Sareak
[the_ad_group id="3890"]

☉ Etxebarri

Argazkiak / Eta Kitto kuadrillak irabazi du Sokatira lehiaketa Etxebarriko jaietan

|

Sokatira lehiaketa errotuta dago jada Etxebarriko jaietan. Aurtengoa zortzigarren edizioa izan da eta partaide zein ikusle andana bildu ditu. Txapelduna Eta Kitto kuadrilla izan da, bigarren De Perdidos al Rio eta hirugarren Bekosolotarrak.

☉ Etxebarri

Irakasle eta begirale euskaldunentzako lan-poltsa zabaldu dute Etxebarrin

|

Haur-zaintzaileen, irakasle partikularren eta begiraleen lan-poltsa euskaldunak zabaldu ditu beste urte batez Etxebarriko Udalak // Standsome Worklifestyle, Unsplash

Haur-zaintzaileen, irakasle partikularren eta begiraleen lan-poltsa euskaldunak zabaldu ditu beste urte batez Etxebarriko Udalak. Interesdunek beren curriculumak bidal ditzakete euskarazerbitzua@etxebarri.eus helbide elektronikora, eta edozein kontsulta egiteko 944 267 005 telefono zenbakia dago herritarren eskura.

“Era berean, aita edo ama bazara eta profesional euskaldun baten bila bazabiltza zure seme-alabak zaintzeko, ikasketak indartzeko, edo aisialdiko jarduerak antolatzeko begiraleak behar dituzun Etxebarriko klub edo elkarte bat bazara, jar zaitez gurekin harremanetan. Zure beharretarako pertsona egokia aurkitzen lagunduko dizugu”, diote udal ordezkariek.

Osorik irakurri

☉ Etxebarri

Zabor-tasa hilean 1,42 euro gehiago ordainduko dute etxebarritarrek 2025ean

|

Zabor tasari dagokionez, % 20 igoko du Etxebarrik, Europak hala behartuta // Geuria

2025eko zergak eta tasak onartu ditu Etxebarriko udalbatzak urriko osoko bilkuran, LVPren eta EAJren aldeko botoekin eta EH Bilduren kontrakoekin. Zehazki, % 3,5eko igoera izango dute Trakzio Mekanikoko Ibilgailuen gaineko Zergak (TMIZ), estolderia tasak, lizentziak ematekoak, udal hilerriko zerbitzuengatikoak, salmenta ibiltariagatikoak eta jabari publikoaren erabilera eta aprobetxamendukoak. “Aitzitik, ez da igoerarik egongo Hiri-lurren balio-gehikuntzaren gaineko zergan; Eraikin, Instalazio eta Lanen gaineko Zergan; CIMEko zerbitzuengatikoan; edo Jarduera Ekonomikoen gaineko Zergan”, diote udal ordezkariek.

“Igoera hori egitera bultzatu gaituen beste faktore bat Bizkaiko Foru Aldundiak Udalkutxa funtsaren bidez egiten duen banaketa da, eta funts hori Bizkaiko udal guztien artean banatzeko parametroetako bat udal horietan dagoen presio fiskala da. Hau da, zenbat eta presio fiskal handiagoa izan, orduan eta funts gehiago iristen dira Aldunditik Udalera. Adibide gisa, 2025. urterako, honako hau izan da funts horien banaketa gure inguruko udalerrietan, presio fiskal horren arabera: Basaurin 122, Galdakaon 112 eta Arrigorriagan 111. Etxebarriren kasuan biztanleko 110 euroko presio fiskala dago. Horrek erakusten du, egindako proposamena gorabehera, Etxebarri oraindik ere gure inguruko udalerrietatik herritarren gaineko zerga-presiorik txikiena duena dela”, diote.

Gobernu taldearen ustez, % 3,5eko igoera hori arrazoizkoa da horrek dakartzan kopuruei dagokienez: “Eta erantzukizun-ariketa bat da, etxebarritarrek dituzten zerbitzuei eutsiko zaiela bermatuko duen aurrekontu bat planteatu ahal izateko”, diote.

Zaborrak: % 20 gora

Zabor tasari dagokionez, % 20 igoko du Etxebarrik, Europak hala behartuta. “Etxebarritar bakoitzak hilean 1,42 euro gehiago ordaindu beharko du zaborren kontzeptuagatik”, zehaztu dute udal arduradunek.

“Etxebarriren kasuan, orain arte zerbitzu hori funts propioekin finantzatzen zen, % 25 inguruan. Hala ere, Nerbioi-Ibaizabal mankomunitateko kostu-azterlan baten emaitza izango den doikuntza finik ez dagoenez, aurten tasa % 20 igoko da, kontuan hartuta datorren urtean azken doikuntza egin beharko dela Europako Zuzentarau horretara egokitzeko”, diote.

Kiroldegia: % 8 gora

Etxebarriko Udalak igoko duen beste tasa bat da kiroldegiarena. Zehazki, % 8ko igoera onartu dute: “Aurreko ekitaldian gertatu zen bezala, argi dago pandemiaz geroztik asko igo direla energiaren kostuak, eta, horregatik, beharrezkoa da udal-kiroldegiak eskaintzen dituen zerbitzuen prezioak % 8 ere igotzea, azken urteetako hazkunde ikaragarri horien ondorioz ustiapenean sortutako defizita arintzeko”, arrazoitu dute udal ordezkariek.

Osorik irakurri

☉ Etxebarri

Zergak eta tasak % 3,5 igoko ditu Etxebarrik, “zerbitzuei eusteko asmoz”

|

Zabor tasari dagokionez, % 20 igoko du Etxebarrik, Europak hala behartuta // Geuria

2025eko zergak eta tasak onartu ditu Etxebarriko udalbatzak urriko osoko bilkuran, LVPren eta EAJren aldeko botoekin eta EH Bilduren kontrakoekin. Zehazki, % 3,5eko igoera izango dute Trakzio Mekanikoko Ibilgailuen gaineko Zergak (TMIZ), estolderia tasak, lizentziak ematekoak, udal hilerriko zerbitzuengatikoak, salmenta ibiltariagatikoak eta jabari publikoaren erabilera eta aprobetxamendukoak. “Aitzitik, ez da igoerarik egongo Hiri-lurren balio-gehikuntzaren gaineko zergan; Eraikin, Instalazio eta Lanen gaineko Zergan; CIMEko zerbitzuengatikoan; edo Jarduera Ekonomikoen gaineko Zergan”, diote udal ordezkariek.

“Igoera hori egitera bultzatu gaituen beste faktore bat Bizkaiko Foru Aldundiak Udalkutxa funtsaren bidez egiten duen banaketa da, eta funts hori Bizkaiko udal guztien artean banatzeko parametroetako bat udal horietan dagoen presio fiskala da. Hau da, zenbat eta presio fiskal handiagoa izan, orduan eta funts gehiago iristen dira Aldunditik Udalera. Adibide gisa, 2025. urterako, honako hau izan da funts horien banaketa gure inguruko udalerrietan, presio fiskal horren arabera: Basaurin 122, Galdakaon 112 eta Arrigorriagan 111. Etxebarriren kasuan biztanleko 110 euroko presio fiskala dago. Horrek erakusten du, egindako proposamena gorabehera, Etxebarri oraindik ere gure inguruko udalerrietatik herritarren gaineko zerga-presiorik txikiena duena dela”, diote.

Gobernu taldearen ustez, % 3,5eko igoera hori arrazoizkoa da horrek dakartzan kopuruei dagokienez: “Eta erantzukizun-ariketa bat da, etxebarritarrek dituzten zerbitzuei eutsiko zaiela bermatuko duen aurrekontu bat planteatu ahal izateko”, diote.

Zaborrak: % 20 gora

Zabor tasari dagokionez, % 20 igoko du Etxebarrik, Europak hala behartuta. “Etxebarritar bakoitzak hilean 1,42 euro gehiago ordaindu beharko du zaborren kontzeptuagatik”, zehaztu dute udal arduradunek.

“Etxebarriren kasuan, orain arte zerbitzu hori funts propioekin finantzatzen zen, % 25 inguruan. Hala ere, Nerbioi-Ibaizabal mankomunitateko kostu-azterlan baten emaitza izango den doikuntza finik ez dagoenez, aurten tasa % 20 igoko da, kontuan hartuta datorren urtean azken doikuntza egin beharko dela Europako Zuzentarau horretara egokitzeko”, diote.

Kiroldegia: % 8 gora

Etxebarriko Udalak igoko duen beste tasa bat da kiroldegiarena. Zehazki, % 8ko igoera onartu dute: “Aurreko ekitaldian gertatu zen bezala, argi dago pandemiaz geroztik asko igo direla energiaren kostuak, eta, horregatik, beharrezkoa da udal-kiroldegiak eskaintzen dituen zerbitzuen prezioak % 8 ere igotzea, azken urteetako hazkunde ikaragarri horien ondorioz ustiapenean sortutako defizita arintzeko”, arrazoitu dute udal ordezkariek.

Osorik irakurri

☉ Etxebarri

Valentziara bidaltzeko material bilketa gaur arte, Etxebarrin

|

Danak utzitako hondamendia Valentziako herri batean // Argazkia: Unai Etxebarriak GEURIAri bidalitakoa

Valentziako hondamendia dela eta, Galdakaoko GBGErekin harremanetan jarri da Etxebarriko Udala.

Galdakaoko boluntarioen elkartea azaroaren 6an joango da Valentziara eta horregatik material bilketa hasi dute Etxebarrin.

Zehazki, palak, gomazko ontziak, eskularru medikoak, eskularruak eta maskara kirurgikoak bilduko dituzte Etxebarriko kiroldegian eta Mari Carmenen dendan (Santa Marina, 11. Ordutegia: 09:30etik 20:30era). Material bilketa azaroaren 5era arte, 21:00ak arte, egingo dute.

Osorik irakurri

☉ Etxebarri

Asier Beato: «Tokiko merkataritzan sortzen den aberastasuna zure auzoan eta herrian geratzen da; balio erantsia da hori»

La Riberako merkatuan okindegi bat izateaz gain METRAE, Espainiako Merkatu Tradizionalen Konfederazioko presidentea ere bada Asier Beato Iglesias

|

Asier Beato etxebarritarrak okindegia du Bilboko La Riberako merkatuan // Geuria

Tokiko merkataritzaren alde dabil lanean aspalditik Asier Beato Iglesias (1973, Bilbo). Bilboko La Ribera merkatuan Ogiak izeneko okindegia zabaldu zuen orain dela hamarkada bat etxebarritarrak, eta bertan “egur-labean egindako ogia, artisau eran, ore amarekin eta ogi ekologikoa” eskaitzen die bere bezeroei. Hori gutxi ez, eta Espainiako Merkatu Tradizionalen Konfederazioko presidentea da iaztik. Ezagutza horretatik abiatuta tokiko merkataritzaren egungo egoeraz eta erronkez aritu gara Beatorekin, eta gomendio bat eskatu diogu euren negozia zabaldu nahi duten pertsonentzat: “ez etsitzea”.

Tokiko merkataritza askotan izaten dugu hizpide; merkatalgune handiak, online plataformak, kontsumo-ohituren aldaketak… zein da tokiko merkataritzaren egungo errealitatea eta nola egin diezaioke aurre egoera horri? Lehen begi kolpe batean denok esango genuke galduta daukagun “gerra” bat dela, ezta? Nik, ostera, beste galdera bat luzatuko nuke, luze gabe erantzun beharko duguna: irudikatzen duzu tokiko merkataritzarik gabeko herri edo hiri bat? Nik ez. Zeharo eskertzen dut begietara so egiten didan dendaria, gauzak astiro eta presarik gabe azaltzen dizkidana, irribarre batekin, ezaguna naizelako, ezagutzen dudalako. Hori bakarrik ez, gozagarria da denda batera joatea eta dendariak zure izena ezagutzea, behar izanez gero erosketa organ gordetzen laguntzea, plastiko gutxiago ematea… tokiko merkataritzak bere baliabide eta indarguneak ditu, eta ez soilik bakarrik negozioari dagozkionak: dendak kokatzen diren tokietan argiztapena ona izaten. Uste dut hori metafora ederra dela tokiko merkataritza herrientzat zer den azaltzeko: argia, bizitasuna, hurbiltasuna. Hori da galdu dezakeguna tokiko merkataritzarik gabeko herri batean.

Bilboko La Ribera merkatuan duzu zure negozioa. Merkatu tradizionalak udalerrietako bizitza sozial eta komertzialaren funtsezko parte izan dira. Azken hamarkadetan desagertu egin dira, edo turismoaren beharretara lerratu. Zein da Erriberako merkatuaren egungo errealitatea? Merkatuak zerbitzu publiko bat dira, eta haien erregulazioa eta sustapena udalen esku dago. Bartzelona, Madril, Valentzia, Alacant… bezalako hiriek aukera hori erabiltzen jakin dute, eta beren merkatuak indartu dituzte, bizilagunei sasoiko eta hurbileko produktuetan oinarritutako elikadura osasuntsua eskuratzeko aukera emanez. Bartzelonan 15 minutura baino gutxiagora dagoen udal-merkatu bat dago, eta bigarren udal-zerbitzu baloratuena da, suhiltzaileen atzetik. Egia da hainbat merkatuk turista asko erakartzen dituztela, eta horrek eskaintza birplanteatzera behartu du. Erriberako Merkatua euskal produktu eta kultura gastronomikoaren erreferentea izan daiteke berriro. Zoritxarrez, egungo administrazioak interes handiagoa du Bilboko hilerria sustatzeko, merkatuak sustatzeko baino.

Etxebarrin online plataforma bat estreinatu berri dute bertako dendetan erosketak egiteko. Zuek aldez aurreko esperientzia bat duzue zentzu horretan. Zein izan da emaitza? Online lehiatu eta lehiakorrak izan zaitezkete? Online aritzea ez da hautazkoa gaur egun. Bai ala bai egon behar zara, kontua da zelan eta zertarako. Ezin dituzu saltoki handien ereduak erreplikatu, hori ez baita zugana jotzen duen bezeroaren apustua. Salmenta-kanal bat gehiago da, gero eta bezero gehiagok erabiltzen dute, eta zu ez bazaude, salmenta horiek beste norabait joango dira. Gu 2020ko urrian hasi ginen, eta orain arte 48.000 bidalketa baino gehiago egin ditugu. Horrek erakusten du gauzak ondo eginez gero badaukagula gure tokia.

Zer aholku emango zenioke negozio bat ireki nahi duen pertsona bati? Zer da atseginena? Eta gutxien? Ez etsitzea. Negozio bat autoenplegurako modu bat izan daiteke, non karrera profesional propioa garatu dezakezun, mugarik gabe. Kasurako, ageriko kasu bat jarriko nuke: Zara munduko enpresarik handienetako bat da, baina saltoki txiki bat bezala hasi zen.

Goian kontsumitzailearen profila eta beharrak aipatu dituzu. Asko aldatu da? Zergatik? Kontsumitzailearen profila etengabe aldatzen doa. Merkatariaren lana bezeroa ezagutzea eta horretara egokitzea da. Ezin dugu jarraitu duela 30 edo 40 urteko formuletan ainguratuta, bezero hori jada ez delako existitzen. Saltoki txikien balio tradizionalek, hala nola hurbiltasunak eta produktuaren ezagutzak, talka egiten dute egungo joera indibidualistekin.
Zentzu horretan, argigarria da gero eta maizago gertatzen zaiguna; jende gazteak esaten digu beldurra ematen diola harategi batean erosteak, ez baitaki zer eta nola eskatu. Erakutsi behar zaie luxua dela xerra bat moztea zuretzat bereziki, eta ez ontzi batetik hartzea.

Zein da METRAEn (Espainiako Merkatu Tradizionalen Konfederazioa) egiten duzuen lana? Metraek udal-merkatuen interesak ordezkatzen, defendatzen eta sustatzen ditu. Saltokietatik haratago doan lana da, eta hurbileko merkataritza sustatzen du; nekazariei, abeltzainei, arrantzaleei eta lehen sektoreko ekoizleei laguntza ematen diegu beren produktuak merkaturatzeko, gazteak sukaldaritzaren eta merkatuaren kulturan hezten ditugu, janari osasuntsua eta tokiko ekonomia sustatzen duten kalitatezko produktuak zabaltzen ditugu.

Ikusten al duzue herritarren aldetik tokiko merkataritzarekiko aldeko jarrerari? Eta politikarien aldetik? Tokiko merkataritzarentzat, garrantzitsuena zu zara, bezeroa. Ez zara zenbaki bat, ezta estatistika bat ere. Eta gainera zure dirua zure auzoan, herrian, hirian geratzen da, ez du inbertsio funts handirik aberastuko. Hernanin, Ekhilur kooperatiba kontsumitzaileek, tokiko negozioek, enpresek, elkarteek eta erakunde publikoek parte hartzen duten proiektu bat garatzen ari dira, eta dirua erabiltzen du gizartea eraldatzeko motor gisa. Guztion lana izan behar du komunitatea indartzeko.

Etxebarrin negozio bat ireki beharko bazenu, zein izango litzateke? Zergatik? Benetako ogiaren falta somatzen dut.

Osorik irakurri