☉ Basauri
Basaurin izango du Sidenorrek enpresaren erabakitze gunea
Sidenor erosteko hamar eskaintza jaso dituela dio Gerdauk, batzuk “berregituratze sakonak” jasotzen zituztenak; Clerbil-enak ez, ordea
Sidenor erosteko hamar eskaintza jaso dituela dio Gerdauk, batzuk “berregituratze sakonak” jasotzen zituztenak; Clerbil-enak ez, ordea
155 milioi euro ordaindu ditu Clerbil SL inbertsio taldeak Basauriko Sidenor metalurgia enpresa Gerdauri erosteko. Ordaindutakoa 45 milioi garestitu daiteke, bost urteren buruan negozioaren ibilbidea oparoa baldin bada. 2005ean erosi zuen Gerdauk Sidenor enpresa 443 milioiren truke eta 2016an saltzeko premian izan dira bere jabe brasildarrak krisiak eragindako likidezia falta dela medio. Salerosketa uztaila bukatu aurretik egitea espero dute, Espainiako enpresen arteko Lehiakortasuna arautzen duen organoraren oniritzia jaso ostean. Clerbil SL inbertsio taldearen buru Jose Jainaga da, Sidenorren kontseilaria izan dena 1998. urtetik.
Enpresaren erosketa egin den unea gakoa izan daiteke, izan ere, Zumarragako Arcelor Mittal desagertzear dela eta, Sestaoko ACB geldituta dago. Egun 2.200 langile ditu hamar lantokitan banatuta: Euskal Herrian, Kantabrian eta Katalunian, eta ofizina komertzialak ditu Alemanian, Frantzian, Italian eta Erresuma Batuan. Sidenorren gune nagusia izango da Basauri, bertan 1.000 langile eta I+D laborategiak baititu. Gerdau izena alde batera utzi eta Sidenor izena erabiltzera bueltatuko da enpresa.
Langileen etorkizuna
Enpresako langileen ordezkaritza komiteak bilera eskatu du zuzendaritza berriarekin. Hauen kezka nagusia da zein erabaki hartuko dituen zuzendaritza berriak langileen erretiroaren inguruan eta zein den enpresaren etorkizunerako martxan jarriko duten plana.
Gerdauren zuzendaritzak esan du enpresa erosteko hamar eskaintza jaso dituela eta horietako askok berregituratze sakonak aurreikusten zituztela. Hala ere, aurrera egin duen proposamenak, betiere eurek dituzten datuen arabera, ez du langileria murrizteko edota lantegirik ixteko asmorik.
☉ Basauri
Lau gizon atxilotu dituzte Basauriko metalurgia enpresa batean lapurreta egiteagatik
Lapurreta iazko abuztuan gertatu zen, eta Ertzaintzak adierazi duenez, “balio handiko” lehengai metalurgikoa lapurtu zuten
Ertzaintzak eta Espainiako Poliziak 25 eta 50 urte arteko lau gizon atxilotu dituzte Basauriko industria-pabiloi bateko metalurgia enpresa batean lapurreta egitea leporatuta.
Lapurreta iazko abuztuan gertatu zen eta Segurtasun Sailetik adierazi dutenez, “balio handiko” lehengai metalurgikoa lapurtu zuten.
Atxiloketak Gernikan, Sestaon eta Portugaleten egin dituzte.
Gainera, lau pertsona horiei joan den urtarrilaren 19an Miranda de Ebroko enpresa batean egindako lapurreta ere egotzi diete. Kasu hartan 6.000 kilogramo kobre lapurtu zuten, 51.000 euro inguruko balioa zuena.
Bi delituetan atxilotuek zulo bat egin zuten enpresetan sartu eta lapurreta egin ahal izateko.
Atxilotuei indarrez lapurreta egitea eta talde kriminaleko kide izatea leporatu diete.
☉ Basauri
Emakume bat atxilotu dute Basaurin espetxean droga sartzen saiatu denean
Emakumeak 67 urte ditu eta osasun publikoaren aurkako ustezko delitua egotzi diote. Era berean, berarekin zegoen 29 urteko beste emakume bat ere identifikatu du Ertzaintzak
Ertzaintzak 67 urteko emakume bat atxilotu zuen atzo Basaurin, espetxean haxixa sartzen saiatu zenean, preso bat bisitatzera joan zela aprobetxatuz.
Susmoak jarraituz, preso batentzako zen pakete bat ikuskatu zuten. Beroki bat aztertu eta miatu ondoren, forruaren barruan ezkutatuta 300 gramo haxix zituzten zazpi poltsatxo aurkitu zituzten.
Gauzak horrela, momentuan bertan atxilotu zuten emakumea. Osasun publikoaren aurkako ustezko delitua egotzi diote, eta polizia-eginbideak bete ostean, aske utzi zuten.
Era berean, akusatuarekin zegoen 29 urteko beste emakume bat ere identifikatu zuten agenteek. Bere aurka eginbideak ireki dituzte, ikertu gisa, delitu beragatik.
Inautxok gidatuta, euriak ez du mozorro lehiaketa geldiarazi Basaurin. Furbyak, Pinotxo eta Gepeto, haginlariak, Ratatouille, txorimaloak, euliak, estralurtarrak, oiloak eta lau urtaroak… ez da inor falta izan! Hona hemen mozorro lehiaketako laburpena!
Inauteriak dira eta Basauriko kaleak mozorroz bete dira otsailaren 14an, larunbatez. Euria egin arren, mozorro lehiaketa antolatu dute Solobarriako karpan [hemen argazkiak!]. Eta bertan topatu ditugu estralurrarrak, furbyak eta oiloak eta baserritarrak. Zenbat denbora eman dute mozorroak prestatzen?
☉ Basauri
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
Inauterien barruan mozorro lehiaketa antolatu dute gaur, otsailak 14, Basaurin. Desfilea bertan behera geratu da euriagatik, baina kuadrillek aukera izan dute euren mozorroak Solobarriako karpan erakusteko.
Bederatzi pertsona baino gutxiagoko kategorian, hirugarrenetik lehenengora hauek izan dira irabazleak: Furbiak (200 euro), Zeruko begiak (400 euro) eta Txorimaloak (550 euro).
Eta, bederatzi pertsona baino gehiagoko kategorian honakoak saritu dituzte: Parqueo sobre ruedas (250 euro), Globotxos (500 euro) eta Oilategi Deluxe (750 euro).
Gainera, Inautxo Saria ere banatu dute, eta kategoria honetan Lau urtaroak kuadrillak irabazi du saria (550 euro).
’80. Hamarkada’ izango da Abusuko inauterien gaia aurten
Galdakaon ondutako ‘Bi baso bat ur’ antzezlana estreinatuko dute ostegunean Torrezabal Kultur Etxean
Lau gizon atxilotu dituzte Basauriko metalurgia enpresa batean lapurreta egiteagatik
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
