Sareak

☉ Etxebarri

Eguzkiñe Enriquez, rally kopilotua: «Jendeak zoroak bagina bezala ikusten gaitu rallyekin gozatzean»

Eguzkiñe Enriquez (Etxebarri, 1989) eta Unai García (Etxebarri, 1978) etxebarritarrek hirugarren aldiz irabazi dute Madrilgo Kobe Motor Kopa

|

Aritz, Izaro, Egzukiñe eta Unai, lasterketa-autoen aurrean // Geuria

Eguzkiñe Enriquez (Etxebarri, 1989) eta Unai García (Etxebarri, 1978) etxebarritarrek hirugarren aldiz irabazi dute Madrilgo Kobe Motor Kopa euren Toyota Aygoagaz. 21 urte daramatzate automobilismoaren munduan rallyetan parte hartzen eta hasiera batean estatu mailako txapelketa ezberdinetan parte hartzen bazuten ere, gaur egun Espainiako lehiaketan egiten dute soilik. Euren aztarnen atzetik Izaro eta Aritz ditugu. Etxebarriko kopilotu eta pilotuaren 8 eta 4 urteko seme-alabek karting txapelketetan hartzen dute parte eta nabari da odola baino gasolina daramatela zainetan. Eurekin elkartu gara eta familia-argazki berezi samarra atera dugu txapelketetako ibilgailuekin.

Familiako kirolariak, auto barruan // Geuria

Zorionak hirugarren aldiz Kobe Motor kopa irabazteagatik, bikote! Nolako esperientzia izan da? Beste esperientzia bat izan da gure garaipen-zerrendarako. Urteak daramatzagu tituluak irabazten eta Madrilen jokatutako honako hau ere berezia izan da. Egia esateko, aurrekoak bezala.

Aurtengo rally denboraldia bukatzeko modu ezin hobea izan da. Nola definituko zenukete? Denboraldi guztiak gogorrak dira esparru fisikoan eta mentalean: lan asko, bidaiak, logura, planifikazioa familia edota lan esparruetan, baina hau egitea da gustukoena guretzat, eta ziurrenik ondoen egiten dakiguna!

Rally Tierra Madrilek 1.5eko koefizientea du. Zer esan nahi du honek gure irakurleek jakin dezaten? Lasterketako koefizientea txapelketa edo kopetako antolatzaileek erabakitzen dute. Taldeek proba guztietan lehiatzeko pentsatuta daude koefiziente horiek eta ezberdintasuna lasterketa bakoitzean lortzen den puntuazioa da. Adibide bat jartzearren: guk lasterketa guztiak irabazi ditugu, baina oraingo honetan puntuazioa bikoitza izan da (1.5). Parte hartu izan ez bagenu, bigarren sailkatuak aurrea hartuko zigun azken puntuazioan. Normalean koefiziente altuagoa ematen zaie azken lasterketei. Horrela, parte-hartzaile gehiago izango ditu lasterketak.

Madrilen jokatutako rallya bezalakoak irabazteko leku askotan ibilitakoak zarete. Nola hasi zineten motorraren munduan? Unaik eta biok urte asko daramatzagu motorraren munduan: Unai 2001etik dabil eta ni, 2011tik. Ez da batere erraza lehen sailkapenetan mantentzea. Hala ere, motorraren kirola gainontzekoena bezalakoa da: atzean ahalegin eta sakrifizio ugari dago.

Kopilotua izanik, nolako ardurak dituzu Eguzkiñe? Unai pilotua da; ni gainontzekoaz arduratzen naiz: lasterketarako beharrezkoak diren kontuen antolaketa, hotelak, izen-emateak, lasterketako prestaketa, ordutegiak, dokumentazioa eta Unairen gida: bai esteketan, bai kronometratutako zatietan.

Nolako autoa gidatu duzue aurten? Aurten Toyota Aygoa izan dugu Kobe Motor kopan. Bertan parte hartzen duten autoak berdin-berdinak dira, ezaugarri berekoak. Lurreko rallyetan aritzeko autoa da Aygoa. Erabiltzen duen esekidura era horretako lurzorurako prestatuta dago eta abiadura-kaxa motorrari etekin gehien ateratzeko aldatuta dago. Pneumatikoak ere era honetako eszenatokietarako prestatuta daude. Autoak FIAk eskatzen dituen ezaugarri guztiak batzen ditu, laburbilduz.

Eguzkiñe eta Unai, Toyotaren gainean // Geuria

Bestelako autoekin lehiatu al zarete? Zorionez marka eta modelo askotako autoekin parte hartu dugu txapelketa askotan, bai lurreko rallyetan eta baita errepidekoetan ere.

Lasterketetan parte hartzen ez duzuenean autoa Leioako kontzesionario batean duzue gordeta. Zergatik? Toyota Japan Car etxeak hainbat denboralditan lagundu gaitu eta euren autoak bidaiak egiteko edo lasterketetako behaketak egiteko erabili izan ditugu. Auto gogorrak eta erosoak dira eta pozik gaude lasterketarako auto hau kontzesionarioan ikusgarri edukitzeagatik.

Eta eguneroko joan-etorrietarako zein auto erabiltzen dute zuek bezalako rally pilotu eta kopilotuek? Nik Toyota Yaris hibrido bat erosi nuen eta poz-pozik nabil beragaz. Lasterketetarako furgoneta bat ere badugu.

Furgoneta horregaz non ibili zarete txapelketaz txapelketa? Espainia osoan, egia esateko: Galizia, Málaga, Granada, Katalunia… Espainiako Txapelketak hiri ezberdina hautatzen du urtero.

Nolakoa litzateke rally bat egiteko leku idealena? Ez dago rally bat antolatzeko leku idealik. Are gehiago, lasterketa bakoitzak zati ezberdinak ditu, bakoitza bere ezaugarriekin. Nire iritziz, rally bat antolatzeko leku zoragarri bat Galizian edo Kordoban egon daiteke: pista zabalak eta gogorrak dira bertakoak, abiadura handian goza daitezkeenak.

Espainiako Txapelketaz gainera gure eskualdean edo hemendik gertu lehiatu al zarete inoiz? Bai, noski! Urte batzuk dira Espainiako Txapelketan soilik parte hartzen dugula, baina lehen Euskal Rallyen Txapelketan eta Kantabriakoan parte hartzen genuen!

Aritz eta Izaro, monoekin jantzita, kartean // Geuria

Baina zuen etxean ez duzue rallyetan bakarrik parte hartzen, ezta? Kartinga edozein piloturen hasiera dugu. Pilotu izatearekin amets egiten duen edozein umek kartingean egin behar ditu hastapenak. Unaik eta biok seme-alaba bi dauzkagu eta gure zaletasuna maite dute, automobilismoa. Kartinga entrenatzeko beste modu bat da Unairentzat ere, txapelketa baten eta beste baten artean.

Nolako txapelketetan hartu dute parte zuen haurrek? Izarok 8 urte dauzka eta Gaztela eta Leongoan zein Espainiako Karting Txapelketan parte hartu du. Aritzek 4 urte bete berri ditu eta Gaztela eta Leonen lehiatu da lau eta zazpi urte bitarteko haurrekin. Txikiena izan da karting txapelketa batean parte hartzen.

Kart batek 110km/h abiadura hartu dezake eta zuen kasuan pilotuak 4 eta 8 urteko haurrak dira. Zer diote gainontzeko haurren gurasoek eskolan zuen familiaren zaletasunaren inguruan? Gure seme-alabek kirol hau praktikatzean beldurra sentitzen ote dugun galdetzen digu jende askok, eta guk argi daukagu: zerbaitek beldurra ematen badigu edo horrekin gozatzen ez badugu, ez dugu egiten. Jendeak zoroak bagina bezala ikusten gaitu: “Nola utz diezaiokegu semeari bizitza arriskuan jartzen?”. Guretzat segurtasuna berebizikoa da gure seme-alabentzat. Lagun eta senideek, zaletasun hau gustuko ez badute ere, badakite zenbat eta goizago hasi orduan eta hobea dela. Guztiok gustuko dugu Fernando Alonso, Marc Marquez edota Rafa Nadal bezalako kirolariek arrakasta izatea txikitatik zuten zaletasun batetik abiatuta, kasik ibiltzen jakin baino lehen. Izarok 100 kilometro orduko abiadurak gainditzen ditu eta guk irakatsi diegun horrekin gozatzen dutela ikusteak benetan pozten gaitu.

Zer izan nahi dute nagusiak direnean? Txikiak dira oraindik baina pilotu izan nahi dutela diote, gu bezala. Izarok esaten dit pilotu izateaz gainera kopilotuen munduak asko erakartzen duela. Guri asko gustatuko litzaiguke lehiaketaren mundutik biziko balira, hala nahi balute behintzat.

Hala ere zuentzat rallyetan lehiatzea ez da lanbidea, zaletasuna baizik. Hondeaketak egiten dituen enpresa batean egiten dugu lan Unaik eta biok eta ordu asko ematen ditugu bertan, gero lasterketa egun asko eduki ahal izateko.

Nola bateratu dezakezue familia-bizitza eta zuen zaletasuna ia ezertarako denborarik ez badaukazue? Zaletasun bat benetan maite baduzu, zaila da, baina ez uste bezain beste. Guretzat, asteburu ideala laurok batera kartingean entrenatzera joatea da. Ez da normala asteburu bat libre izatea. Motorra bizimodua da guretzat eta beti bilatzen dugu zaletasun honekin harremana duen zerbait egiteko edo ikusteko. Noizbehinka, lasterketetatik kanpo lagunekin egoteko momentuak bilatzen ditugu, baina hainbeste debora lehiaketan eman ostean lagunak bertan topatu ditugu.

Argi dago zuen ametsak lurrean edo errepideetan egon behar direla. Zein tokitan lehiatuko zinatekete posible balitz? Estatu mailatik haragoko lehiaketetan parte hartzea zoragarria litzateke. Munduko Txapelketa lasterkari askoren ametsa da baina ekonomikoki benetan garestia.

2022ko sasoia amaituta… zer ekarriko dizue 2023ak? Momentu honetan babesleak eta programak bilatzeko garaian gaude datorren urteari begira eta, beraz, goiz da zer egingo dugun jakiteko.

Unai eta Eguzkiñe, auto barruan // Geuria

☉ Etxebarri

Lasaitasuna mantentzeko deia luzatu du Etxebarriko alkateak, “sexu erasoaren ikerketari aurre hartu gabe”

|

Iker Lopez Etxebarriko alkatea (bigarrena ezkerretik) ekainaren 9an sexu erasoa salatzeko elkarretaratzean // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

San Antonioko jaietan gertatutako sexu erasoa ikertzeko herritarren laguntza eskatu du Ertzaintzak

|

Ekainaren 9an sexu erasoa salatzeko elkarretaratzea egin zuten ehunka herritarrek Zintururin // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

Etxebarriko Institutuak eTwinning 2024 saria jaso du, hizkuntza-gaitasunak garatzeko proiektuarekin

|

Etxebarri Institutuko Batzilergoko 1. eta 2. mailako Biologia eta Geologiako ikasleek hartu dute parte proiektuan // Etxebarri Bizi

Etxebarriko Institutuko batxilergoko 1. eta 2. mailako Biologia eta Geologiako ikasleek Erasmus+ programako eTwinning 2024 saria jaso dute, 2022-2023 ikasturtean garatutako ‘Mikro & Nano’ proiektuarekin.

Proiektua jatorrizko hizkuntzan zein atzerriko hizkuntzan hizkuntza-gaitasunak garatzea datza, hainbat ikaskuntza-eremu erabiliz.

“Proiektuari esker, ikasleek jatorrizko hizkuntzan eta atzerriko hizkuntzan hizkuntza-gaitasuna garatu ahal izan zuten, bai eta gaitasun digitala ere, hainbat tresna digital, sozial eta hiritar erabiliz, ekimenaren zentzua eta espiritu ekintzailea, kontzientzia eta adierazpen kulturalak, gaitasun zientifikoa, pentsamendu kritikoa eta ikasten ikastea”, diote Institutuko eTwinning proiektuko arduradunek.

Etxebarriko ikasleekin batera proiektu honetan lanean izan dira Espainiako, Tunisiako, Bulgariako, Italiako eta Portugalgo ikasleak. “Guztira 200 ikaslek elkarrekin eta modu telematikoan lan egin dute, ikuspegi humanistiko, zientifiko eta sozial batetik ikaskuntza-eremu desberdinetako mikro eta nanoari buruz”, diote.

Saria Espainiako Hezkuntza Ministerioko Hezkuntza Teknologien eta Irakasleen Prestakuntzaren Institutuak (INTEF) ematen du. Amaya Alonso Cabria Etxebarriko Institutuko irakaslea eta eTwinning proiektuko arduradunak Bruselako Europako Parlamentua bisitatuko du eta sari banaketan parte hartuko du.

Etxebarriko Institutuaz gain, eTwinning saria jaso dute Gasteizko Armentia Ikastolak, Iruñeko Julio Caro Baroja Institutuak eta Sevillako Velazquez, Pino Montano eta Antonio Machado institutuek.

Osorik irakurri

☉ Etxebarri

Argazkiak / San Antonioko jaietan jazotako sexu erasoaren aurrean erantzun du herriak

|

Ekainaren 8ko goizean, San Antonioko jaien lehen gaua eta gero, emakume batek sexu erasoa jasan zuela salatu zuen.

Gaur 17:00etan elkarretaratzea deitu dute Jai Batzordeak eta Etxebarriko Udalak Zintururi plazan. Ehunka herritar batu dira, ‘Erasorik ez, erantzunik gabe’ lemapean.

Arratsaldeko hau bigarren kontzentrazioa izan da; lehena atzo gauerdian egin zuen Jai Batzordeak eta larunbat gaueko ekitaldi guztiak bertan behera utzi zituzten.

Osorik irakurri

☉ Etxebarri

San Antonioko jaietan jazotako sexu erasoa gaitzetsi dute Etxebarriko Udalak eta Jai Batzordeak

Komunikatua atera dute gaur goizean Etxebarriko Udalak eta San Antonioko Jai Batzordeak: bigarren elkarretaratze bat deitu dute gaur 17:00etan

|

Sexu erasoa salatu du emakume batek San Antonioko jaietan, Etxebarrin. Gertaerak larunbat goizean jazo ziren, eta bart 00:30ean elkarretaratzea egin zuen Jai Batzordeak. Gainera, larunbat gaueko ekitaldi guztiak bertan behera utzi zituzten.

Gaur goizean komunikatua publikatu dute Etxebarriko Udalak eta Jai Batzordeak: “San Antonioko Jai Batzordetik, txosnetatik eta Udaletik erabateko gaitzespena adierazi nahi dugu, eta biktimari gure elkartasun osoa helarazi nahi diogu”.

Ildo horretan, bigarren elkarretaratze bat deitu dute gaurko (ekainak 9) 17:00etan Zintururi plazan: “Gure jaiak elkartzeko eta ondo pasatzeko guneak dira, eta askatasuna eta bizikidetza errespetatuz gozatu nahi duten pertsona guztiak daude gonbidatuta. Ez dira ongi etorriak izango mezu hori ulertzen ez duten eta bestelako helburuak dituzten pertsonak”, diote.

Etxebarriko Udalak eraso matxisten aurkako protokoloa aktibatu zuen atzo, aurkeztutako salaketaren ondorioz: “Atzo goizean, Jai Batzordeko aginteei eta txosnako arduradunei eman zitzaien erasoen berri”, diote.

Ertzaintza eta Etxebarriko Udaltzaingoa gertatutakoa ikertzen ari dira.

Osorik irakurri