Sareak

☉ Etxebarri

[Argazkiak] Bi zauritu Etxebarriko udaltzainen larrialdietako zerbitzu batean

Antonio Epaltza eta Uribarribarri kaleen bidegurutzean izan da istripua, gaur goizean. Etxebarriko udaltzaingoek larrialdi dei jaso, autoko sirena piztu eta abiatu dira.

|

Etxebarri 2016 Udaltzainak istripua larrialdia kotxean

Antonio Epaltza eta Uribarribarri kaleen bidegurutzean izan da istripua, gaur goizean. Etxebarriko udaltzaingoek larrialdi dei jaso, autoko sirena piztu eta abiatu dira. Kaleetako bidegurutzera heltzerakoan kotxe bat agertu zaie bidean eta ezin izan dute istripua saihestu.

Kotxeko bi udaltzainak ospitalera eraman dituzte eta dagoeneko alta eman diete. Beste autoko gidariak ez du zauririk izan.

Etxebarri 2016 Udaltzainak istripua larrialdia kotxean

Etxebarri 2016 Udaltzainak istripua larrialdia kotxean

Etxebarri 2016 Udaltzainak istripua larrialdia kotxean

☉ Etxebarri

#M28 | Etxebarriko EAJk kultur etxe berria eraiki gura du Bekosolon

Aipatutako proposamenen artean garrantzi handia eskaini diote gizarte politikako proposamenei eta adinekoen jardueretarako aurrekontua eta baliabideak handitzea horien artean ageri da

|

Etxebarri // Geuria

Hauteskundeen atarian, Etxebarriko jeltzaleen alderdiak euskara eta kulturaren aldeko apustua egin du gazteek sortutako edukiez osatutako udal irrati bat sortuz eta Euskaltegidun kultur etxe bat eraikiz Bekosolon.

Gainera, aipatutako proposamenen artean garrantzi handia eskaini diote gizarte politikako proposamenei eta adinekoen jardueretarako aurrekontua eta baliabideak handitzea, zaintzaileen lan-poltsa sortzea edo itzuli beharrik gabeko partida ekonomiko berria sortzea ageri dira 135 puntuz osatutako programan.

Proposamen deigarriak

Hirigintza

– Kultur etxe berria eraikitzea Bekosolon. Areto balioaniztuna izango du zinema/antzerkia emateko, estudioko gelak, erabilera anitzeko aretoak, euskaltegia eta udal liburutegi berria jarriko dira
– Kirol anitzeko instalazio ireki bat egiteko inbertsioa egitea, estalki eta aldagelekin, Metacal zaharraren lurretan
– Bekosoloko kirol anitzeko zelaia eta petanka-jokoen gunea birmoldatzea
– Zintururiko futbol-zelaiko zorua hobetzea, ur-putzuak saihesteko

Gizarte politika

– Adinekoen jardueretarako aurrekontua eta baliabideak handitzea
– Elikagai galkorrak entregatzeko laguntza % 30 handitzea
– Zaintzaileen lan-poltsa sortzea
– Itzuli beharrik gabeko partida ekonomiko berri bat sortzea, beharra duten familiei edo hirugarren adineko pertsonei Etxebarriko lan-poltsaren zaintzaileak kontratatzen laguntzeko
– Bullying-a pairatzen duten eta pairatu duten familiei eta gazteei laguntzeko unitatea sortzea

Inklusibitatea

– Komun inklusibo bat ipintzea Etxebarriko kiroldegian eta beste bat Elkartegunean

Berdintasuna

– Berdintasuna sustatzeko jarduerak sustatzea: aurkezpenak, zineforuma, hitzaldiak udalerriko elkarteekin batera
– Berdintasunaz sentsibilizatzeko kanpainak abiaraztea

Mugikortasuna

– Etxebarribusaren doakotasuna ezartzea Gizatrans paseetan

Kultura

– Euskara, kultura, merkataritza eta ostalaritza sustatzeko udal irratia sortzea, Etxebarriko gazteek sortutako edukiekin
– Jaietarako aurrekontuaren % 50eko igoera
– Eskualdeko musika taldeentzako maketa lehiaketa sortzea
– Bizkaiko Trikitilari Gazteak txapelketaren antolaketa

Kirola

– Goitibeherak lehiaketa antolatzea Inertziako Kirol Federazioarekin batera

Osorik irakurri

☉ Etxebarri

#M28 | Etxebarri | Herriaren Ahotsa beti indartsu

#M28 | Etxebarri | Udal hauteskundeak 2023 | Emaitzak. Hautagaiak, alderdiak, boto kopurua, zinegotziak, datu historikoak, aurreko hauteskundeak.

|

Duela 30 urtetatik LVP (Herriaren Ahotsa) alderdia dago agintean Etxebarrin, herritarren plataforma. Aurten Iker Lopezek ordezkatuko du Loren Oliva alkategai bezala. EAJren hautagaia Eneko Lekue da, egungo alderdi jeltzaleko bigarrena. EH Bilduren hautagaia Ane Etxebarria da, aurpegi berria alderdian. PSEn Iñaki Martínez aurkeztuko da berriro eta PPk Luis Miguel Arroyo hautatu du.

Osorik irakurri

☉ Etxebarri

Etxebarri BHIk STEAM Euskadi Sarien bigarrena jaso du “Galaxiaren Zaindariak” proiektuarekin

Etxebarriko institutua 80 ikastetxe baino gehiagoren artean nagusitu eta 2.000 euroko saria jaso du STEAM Eukadi sarien hirugarren edizioan

|

Ainhoa Artesano, STEAM saria jasotzen // Etxebarri BHI

Etxebarriko BHIko institutuko DBHko 3. mailako ikasleek III. STEAM Euskadi lehiaketako bigarren saria jaso dute Ikastetxeek sustatutako STEAM Hezkuntzako ekimenak kategorian, klima aldaketaren inguruko lan osotu batekin. 4. mailako ikasleek 2.000 euroko saria jaso dute Jokin Bildarratz Hezkuntza sailburuaren eskutik. Sailburuarekin batera, Hezkuntza Begoña Pedrosa sailburuordeak eta Jorge Arevalo Lanbide Heziketako sailburuordeak ere hartu dute parte ekitaldian.

“Pozarren pozez gaude jaso dugun sari berezi hau jaso izanagatik”, azaldu dio Ainhoa Artesano Etxebarri BHIko zuzendariak GEURIA komunikabideari. Artesanoren arabera, DBHko ikasleek ez zuten espero saririk irabaztea: “Ikastetxe ugarik hartu dute parte lehiaketan eta irabaztea ez zegoen gure aukeren artean, egia esateko”, azaldu du harrituta institutuko irakasleak. Euskadiko STEAM sarien hirugarren edizio honetan 80 ikastetxe baino gehiagok hartu dute parte.

“Bigarren sariaren ostean izen handiko ikastetxe pribatuen izenak ikusi ditugu eta hori benetan garrantzitsua da Etxebarriko insititutu publikoarentzat”

“DBHko ikasle eta irakasleak oso ekintzaileak dira eta benetan harro gaude lorpen honengatik”, dio Artesanok. “Bigarren sariaren ostean izen handiko ikastetxe pribatuen izenak ikusi ditugu eta hori benetan garrantzitsua da Etxebarriko insititutu publikoarentzat”.

STEAM sariak // Etxebarri BHI

Galaxiaren zaindariak

Etxebarri BHIko ikasleek erronka zehatz bati erantzun diote Disneyko izen bera daraman ‘Galaxiaren Zaindariak’ tituludun proiektuarekin: estralurtar batzuk ikastetxearekin harremanetan jarri dira lur planetaren egoera ezagutzeko. Ikasleek diagnostiko bat egin eta klima-aldaketak Etxebarrin duen eragina aztertu dute.

Bost irakasgaitan landu dute azterketa hori: fisika eta kimika (CO2arekin lotutako laborategiko praktikak); bio-geo (klima-aldaketaren ondorioak); matematika (CO2 kontzentrazio-grafikoak eta tenperatura-balioak egitea eta interpretatzea); teknologia (energia berriztagarriei buruzko 3D maketa bat eta sentsoredun estazio meteorologiko bat egitea); arteak (proiektuaren ondorioz sortu den mezuaren leloa eta irudia diseinatzea).

Sariak Hezkuntza Sailaren STEAM Estrategiaren barruan kokatuta daude, eta zientzia, teknologia, ingeniaritza eta matematikako bokazio goiztiarrak –arteei eta giza zientziei lotuta– bultzatzea dute helburu eta STEAM hitzak  Science, Technology, Engineering, Arts & Mathematics esan gura du, inglesez.

Osorik irakurri

☉ Etxebarri

Etxebarriko San Antonio jaiek 60 ekitaldi baino gehiago ekarriko dituzte ekainean

Aurten oilar-jokoa, gazteentzako hirugarren egun bat eta orgen desfile dibertigarria bezalako berritasunak ikusiko dira jaietan, eta Play Back lehiaketaren itzuleraren lekuko izango dira auzotarrak

|

Auzotarrak, San Antonioko 2022ko jaietan // Geuria

Ekainaren 9tik 18ra ospatuko dituzte Etxebarriko San Antonioko jaiak eta, 60 jai-ekitaldi baino gehiago prestatu ditu San Antonioko Jai Batzordeak “san antoniotar guztiek gozatzeko, eta haiekin batera jai-giroaz gozatu nahi duten guztientzako”. Programa ofiziala faltan, honako aurrerapena egin dute Jai Batzordetik.

Aurtengo jaiak berritasunekin etorriko direla aurreratu dute: oilarren borroka, gazteentzako hirugarren egun bat, orgen desfile dibertigarria, edo Play Back lehiaketaren itzulera. “Azken bi jarduera horietan originaltasuna eta jatortasuna erakutsi beharko dute koadrilek ”, azaldu dute batzordetik.

“Kalejiran eta Play Back lehiaketan originaltasuna eta jatortasuna erakutsi beharko dute koadrilek”

Txupinazoan eta jaien amaieran bestelako sorpresak egongo direla aurreatu dute, “aurten ukitu desberdina, dibertigarria eta bereziarekin”. Hala ere, gauza batzuk beti bezala mantenduko dituzte: jaiak karparen azpian auzo oso bat biltzen duen Flying Free mitikoarekin amaitzea.

Zintururi, 2022ko jaietan // Geuria

Erritmoa galdu barik

Urtero lez, gastronomiak leku pribilegiatua izango du jaiegun guztietan zehar bere lehiaketa gastronomiko mitikoekin. Koadrilek Zintururi guztia kolorez eta sukaldaritzako artez betetzen dute eta gazteenetatik hasi eta beteranoenetaraino, ekitaldi honetan parte hartzea “benetan garrantzitsua” dela azpimarratu dute jai batzordetik.

Dantzaldiak, gurdien igoera, zezen sua, puzgarriak eta tailerrak, gynkana, herri-bazkaria… makina bat ekitaldi prestatu dituzte jaiegun guztietan erritmoa ez galtzeko: “San Antonioko jai batzordetik gonbidatzen zaituztegu gure nortasun zigilua definitzen duten egun hauek topera goza ditzazuen”.

Osorik irakurri

☉ Etxebarri

#M28 | Etxebarriko LVPk Santa Anako blokeetako etxebizitzak gazteentzako alokairu partekatuak eta txandakakoak egitea proposatu du

La Voz del Pueblo plataformako ordezkarien arabera, gazteei zuzendutako etxebizitzaren inguruko proposamenak “ahalegin ekonomiko handia” ekarri duela azaldu dute

|

Loren Oliva Etxebarriko alkatea eta Iker López Hirigintza alkateordea // Geuria

Maiatzaren 28ko Udal hauteskundeei begira, etxebizitzaren alorreko proposamena luzatu dute La Voz del Pueblo (LVP) plataformatik: “Etxebizitza ez da Etxebarriko Udalaren eskumen zuzena. Gobernuan gaudenetik, babestutako 1.000 etxebizitza baino gehiago sustatu ditugu”, nabarmendu dute.

Auzotarren plataformaren asmoa da etxebarritarrei zuzendutako Begiratoki proiektuko babes ofizialeko 60 etxebizitza eta 35 etxebizitza tasaturen zozketa aurten bertan egitea da, baina ez hori bakarrik: Santa Ana inguruan 21 etxebizitza erostearen aldeko apustua egin du LVPk: “Etxebizitza gehienak logela bakarrekoak izango dira, alokairuan, eta etxebarritar gazteei zuzendutakoak”, azaldu dute plataformako ordezkariek, eta 35 urte bete arte eskuratu ahal izango dituzte etxebizitza horiek interesdunek.

“Ahalegin ekonomiko handia suposatuko du horrek, jabetza Udalarena izango baita”, azpimarratu dute LVPtik. Eusko Jaurlaritzak Udalak doan utzitako lurzoruan alokairuan eraikitzen dituen etxebizitzak etxebarritarrei esleituko zaizkie lehenik eta behin. Lehenengo bizilagun horiek etxebizitzaz aldatzen direnean, Eusko Jaurlaritza da, bere lehentasunen arabera, etxebizitza horiek berriro ere esleituko dituena”.

Eguzkilore Fundazioak kudeatutako etxebizitzak hobetzea eta horiek aldi batean gazteentzako txandakako alokairuko programa pilotu baterako aprobetxatzea dira gazteen emantzipazioa bultzatzeko beste proposamen batzuk.

Osorik irakurri