☉ Basauri
Sexu abusuengatik salatutako entrenatzailea Baskonia Futbol Eskolako idazkari nagusia izan da 2007tik
Baskonia Futbol Eskolak zuzendaritza batzordea aldatzeko pausuak eman ditu dagoeneko eta osaketa berri horretatik kanpo geratuko litzateke ustezko erasotzailea.
Sexu abusuengatik salatutako entrenatzaile ohia Baskonia Futbol Eskolako (BFE) idazkari nagusia izan da 2007tik, hau da, futbol eskolaren sorreratik. Entrenatzaile lanak egiteaz gain, eskolaren zuzendaritza batzordearen parte izan da betidanik. Dagoeneko, Baskonia Futbol Eskolak zuzendaritza batzordea aldatzeko pausuak eman ditu eta osaketa berri horretatik kanpo geratuko litzateke ustezko erasotzailea.
Pepe Godoy basauriarra izan da Basauriko entrenatzaile honen aurkako salaketa egiten lehena, eta sare sozialen bitartez Garaitza Elkarteak zabaldu zuen. Azaroaren 12an, joan den asteartean, izan zen hori eta lau egun geroago, Ertzaintzak ustezko erasotzailearen aurkako beste salaketa bat jaso zuen, Pepek salatutako egoera bera deskribatuz, garai berean. Salatutako delitu biek preskribatu dute gaurko egunez.
40 URTEZ UMEAK ENTRENATZEN
Bideoa ezagutu eta bi egunetara, hilaren 14an, Baskonia Futbol Eskolak ustezko erasotzailea entrenadore postutik kendu zuen. 40 urte baino gehiago zeramatzan gizonak umeak entrenatzen: Basauriko talde askotan entrenatu du, bai kirol federatuan, bai eskola kirolean, eta BFEn 2007. urtetik aritu da.
Baskonia Futbol Eskolak azaroaren 16an egindako adierazpenak lau puntu jaso zituen: lehena, BFEk dakienaren arabera, 2007an eskola hasi zenetik ez dutela inolako sexu abusurik salatu; bigarrena, BFEk erabateko gaitzezpena adierazten duela norberaren askatasunaren aurkako edonolako erasoen aurrean; hirugarrena, BFE eskola kirolean gertatutako sexu abusuak salatzeko Udalak deitu duen elkarretaratzean parte hartuko zuela; laugarrena, adin txikikoenganako sexu abusuen eta tratu txarren prebentziorako nazioarteko egunean, azaroaren 19an, BFEk bertan behera utziko zituela bere futbol taldeen entrenamendu guztiak.
SALAKETA OZENA
2.000 herritar elkartu ziren igandean Basauriko Arizgoiti plazan adin txikikoen kontrako sexu abusuak salatzeko. Pepe Godoyk salaketaren ibilbide guztian bidelagun izan duen bere bikoteak, Yoli Calognek, egin zuen berba elkarretaratzean batu zirenen aurrean. “Sexu abusuen aurrean tolerantziarik ez” izatea exijitu zuen. Halaber, Peperenak bezalako kasu gehiago egon daitezkeela ohartarazi zuen eta hala balitz, salaketa jartzera animatu zituen biktimak. Basauriko Udalak deituriko elkarretaratzean, talde politikoen ordezkariak, herriko hainbat elkarteetako kideak eta milaka herritarrek bete zuten Arizgoiti plaza. Bertan, Baskonia Futbol Eskolako arduradunak ere izan ziren.
Eusko Jaurlaritzak, bere aldetik, kirolean sexu abusua jasaten duten umeentzako arreta zerbitzua ezarri du. Profesionalen talde batek biktimen zalantzak eta abusu salaletak aztertuko ditu. Gazteei, federakundeei eta kirol talde eta erankudeei zuzendatuko zerbitzua izango da. 688 671 000 telefonora deituta eta whatsapp bidez erabili daiteke zerbitzua. “Umiliazio egoerak, pertsona helduak biluzik dauden kirolarien aldageletara baimenik gabe sartzea eta kirolariei, sexu mesedeen truke, abantailak edo tratu hobea eskaintzea”, dira, besteak beste, zerbitzu honek detektatu nahi dituen jazarpen egoeretako batzuk.
Mikel Rodriguez Basauriko Selekzioko gizonezkoen futbol entrenatzaileak hautatu ditu dagoeneko aurtengo jokalariak. Guztira 22 jokalari hautatu ditu Rodriguezek.
Asier Iragorri alkateak eta Jon Zugazagoitia Kirol arloko zinegotziak etapa honetaz “ahalik eta gehien gozatzea eta Basauri harrotasunez ordezkatzea” animatu dituzte jokalariak.
Jokalari hauek osatzen dute 2026ko Basauriko Selekzioa: Alvaro Alonso, Markel Gomez, Jaider Felipe Cano, Mohamed Yaraahallah Salek, Eder Ribote, Enaitz Alejo, Ibai Cobelo, Alex Molina, Endika Charterina, Aratz Carromero, Markel Carazo, Asier De La Fuente, Markel Gomez, Kepa Perez, Erik Del Rio, Ander Azkueta, Mikel Llano, Julen Etxebarria, Julen Vargas, Iker Navaridas, Alex Moreno eta Oier Barrero.
☉ Basauri
Korrika jaia antolatu dute martxoaren 14an San Migelen, Basaurin
Pankarta pintaketa, San Migel Kantari, bazkaria, pilota partidak, Bertso Pilota eta gurdi-poteoa antolatu dituzte
Martxoaren 14an, larunbatez, Korrika jaia antolatuko dute San Migelen, Basaurin. Otsailean GEURIAn aurreratu bezala, Korrikaren aldeko bazkaria izango da Sofia Taramona ikastetxeko jolastokian, baina ez da ekitaldi bakarra izango.
Egunari hasiera emango diote 12:00etan umeen pankarta pintaketarekin eta korrikaldi txikiarekin. Ondoren, San Migel Kantari taldearekin tabernaz taberna kalejira antolatu dute.
Eguerdian, kuestazio mahaia jarriko dute eta herritarrek Korrika materiala erosteko aukera izango dute.
Bazkaria eta gero, umeen pilota partidak izango dira frontoian, eta horien ostean, Bertso Pilota izango da Lizaso, Erasun, Goñi eta Urruzola pilotariekin eta Arkaitz Estiballes eta Nerea Elustondo bertsolariekin.
Eta gauari hasiera emateko, gurdi-poteoa antolatu dute herriko kaleetatik.
Egitaraua | Korrika Kulturala San Migelen
Martxoak 14, larunbata
12:00 Umeen pakarta pintaketa eta korrikaldia Ixatxak parkean
12:30 San Migel Kantari Elexalde tabernan
13:30 Kuestazio mahaia eta Korrika materiala Laboral zaharrean
14:30 Korrika bazkaria Sofia Taramona ikastetxean
18:00 Umeen pilota partidak frontoian
18:30 Bertso Pilota: Lizaso-Erasun vs Goñi-Urruzola. Arkaitz Estiballes-Nerea Elustondo
20:00 Gurdi-poteoa Elexalde tabernatik
☉ Basauri
Basaurin eskola-sukaldea jartzeko kudeaketa “bizkortzea” eskatu die EH Bilduk Eusko Jaurlaritzari eta Udalari
Iazko ekainean Eusko Jaurlaritzako Hezkuntza Sailak iragarri zuen eskola-sukalde bat jarriko zuela martxan Basaurin 2025-2026 ikasturtean, inguruko bederatzi ikastetxe publikori zerbitzu emateko.
Basauriko ikastetxeetako Guraso Elkarteen urteetako aldarrikapena da, baina oraindik horren berririk ez dutela salatu dute. “Eta, gainera, azaroan eta abenduan zomorroak agertu ziren ikasleen plateretan”, salatu zuten Basauriko familiek martxoaren 4an Ibaigane Kultur Etxean egin zuten bileran.
Guraso Elkarteek eskatzen dute ikastetxe publiko bakoitzean bazkariak sukaldatzeko sukaldeak egokitzea, baina Eusko Jaurlaritzak zonaldekoaren alde egiten badu, kalitatea handitzea eskatzen dute: “Hala ere, susmoa daukagu zonaldeko sukaldea eraiki arren, bertan esleituko duten zerbitzua kateringa izango dela berriro”.
Marko horretan, Basauriko EH Bilduk eskola-sukalde zentralaren ezarpenaren atzerapena salatu du.
“EH Bilduren ustez bereziki larria da Guraso Elkarteek berriro ere gurasoekin bilerak planteatu behar izatea eta Hezkuntza Sailaren jardun faltaren aurrean kexa publikoak egitea; izan ere, iragarpenak egiten jarraitzen du baina ez du inolako zehaztasunik aurkezten”, diote talde subiranistatik.
Ildo horretan, EH Bilduk Eusko Jaurlaritzari eta Basauriko Udalari eskatu die beharrezko kudeaketak “bizkortzea”, “2026-2027 ikasturtearen hasieran sukaldea ikastetxeetan errealitate izan dadin”, diote.
Marina Landa buru duen Aria taldeak kontzertua emango du martxoaren 12an, ostegunez, 20:00etan Social Antzokian.
Taldearen azken diskoak aurrera begiratzeko beharra islatzen du.
Sarrerak salgai daude 6 euroan, eta Social Antzokiko bazkideek doan gozatu ahalko dute kontzertuaz.
☉ Basauri
Bideoa | Silvia Gomez, Ekain Perrinoren ama: “Epaiketan bizi izan duguna oso gogorra izan da”
2021eko eraso homofoboaren epaiketak lau saio izango ditu: gaur izan da lehena eta Ekain berak eta lekuko batzuek deklaratu dute epailearen aurrean
Bost urte eta gero, Basaurin gertatutako eraso homofoboaren epaiketa hasi da gaur. Eta, Ekain Perrinori eta bere familiari babesa adierazteko elkarretaratzea egin dute gaur arratsaldean Basauriko Bentako plazan [hemen argazkiak]
Elkarretaratzean izan dira Ekainen senideak, eta GEURIAn Silvia Gomez bere amarekin berba egiteko aukera izan dugu: “Epaiketan bizi izan duguna oso gogorra izan da”.
Ekain lehenengoa izan da epailearen aurrean deklaratzen eta ondoren erasoa ikusi zuten lekukoek eman dute euren testigantza. Erasoa egitea leporatuta 11 pertsonak deklaratuko dute martxoaren 11n.
Adiskide Pilota Elkarteak txapelketa berezia martxan jarriko du Galdakaon: 14 eta 99 urte bitarteko jokalariak gonbidatu ditu
Jokalari hauek dira 2026ko Basauriko Selekziorako hautatuak
Txulalai taldeak dantzan jarriko ditu gaur Usansoloko umeak eta familiak
Argazkiak | Emakume Ekoizleen Nekazaritza Azokak ehunka lagun elkartu ditu Ugaoko kaleetan
Argazkiak | Ekain Perrino herrikideari babesa adierazteko elkarretaratzea egin dute Basaurin
Argazkiak | Ugaotarrek “Egunak eta gauak gureak dira” oihukatuz hartu dituzte herriko kaleak, M8an
“Oso eskertuta gaude eskualde honetan Errigorak bere tokitxoa izatea GEURIAri esker”
Bideoa | Besopean Guraso Elkartea: «Herri kirolekin haurren arteko aurrez aurreko harremanak sustatzen ditugu»
