Sareak

☉ Etxebarri

Etxebarriko Kukullaga Eskubaloiko gazteek Porriño sektorea irabazi dute Pontevedran

Kukullagako emakumeek poz-pozik amaitu dute Galiziako sektorean jokatutako txapelketa eta “harreman onak” sortu dituzte bertako aurkariekin, José Cáceres entrenatzailearen arabera

|

Jokalariak, joan den asteburuan jokatutako partidetan // BM Kukullaga Eskubaloia

BM Kukullaga Eskubaloiko gazteen kategoriako neskek Pontevedran jokatutako Porriño sektorea irabazi dute (Galizia): “Poz-pozik daude Kukullagako jokalariak”, azaldu dio José Cáceres gazteen entrenatzaileak. “Txapelketa honetan ez dute talde guztiek jokatzen; Espainiako 32 talde onenek jokatzen dute eta hori nabarmentzekoa da”, gehitu du Kukullagakoak. Beste hitz batzuetan: Espainiako txapelketarako sailkatu dira Kukullagako gazteak eta dagoeneko 8 talde nazional onenen artean dago Etxebarrikoa.

Kukullagako neskek ez dute ezer utzi gainontzeko taldeentzat joan den asteburuan Galizian jokatutako partidetan: Aula Valladoliden aurka 30-26 irabazi zuten Etxebarrikoek, BM Porriñoren aurka 32-30 eta azken partida, Elxeren aurka lehiatutakoa, 30-28koa izan zen azken emaitza.

“Partidak bukatu eta jokalarien artean euren Instagram eta TikTok kontuak elkarbanatzen egon ziren, poz pozik”

“Harritzekoa da benetan zailak izan direlako gure aurkariak”, aitortu du Cáceresek eta Kukullagako neskek aurkariekin harreman sendoa egin dutela azaldu du: “Partidak bukatu eta jokalarien artean euren Instagram eta TikTok kontuak elkarbanatzen egon ziren, poz pozik. Horrela funtzionatzen dute kiroletako harremanek gaur egun, antza”, dio barrez.

Jokatu beharreko hurrengo partidak Castellón dira, Ondan. “Uste baino aurkari zailagoak izango ditugu bertan, baina gure neskak indartsu eta animoz gainezka daude momentu honetan. Beraz, jo eta su izango gara hurrengo erronkan, beti bezala!”, aurreratu du Kukullagako entrenatzaileak.

Kadeteak ere, borrokan

Asteburu honetan, Kukullagako kadeteak Kataluniara joango dira Emakumezkoen Sektoretako Txapelketa jokatzera. Maiatzaren 12an eta 13an partidak dituzte Bartzelonako Josep Llavina i Esteve kiroldegian Sar Rodavico A taldearen aurka. Sailkatutako taldeak finala jokatuko du maiatzaren 14an, igandea.

BM Kukullaga Eskubaloia taldeko jokalariak, Etxebarriko kiroldegian entrenatzen // Geuria

Konstantzia eta lan ona

BM Kukullaga Eskubaloiako emakumeek arrakasta izan ohi dute jokatzen dituzten txapelketa gehienetan: “Etxebarriko Kukullaga taldea nagusiki neskena da eta bertako jokalariak zaintzeaz gain errendimendurik onena ematea lortzen dute”, azaldu zion Izaro Saiz gazteen taldeko jokalariak GEURIA komunikabideari joan den otsailean.

“Euskadiko Txapelketako kategoria ezberdinetako emaitzak ikustea besterik ez dago horretarako!”, gehitu zuen Saizek “Iaz, esaterako, gazteen eta kadeteen taldeek Euskadiko Txapelketa irabazi genuen eta Espainiako sektoreetarako sailkatu ginen. Hau ez da azken urteetako joera soilik: 2018an, haurren kategoriako taldea Espainiako txapeldun izan zen klubetan. Itzela da hori”, izan ziren Kukullagakoaren berbak.

Entrenatzaileak horixe bera azpimarratu du: “Txikitatik entrenatzen hasten dira. Hori da sekretua. Gainera, Kukullagan oso ondo egiten dute lan”.

Izaro Saiz: «Kirolak matematikak besteko garrantzia dauka gure etxean»

☉ Etxebarri

Etxebarriko estalitako igerilekuak berrituko dituzte udan 580.000 euroko inbertsioarekin

|

Lanak abuztuan hasi eta hilebete eta erdiko epean bukatuko dituzte // Etxebarriko Udala

Etxebarriko estalitako igerilekuak berrituko ditu Udalak. Zehazki, helduentzako eta haurrentzako barruko igerilekuak berrituko dituzte: hodien barne-estaldura ordezkatuko dute, gainezkabidea berrituko dute eta mugikortasun urria duten pertsonentzako aulki bat jarriko dute.

Lanak abuztuaren 1ean hasiko dituzte eta hilabete eta erdiko epean bukatuko dituzte. “Hobekuntza-lanak egingo diren bitartean barruko igerilekuak ezingo dira erabili. Datak enpresa kudeatzailearen jarraibideen arabera aukeratu dira, erabiltzaileei ahalik eta eragozpen gutxien eragiteko”, diote.

Udalak 580.000 euro bideratuko ditu obra horietan eta Alpe Pools enpresak burutuko ditu.

Osorik irakurri

☉ Etxebarri

Lasaitasuna mantentzeko deia luzatu du Etxebarriko alkateak, “sexu erasoaren ikerketari aurre hartu gabe”

|

Iker Lopez Etxebarriko alkatea (bigarrena ezkerretik) ekainaren 9an sexu erasoa salatzeko elkarretaratzean // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

San Antonioko jaietan gertatutako sexu erasoa ikertzeko herritarren laguntza eskatu du Ertzaintzak

|

Ekainaren 9an sexu erasoa salatzeko elkarretaratzea egin zuten ehunka herritarrek Zintururin // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

Etxebarriko Institutuak eTwinning 2024 saria jaso du, hizkuntza-gaitasunak garatzeko proiektuarekin

|

Etxebarri Institutuko Batzilergoko 1. eta 2. mailako Biologia eta Geologiako ikasleek hartu dute parte proiektuan // Etxebarri Bizi

Etxebarriko Institutuko batxilergoko 1. eta 2. mailako Biologia eta Geologiako ikasleek Erasmus+ programako eTwinning 2024 saria jaso dute, 2022-2023 ikasturtean garatutako ‘Mikro & Nano’ proiektuarekin.

Proiektua jatorrizko hizkuntzan zein atzerriko hizkuntzan hizkuntza-gaitasunak garatzea datza, hainbat ikaskuntza-eremu erabiliz.

“Proiektuari esker, ikasleek jatorrizko hizkuntzan eta atzerriko hizkuntzan hizkuntza-gaitasuna garatu ahal izan zuten, bai eta gaitasun digitala ere, hainbat tresna digital, sozial eta hiritar erabiliz, ekimenaren zentzua eta espiritu ekintzailea, kontzientzia eta adierazpen kulturalak, gaitasun zientifikoa, pentsamendu kritikoa eta ikasten ikastea”, diote Institutuko eTwinning proiektuko arduradunek.

Etxebarriko ikasleekin batera proiektu honetan lanean izan dira Espainiako, Tunisiako, Bulgariako, Italiako eta Portugalgo ikasleak. “Guztira 200 ikaslek elkarrekin eta modu telematikoan lan egin dute, ikuspegi humanistiko, zientifiko eta sozial batetik ikaskuntza-eremu desberdinetako mikro eta nanoari buruz”, diote.

Saria Espainiako Hezkuntza Ministerioko Hezkuntza Teknologien eta Irakasleen Prestakuntzaren Institutuak (INTEF) ematen du. Amaya Alonso Cabria Etxebarriko Institutuko irakaslea eta eTwinning proiektuko arduradunak Bruselako Europako Parlamentua bisitatuko du eta sari banaketan parte hartuko du.

Etxebarriko Institutuaz gain, eTwinning saria jaso dute Gasteizko Armentia Ikastolak, Iruñeko Julio Caro Baroja Institutuak eta Sevillako Velazquez, Pino Montano eta Antonio Machado institutuek.

Osorik irakurri

☉ Etxebarri

Argazkiak / San Antonioko jaietan jazotako sexu erasoaren aurrean erantzun du herriak

|

Ekainaren 8ko goizean, San Antonioko jaien lehen gaua eta gero, emakume batek sexu erasoa jasan zuela salatu zuen.

Gaur 17:00etan elkarretaratzea deitu dute Jai Batzordeak eta Etxebarriko Udalak Zintururi plazan. Ehunka herritar batu dira, ‘Erasorik ez, erantzunik gabe’ lemapean.

Arratsaldeko hau bigarren kontzentrazioa izan da; lehena atzo gauerdian egin zuen Jai Batzordeak eta larunbat gaueko ekitaldi guztiak bertan behera utzi zituzten.

Osorik irakurri