Urban Festa ekimenaren seigarren edizioa ospatuko da ekainaren 17an, larunbatez. Helburua grafitigintzan trebatutako artista gazteak ezagutaraztea eta jai-giroa sortzea da, musikaren bitartez. Aurten, berrikuntza gisa antolatzaileek beste eremu batera zabalduko dute egitaraua: Basozelai Gizarte Etxeaz gain, Pozokoetxen ere egingo dute Urban Festa.
Programa 11:00etan hasiko da bi eremuetan. Grafiti erakustaldia izango da egun osoan zehar eta umeentzako tailerrak prestatuko dituzte (Pozokoetxeko egitaraua 14:00ak arte izango da). 19:30etik aurrera musikak hartuko du lekukoa Basozelain: Batalla The Stylos (19:30) eta Lirykan&Erik ten (20:30).
Urban Festa Basauriko Udalak eta Zirt Zart gazte bulegoak antolatzen dute.
