☉ Etxebarri
Merkataritza-lokalak alokatzeko, erosteko edota berritzeko 40.000 euro bideratuko ditu Etxebarrik
Merkataritza- eta ostalaritza-lokalak alokatzeko, erosteko edota modernizatzeko diru-laguntzak emango ditu Etxebarriko Udalak. “Lehenengokoen kasuan, hutsik dauden lokalak alokatzea edo erostea, edo belaunaldi aldaketa egiteko dira, eta bigarren laguntza lerroari dagokionez, lokalak berritzea da asmoa”, dio Iker Lopez Hirigintza arloko zinegotziak. Bi diru-laguntzak bateragarriak direla adierazi du Lopezek. Gainera, Eusko Jaurlaritzak eta Espainiako Gobernuak eskaintzen dituzten laguntzekin uztargarriak direla ere azpimarratu du Diego Sanchez CIME, Enplegua, Enpresa eta Merkaritza arloko zinegotziak.
Guztira 40.000 euro bideratuko ditu Udalak aurten Etxebarri+ izeneko ekimenari: 20.000 euro lokalak alokatzeko edota erosteko, eta beste 20.000 euro lokalak berritzeko (2022ko ekainaren 27tik aurrera zabaldu dituzten lokalak sar daitezke laguntza honen markoan). Alokairurako diru-laguntzei dagokienez, Udalak % 50a ordainduko du bi urtez: lehenengo urtean 350 euro hilero eta bigarren urtean 250 euro hilero; gainera, abalak sinatzearen ondoriozko gastuak ere barne hartuko lituzke Udalak (lehenengo urtean 350 euro hilero eta bigarren urtean 250 euro hilero). Lokala erosterako orduan laguntzaren zenbatekoa lokalaren katastro-balioaren % 4aren gainean kalkulatuko dute, gehienez 7.200 euro.
Lokalak berritzeko laguntzetan, merkataritza-establezimenduaren azpiegitura eta ekipamendua berritzeko eta teknologia berriak eta berrikuntza sartzeko diru-laguntzak emango dituzte. Laguntzaren zenbatekoa, oro har, inbertsio onargarriaren % 45 izango da (gehienez 4.000 euro jarduera berrietarako eta 3.500 euro dagoeneko ezarrita daudenetzako), eta ezin izango dira programaren oinarrietan adierazitako gehienekoak baino handiagoak izan.
2021eko datuen arabera, Etxebarrin 5 saltoki daude 1.000 biztanleko (Basaurin eta Galdakaon, esaterako, 10 saltoki daude 1.000 biztanleko). Hau da, biztanleria osoa kontuan hartuta, 60 saltoki daude herrian. Datuak datu, diru-laguntza osoak bantzekotan, Etxebarriko 5 lokal lagunduko lituzke Udalak; merkataritza-lokalen % 10a, alegia. “Ematen du kopuru txikia dela, baina egin esan arrakastatsua da: bost lokal berri irekitzea lortzen badugu, hori lorpen handia da tokiko merkataritzarako”, dio Loren Oliva Etxebarriko alkateak, eta gaineratu du, “beharrezkoa balitz, diru-laguntzak handitzea aztertuko dugu”.
35 lokal huts
Etxebarri hiru nukleo desberdinetan banatzen da: Doneztebe, Kukullaga eta San Antonio. Hiru guneak aztertu ditu Udalak eta Sanchez zinegotziak adierazi duenez, San Antonion analisi berezia egin dute: “Belaunaldi aldaketa gutxien eta merkataritza lokalen itxiera gehien eman da azken hilabete eta urteetan San Antonion. Horregatik egin dugu analisi sakonagoa bertan”, dio.
San Antonioko merkataritza lokalentzako diru-laguntzei dagokienez, laguntza ekonomikoa desberdina izango da. Alokairuetan % 50a ordainduko du Udalak, baita abalak sinatzearen ondoriozko gastuak ere: lehenengo urtean 400 euro hilero eta bigarren urtean 300 euro hilero. Erosteko diru-laguntzarako laguntzaren zenbatekoa lokalaren katastro-balioaren % 4aren gainean kalkulatuko dute, baina kasu honetan gehienez 8.400 euro. Eta, lokalak berritzeko laguntzetan, inbertsio onargarriaren % 50 ordainduko du Udalak (gehienez 4.000 euro jarduera berrietarako eta 3.500 euro dagoeneko ezarrita daudenetzako), eta ezin izango dira programaren oinarrietan adierazitako gehienekoak baino handiagoak izan.
Udalerri osoan 35 merkataritza-lokal hutsik daude eta horiei bizitza eman nahi die Udalak. Asmo horretan Behargintzaren laguntza ere badu Udalak: “Merkaritzari buruzko planean laguntza ematen digu Behargintzak. Merkatal-lokal berriak sortzeko laguntza ematen dute”, dio Olivak. “Azken 10 urtetan Etxebarri % 26 hazi da biztanle aldetik. Auzolagun berriak daude herrian eta merkataritza sustatzeko ekimen hau aukera ezin hobea da tokikoa bultzatzeko”, dio Sanchezek. “Etxebarri herri erakargarria izatea nahi dugu”, dio Olivak.
Merkabulegoa, zabalik
“Asmo handiko ekintzak dira, eta, horretarako, Merkabulego dugu, Etxebarriko merkataritza dinamizatzeko bulegoa. 2022ko ekainean abian jarri genuen bulegoa. Laguntza batzuk atera ditugu tokiko merkataritza indartzeko, eta hori berria da Etxebarrin, baita Bizkaian ere. Espero dugu ekintza hauek bere fruitua ematea”, dio Loren Oliva Etxebarriko alkateak.
Merkabulegoak dagoeneko lehen kontsultak izan ditu: “Momentuz oso gutxi izan dira bertaratu diren merkatariak eta ostalariak, baina kanpainaren hasioerarekin askoz gehiago izango direla ziur gaude”, dio Joana Beasain Merkabulegoko merkataritza-dinamizatzaileak. Diru-laghuntza eskatzeko epea zabalik dago 2023ko abenduaren 31ra arte.
Bulegoa CIME eraikinean dago (behe soilariruan) eta zabalik dago astelehenetan 14:00etatik 18:00etara eta astearteetan eta ostegunetan 09:00etatik 13:00etara. Interesdunek aldez aurreko hitzordua eskatu behar dute 670 487 928 telefono zenbakira deituta edo merkabulego@etxebarri.eus helbide elektronikora idatzita.
☉ Etxebarri
Euskara ikasteko “eskaintza zabala” prestatu du Etxebarriko Euskaltegiak
Etxebarriko Euskaltegiak matrikulazio epea zabaldu du. Interesdunek irailaren 30era arte dute izena emateko epea zabalik
Etxebarriko Euskaltegiak matrikulazio kanpaina jarri du martxan 2024-2025 ikasturterako. Izena ematea aurrez aurre egin daiteke Euskaltegian bertan, Bekosolo parkeko txalet horian, irailaren 30era arte, 10:00etatik 14:00etara eta 15:00etatik 18:00etara.
“Etxebarritarrek euskara ikastaro eskaintza zabala daukate euren herrian bertan, erritmo eta ordutegi zabalarekin, baita ikastaro berezien kasuan Ulibarri euskaltegira bertara joateko, beti ere Udalak eskaintzen dituen baldintza ekonomiko interesgarrietan”, diote udal ordezkariek.
Kostuari dagokionez, aurten Udalak ezarritako tasaren arabera 1,09 euro/orduko eta ikaslekoa izango da, eta ikastaroak behin bukatutakoan diruz lagunduko ditu.
“Aurten berrikuntza gisa HABEk ezarri dituen baldintza bereziak aipatu beharra dago. Izan ere, A1 maila (hasierako maila) eta C1 maila (16-18 urte) bereziki sustatuko dira komunikagarritasun maila handitzeko asmoz, eta horretarako kuota merkea ezarri du HABEk, eta asistentziaren % 75 bermatuz gero, kopurua itzuli egingo dute. Gainontzeko mailetan HABEk dirulaguntza bidez itzuliko ditu ordaindutako kopuruak euskaltegian maila gaindituz gero”, diote.
Pasa den ikasturtean 170 ikasle izan zituen Etxebarriko Euskaltegiak. Aurten, beste behin ere, Euskaltegiaren zerbitzua oraintsu esleitu zaio lehiaketa bidez Ulibarri Euskaltegiari datozen lau urteetarako.
☉ Etxebarri
Euskararen erabilera bultzatzeko Berbalapiko ekimenean izena emateko epea zabaldu dute Etxebarrin
Etxebarrin euskararen erabilera bultzatzeko Berbalapiko ekimena antolatuko du beste urte batez Udaleko Euskara Zerbitzuak.
Irailean zabaldu dute izena emateko epea eta azaroaren 4ra arte luzatu dute. Interesdunek izena eman behar dute Etxebarriko Euskara Zerbitzuan, CIME eraikineko bigarren solairuan.
“Ez da euskara ikastetxeko ikastaro bat, oinarrizko maila izanik, aisialdiarekin lotuz euskaraz hitz egiteko aukera baizik”, diote udal ordezkariek.
Gaur hasiko dira Kukullagako jaiak, Etxebarrin! Irailaren 15era arte hogeina ekitaldi antolatu ditu Jai Batzordeak.
Egitaraua / Kukullagako jaiak 2024
Irailak 13, ostirala
18:30 Auzoan poteoa Primo Bayoren animazioarekin, kiroldegiko tabernatik
20:00 Txupinazoa San Antonio etorbidean
21:00 Herri afaria San Antonio etorbidean
21:30 Guitarra Cow Boy San Antonio etorbidean
23:00 Rool DJ San Antonio etorbidean
Irailak 14, larunbata
09:30 Indaba lehiaketaren hasiera. Izena ematea 12:00ak baino lehen
10:45 Orienting tailerra familia osoarentzat Eskenatoki plazan
11:45 Haurrentzako puzgariak eta jolas tradizionalak Eskenatoki plazan
14:30 Indabak aurkeztea San Antonio etorbidean
17:30 Mus txapelketa Coto tabernan
18:00 Magia ikuskizuna: Nicolás Chevalie
19:00 Hirugihar-jana La Plaza tabernan
19:00 Haurrentzako animazioa: DJ Kaktus
20:00 Patxangeoa Alo tabernan
23:00 Dantzaldia San Antonio etorbidean: Stereo Star Band
Irailak 15, igandea
09:30 Paella, sangria eta tortilla txapelketen hasiera. Izena ematea 12:00ak arte
11:45 Artzain txakur erakusketa Atzeko plazan
13:30 Apar jaia San Antonio etorbidean
14:30 Paellak, sangria eta tortillak aurkeztea San Antonio etorbidean
17:30 Igel-toka lehiaketa San Antonio etorbidean
18:00 Txokolatada San Antonio etorbidean
18:30 Malabareak San Antonio etorbidean
19:30 Txitxarrilloa San Antonio etorbidean: Orquesta Laklandestina
21:00 Sari banakera San Antonio etorbidean
21:30 Jaien amaiera eta su artifizialak
☉ Etxebarri
Zabor tasa igoko du 2025ean Etxebarriko Udalak, Europak hala behartuta
Araudi berrien arabera, zaborraren bilketaren gastua herritarrek eta enpresek hartu behar dute beren gain
Datorren urtean gora egingo du zabor tasak Euskal Autonomia Erkidegoko udalerri gehienetan, eta horren berri eman die Etxebarriko Udalak herritarrei. Hala ere, oraindik ez dute zehaztu Etxebarrin igoera hori zenbatekoa izango den: “Zaborraren tasa berria datorren urteko aurrekontuan islatuta egon behar da eta, hortaz, 2024a amaitu baino lehen eztabaidatu eta onartu behar dugu osoko bilkura batean”, diote udal ordezkariek.
Tasaren igoera hori Europako Hondakinen Zuzentaraua eta Estatuko hondakinen eta lurzoru kutsatuen legea ekonomia zirkular baterako betetzearen ondorio da. Araudi berrien arabera, hondakinen kudeaketak “zero kostua” izan behar du erakunde publikoentzat, eta horrek esan nahi du zaborraren bilketaren eta tratamenduaren gastua sortzen duenak bere gain hartu behar duela, hau da, herritarrek eta enpresek.
Gaur egun gastuen eta zabor tasarengatiko diru-sarreren arteko aldea % 40 ingurukoa da Etxebarrin. Nolanahi ere, eta Europako araudiek eskatzen duten bezala, Udala lanean ari da “sortze bakoitzeko ordainketa” sistema bat ezartzeko, erabiltzaile bakoitzeko zerbitzuaren benetako kostua islatzeko. Horrek esan nahi du hondakin gehiago sortzen dituzten erabiltzaileek gehiago ordainduko dutela. Era berean, Udala zaborren tasaren igoeraren eragina arintzeko hainbat neurri aztertzen ere ari da. Horien artean daude, besteak beste, gutxieneko birziklatze organikoa betetzen duten erabiltzaileentzako hobari fiskalak, hondakin gutxiago sortzen dituzten erabiltzaileak saritzeko “sortzeagatiko ordainketa” sistemak ezartzea eta hondakinen murrizketa, berrerabilera eta birziklapena sustatzeko sentsibilizazio kanpainak.
☉ Etxebarri
Etxebarriko dendetan on line erosteko merkataritza plataforma aurkeztu du Udalak
Hilabete honetan webgunearen lehen bertsioa martxan jarri dute, eta etorkizun hurbilera begira erosketak egiteko aukera izango dute erabiltzaileek
Udalerriko saltokiei laguntzea eta hurbileko ekonomia bultzatzea. Hori da Etxebarriko Udalak aurkeztu berri duen GO!!ETXEMARKET online merkataritza-plataformaren helburua. “Tresna berritzaile honen bidez, bizilagunek aukera dute bertako dendetako ehunka produkturen artean klik bakar baten bidez nabigatzeko eta erosketak edozein unetan egiteko” diote.
Hilabete honetan webgunearen lehen bertsioa martxan jarri dute, eta etorkizun hurbilera begira erosketak egiteko aukera izango dute erabiltzaileek. Udalaren arabera sistema hau denda fisikoaren “osagarri” izango da. Elikadura, moda, estetika, papergintza, informatika edo burdindegia aurkitu daitezke Go!!Etxemarketen.
Europar Batasunaren NextGeneration laguntza lerroaren bitartez finantzatu dute ekimen berritzaile hau, “tokiko merkatariek eraldaketa digitalarekin bat egin dezaten”. eta eraldaketa hori funtsezkoa delako “lehiakortasuna handitzeko eta merkataritza hurbil eta iraunkor baten biziraupena bermatzeko” borobildu dute udal arduradunek.
Argazkiak / Uretara! Splash txapelketa egin dute Galdakaoko jaietan
Kirolaren Euskal Biltzarrak urrian Basaurin hausnartuko ditu gizarte berriaren erronkak
Bideoa / Galdakaoko jaietako Errelebo lasterketan giro “oso ona” egon da: “Datorren urtean berriro!”
Argazkiak / Uretara! Splash txapelketa egin dute Galdakaoko jaietan
Argazkiak / Txantxa Gutxi kuadrillak irabazi du Errelebo lasterketa Galdakaoko jaietan
Argazkiak / Gusak da Galdakaoko jaietan talentu gehien duen kuadrilla
Bideoa / Galdakaoko jaietako Errelebo lasterketan giro “oso ona” egon da: “Datorren urtean berriro!”
Bideoa / “ETSk entzun du Usansolok zer nahi duen, eta jarraituko dugu geltokia erdigunean aldarrikatzen”
