☉ Basauri
[Sakonean] Isileko lana, ondo entzun dadin
Joseba Ibarra basauriarra urriaren 28an San Migelen ospatuko den Bizkaiko Kantarien Topaketarako kantuak moldatzen ari da.
Joseba Ibarra basauriarra urriaren 28an San Migelen ospatuko den Bizkaiko Kantarien Topaketarako kantuak moldatzen ari da.
Elkartu da lagun koadrila larunbat gauez afaritarako eta hasi dira kantuan muturra berotu orduko: Isil-isilik daaaaagoooo, kaia barreeeeeeeniaaaaaaaan… Eta aurrerago, birikak arnasez beterik: Anteroooooooooooooooon txamarrotiaaaaaaaa …ren bigotiaaaaaa… Momentu bat: noren bibotea esan dute? Francorena? Apaizarena? Sinkerrena? Ez dugu argi entzun… Hareeeetxek ei dauko, ei dauko preso… Eta nor zeukan preso? Euskal Herria? Txipiroia? Hori ere ez zaigu garbi geratu. Gainera, iruditu zaigu batzuk anteroren txamarrotiaz ahaztu eta zuzenean Hau dok, hau don, hau dok umoria… esaten ere hasi direla. Tira, orain bai, denak batera ari dira behintzat: Kalian goooooora, kalian beheeeeera…
Lagun koadrila baten afalosteko kantu saioan hori gertatzeak garrantzi gutxi du, batere ez duela ez esatearren. Baina urriaren 28an San Migelen ospatzekoa den Bizkaiko Kantarien Topaketan halako nahasteak ekiditea ez legoke txarto, eta horretantxe ari da buru-belarri Joseba Ibarra basauriarra. "Hainbat herritara bidali da urriko topaketara etortzeko gonbita. Kontuan hartu behar da herri bakoitzak kantu horiek abesteko bere modua duela. Batzuetan diferentzia horiek lelokeriak dirudite baina… Demagun, Eperra abesten ari garela: toki batzuetan errepikatu egiten dute abestiaren bigarren zatia, beste batzuetan, ez. Errepikatu behar den edo ez aurretik zehazten ez bada, beraz, lehenengo aldiz abestiaren bigarren zatia kantatu ostean edozer gauza gerta liteke. Eta jende asko dagoenean hori kontrolatzea ez da hain erraza izaten zuzendariarentzat", dio Ibarrak.
Abesti bakoitza nola abestu zehaztea: tonua, letra, errepikapenak… Horixe da Joseba Ibarra asteotan egiten ari dena. Normalean erreferentzia originalak izan ditu kontuan erabaki horiek hartzeko. Esaterako, Benito Lertxundiren Baldorba abestu behar badute, oriotarrak nola abestu duen begiratzen du Josebak. Baina, noski, beti ez da posible kantu originalaren ezaugarri guzti-guztiak mantentzea. "Natxo de Feliperen ahotsa ez du edonork, eta horrelakoetan tonua aldatu behar izaten da", azaldu digu. Eta horrez gain, badira abesti batzuk erreferentzia konkreturik ez dutenak: gure lagun koadrilak abestu duen Isil-isilik bera, adibidez. Herri bakoitzak kantu hori abesteko bere modua du, eta urriaren 28koa bezalako topaketa baten aurretiko komeni da, besteak beste, bibotea Francorena edo apaizarena izan- go den zehaztea. Zentzu horretan, hilean behin San Migelen kantari ateratzen den taldeak abantaila txiki bat baduela dio Josebak: "San Migelgo taldearen oinarrian ia umetatik elkar ezagutzen dugun lagun koadrila bat dago; esan liteke talde trinko bat dagoela eta gero haren inguruan jende gehiago batzen dela. Isil-isilik modu batera abesten genuen koadrilan, eta modu horretara egiten dugu orain taldean". 2013ko abenduaren 30az geroztik ateratzen dira San Migelen hilean bariku batez abestera.
2013ko abenduaren 30az geroztik ateratzen dira San Migelen hilean bariku batez abestera / Amaia Goikoetxea
Josebak aipatu moduan, abestiaren tonua izaten da sarri aldatu beharreko ezaugarrietako bat; abeslariak zerbaitegatik baitira abeslari, eta denok ez baitugu haiek bezala kantatzeko abilidaderik. Beraz, maiz tokatzen da tonua jaistea. Normalean tonu errazak erabiltzen dituzte taldean: do maior edo fa maior. Demagun, oriotarrarekin jarraituz, Benito Lertxundik Nere herriko neskatxa maite fa maior tonuan abesten duela baina taldeko lagunentzat altuegi geratzen den tonua dela hori eta do maiorrera jaistea erabakitzen duela Josebak. Hainbeste jaitsita, ordea, baxuegi ere geratzen zaie batzuei. Bada, jar dezagun pixka bat gorago, re maiorrean. Badirudi abeslarientzat tonu egokia dela hori, baina orain arte aipatu ez ditugun batzuei sortuko diegu arazoa: musikariei. Izan ere, musikaz apur bat dakiena jabetuko da do maiorretik re maiorrera pasatzeak konplikazio bat baino gehiago ekar dakiekeela musikari batzuei, txistulariei adibidez.
Musikariekin jarraituz, kantu batean erabiliko diren akordeak adostea ere ez da hain sinplea. "Benito Lertxundik minorreko modu asko sartzen ditu bere abestietan, baina gero kantu talde askotan oinarrizko hiru akordeak erabili eta modu minorrak eta gainerakoak baztertu egiten dituzte, kontua erraztearren, noski. Baina zer nahi duzu esatea, niri ez zait berdin kantuaren zati batean re minor edo fa maior sartzea. Lertxundiren Jaun baruak kantua prestatzerakoan, nire erreferentzia oriotarra bera izan da. Lertxundik modu minorra erabiltzen du kasu honetan ere pasarte zehatz batean, baina konturatu naiz toki guztietan fa maior sartzen dutela. Hainbat lagunekin kontsultatu ondoren, modu minorra baztertu eta jendeak kalean egiten duen bezala egitea erabaki dut. Beraz, halako kasuetan horretara lerratu naiz. Baina beti ezin izaten da hori egin. Era horretarako eztabaidak oso luzeak izan daitezke, gainera… Denbora eskaini behar zaio gai horri, gero ondo entzun dadin".
Tonuaz eta harmoniaz gain, badaude musikariei begira nkatu beharreko beste hainbat atal ere. Sarrera zelan eman adostu behar da, baita estrofen artean bitarteko doinurik egongo den ala ez ere; edo, esaterako, azkeneko estrofan tonu bat igo behar den edo ez… "Gauza horiek adostu egin behar dira aldez aurretik. Musikariek argi izan behar dituzte, bestela kantariak galdu egiten dira. Eta zuzendariak ere oso argi izan behar ditu. Kantariek musikariei jarraitzen diete. Abestera datorren jendeari ez zaizkio partiturak ematen, abestien letrak baizik. Beraz, musikariek gidatu behar dituzte kantariak". San Migelen soinulariek, txistulariek eta pandero-jotzaileek osatzen dute normalean musikarien talde hori. Dena den, Josebak garbi utzi nahi izan du ekimen hauen helburua ez dela instrumentala: "Helburu nagusia kantatzea da".
Euskara ere, helburu
Hilean behin barikuetan San Migelen biltzen den kantari taldean dirutxo bat ipintzen dute bost tabernetara joateko. Barikuetan pintxo-potea egoten denez, tabernari batzuekin aurretik adostu eta bertara iristean poteak eta pintxoak zain izaten dituzte (horrela beste itxura bat hartzen du kontuak, ezta?). "Ia-ia afalduta goaz etxera, eta jendeak hori asko estimatzen du. Antolakuntza aldetik horrek asko laguntzen du, erraztu egiten du. Zeozer hartu, abestu eta, bien bitartean, euskaraz gehiago egin". Hori ere bai baita kantu taldearen helburuetako bat. Euskaraz badakien jendea badago San Migelen, baina ez badago testuinguru egokirik, jendea ez da hitz egitera animatzen. "Kantu taldeak jendea euskaraz hitz egitera bultzatzen du nolabait, euskara gehiago entzuten da".
Urriaren 28ra begira
Bizkaiko hogeita zortzi kantari talderi bidali diete San Migeltik urriaren 28ko topaketara etortzeko gonbidapena. Iñaki Uterga antolakuntza taldeko kideak azaldu digunez, oraindik ez dute guztien erantzunik eta, beraz, ezin dute zehaztu zenbat jende elkartuko den. Datozen horiek goizeko 11:00etan bilduko dira San Migelen eta lauzpabost taldetan banatuko dira. "Taldeak herrian barrena ibiliko dira eta zortzi puntutan abestuko dute, puntu bakoitzean hiru abesti". Berrogei kantuko zerrenda prestatu dute Bizkaiko Kantarien Topaketa antolatzen ari diren batzordeko kideek. Erronda egin ostean Pinceles enparantzan elkartuko dira talde guztiak, handik bazkaltzera joateko. "Bazkalostean kantuan jarraituko dugu mahaiaren inguruan, aspertu arte", kontatu digu Iñakik. Berrogeigarren kantua abestu ostean, isilik geratuko ote dira, bada?
Zer den tradizio eta zer ez
BASAURI. Askotan aipatzen den kontua da Ipar Euskal Herrian indartsu mantendu duela jendeak kanturako tradizioa eta Hegoaldean, ostera, galdu egin dugula ohitura hori. Joseba Ibarrari horri buruz galdetuta, belaunaldien arabera dagoen zerbait ere badela uste du. "Taldean elkartzen garen gehienok 50 urtetik gora ditugu, momentu oso konkretu bat bizi izan genuen jendea gara: frankismoaren amaiera, Ez Dok Amairuren sorrera, festibaletara joaten ginen, kantuak buruz ikasten genituen… Baina ez ziren abesti oso tradizionalak: Benito Lertxundirenak ziren, edo Laboarenak. Egia da beti dagoela substratu bat, musika herrikoiarena, baina kantu berriak ziren haiek eta, kasu askotan, itzulpenak. Jende gutxik jakingo du seguru asko Amets, amets, Argoitia anai-arrebek abesten zutena, alemanierazko kantu bat dela. Edo Lertxundiren Oi ama Eskual Herri frantsesezko beste baten moldaketa dela. Benito Lertxundik Pierre Bordazarrerena zelakoan grabatu zuen (tira, agian jakingo zuen jatorrizkoa zein zen…). Pierre Bordazarre, Etxahun Iruri ezizenez, (bide batez, oso ezaguna Basaurin, urtero etortzen baitzen dantza agerketara txirula jo edo bertso batzuk botatzera) baserritarra zen eta kortan lanean ziharduen bitartean irratia entzun ohi zuen. Behin abesti hori entzun, gustatu eta bere egin zuen: euskal letra jarri zion, Parisera lan bila doan zuberotar baten istorioa, bere herriko istorioa kontatuz". Oi ama Eskual Herri kantu tradizionala dela esan al liteke, beraz? Josebaren iritziz, bai. Zenbaitek plagioa dela esango du akaso, baina garbi dagoena da kantuak sustraiak hartu dituela. "Kantu originalean, frantsesez den horretan, lehen aipatu ditugun oinarrizko hiru akordeak erabiltzen dira, baina Lertxundik hainbat aldaera, tonu minor etab. sartu ditu, eta gozatu egin du asko. Bertsio hori da jendeak ezagutu eta kantatu duena. Ez dira gure aititek eta amamak kantatzen zituzten abestiak; haiek beste batzuk abesten zituzten, edo gutxiago abesten zuten akaso. Bagare lehenengoz grabatu zutenean nik hamabost urte inguru nituen. Tradizionala al da? Gaur egun agian bai. Nire seme-alabentzat, bai".
Amets, amets eta Oi ama Eskual Herri-ren kasuen moduko beste hamaika daudela dio Ibarrak. "Ezusteko bat baino gehiago hartuko luke jendeak. Ez dira berez euskal kanta tradizionalak; orain bai, baina gurean ezagun egiten hasi ziren momentu hartan, ez. Jendea euskal kanta tradizionalak zirelakoan zegoen, eta ez dira. Baina, kanta tradizionala zer den eta zer ez, edo zer den dantza autoktono bat… Batzuetan hori ez dago oso argi".
Eta kanturako tradizioa galduz joan ote den? Akaso bai. Josebak garbi duena da asko aldatu dela. Bere iritziz, egun aitzakia bat da euskaraz kantatzeko, euskal kantaera apur bat modernizatzeko ere bai. "Hau da tokatu zaiguna, eta aurrera. Gure helburua kantatzea da, ondo pasatzea, eta hurrengo hilean bueltatzeko gogoa izatea".
☉ Basauri
San Migeleko eta Kareagako pediatria zerbitzuen egoera salatzeko elkarretaratzea deitu dute gaur
Elkarretaratzea San Migeleko Taberna Nagusiaren aurrean egingo dute. Gaur osoko bilkura bertn ospatuko da 18:00etan
San Migeleko anbulatorioan lan egiten duen pediatrak erretiroa hartuko du datorren astelehenean, eta horrek pediatria zerbitzuan eragina izango duelakoan ezinegona sortu du bizilagunen artean. Ez bakarrik San Migelgo herritarren artean, Kareagan eta Basozelain ere. Horregatik gaur elkarretaratzea deitu dute zenbait herritarrek San Migeleko Taberna Nagusiaeren aurrean 18:00etan (ordu horretan da osoko bilkura Taberna Nagusian bertan).
Herritarrek GEURIAri adierazi diotenez, elkarretaratzea deitu dute: "Egoera honek gure seme-alaben arreta medikoan izango du eragina. Kareagako eta Basozelaiko auzo elkarteak, San Migel, Gaztelu-Basozelai eta Kareaga Goikoa ikastetxeetako guraso elkarteak eta herritarrak batuko gara gaurko elkarretaratzera. Indarrak batzen ari gara egoera ez dadin okerrera joan ez San Migelen ez Kareagan", diote.
Basauriko Udalak San Migeleko auzotarren kezkak entzun zituen Auzo Elkartearen eskutik eta uztailean Osakidetzari eskatu zioten astelenenetik ostiralera pediatria zerbitzua izan dezatela San Migelen, 11:00etatik 15:00etara bitartean.
Barrualde-Galdakao ESIko ordezkariek Basauriko Udalaren eskaera kontuan hartu zuten, eta udal ordezkariek argitu dutenez, "San Migeleko anbulatorioak pediatria zerbitzu iraunkorra izango du 11:00etatik 15:00etara, egun dagoen pediatra jubilatu eta gero".
Basauriko Udalak zehaztu duenez, pediatra bat izango da San Migeleko anbulatorioan lanaldiaren bi herenetan. Guztira 508 haur artatzen ditu San Migeleko pediatrak.
Kareagan bi pediatra
Bestetik, Basauriko Udalak ziurtatu du Kareagako osasun zentroak bi pediatra izaten jarraituko duela: "San Migeleko egungo pediatrak erretiroa hartzen duenean, Kareagako anbulatorioan bi pediatra egongo dira, bata lanaldi osoan, orain arte bezala, eta bestea 08:00etatik 10:30era", diote udal arduradunek.
Kareagako anbulatorioan 1.073 haur artatzen dituzte bi pediatrek: "Lanaldi osoan dagoenak 817 haur artatuko ditu eta lanaldiaren herena duen pediatrak 256 umeri emango dio zerbitzu", diote.
"Osakidetzak ezarritako pediatra bakoitzeko haurren ratioa 800 eta 1.000 artekoa da Euskal Autonomia Erkidegoan. Bai Kareagan bai San Migelen pediatra-haur ratioak Osakidetzako batez bestekoaren azpitik daude, eta horrela jarraituko dute", diote udal ordezkariek, eta gaineratu dute bi osasun-zentroetan etengabeko erizaintza-zerbitzua egongo dela.
"San Migeleko eta Kareagako haurren arreta pediatrikoa egunero izango da, astelehenetik ostiralera, eta kalitate parametro berberetan bermatuta jarraituko du, pediatra bakoitzak artatuko duen haur kopurua EAEko batez bestekoa baino txikiagoa izango baita", diote.
Jaiegunetan eta oporraldi garaietan San Migeleko haurren arreta Arizko anbulatorioan izango da. Orain arte Kareagako osasun zentrora jo behar zuten. Kareagako haurren kasuan, jaiegunetan eta oporraldietan euren osasun zentroan artatuko dituzte.
☉ Basauri
San Migeleko eta Kareagako pediatriak "kalitate parametro berberetan bermatuta jarraituko" dutela dio Basauriko Udalak
San Migeleko pediatrak astelehenetik ostiralera lan egingo du, 11:00etatik 15:00etara. Kareagan bi pediatra egongo dira: bat lanaldi osoan eta beste 08:00etatik 10:30era
San Migeleko anbulatorioan lan egiten duen pediatrak erretiroa hartuko du datorren astelehenean, eta horrek ezinegona sortu du bizilagunen artean jasoko duten zerbitzua dela eta. Basauriko Udalak San Migeleko auzotarren kezkak entzun zituen Auzo Elkartearen eskutik eta uztailean Osakidetzari eskatu zioten astelenenetik ostiralera pediatria zerbitzua izan dezatela San Migelen, 11:00etatik 15:00etara bitartean.
Barrualde-Galdakao ESIko ordezkariek Basauriko Udalaren eskaera kontuan hartu zuten, eta udal ordezkariek argitu dutenez, "San Migeleko anbulatorioak pediatria zerbitzu iraunkorra izango du 11:00etatik 15:00etara, egun dagoen pediatra jubilatu eta gero".
Basauriko Udalak zehaztu duenez, pediatra bat izango da San Migeleko anbulatorioan lanaldiaren bi herenetan. Guztira 508 haur artatzen ditu San Migeleko pediatrak.
Kareagan bi pediatra
Bestetik, Basauriko Udalak ziurtatu du Kareagako osasun zentroak bi pediatra izaten jarraituko duela: "San Migeleko egungo pediatrak erretiroa hartzen duenean, Kareagako anbulatorioan bi pediatra egongo dira, bata lanaldi osoan, orain arte bezala, eta bestea 08:00etatik 10:30era", diote udal arduradunek.
Kareagako anbulatorioan 1.073 haur artatzen dituzte bi pediatrek: "Lanaldi osoan dagoenak 817 haur artatuko ditu eta lanaldiaren herena duen pediatrak 256 umeri emango dio zerbitzu", diote.
"Osakidetzak ezarritako pediatra bakoitzeko haurren ratioa 800 eta 1.000 artekoa da Euskal Autonomia Erkidegoan. Bai Kareagan bai San Migelen pediatra-haur ratioak Osakidetzako batez bestekoaren azpitik daude, eta horrela jarraituko dute", diote udal ordezkariek, eta gaineratu dute bi osasun-zentroetan etengabeko erizaintza-zerbitzua egongo dela.
"San Migeleko eta Kareagako haurren arreta pediatrikoa egunero izango da, astelehenetik ostiralera, eta kalitate parametro berberetan bermatuta jarraituko du, pediatra bakoitzak artatuko duen haur kopurua EAEko batez bestekoa baino txikiagoa izango baita", diote.
Jaiegunetan eta oporraldi garaietan San Migeleko haurren arreta Arizko anbulatorioan izango da. Orain arte Kareagako osasun zentrora jo behar zuten. Kareagako haurren kasuan, jaiegunetan eta oporraldietan euren osasun zentroan artatuko dituzte.
Herritarren protesta
Gaur osoko bilkura egingo du Basauriko udalbatzak San Migeleko Taberna Nagusian (18:00). Herritarrek GEURIAri adierazi diotenez, elkarretaratzea deitu dute ordu berean, leku berean.
"Egoera honek gure seme-alaben arreta medikoan izango du eragina. Kareagako eta Basozelaiko auzo elkarteak, San Migel, Gaztelu-Basozelai eta Kareaga Goikoa ikastetxeetako guraso elkarteak eta herritarrak batuko gara gaurko elkarretaratzera. Indarrak batzen ari gara egoera ez dadin okerrera joan ez San Migelen ez Kareagan", diote.
☉ Basauri
'2024 Kirolaren Europako Hiria' hautagaitza aurkeztu du Basaurik ACES Europe erakundearen epaimahaiaren aurrean
"Basauriren hautagaitzak positiboki harritu gaitu. Kirola gizartea eraldatzeko tresna dela ikusi dugu", adierazi du Hugo Alonso ACES Europe erakundearen epaimahaikideak
Basauri '2024ko Kirolaren Europako Hiria' izateko hautagaia dela adierazi zuen pasa den astean Basauriko Udalak. Bada, atzo, irailak 27, hautagaitza bera aurkeztu zion Udalak ACES Europe erakundearen epaimahaiari. Asier Iragorri alkateak eta Jon Zugazagoitia Kirol arloko zinegotziak Basauri '2024ko Kirolaren Europako Hiria' izendatzeko arrazoiak azaltzeko dosierra eman zieten.
"Basaurin 48 kirol klub ditugu, guztiak gizartean oso errotuta daudenak. Harro gaude gure kirol asoziazionismoaz. Basaurik oso lotura estua du kirolarekin eta argi ikusten da herritar askoren gizarte-bizitzaren parte dela", adierazi zuen atzo aurkezpenean Asier Iragorri alkateak, eta gaineratu du Udaletik kirola sustatu egiten dutela, "eta are gehiago euskal kirola; gure kulturaren parte dena". "Haztegi ezin hobea sortu dute kirol klubek -batzuk 100 urtetik gorakoak-, basauriarrek kirola egin dezaten eta helburu handienetaraino aurrera egin dezaten", adierazi du Iragorrik.
Epaimahaiko ordezkariak Basaurin daude eta gertutik ezagutuko dituzte herriko kirol mugimendua eta instalazioak. Besteak beste, Artunduagako kiroldegia, Soloarteko eta San Migeleko futbol zelaiak, Lapatzako atletismo zirkuitua eta San Migeleko frontoia ezagutu zituzten irailaren 27ko bisitan, eta taekwondo erakustaldia, zesta-punta erakustaldiak ikusteko aukera izan dute epaimahaikideek.
Hautagaitzaren aurkezpena San Migeleko Taberna Nagusian egin zuten atzo, eta bertan izan ziren ACES Europe erakundearen epaimahaikide hauek: Antonio Garde, Hugo Alonso, Maria Luisa Garcia eta Gabriel Perez. "Basaurik jarduera fisikoaren alde egiten duen apustua ikusi ahal izan dugu. Kirolaren sustapena liluragarria da Basaurin. Gainera, kirol inklusiboaren aldeko apustua gustatu zaigu, gizarteratzeko tresna gisa", dio Hugo Alonso ACES Europe erakundearen epaimahaikideak.
"Eskola-kirolean eta jarduera fisikoaren bidez ematen diren balioek ere liluratu egin gaituzte. Basauriren hautagaitzak positiboki harritu gaitu. Kirola gizartea eraldatzeko tresna dela ikusi dugu", dio Alonsok.
Klub bat, 800 biztanleko
Maria Luisa Garcia ACES Europe erakundearen epaimahaikideak ere hitza hartu zuen Taberna Nagusiko agerraldian: "Basauriko elkarte-sareak atentzioa eman digu. Kirolari dagokionez, 800 biztanleko klub bat dago, eta hori oso garrantzitsua iruditu zaigu. Gainera, Basauriko genero-arrakala Espainiako batez bestekoa baino txikiagoa da, eta hori ere oso positibo hartu dugu", dio Garciak.
"Hiri-mugikortasunaren alde Udalak egiten duen sustapena ere eskertzekoa da. Hala nola, bidegorriak, Metrominutu ekimena, hiri-zirkuituak… sekulakoak iruditu zaizkigu", gaineratu du Garciak.
Asier Iragorri alkateak azaldu du Basaurik presentzia nabarmena duela kirol-federatuan eta lehen mailako lehiaketetan zenbait diziplinatan: "Basauri herri bizia da, eta oso zabala da kirol-ekitaldien egutegia, maila guztietako ekitaldiak antolatzen baitira, eta parte hartze sozial handia izaten baita haien antolaketan. Aipatzekoa da Basauri Meeting Paralinpikoa, duen maila handiagatik eta hedabideetan oihartzun handia izateagatik, ezaugarri horiek dituen Estatuko proba zaharrena baita eta kirol maila handienekoa", dio alkateak.
15.800 kirol-lizentzia
Basaurik Kirolaren Udal Institutu bat du, Udalaren mendeko administrazio erakunde autonomoa. 1988. urteaz geroztik herrian kirol-arloko politika publikoak garatzen ditu. Gaur egun 10.000 herritar daude abonatuta Basauri Kirolakera, udal ordezkarien arabera.
Bestetik, 15.800 kirol-lizentzia ditu, 1.250 haur daude izena emanda eskola-kirolean, 2 kiroldegi, 35 kirol-instalazio, 11 kirolgune aire zabalean, 7 parke bioosasungarri eta lau bidegorri ditu Basaurik.
"Udalerrian urtean batez beste 6 milioi euro inbertitzen dira kirolean", azpimarratu du Asier Iragorrik. "Arrazoi asko daude gure udalerria '2024ko Kirolaren Europako Hiria' izendatzeko. Eta ondo merezitako errekonozimendua izango litzateke klubentzat, Basauriko oinarrizko kirolarentzat eta Basauri Kirolakeko instalazioak erabiltzen eta bizirik mantentzen dituzten kirolari eta erabiltzaile guztientzat", dio Jon Zugazagoitia Kirol arloko zinegotziak.
'2024ko Kirolaren Europako Hiria' izendapena ACES Europek ematen du, Bruselan egoitza duen irabazi-asmorik gabeko elkarteak, Europako Batzordeak aitortua.
☉ Basauri
San Migeleko eta Basauriko jaietako barraketan ez da musikarik egongo egun eta ordu mugatuetan
Irailaren 29an San Migelen eta urriaren 11n eta 16an Basaurin, bakarrak "musikarik eta bestelako soinu zaratatsurik gabe" funtzionatuko dute, hiru orduz
San Migeleko jaiak ekuatorera heldu dira, eta datorren astean hasiko dira Basauriko jaiak. Egun horietan ohikoa da zarata, batez ere barraketan. Bada, Udalak jakinarazi du zenbait egunetan eta hiru orduz barrakak "musikarik eta bestelako soinu zaratatsurik gabe" funtzionatuko dutela, "autistek horietaz gozatzeko aukera izan dezaten".
Hain zuzen ere, irailaren 29an, San Migel egunean, eta urriaren 11n eta 16an, Basauriko jaietan, ez da musikarik eta zaratarik egongo barraketan, 17:00etatik 20:00etara.
"Pixkanaka, jai inklusiboagoak egiten ari gara, pertsona guztiek, eta bereziki txikienek, ondo pasatzeko aukera izan dezaten, kasu honetan barraketaz", dio Berta Montes Udaleko Jaietako zinegotziak.
Vost Euskadi Larrialdietako Boluntario Digitalen Elkarteak adierazi duenez, atzotik Basaurin desagertuta zegoen 78 urteko emakumea agertu da.
Sareetan zabaldutako argazkiak ezabatzea eskatu dute Larrialdi zerbitzukoek.
San Migeleko eta Kareagako pediatria zerbitzuen egoera salatzeko elkarretaratzea deitu dute gaur
San Migeleko eta Kareagako pediatriak "kalitate parametro berberetan bermatuta jarraituko" dutela dio Basauriko Udalak
Musikak Ugaoko kaleak hartuko ditu 'Sareak 20 urte' astean, urrian
Argazkiak | Barreak eta algarak, San Migeleko jaietako Playback lehiaketan
Argazkiak | Galdakaoko jaien osteko kuadrillen bazkariak 200 lagun bildu ditu
