Sareak

☉ Etxebarri

Terapia saioetarako 1.500 euroko txekea eman dio Etxebarriko Udalak Julene Alonsori

Julene Alonso Rodriguez Rett sindromea pairatzen duen 5 urteko etxebarritarra dugu. Gaur bertan Etxebarriko Udaleko osoko bilkuren aretoan izan dugu bere ama Teresa Rodriguezek eta Maratones Solidarios Javi & Jon elkarteko Javi Conde eta Jon Salvador kideek lagunduta 1.500 euroko txeke solidarioa jasotzeko

|

Loren Oliva Etxebarriko alkatea, Teresa Rodriguez, Julene Alonso, Javi Conde eta Jon Salvador, osoko bilkuren aretoan // Geuria

Julene Alonso Rodriguez Rett sindromea pairatzen duen 5 urteko etxebarritarra dugu. Gaur bertan Etxebarriko Udaleko osoko bilkuren aretoan izan dugu bere ama Teresa Rodriguezek eta Maratones Solidarios Javi & Jon elkarteko Javi Conde eta Jon Salvador kideek lagunduta 1.500 euroko txeke solidarioa jasotzeko.

Hasiera batean diru hori komunikadore bat erosteko izango zen, baina gailu hori joan den urtean eskuratu ziutenez, Airoa zentro neuromuskularrera bideratuko dituzte haurraren fisioterapia eta logopedia saioak ordaindu ahal izateko.

Mutazioa genetan

RETT sindromea genetan gertatzen den mutazioa dugu. Ondorioz, haurrak behar bezala garatzeko arazoak ditu: haurrek berba egiteari uzten diote eta eskuen erabilera galtzen dute gehienetan, kasu bakoitzaren arabera.

“Jaio eta 8-9 hilabetera tonu muskularrik ez zuela ikusi genuen”, azaldu digu Teresak. “Errehabilitazio saioetara eramaten hasi ginen eta bertako arduraduna Julenek gaitz neuronala zuela jabetu zen. Bere garapen erritmoa gainontzeko umeena baino motelagoa zen”. Neurologia espezialitatera eraman zuten gurasoek eta autismo mota bat zela esan zieten bertan.

18 hilabete egin zituen atzerapausu oso nabarmena jasan zuen Julenek: etengabeko zapladak ematen hasi zen, etengabe hitz egiten, katamarka egiteari utzi zion eta beste hainbeste sintomekin… urte bi igaro ostean ikerketaren emaitzak eman zizkieten gurasoei: Julenek Rett sindromea dauka: “18 urteko ume bat izatetik haurtxo txiki bat izatera igaro zen berriro Julene”. Teresaren arabera, umea guztiz dependientea da eta zainketa lan guztiak egin behar zaizkio, haurtxo bat balitz.

Garai hartan Bilboko Santutxu auzoko pisu txiki batean bizi zen Alonso Rodrigez familia. “Juleneren arazoak zirela eta aldaketa nabarmenak egin behar ziren etxebizitzan, baina eraikinak ez zuen aukera hori ematen”, azaldu du amak. Orduan, etxebizitza utzi eta Etxebarrira joan ziren bizitzera. “Pisuak irisgarriagoak dira bertan, ateen zabalera handiagoa da eta bertatik gurpildun aulkiak igaro daitezke… “.

Etengabeko borroka

Herri berrira etortzean, Teresak diru-laguntza bat eskatu zuen haurrari zutik egotea ahalbidetuko zion bipedestadore bat erosi ahal izateko: “Diru-laguntza baztertu zidaten, bipedestadorea katalogotik kanpo zegoela argudiatuz”. Amaren hitzetan, gailu hori “garestiegia” zen eta Etxebarriko Udalera jo zuen: “Momentu hartan balkoi solidarioen inguruan berba egin ziguten eta gure kasuaren berri izatean Javi Conde gurekin harremanetan jarri zen berehala eta Udalarekin egin beharreko tramiteak erraztu zizkigun”.

Javi Condek askotan egin du lan Etxebarriko Udalarekin: “Horrelako kasuak agertzen direnean jarrera ezinhobea agertu du Etxebarrik”. Condek 25 urte inguruko harremana dauka herriko Udalarekin, Etxebarriko Milaren antolakuntzatik, hain zuzen ere: “Garai hartan ni Basaurin bizi nintzen eta Etxebarrira etxez aldatu nintzen. Ahal izan dudanean udalerriaren ongizatearekiko era honetako kirol eta kultur ekimenak bultzatu ditut”.  2010etik herria laguntzen eman dute euren denbora: “Urte hartatik gaur egun arte 200.000 euro baino gehiago eman dizkiegu irabazi asmorik gabeko 150 elkarteri gehien gustatzen zaigun hori egiten: korrika”.

Agur diru-laguntzei

2023ko otsailaren 26an 6 urte beteko ditu Julenek eta Bizkaiko Foru Aldundiko diru-laguntzak jasotzeari utziko diote. “Juleneri ez dizkiote laguntza goiztiarreko saio gehiago finantzatuko datorren urteko martxotik aurrera”, iragarri du amak. Momentu honetan espektro autistako nahasmenduak (TEA, gazteleraz) gaitza duten umeen familiekin harremanetan daude Juleneren gurasoak: “Eurei ere diru-laguntzak kentzen dizkiete adin kontuagatik, umeen beharrizanak kontuan izan barik. Beraz, sinadura bilketa egiten ari gara kasuak banan-banan aztertu eta emaitzen arabera laguntza horiek eman ahal diren ikusteko”.

Estatu mailan Juleneren antzeko 3.000 kasu daude eta emakumezkoei baino ez die eraso egiten gaixotasunak.

☉ Etxebarri

Lasaitasuna mantentzeko deia luzatu du Etxebarriko alkateak, “sexu erasoaren ikerketari aurre hartu gabe”

|

Iker Lopez Etxebarriko alkatea (bigarrena ezkerretik) ekainaren 9an sexu erasoa salatzeko elkarretaratzean // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

San Antonioko jaietan gertatutako sexu erasoa ikertzeko herritarren laguntza eskatu du Ertzaintzak

|

Ekainaren 9an sexu erasoa salatzeko elkarretaratzea egin zuten ehunka herritarrek Zintururin // Geuria

Sexu erasoa salatu zuen emakume batek pasa den astean San Antonioko jaietan. Ertzaintza gertatutakoa ikertzen ari da, baina momentuz ez dute inor inputatu.

Ikerketak aurrera jarraitzen duen honetan, Ertzaintzak herritarren laguntza eskatu du: “Ekainaren 8an goizeko 00:00etatik 07:00ak bitartean Eskubaloia eta Areto Futboleko txosnen aurrean dauden komun publikoak erabili zituen edozein pertsonak Ertzaintzarekin kolaboratu dezake, elkarrizketatua izateko bere datuak emanez”.

Ikerketan lagundu dezaketen herritarrek 946 075 360 telefono zenbakira deitzea eskatu dute Ertzaintzatik.

Bitartean, ikerketa horren barruan deklarazioa hartzen ari da Ertzaintza ostiral arratsaldean eta larunbat goizaldean biktimarekin ikusi zituzten pertsonei.

Mehatxu mezuak

Iker Lopez Etxebarriko alkateak komunikatu bat zabaldu du: “Ertzaintzak bere kezka helarazten dit, deklarazioa hartu duten pertsonen familia-inguruan mehatxu mezuak jaso dituztelako”.

“Hau lasaitasunerako deia da, ez dio batere laguntzen egun hauetan bizitzen ari garen egoera latzari, inor epaile bihurtzen saiatzea, ondorioak ateratzea, eta salatutako gertakarien aurreko orduetan biktimarekin ikusi izanagatik deklaratzera deituak izan diren pertsonen familiei ere eragiten dieten ekintzak edo mehatxuak zabaltzea. Uste dut garrantzitsua dela ikerketari bere bidea egiten uztea, eta Ertzaintzak atera ditzala atera beharreko ondorioak, egun hauetan jasotzen ari diren testigantzetan eta frogetan oinarrituta”, adierazi du Lopezek.

Ildo horretan, biktimari “erabateko elkartasuna” adierazi dio Lopezek, eta herritarrei mezu bat helarazi die Etxebarriko alkateak: “Lasaitasuna mantentzeko gai izan gaitezen eskatu nahi dizuet, ez diezaiogun ikerketari aurrea hartu eta ez ditzagun gizarte eta herri mailan inori laguntzen ez dioten akatsak egin”.

Osorik irakurri

☉ Etxebarri

Etxebarriko Institutuak eTwinning 2024 saria jaso du, hizkuntza-gaitasunak garatzeko proiektuarekin

|

Etxebarri Institutuko Batzilergoko 1. eta 2. mailako Biologia eta Geologiako ikasleek hartu dute parte proiektuan // Etxebarri Bizi

Etxebarriko Institutuko batxilergoko 1. eta 2. mailako Biologia eta Geologiako ikasleek Erasmus+ programako eTwinning 2024 saria jaso dute, 2022-2023 ikasturtean garatutako ‘Mikro & Nano’ proiektuarekin.

Proiektua jatorrizko hizkuntzan zein atzerriko hizkuntzan hizkuntza-gaitasunak garatzea datza, hainbat ikaskuntza-eremu erabiliz.

“Proiektuari esker, ikasleek jatorrizko hizkuntzan eta atzerriko hizkuntzan hizkuntza-gaitasuna garatu ahal izan zuten, bai eta gaitasun digitala ere, hainbat tresna digital, sozial eta hiritar erabiliz, ekimenaren zentzua eta espiritu ekintzailea, kontzientzia eta adierazpen kulturalak, gaitasun zientifikoa, pentsamendu kritikoa eta ikasten ikastea”, diote Institutuko eTwinning proiektuko arduradunek.

Etxebarriko ikasleekin batera proiektu honetan lanean izan dira Espainiako, Tunisiako, Bulgariako, Italiako eta Portugalgo ikasleak. “Guztira 200 ikaslek elkarrekin eta modu telematikoan lan egin dute, ikuspegi humanistiko, zientifiko eta sozial batetik ikaskuntza-eremu desberdinetako mikro eta nanoari buruz”, diote.

Saria Espainiako Hezkuntza Ministerioko Hezkuntza Teknologien eta Irakasleen Prestakuntzaren Institutuak (INTEF) ematen du. Amaya Alonso Cabria Etxebarriko Institutuko irakaslea eta eTwinning proiektuko arduradunak Bruselako Europako Parlamentua bisitatuko du eta sari banaketan parte hartuko du.

Etxebarriko Institutuaz gain, eTwinning saria jaso dute Gasteizko Armentia Ikastolak, Iruñeko Julio Caro Baroja Institutuak eta Sevillako Velazquez, Pino Montano eta Antonio Machado institutuek.

Osorik irakurri

☉ Etxebarri

Argazkiak / San Antonioko jaietan jazotako sexu erasoaren aurrean erantzun du herriak

|

Ekainaren 8ko goizean, San Antonioko jaien lehen gaua eta gero, emakume batek sexu erasoa jasan zuela salatu zuen.

Gaur 17:00etan elkarretaratzea deitu dute Jai Batzordeak eta Etxebarriko Udalak Zintururi plazan. Ehunka herritar batu dira, ‘Erasorik ez, erantzunik gabe’ lemapean.

Arratsaldeko hau bigarren kontzentrazioa izan da; lehena atzo gauerdian egin zuen Jai Batzordeak eta larunbat gaueko ekitaldi guztiak bertan behera utzi zituzten.

Osorik irakurri

☉ Etxebarri

San Antonioko jaietan jazotako sexu erasoa gaitzetsi dute Etxebarriko Udalak eta Jai Batzordeak

Komunikatua atera dute gaur goizean Etxebarriko Udalak eta San Antonioko Jai Batzordeak: bigarren elkarretaratze bat deitu dute gaur 17:00etan

|

Sexu erasoa salatu du emakume batek San Antonioko jaietan, Etxebarrin. Gertaerak larunbat goizean jazo ziren, eta bart 00:30ean elkarretaratzea egin zuen Jai Batzordeak. Gainera, larunbat gaueko ekitaldi guztiak bertan behera utzi zituzten.

Gaur goizean komunikatua publikatu dute Etxebarriko Udalak eta Jai Batzordeak: “San Antonioko Jai Batzordetik, txosnetatik eta Udaletik erabateko gaitzespena adierazi nahi dugu, eta biktimari gure elkartasun osoa helarazi nahi diogu”.

Ildo horretan, bigarren elkarretaratze bat deitu dute gaurko (ekainak 9) 17:00etan Zintururi plazan: “Gure jaiak elkartzeko eta ondo pasatzeko guneak dira, eta askatasuna eta bizikidetza errespetatuz gozatu nahi duten pertsona guztiak daude gonbidatuta. Ez dira ongi etorriak izango mezu hori ulertzen ez duten eta bestelako helburuak dituzten pertsonak”, diote.

Etxebarriko Udalak eraso matxisten aurkako protokoloa aktibatu zuen atzo, aurkeztutako salaketaren ondorioz: “Atzo goizean, Jai Batzordeko aginteei eta txosnako arduradunei eman zitzaien erasoen berri”, diote.

Ertzaintza eta Etxebarriko Udaltzaingoa gertatutakoa ikertzen ari dira.

Osorik irakurri