Sareak

☉ Etxebarri

Programa / San Antonioko jaiak 2024

|

San Antonioko jaiak ekainaren 7tik 16ra bitartean izango dira // Geuria

Ekainaren 7an hasiko dira San Antonioko jaiak, Etxebarrin. Ekainaren 16ra arte hamaika jarduera antolatu dituzte, hala nola, kuadrillen jaitsiera, gastronomia lehiaketak, gazte bazkaria, gurdien igoera eta dantzaldiak antolatu ditu Jai Batzordeak.

Programa / San Antonioko jaiak 2024

Ekainak 7, ostirala
19:30 Txupinazoa eta pregoia Zintururi plazan
20:00 Kuadrillen jaitsiera
23:00 Dantzaldia: Kresala taberna

Ekainak 8, larunbata
10:00-14:30 X. Lapiko lehiaketa
11:00 Munduaz Blai azoka solidarioa Zintururi plazan
11:30 Helduentzako XI. Tiragoma txapelketa Batzordearen karpan
11:30 Euskal dantzen erakustaldia eta dantza poteoa Zintururin
13:00 Ipuin kontalaria Zintururin: ‘Kiribil doktorea, galdutako animalien bila’
16:30 Kafe-zaporea duen bingo musikatua
18:00 IX. Kuadrillen Ginkana Zintururi plazan
19:30 Hirugihar-jana La Cabaña tabernan
20:00 Hirugihar-jana D’Zero tabernan
20:00 Saiheski-jana Etxezuri tabernan
20:00 Pintxo morunoa Chill Out tabernan
23:00 Dantzaldia Zintururi plazan: La Reina Show

Ekainak 9, igandea
08:00 Jaiki San Antonio!
11:00-14:00 Puzgarriak, pista amerikarra, baby rockodromoa eta tailerrak haurrentzat (0-12 urte) Zintururi plazan
11:00-12:00 Mini-Molto lasterketa Zintururi plazan
12:30 Vermouth eta mokadutxoa Batzordearen Txosnan
13:00 Kontzertua Batzordearen Txosnan: William (Los Brazos taldeko abeslaria eta gitarrista)
14:00 Pintxo solidarioa Etxezuri tabernan
14:00 Paella-jana D’Zero taberban
14:30 Paella-jana La Cabaña tabernan
17:00 Pala txapelketa Zintururiko frontoietan
17:00 Arku-jaurtiketaren stand parte-hartzailea La Presan
17:00 Igel-toka lehiaketa Etxezuri tabernan
18:00-19:30 Nerabeen Prix Erraldoia (13-16 urte)
19:30-21:00 Helduen Prix Erraldoia (+17 urte)
20:00 Txorizo-jana Zintururi plazan

Ekainak 11, asteartea
17:00 Senior Bingo erraldoia Zintururin (+60 urte)
18:00 II. Senior Olinpiadak Zintururin (+60 urte)
19:30 Sari banaketa Zintururin: Olinpiadak; eta pintura, marrazketa, eskultura eta eskulanen lehiaketa
19:45 Luntxa adinekoentzat Zintururin
20:00 Musika

Ekainak 12, asteazkena
17:30 Ludoteka, eskulanak eta jokoak txikientzat
19:30 Txokolatada herrikoia

Ekainak 13, osteguna
18:30 Meza
18:30-19:45 Zumba jaia Zintururin
20:00-22:00 Pintxo-potea San Antonioko jai-esparruan + Orkresta Elektrotxaranga
22:30 Suzko zezena Zintururi plazan
23:00 Etrnty saioa Batzordearen karpan

Ekainak 14, ostirala
15:00 Gazte bazkaria frontoian
17:00 Kalejira poteoa Zintururitik Galizia kaleraino
20:00 Gurdien igoera Galizia kalean
20:00 Hirugihar-jana Etxezuri tabernan
22:30 Sound Land gaua Zintururi plazan

Ekainak 15, larunbata
11:00-14:00 Ur-puzgarriak Zintururi plazan
12:00 Ur-erronka Zintururin
12:45 Apar jaia
12:00-14:00 Pintxo-potea Txosnen eremuan
14:30 Herri bazkaria Institutuan
18:00 Herri Kirolak Zintururi plazan. Erakustaldia
19:30 Txorizo-jana La Cabaña tabernan
20:00 Kontzertua Etxezuri tabernan: Norte por rumbas
20:00 Sardina-jana D’Zero taberban
20:00 Hirugihar-jana Chill Out tabernan
23:00 Dantzaldia Zintururin: La Rebelión

Ekainak 16, igandea
10:00-14:00 Gastronomia lehiaketak Zintururi inguruetan: paella mistoa, patata tortilla eta sangria
16:30 Zirku tailerra
20:00 Santxitxa-jan herrikoia Zintururi plazan
19:00 Jai amaiera

☉ Etxebarri

Zebrabide adimenduak jarriko dituzte Etxebarrin, oinezkoen segurtasuna hobetzeko

|

Pasabide horiek led seinaleztapen sistema izango dute // Argazkia: Onroad.to

Zebrabide adimenduak jarriko dituzte Etxebarrin, oinezkoen segurtasuna hobetzeko asmoz. Pasabide horiek led seinaleztapen sistema izango dute eta klima baldintza guztietan eta eguneko ordu guztietan ikusiko dira.

Era berean, ibilgailuen eta oinezkoen kontaketei buruzko informazio zehatza emango dute: “Informazio horri esker, mugikortasunari buruzko estatistikak eta konparazioak egin ahal izango dira, zirkulazio-fluxuen dinamikak ezagutzeko eta, ondoren, irisgarritasunari, mugikortasunari eta bide-segurtasunari buruzko erabakiak hartzeko”, diote udal ordezkariek.

Zebrabide adimenduak kale hauetan jarriko ditu Udalak: San Esteban etorbidean (Bekosolo eta Talka artean), Metro geltiokiaren ondoan, Amezola kalean, Eroski dagoen tokian, Uribarribarri kalean, Sabino Arana kaleko ermitaren ondoan, San Antonio hiribidean (Freddy tabernaren ondoan), Marivi Iturbe kalean (Tarrasta Gaztegunearen ondoan), Santa Marina eta Andaluzia kaleen arteko pasabidean, eta Galizia kalean.

Lanak ekainaren 24an, astelehenez, hasiko dituzte eta bi hilabetez luzatuko dira: “Obrak astebetekoak izango dira oinezkoen pasabide bakoitzeko, eta bi hilabetera luzatuko dira guztiak amaitu arte”, diote udal arduradunek, eta gaineratu dute irailean erabiltzeko prest egongo direla.

Obrak Dinycon Sistemas S.L. enpresak burutuko ditu, eta inbertsioa guztira 156.000 eurokoa da. Etxebarriko Udalak Next Generation funtsetatik jaso du diru-laguntza.

Osorik irakurri

☉ Etxebarri

Etxebarriko estalitako igerilekuak berrituko dituzte udan 580.000 euroko inbertsioarekin

|

Lanak abuztuan hasi eta hilebete eta erdiko epean bukatuko dituzte // Etxebarriko Udala

Etxebarriko estalitako igerilekuak berrituko ditu Udalak. Zehazki, helduentzako eta haurrentzako barruko igerilekuak berrituko dituzte: hodien barne-estaldura ordezkatuko dute, gainezkabidea berrituko dute eta mugikortasun urria duten pertsonentzako aulki bat jarriko dute.

Lanak abuztuaren 1ean hasiko dituzte eta hilabete eta erdiko epean bukatuko dituzte. “Hobekuntza-lanak egingo diren bitartean barruko igerilekuak ezingo dira erabili. Datak enpresa kudeatzailearen jarraibideen arabera aukeratu dira, erabiltzaileei ahalik eta eragozpen gutxien eragiteko”, diote.

Udalak 580.000 euro bideratuko ditu obra horietan eta Alpe Pools enpresak burutuko ditu.

Osorik irakurri

☉ Etxebarri

Lasaitasuna mantentzeko deia luzatu du Etxebarriko alkateak, “sexu erasoaren ikerketari aurre hartu gabe”

|

Iker Lopez Etxebarriko alkatea (bigarrena ezkerretik) ekainaren 9an sexu erasoa salatzeko elkarretaratzean // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

San Antonioko jaietan gertatutako sexu erasoa ikertzeko herritarren laguntza eskatu du Ertzaintzak

|

Ekainaren 9an sexu erasoa salatzeko elkarretaratzea egin zuten ehunka herritarrek Zintururin // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

Etxebarriko Institutuak eTwinning 2024 saria jaso du, hizkuntza-gaitasunak garatzeko proiektuarekin

|

Etxebarri Institutuko Batzilergoko 1. eta 2. mailako Biologia eta Geologiako ikasleek hartu dute parte proiektuan // Etxebarri Bizi

Etxebarriko Institutuko batxilergoko 1. eta 2. mailako Biologia eta Geologiako ikasleek Erasmus+ programako eTwinning 2024 saria jaso dute, 2022-2023 ikasturtean garatutako ‘Mikro & Nano’ proiektuarekin.

Proiektua jatorrizko hizkuntzan zein atzerriko hizkuntzan hizkuntza-gaitasunak garatzea datza, hainbat ikaskuntza-eremu erabiliz.

“Proiektuari esker, ikasleek jatorrizko hizkuntzan eta atzerriko hizkuntzan hizkuntza-gaitasuna garatu ahal izan zuten, bai eta gaitasun digitala ere, hainbat tresna digital, sozial eta hiritar erabiliz, ekimenaren zentzua eta espiritu ekintzailea, kontzientzia eta adierazpen kulturalak, gaitasun zientifikoa, pentsamendu kritikoa eta ikasten ikastea”, diote Institutuko eTwinning proiektuko arduradunek.

Etxebarriko ikasleekin batera proiektu honetan lanean izan dira Espainiako, Tunisiako, Bulgariako, Italiako eta Portugalgo ikasleak. “Guztira 200 ikaslek elkarrekin eta modu telematikoan lan egin dute, ikuspegi humanistiko, zientifiko eta sozial batetik ikaskuntza-eremu desberdinetako mikro eta nanoari buruz”, diote.

Saria Espainiako Hezkuntza Ministerioko Hezkuntza Teknologien eta Irakasleen Prestakuntzaren Institutuak (INTEF) ematen du. Amaya Alonso Cabria Etxebarriko Institutuko irakaslea eta eTwinning proiektuko arduradunak Bruselako Europako Parlamentua bisitatuko du eta sari banaketan parte hartuko du.

Etxebarriko Institutuaz gain, eTwinning saria jaso dute Gasteizko Armentia Ikastolak, Iruñeko Julio Caro Baroja Institutuak eta Sevillako Velazquez, Pino Montano eta Antonio Machado institutuek.

Osorik irakurri