Sareak

☉ Basauri

Sahara eta Euskal Herriaren artean zubi lanean dihardu Etxebarriko Munduaz Blai Elkarteak

|

etxebarri munduaz blai sahara bidaia 2015 ane elordi

Etxebarriko elkartea orain dela bost urte egonkortu zen eta geroztik urtero, birritan gehienez, Saharara bidaiak antolatzen ditu. GEURIA Ane Elordi eta Alazne Molinuevo kideekin hizketan izan da. 

Orain dela zazpi urte hasi zen Etxebarriren eta Sahararen arteko harremana sendotzen. 2008. urtean Loren Oliva -gaur egungo Etxebarriko alkatea- Echderiara (Aljeria) joan zen egoera nolakoa zen ikustera eta ordutik bi herriak senidetuta daude. Etxebarriko Udalaren helburua udalerriko gazteak Mendebaldeko Saharan bizi duten egoeran inplikatzea izan da. Horiek horrela, 2009an Etxebarriko hamabi laguneko taldea Saharara joan zen. Bidaiatik bueltan, eskaini behar zuten laguntza antolatuagoa izateko helburuarekin elkarte bat sortzea pentsatu zuten. 2010ean elkartearen sorrera errealitate bihurtu zen: Munduaz Blai.

Elkartearen hasierako pausoak zortzi gazteek eman zituzten, baina taldea handitzen joan zen 2010. urtean bertan: “Ikastaro bat egin eta gero, beste lau edo bost lagun batu ginen eta guztien artean Saharara urte bereko abenduan nortzuk bidaiatuko genuen erabaki genuen”, dio Alazne Molinuevo Munduaz Blai Elkarteko lehendakariak. Elkartearen aurreneko urtean 15-20 kide zeuden, “baina denborarekin murriztu egin da kopuru hori”. Gaur egun hamabi lagunek osatzen dute Munduaz Blai: Etxebarriko Lur Gonzalez, Paula eta Aida Ibañez, Miguel Alfonso Andres, Isabel Sanchez, Iker Aginaga, Amaia Oyarzabal, Igor Franco eta Bachir Haboub, Basauriko Garazi Rodriguez eta Alazne Molinuevo, eta Zornotzako Ane Elordi.

Alde batetik, “Saharar herriak daukan arazoa eta gatazka euskal gizartean eta Hego Uribe eskualdean zabaltzea” eta, bestetik, “jendearen sentsibilizazioa bilatzea” dira, Ane Elordi kidearen esanetan, Munduaz Blai Elkartearen helburu nagusienetakoak. Era berean, helburu gizatiarragoa ere lantzen dute: “Sahararren beharrizanak asetzeko oinarrizkoena lortzea”. Elordik dioenez, “gu sahararren bozgorailua gara. Bertan bizi duten egoera eta gatazka hemen azaldu behar dugula esaten digute. Zentzu batean, hori da gure betebeharra”.

BIZI DUTEN EGOERA AZALDU BEHAR DUGULA ESATEN DIGUTE
Ane Elordi
Munduaz Blai elkarteko kidea

HAMAIKA BIDAIA, HAMAIKA PROIEKTU

Alazne Molinuevoren esanetan askotariko bidaiak egin izan dituzte Saharara. Beti abenduan edota apirilean. Hasiera batean Echderiako alkatearekin elkartzen ziren eta bertan behar ziren gauzei buruz hitz egiten zuten, ondoren lanean hasteko: “Adibidez, haurtzaindegi bat zaharberritu genuen hasierako bidaia horietan. Gero, proiektu handiagoetan parte hartzen saiatu gara, baina konturatu gara elkartea oso txikia dela eta jasotzen dugun diru-laguntza ez dela nahikoa proiektu horietan finkatzeko”, dio Molinuevok.

Horren ondorioz, proiektu txikiagoetan parte hartzea erabaki zuten. Haurtzaindegia konpontzen amaitu zutenean bertakoek esan zieten haur eta ume gehienak gosaldu barik joaten zirela eskolara eta orduan hasi ziren “Elkartasun Gosariak” proiektua lantzen: asteko hiru egunetan gosariak ematean datza. Egun, proiektua asko hedatu da eta hainbat haurtzaindegitan burutzen dute.

PROIEKTU HANDIAGOETAN SARTZEN SAIATU GARA, BAINA TXIKIA DA GURE ELKARTEA
Alazne Molinuevo
Munduaz Blai elkarteko lehendakaria

2014ko abenduan Aaiunen izandako uholdeek utzi zuten hondamenean laguntzera joan ziren: hiru haurtzaindegitan aritu ziren lanean eta hondatu ziren etxeak eraberritu zituzten. Horren ondorioz, “SOiS proiektua”rekin hasi ziren Smaran (Echderia): egoera okerrenean dauden familiei bisitak egitean datza, horiei laguntza ekonomikoa helarazteko. “Smarara joaten garen bakoitzean etxe berera joan ohi gara. Azken finean guk han gure familia daukagu. Astebete ematen dugu bertan eta baliteke hiru egun Aainunera joatea. Izan ere, Bachir elkarteko kidea Etxebarrin bizi den aaiundarra da eta bere familia Aaiunen bizi da”, dio Elordik.

Errefuxiatuen kanpamentuetan gauzatzen dituzten proiektu eta jardueren artean honakoak egiten dituzte, besteak beste: Elkartasun Gosariak, SOiS proiektua, Bubisher (liburuak utzi), Brahim Mohamed eskolan materiala utzi, janaria haurrei banatu eta bertako familiei bisitak egin.

 

_______________

“ESKOLAN IZANDAKO NOTEN ARABERA LORTZEN DUTE GURERA ETORTZEKO AUKERA”

etxebarri munduaz blai sahara bidaia apirila 2015Ane Elordi kidearen esanetan, “Saharan bizi duten egoera benetan tamalgarria izanda ere, pozik bizi dira. Egia da hori ez dela euren lurra, baina inork ez daki noiz itzuliko diren lur askatuetara. Itxaropenik ez dute galtzen, baina ez doaz inora”.

Egoera politikoaren harira, “oso gutxi dira Marokoren kontra doazenak. Fronte Polisarioa badago, baina ez dauka indarrik gerra bat hasteko ere”, dio Alazne Molinuevok. Munduaz Blaiko lehendakariak argi du, “ezberdintasun handia” dagoela Euskal Herrira bizitzera etorri direnen eta Saharan gelditu direnen artean: “Saharan bizi direnak ohituta daude han bizitzen, ez baitute besterik ezagutzen; baina hemen bizi direnak, behin hemengoa ezagututa, ez daude inolaz ere ados Saharan bizi duten egoerarekin”.

Hezkuntza sistemari dagokionez, “oso ona” dela aitortu dute Munduaz Blaiko kideek. “Ume guztiak daude eskolatuta eta DBHra arte egiten dituzte ikasketak. Horren ostean, Algeriako barnetegi batera joateko aukera dute, baina urtebetean ezin dute etxera itzuli, bi eguneko bidaia baitute haraino”. Eskolan lortzen dituzten kalifikazioen menpe daude gainera; izan ere, horren arabera eskuratzen dute udan Euskal Herrira etortzeko aukera.

☉ Basauri

Basauriko Bidebietak antolatutako XXI. Gazte Txapelketak Bizkaiko 129 pilotari neurtuko ditu

Txapelketari hasiera eman diote apirilean eta ekainera arte luzatuko da. Guztira 109 partida jokatuko dira

|

Txapelketarei hasiera eman diote apirilean eta ekainera arte luzatuko da // Arxtiboko irudia, Geuria

Bidebieta Esku Pilota Klubak hasiera eman dio XXI. Gazte Txapelketari. Apirilaren 14an hasi zuten txapelketa eta guztira 129 pilotari neurtuko dira.

Bidebieta, Arguia, Adiskide, Iluntxo, Itsasalde, Mandoia, Izarra, Danok Lagunak, Balmaseda, Danak Bat, Usansolo, Upo Mendi, Lagun Artea, Lagun Onak, Getxo, Joko Alai, Lemoa, Durango, Olaburu, Olgetan, Kurene, Zaldua, Markina, Akarregi, Lezama, Arkupe, Lea Ibarra, Txumuluxueta, Gure Kirola, Gallarta eta Orma Bi klubetako pilotariek hartuko dute parte.

Txapelketa San Migeleko frontoian jokatuko da eta ekainera arte luzatuko da. Guztira 109 partida jokatuko dira: lagunartekoak, umetxoak, goxua, umeak, gaztetxoak, neskak, kadeteak, gazteak eta nagusiak kategorietan.

Egutegia/ Bidebieta XXI. Gazte Txapelketa

Apirilak 14, igandea
16:00 – San Migeleko frontoia
– Umetxoak A taldea: Ekain Artabe-Liher Garcia (Bidebieta-Arguia) vs Kerman Uribesalgo-Harri Artola (Adiskide-Iluntxo)
– Goxua B taldea: Hegoi Yanguas-Saioa Gonzalez (Bidebieta-Lemoa) vs Egoitz de Miguel-Izaro Sistiaga (Izarra-Lemoa)
– Umeak B taldea: Izan Fontalba (Danok Lagunak) vs Inar Etxaburu (Bidebieta)
– Umeak D taldea: Aritz Rodriguez (Bidebieta) vs Iñigo Artolatxipi (Balmaseda)
– Umeak E taldea: Eloi Elortza (Balmaseda) vs Aratz Mendieta (Arguia)
– Gaztetxoak E taldea: Luken Argueta-Danel Trias (Upo Mendi-Lemoa) vs Luken Uriarte-Jon Aperribai (Adiskide-Bidebieta)
– Kadetetak A taldea: Markel Sololuze-Khadim Lo (Markina-Akarregi) vs Sendoa Calvo-Enaitz Uribe (Bidebieta)
– Gazteak A taldea: Izei Saratxu-Xabier Atxutegi (Lezama-Bidebieta) vs Alex Andrinua-Etxahun Olazabalaga (Lea Ibarra, Txumuluxueta)
– Gazteak B taldea: Iñigo Bergantiños-Jaime Andrinua (Lagun Artea-Lea Ibarra) vs Ibai Ormaetxea-Haritz Solaguren (Arkupe-Olaburu)

Apirilak 21, igandea
10:30 – San Migeleko frontoia
– Goxua A taldea: Endika Fuente-Arhane Mendibil (Bidebieta-Mandoia) vs Endika Alvaro-Malen Gonzalez (Bidebieta-Lemoa)
– Gaztetxoak D taldea: Jon Urrutikoetxea-Aran Goti (Upo Mendi-Mandoia) vs Ekaitz Ortega-Oier Gil (Bidebieta-Olgetan)
– Neskak A taldea: Laia Aparizio-Irene Azkona (Bidebieta-Usansolo) vs Jaiona Elortza-Olatz Bernal (Lagun Artea-Bidebieta)
– Neskak B taldea: Maialen Gaston-June Agirrebeitia (Lemoa-Zaldua) vs June Urrutikoetxea-Malen Mena (Durango-Lemoa)
– Kadeteak B taldea: Izei Urkidi-Jon Fraile (Akarregi-Lagun Onak) vs Maren Aparizio-Jon Bengoetxea (Bidebieta-Joko Alai)

Apirilak 21, igandea
16:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo vs Egoi Muñoz (Bidebieta)
– Lagunartekoak: Danel Zugazaga vs Julen Ventura (Bidebieta)
– Lagunartekoak: Dario Del Hoyo vs Endika Bilbao vs June Bilbao (Bidebieta)
– Umetxoak B taldea: Unai Villapun-Ibai Liaño (Bidebieta) vs Markel Uriarte-Eki Barahona (Adiskide-Mandoia)
– Umetxoak E taldea: Unax Garcia-Ninbe Mendieta (Bidebieta-Arguia) vs Aritz Leivas-Iraia Martelo (Bidebieta-Iluntxo)
– Umeak A taldea: Enetz Lopategi (Danak Bat) vs Julen Serrano (Bidebieta)
– Gaztetxoak A taldea: Urko Gil-Ametz Bernaola (Bidebieta-Olaburu) vs Alain Martinez-Gilen Gomez (Bidebieta)
– Gaztetxoak B taldea: Aitzol Gomez-Liher Juez (Bidebieta-Lagun Onak) vs Jokin Arrieta-Adei Gorospe (Danak Bat-Olaburu)

Apirilak 28, igandea
12:00 – San Migeleko frontoia
– Lagunartekoak: Gorka Gonzalez vs Manez Izagirre (Bidebieta)
– Lagunartekoak: Oihan Sanchez vs Irati Liaño vs Julene Ugarte (Bidebieta)
– Umetxoak A taldea: Liher Garcia-Harri Artola (Arguia-Iluntxo) vs Kerman Uribesalgo-Ekain Artabe (Adiskide-Bidebieta)
– Umetxoak B taldea: Ibai Liaño-Eki Barahona (Bidebieta-Mandoia) vs Markel Uriarte-Unai Villapun (Adiskide-Bidebieta)
– Gaztetxoak E taldea: Ekiotz Angulo-Hodei Saenz de la Cuesta (Bidebieta-Durango) vs Luken Argueta-Danel Trias (Upo Mendi-Lemoa)

Apirilak 28, igandea
16:30 – San Migeleko frontoia
– Umeak E taldea: Ugaitz Bikarregi (Usansolo) vs Eloi Elortza (Balmaseda)
– Gazteak B taldea: Liher Ortiz de Zarate-Unai Gil (Olaburu-Bidebieta) vs Iñigo Bergantiños-Jaime Andrinua (Lagun Artea-Lea Ibarra)
– Nagusiak, final laurdenak: Arkaitz Egillor-Eneko Bercedo (Gure Kirola-Bidebieta) vs Julen Zenigaonaindia-Aitor Verde (Adiskide-Gallarta)

Maiatzak 5, igandea
11:30 – San Migeleko frontoia
– Goxua B taldea: Egoitz De Miguel-Izaro Sistiaga (Izarra-Lemoa) vs Aimar Caballero-Urtzi Heredia (Bidebieta-Izarra)
– Umeak E taldea: Aratz Mendieta (Arguia) vs Ugaitz Bikarregi (Usansolo)
– Gaztetxoak A taldea: Aimar Yanguas-Euri Muruzabal (Bidebieta-Mandoia) vs Urko Gil-Ametz Bernaola (Bidebieta-Olaburu)
– Gaztetxoak B taldea: Danel Guerrero-Ibai Santamaria (Bidebieta) vs Aitzol Gomez-Liher Juez (Bidebieta-Lagun Onak)
– Gaztetxoak D taldea: Ekaitz Ortega-Oier Gil (Bidebieta-Olgetan) vs Unax Alcalde-Markel Unda (Bidebieta)

Maiatzak 5, igandea
16:30 – San Migeleko frontoia
– Umetxoak E taldea: Ninbe Mendieta-Iraia Martelo (Arguia-Iluntxo) vs Aritz Leivas-Unax Garcia (Bidebieta)
– Goxua A taldea: Endika Alvaro-Malen Gonzalez (Bidebieta-Lemoa) vs Beñat Urrutikoetxea-Amaiur Beroiz (Bidebieta-Lemoa)
– Umeak D taldea: Iñigo Artolatxipi (Balmaseda) vs Guren Ruiz (Danok Lagunak)
– Gazteak A taldea: Aimar Gomez-Aitor Zuazo (Bidebieta-Getxo) vs Izei Saratxu-Xabier Atxutegi (Lezama-Bidebieta)
– Nagusiak, final laurdenak: Beñat Rementeria-Gorka Sobron (Olaburu-Bidebieta) vs Alen Garcia-Erdain Ibarrondo (Gallarta-Bidebieta)

Maiatzak 12, igandea
11:00 – San Migeleko frontoia
– Lagunartekoak: Ane Ureña vs Aiuri Setien (Bidebieta)
– Lagunartekoak: Mateo Del Hoyo-Julen Ventura vs Egoi Muñoz-Danel Zugazaga (Bidebieta)
– Umetxoak A taldea: Liher Garcia-Kerman Uribesalgo (Arguia-Adiskide) vs Harri Artola-Ekain Artabe (Iluntxo-Bidebieta)
– Umetxoak B taldea: Ibai Liaño-Markel Uriarte (Bidebieta-Adiskide) vs Eki Barahona-Unai Villapun (Mandoia-Bidebieta)
– Umetxoak D taldea: Jon Marina-Oier Recio (Bidebieta) vs Peio Gallastegi-Enaitz Fernandez (Adiskide-Itsasalde)
– Kadeteak A taldea: Sendoa Calvo-Enaitz Uribe (Bidebieta-Durnago) vs Haitz Ortiz de Zarate-Unax Agirrebengoa (Olaburu-Bidebieta)
– Kadeteak B taldea: Maren Aparizio-Jon Bengoetxea (Bidebieta-Joko Alai) vs Julen Carrasco-Aiur Goikoetxea (Bidebieta-Arkupe)

Maiatzak 12, igandea
16:30 – San Migeleko frontoia
– Umeak A taldea: Markel Fernandez de Pinedo (Itsasalde) vs Enetz Lopategi (Danak Bat)
– Umeak B taldea: Ekain Fernandez de Pinedo (Itsasalde) vs Izan Fontalba (Danok Lagunak)
– Gaztetxoak A taldea: Alain Martinez-Gilen Gomez (Bidebieta) vs Aimar Yanguas-Euri Muruzabal (Bidebieta-Mandoia)
– Gazteak B taldea: Ibai Ormaetxea-Haritz Solaguren (Arkupe-Olaburu) vs Liher Ortiz de Zarate-Unai Gil (Olaburu-Bidebieta)
– Nagusiak, final laurdenak: Aitor Briongos-Iskander Egillor (Orma Bi-Gure Kirola) vs Ruben Azkona-Beñat Garcia (Usansolo-Upo Mendi)

Maiatzak 19, igandea
11:00 – San Migeleko frontoia
– Umeak D taldea: Guren Ruiz (Danok Lagunak) vs Aritz Rodriguez (Bidebieta)
– Gaztetxoak E taldea: Luken Uriarte-Jon Aperribai (Adiskide-Bidebieta) vs Ekiotz Angulo-Hodei Saenz de la Cuesta (Bidebieta-Durango)
– Neskak A taldea: Jaione Elortza-Olatz Bernal (Lagun Artea-Bidebieta) vs Maialen Bedia-Ainhize Etxebarria (Lagun Artea-Txumuluxueta)
– Neskak B taldea: June Urrutikoetxea-Malen Mena (Durango-Lemoa) vs Eva Martinez-Zoihartze Basauri (Bidebieta-Lagun Artea)
– Nagusiak, final laurdenak: Mikel Karrillo-Xabier Aristondo (Bidebieta-Kurene) vs Iñaki Peña-Aimar Iturbe (Bidebieta-Zaldua)

Maiatza 19, igandea
16:30 – San Migeleko frontoia
– Umetxoak D taldea: Oier Recio-Enaitz Fernandez (Bidebieta-Itsaslde) vs Peio Gallastegi-Jon Marina (Adiskide-Bidebieta)
– Umetxoak E taldea: Ninbe Mendieta-Aritz Leivas (Arguia-Bidebieta) vs Iraia Martelo-Unax Garcia (Iluntxo-Bidebieta)
– Goxua A taldea: Beñat Urrutikoetxea-Amaiur Beroiz (Bidebieta-Lemoa) vs Endika Fuente-Arhane Mendibil (Bidebieta-Mandoia)
– Umeak A taldea: Julen Serrano (Bidebieta) vs Markel Fernandez de Pinedo (Itsasalde)
– Umeak B taldea: Inar Etxaburu (Bidebieta) vs Ekain Fernandez de Pinedo (Itsaslde)
– Gaztetxoak B taldea: Jokin Arrieta-Adei Gorospe (Danak Bat-Olaburu) vs Danel Guerrero-Ibai Santamaria (Bidebieta)
– Gaztetxoak D taldea: Unax Alcalde-Markel Unda (Bidebieta) vs Jon Urrutikoetxea-Aran Goti (Upo Mendi-Mandoia)

Maiatzak 26, igandea
10:30 – San Migeleko frontoia
– Lagunartekoak: Dario Del Hoyo-Julene Ugarte (Bidebieta) vs Endika Bilbao-Irati Liaño (Bidebieta) vs June Bilbao-Oihan Sanchez (Bidebieta)
– Lagunartekoak: Manex Agirre vs Gorka Gonzalez (Bidebieta)
– Umetxoak D taldea: Oier Recio-Peio Gallastegi (Bidebieta-Adiskide) vs Enaitz Fernandez-Jon Marina (Itsasalde-Bidebieta)
– Umetxoak finalerdia: A taldeko bikotea vs B taldeko bikotea
– Gaztetxoak final laurdenak: 1A vs 2B
– Gaztetxoak final laurdenak: 1B vs 2D
– Gaztetxoak final laurdenak: 1D vs 2E
– Gaztetxoak final laurdenak: 1E vs 2A
– Gazteak A taldea: Alex Andrinua-Etxahun Olazabalaga (Lea Ibarra-Txumuluxueta) vs Aimar Gomez-Aitor Zuazo (Bidebieta-Getxo)

Maiatzak 26, igandea
16:30 – San Migeleko frontoia
– Goxua B taldea: Aimar Caballero-Urtzi Heredia (Bidebieta-Izarra) vs Hegoi Yanguas-Saioa Gonzalez (Bidebieta-Lemoa)
– Umeak final laurdenak: 1A vs 2B
– Umeak final laurdenak: 1B vs 2D
– Umeak final laurdenak: 1D vs 2E
– Umeak final laurdenak: 1E vs 2A
– Kadeteak A taldea: Haitz Ortiz de Zarate-Unax Agirrebengoa (Olaburu-Bidebieta) vs Markel Sololuze-Khadim Lo (Markina-Akarregi)
– Kadeteak B taldea: Julen Carrasco-Aiur Goikoetxea (Bidebieta-Arkupe) vs Izei Urkidi-Jon Fraile (Akarregi-Lagun Onak)

Ekainak 2, igandea
11:30 – San Migeleko frontoia
– Umetxoak finalerdia: D taldeko bikotea vs E taldeko bikotea
– Gaztetxoak finalerdia: 1A-2B vs 1D-2E
– Gaztetxoak finalerdia: 1B-2D vs 1E-2A
– Neskak A taldea: Maialen Bedia-Ainhize Etxebarria (Lagun Artea-Txumuluxueta) vs Laia Aparizio-Irene Azkona (Bidebieta-Usansolo)
– Neskak B taldea: Eva Martinez-Zoihartze Basauri vs Maialen Gaston-June Agirrebeitia (Bidebieta-Lagun Artea)

Ekainak 2, igandea
17:00 – San Migeleko frontoia
– Umeak finalerdia: 1A-2B vs 1D-2E
– Umeak finalerdia: 1B-2D vs 1E-2A
– Nagusiak finalerdia: Briongos-Egillor I (Orma Bi-Gure Kirola) edo Azkona-Garcia (Usansolo-Upo Mendi) vs Rementeria-Sobron (Olaburu-Bidebieta) edo Garcia-Ibarrondo (Gallarta-Bidebieta)
– Nagusiak finalerdia: Egillor II-Bercedo (Gure Kirola-Bidebieta) edo Zenigaonaindia-Verde (Adiskide-Gallarta) vs Karrillo-Aristondo (Bidebieta-Kurene) edo Peña-Iturbe (Bidebieta-Zaldua)

Ekainak 9, igandea
11:00 – San Migeleko frontoia
– Neskak finalerdia: 1A vs 2B
– Neskak finalerdia: 1B vs 2A
– Kadeteak finalerdia: 1A vs 2B
– Kadeteak finalerdia: 1B vs 2A

Ekainak 9, igandea
16:30 – San Migeleko frontoia
– Lagunartekoak: Aiuri Setien vs Ane Ureña (Bidebieta)
– Lagunartekoak: Mateo Del Hoyo-Danel Zugazaga vs Egoi Muñoz-Julen Ventura (Bidebieta)
– Lagunartekoak: Dario Del Hoyo-Irati Liaño vs Endika Bilbao-June Bilbao vs Julene Ugarte-Oihan Sanchez (Bidebieta)
– Goxua finalerdia: 1A vs 2B
– Goxua finalerdia: 1B vs 2A
– Gazteak finalerdia: 1A vs 2B
– Gazteak finalerdia: 1B vs 2A

Ekainak 16, igandea
10:00 – San Migeleko frontoia
– Umetxoak finala
– Goxua finala
– Umeak finala
– Gaztetxoak finala
– Neskak finala
– Kadeteak finala
– Gazteak finala
– Nagusiak finala

Osorik irakurri

☉ Basauri

Asteburu solidarioa antolatuko dute Basaurin, Alex Garcia Galas herrikidearen alde

Apirilaren 27an eta 28an antolatu du asteburu solidarioa Basozelaiko El Maño Auzo Elkarteak. Besteak beste, haurrentzako parkea, paella solidarioa, bingo solidarioa eta zozketak antolatu dituzte

|

Basozelaiko El Maño Auzo Elkarteak jarri ditu martxan ekimen solidarioak Basauriko Udalaren laguntzarekin // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Aurreikuspenen arabera asteburu honetan aberriratuko du Defentsa Ministerioak hegazkin medikalizatu batean.

Aberriratzea emango den arren, ekimen solidarioek ez dute etenik. Basaurin, esaterako, El Maño Basozelaiko Auzo Elkarteak kanpaina bat jarri du martxan dirua biltzeko.

Alde batetik, itsulapikoak jarri ditu herriko saltoki eta tabernetan: “Momentuz 84 itsulapiko jarri ditugu herriko saltoki eta tabernatan, baina eskari gehiago jaso ditugu eta beste itsulapiko sorta bat jasotzeko zain gaude”, dio Gorka Del Rio Basozelaiko Auzo Elkarteko kideak.

Eta, beste alde batetik, apirilaren 27an eta 28an asteburu solidarioa antolatu dute Basaurin. Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

“Ekimen solidario hauetatik bilduko dugun dirua Alexen familiari emango diogu. Familiak egin behar izan dituen —eta gaur egun egin behar dituen— gastuak ordaintzeko izango da”, dio Gorkak. Datuak datu, egunero Thailandian 3.000 eta 4.000 euro artean gastatzen ditu Alexen familiak, mediku probak egin ahal izateko.

Egitaraua / Asteburu solidarioa Alexen alde

Apirilak 27, larunbata
Haur Parkea: zezen mekanikoa, puzgarriak, goma elastikoa, jostailuak…
16:00-19:00 Solobarriako karpa

Apirilak 28, igandea
Barra solidarioa, musika eta zozketak (herriko saltokiek dohaintzan emandako produktuak) egunean zehar
12:00-19:00 San Jose Ikastetxeko jolastokia

Urdaiazpiko moztailea
12:00 San Jose Ikastetxeko jolastokia

Paella solidarioa
14:30 San Jose Ikastetxeko jolastokia

Bingo solidarioa: Iker Muniain Athelticeko jokalariak dohaintzan emandako Kopako finaleko kamiseta bat
18:00 San Jose Ikastetxeko jolastokia

Osorik irakurri

☉ Basauri

Basaurik itsulapikoak jarri ditu Thailandian gaixo dagoen herrikidearen senideak laguntzeko

El Maño Basozelaiko Auzo Elkarteak kanpaina bat jarri du martxan dirua biltzeko. Herrian zehar momentuz 84 itsulapiko jartzeaz gain, apirilaren 27an eta 28an ekitaldi solidarioak antolatuko dituzte

|

Basauritik zehar 84 itsulapiko jarri ditu Basozelaiko Auzo Elkarteak, Alexen familiak Thailandian egindako gastuak ordaintzeko // Geuria

Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.

Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.

Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.

Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.

Gauzak horrela, crowfunding kanpaina bat abiarazi dute Alexen lagunek eta senideek. Momentuz 114.445 euro bildu dituzte.

Diru bilketa Basaurin

Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta apirilean zehar ekitaldi solidarioak antolatuko ditugu”, diote.

“Basozelaiko saltokietan itsaulapikoak jartzen hasi ginen, baina sare sozialen bitartez ekimenak izan duen oihartzuna ikusita, Basauri osora hedatu dira itsulapikoak”, dio Gorka Del Rio Basozelaiko Auzo Elkarteko kideak.

Guztira, 84 itsulapiko daude herriko saltokietan zehar. “Gainera, beste itsulapiko asko ere jarri ditugu Basauritik kanpo, adibidez, Eibartik idatzi ziguten bertan ere itsulapikoak jartzeko”, dio.

Bilduko duten dirua Alexen familiari emango dio Basozelaiko Auzo Elkarteak: “Bildutako dirua familiak egin behar izan dituen —eta gaur egun egin behar dituen— gastuak ordaintzeko izango da”.

“Egunero Thailandian 3.000 eta 4.000 euro artean gastatzen ari da familia, Alexi probak egin ahal izateko”, zehaztu dute El Maño Auzo Elkartetik.

Asteburu solidarioa

Beste alde batetik, itsulapikoez gain, El maño Basozelaiko Auzo Elkarteak asteburu solidarioa antolatu du apirilaren 27an eta 28an Basaurin.

Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.

Aberriratzea, asteburuan

Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.

Eitb-k jakinarazi duenez, asteburu honetan egingo dute basauriarraren aberriratzea. Marisol Garmendia Espainiako Gobernuak Euskadin duen ordezkariak baieztatu duenez, hegazkina asteburu honetan abiatuko da eta gaur arratsaldean jakinaraziko dituzte Alexen premiazko aberriratze dispositiboari buruzko xehetasunak.

Osorik irakurri

☉ Basauri

Maialen Ibarra sanmigeldarrak abesti berria eskaini dio Patxi bere aititeri

|

Bideoklipa Social Antzokian grabatu du Maialean Ibarrak // Maialen Ibarra

Maialen Ibarra sanmigeldarrak ‘Aititeri’ abestiaren bideoklipa kaleratu du gaur. Abestia Patxi Ibarra bere aititeren omenez egindakoa da.

‘Sano abesten jarraituko dugu, nonbait gurekin abesten duzulakoan. Lasai asko utzi gaituzu. Zelako zortea zurekin izan dugun’, errepika du abestiak.

Joseba Ibarra Maialenen osabak eta Patxiren semeak txistuarekin laguntzen du abestian. Gainera, bideokliparen amaieran keinu berezia egin dio Maialenek bere aititeri: Patxiren ahotsarekin Erramun Martikorenaren ‘Xorieri mintzo zen’ abestia entzuten da.

Bideoklipa osorik dago grabatuta Basauriko Social Antzokian.

Patxik utzitako arrastoa

Patxi Ibarra Indartsu Clubeko sortzaile eta presidente izan zen, ez soilik futbol taldearena, baizik eta Indartsuk kulturan izan dituen adar ezberdinen sortzaile.

Txistu-irakasle izan zen, Danbolin Txistulari Elkartea 1985ean sortu aurretik, eta behin sortuta, taldearen bultzatzaile izan zen.

Basauri Koral Elkartean ere parte hartu zuen. Tenorea zen Ibarra, Aldana zenaren laguntzaile. 25 urtetik gora eman zituen Basauri Koral Elkartean.

Euskal kulturarekin konpromiso handia erakutsi zuen Patxi Ibarrak. Frankismo garaian, euskara klaseak eman zituen San Migeleko parrokian. Zuztarretatik Ahora, San Migel Kantari eta Basaurin Be Bagara ekimenetan ere parte hartu zuen Ibarrak.

2021eko uztailaren 2an zendu zen Patxi Ibarra.

Osorik irakurri

☉ Basauri

Leherketa bat gertatu da gaur goizean Basauriko Sidenor enpresan

|

Gaur goizean Basaurtitik ikusi den kea // Geuria

Leherketa gertatu da gaur goizean Basauriko Sidenor enpresan. LAB sindikatutik adierazi dutenez, leherketa labean izan da, baina ez du zauriturik eragin.

Suhiltzaileak bertaratu dira eta enpresa bera ari da egoera kudeatzen.

Osorik irakurri