauriko deialdian.
☉ Basauri
Etxebarria aita-seme trikitilariek ‘Familia gara’ disko berria aurkeztu dute Social Antzokian
Gaur aurkeztu dute disko berria Basauriko antzokian. Inaxio Perurena harrijasotzailea gondidatu izan dute aurkezpenean

Etxebarria aita-seme trikitilariek disko berria kaleratuko dute: ‘Familia gara’. Lan berria Durangoko Azokan abenduaren 6an kaleratu aurretik, diskoaren aurre-aurkezpena Basaurin egin nahi izan dute bi basauriarrek.
Gaur, azaroak 29, 13:00etan Social Antzokian egin dute aurkezpena. Bertan Inaxio Perurena harrijasotzailea eta laguna izan dute gonbidatu. Besaulkietan etxebarritarren lagunak, senideak eta ezagunak egon dira.
Sorpresak, bertsioak eta abesti propioak
Diskoak 12 abesti ditu, euskarazko, gaztelerazko eta ingelesezko kantekin. ‘Familia gara’ lan berrian oinarrizko euskal estiloari heldu diote: “estilo dantzagarriak, baladak, koplak, rantxerak eta rock doinuak entzun daitezke, eta baita indar handiko bertsioak ere”, diote.
“Sorpresak, bertsioak eta abesti propioak ere ez dira faltako! Esaterako, ‘Sorioneku familia gara’, Euskal Herria eta gure kulturaren batasuna elkartzen dituen abestia”. Abesti horren bideoklipa 2023ko martxoan argitaratu zuten, eta bertan agertzen da, besteak beste, JJ Vaquero bakarrizketagilea.
‘Loretxoa’, ‘Ikusi mendizaleak’ eta ‘Let it be’ abestien bertsioak ere jasoko ditu lan berriak. Trikitixa eta panderoa dira instrumentu nagusiak eta horiekin batera akordeoia, kitarra, baxua, teklatua, sintetizadoreak eta bateria ere entzun daitezke.
Diskoa salgai egongo da Durangoko Azokan 15 euroan.
☉ Basauri
Sinadura bilketa hasi dute Kareagan pediatria zerbitzuan murrizketarik ez egiteko

Kareagako eta San Migeleko pediatria zerbitzuetan Osakidetzak murrizketak egin dituela salatu dute hainbatetan auzotarrek. Zehazki, San Migeleko pediatrak irailean erretiroa hartu ondoren ez dutela beste pediatrarik kontratatu eta Kareagako bi haur-medikuetatik batek lanaldia erdibitu beharko duela bi anbulatorioetan salatu dute.
Abenduaren 1etik aurrera formalizatuko da neurri hori. Kareaga, El Maño-Basozelai eta Bidebieta auzo elkarteak eta Kareagako eta Gazteluko ikastetxeetako guraso elkarteak euren “kezka” azaldu dute: “Neurri horrek zerbitzuaren kalitatea larriki okertzea dakar”.
Gauzka horrela, sinadura bilketa hasi dute Kareagako osasun zentroan, eta aurreratu dute ekintza gehiago egingo dituztela.
☉ Basauri
Bideoa / ‘Azaroak 25 plaza’ zabaldu dute gaur Basaurin

Azaroak 25 dituen honetan Emakumeen kontrako indarkeria ezabatzeko nazioarteko eguna ospatzen da. Basaurin goizean ekitaldia egin dute hemendik aurrera ‘Azaroak 25’ plaza deituko den lekuan, San Pedro elizaren ondoan.
Plazari ‘Azaroak 25’ jartzeko erabakia Udaleko osoko bilkurak aho batez hartu zuen urrian, eta gaur, eguna aprobetxatuta egin dute ekitaldia 12:00etan. Askoa Etxebarrieta Lasherasek, La Pulga Flamencok ikuskizuna eskaini ondoren, Paz Diaz Gonzalez Basauriko mugimendu feministako kide mitikoak plazaren plaka desestali du.